• North Korea launches missile despite US tensions

    Breaking News: Defiant Pyongyang fires suspected ICBM despite US warnings, but projectile reportedly blows up on take off in failure.

  • This is default featured slide 2 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 3 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 4 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 5 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Showing posts with label အထူးသတင်း. Show all posts
Showing posts with label အထူးသတင်း. Show all posts

30 November, 2017

ရိုဟင်ဂျာအရေး ထည့်မပြောခဲ့မှုအပေါ် Vatican ရှင်းလင်း

    ကိုဇော်ဝင်းလှိုင်
ပုပ်ရဟန်းမင်းကြီး Francis က မြန်မာပြည်တွင်းက ဘာသာစုံခေါင်းဆောင်တွေနဲ့ တွေ့ဆုံစဉ်။ (နိုဝင်ဘာ ၂၈၊ ၂၀၁၇)
မြန်မာနိုင်ငံကို ၄ ရက်ကြာ ဒေသစာရီ ကြွချီလာတဲ့ ပုပ်ရဟန်းမင်းကြီး Francis အနေနဲ့ ရိုဟင်ဂျာ မွတ်ဆလင် ပဋိပက္ခကို ထည့်သွင်း ပြောကြားခဲ့ခြင်းမရှိတဲ့အတွက် ကျင့်ဝတ် သိက္ခာ တရား ယုတ်လျော့သွားစရာမရှိဘူးလို့ ဗုဒ္ဓဟူးနေ့က ရန်ကုန်မြို့မှာ ပြုလုပ်တဲ့ သတင်းစာရှင်းလင်းပွဲအတွင်း ဗာတီကန်နန်းတော် ပြောခွင့်ရ Greg Burke က ပြောကြား လိုက်ပါတယ်။ မြန်မာနိုင်ငံမှာ ရှိနေစဉ်အတွင်း ပုပ်ရဟန်းမင်းကြီးအနေနဲ့ ရိုဟင်ဂျာဆိုတဲ့ ဝေါဟာရကို ခေါ်ဆိုသုံးစွဲခဲ့ခြင်းမရှိတဲ့အပေါ် ဝေဖန်မှုတွေထွက်နေတာနဲ့ ပတ်သက်လို့ သူက အဲဒီလို တုံ့ပြန် ပြောဆိုလိုက်တာပါ။ အပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။
လူ့ဂုဏ်သိက္ခာနဲ့ အခွင့်အရေး၊ တိုင်းရင်းသားလူမျိုးစုတိုင်းရဲ့ ထုံးစံဓလေ့တွေအပေါ် လေးစားမှုကိုအခြေခံတဲ့ ငြိမ်းချမ်းရေးဟာ မြန်မာနိုင်ငံရဲ့ အနာဂါတ်ဖြစ်တယ်၊ ကာလ ရှည်ကြာဖြစ်နေတဲ့ ပြည်တွင်းပဋိပက္ခတွေနဲ့ ရန်လို မုန်းတီးမှုတွေကြောင့် ကြီးမားတဲ့ ဝေဒနာတွေကို ခံစားခဲ့ကြရတယ်၊ လက်ရှိမှာ ငြိမ်းချမ်းရေးရအောင် ကြိုးပမ်း နေတဲ့ မြန်မာနိုင်ငံမှာ ပဋိပက္ခတွေကြောင့် ဖြစ်လာတဲ့ဒဏ်ရာတွေကို ကျေအေးခြင်းနဲ့ကုသဖို့ဟာ အရေး အကြီး ဆုံး နိုင်ငံရေးနဲ့ ဘာသာရေးလုပ်ငန်းစဉ်ဖြစ်တယ် စတဲ့ ငြိမ်းချမ်းရေးနဲ့ ဆိုင်တဲ့ ကိစ္စရပ်တွေကို ပုပ်ရဟန်းမင်းကြီး Francis က နေပြည်တော်မှာ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ နိုဝင်ဘာ ၂၈ ရက်နေ့က တွေ့ဆုံပြီး မိန့်ခွန်း ပြောကြားရာမှာရော၊ မနေ့က ရန်ကုန် ကျိုက္ကဆံကွင်းမှာကျင်းပတဲ့ လူထုဝတ်ပြု ဆုတောင်းပွဲ အတွင်းမှာရော ထည့်သွင်းပြောကြားခဲ့ပေမယ့် ရခိုင်ပြည်နယ်မြောက်ပိုင်းမှာ ဖြစ်ပေါ်နေတဲ့ ရိုဟင်ဂျာပဋိပက္ခ အကြောင်းနဲ့ ရိုဟင်ဂျာဆိုတဲ့ဝေါဟာရကို ထည့်သွင်း ပြောဆိုခဲ့ခြင်း မရှိတာကြောင့် ကျင့်ဝတ်သိက္ခာတရား ယုတ်လျော့သွားပြီဆိုတဲ့ ဝေဖန်မှုတွေ ထွက်ပေါ်နေတာပါ။
Pope Francis ရန်ကုန်မြို့ St. Mary's Cathedral မှာ ကက်သလစ်ဘာသာဝင်ဘုန်းတော်ကြီးများနှင့် တွေ့ဆုံစဉ်။
Pope Francis ရန်ကုန်မြို့ St. Mary's Cathedral မှာ ကက်သလစ်ဘာသာဝင်ဘုန်းတော်ကြီးများနှင့် တွေ့ဆုံစဉ်။
အဲဒီလို ဝေဖန်မှုတွေ ထွက်ပေါ်နေတာနဲ့ ပတ်သက်လို့ ဗာတီကန်နန်းတော် ပြောခွင့်ရ Greg Burke က ရန်ကုန်မြို့မှာ နိုဝင်ဘာလ ၂၉ ရက်နေ့က ပြုလုပ်တဲ့ သတင်းစာ ရှင်းလင်းပွဲအတွင်း အခုလို တုံ့ပြန် ပြောဆို လိုက်ပါတယ်။
“ရိုဟင်ဂျာ အရေးကိစ္စကို ထည့်သွင်း ပြောဆိုခဲ့ခြင်း မရှိတဲ့အတွက် ပုပ်ရဟန်းမင်းကြီး အနေနဲ့ ကျင့်ဝတ်သိက္ခာ တရား ယုတ်လျော့သွားတယ်လို့ ကျနော် မထင်ပါဘူး။ လူတွေက မဖြစ်နိုင်တဲ့ကိစ္စတွေကို ဖြေရှင်းပေးနိုင်ဖို့ မမျှော်လင့်ကြပါဘူး။ ပုပ်ရဟန်းမင်းကြီးရဲ့ ကျင့် ဝတ် သိက္ခာဟာ လက်ရှိအတိုင်း ဆက်လက် တည်ရှိနေမှာပါ။ သူ့အနေနဲ့ လုပ်စရာ ရှိတာတွေကို ဆက်လုပ်သွားမှာပါ။ ခင်ဗျားတို့အနနဲ့ သူပြောခဲ့တာတွေ၊ မပြောခဲ့ တာတွေ အပေါ် ဝေဖန်လို့ရပါတယ်၊ ဒါပေမယ့် ဒီကိစ္စနဲ့ပတ်သက်ပြီး ပုပ်ရဟန်းမင်းကြီးအနေနဲ့ ကျင့်ဝတ်သိက္ခာတရား ယုတ်လျော့သွားမှာ မဟုတ်ပါဘူး။”
ဗာတီကန် သတင်းစာရှင်းလင်းပွဲ
ဗာတီကန် သတင်းစာရှင်းလင်းပွဲ
မြန်မာနိုင်ငံကို ရောက်နေတဲ့ ၄ ရက်ကြာ ခရီးစဉ်အတွင်း ပုပ်ရဟန်းမင်းကြီးအနေနဲ့ ရခိုင်ပြည်နယ်မြောက်ပိုင်းမှာ ဖြစ်ပေါ်နေတဲ့ ရိုဟင်ဂျာ ပဋိက္ခကို ဘယ်လောက်အထိ လူသိရှင်ကြား ပြောကြားမလဲဆိုတဲ့အပေါ် နိုင်ငံတကာ အသိုင်းအဝိုင်းက အလေးပေး စောင့်ကြည့်နေကြတာပါ။
သြဂုတ်လ ၂၅ ရက်နေ့က မောင်တော ဒေသမှာရှိတဲ့ လုံခြုံရေးစခန်း ၃၀ ကျော်ကို အကြမ်းဖက်သမားတွေက ဝင်ရောက် တိုက်ခိုက်ခဲ့ပြီးတဲ့နောက်ပိုင်း မြန်မာ့လုံခြုံရေး တပ်ဖွဲ့တွေက နယ်မြေရှင်းလင်းရေး လုပ်ဆောင်ခဲ့ပြီးတဲ့ နောက် အိမ်နီးချင်း ဘင်္ဂလားဒေ့ရှ် ဘက်ကို သူတို့အခေါ် ရိုဟင်ဂျာဒုက္ခသည် ၆ သိန်းကျော် ထွက်ပြေးသွားခဲ့ကြတဲ့ အကြောင်း ကုလသမဂ္ဂက သတင်းထုတ်ပြန်ထားတာပါ။
ဆီးရီးယားပြည်တွင်းစစ်ကြောင့် ဂရိနိုင်ငံ၊ Lesbos ကျွန်းကို ထွက်ပြေးလာကြတဲ့ ဒုက္ခသည်တွေကို ပြီးခဲ့တဲ့ ဧပြီလလယ်တုန်းက ပုပ်ရဟန်းမင်းကြီး သွားရောက်တွေ့ဆုံ ခဲ့ပေမယ့် မြန်မာနိုင်ငံခရီးစဉ်အတွင်း ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ်မြောက် ပိုင်းကို ဘာကြောင့် မသွားခဲ့သလဲလို့ သတင်းထောက်တွေက မေးတဲ့အခါ မှာတော့ ဗာတီကန်နန်းတော် ပြောခွင့်ရ Greg Burke က အခုလို ပြန်လည် ဖြေကြားခဲ့ပါတယ်။
“ဒီခရီးစဉ်ဟာ Lesbos ကို သွားခဲ့တဲ့ ခရီးစဉ်နဲ့ မတူပါဘူး။ Lesbos ကို သွားတာက ဒုက္ခသည်တွေကို သွားတွေ့တဲ့ ခရီးစဉ် ဖြစ်ပါတယ်။ ဒီခရီးစဉ်ကတော့ ကျနော်တို့နဲ့ သံတမန် ဆက်သွယ်မှုရှိတဲ့ မြန်မာနိုင်ငံကို လာရောက် လည်ပတ်တဲ့ ခရီးစဉ် ဖြစ်ပါတယ်။ ပြီးတော့ ဒီခရီးစဉ်အတွက် ပြင်ဆင်နေဆဲ ကာလမှာပဲ ဒုက္ခသည်အရေးက ပိုမို ကြီးထွားလာခဲ့တာပါ။ ဟုတ်တယ်မဟုတ်လား?
ဒါဟာ ဒုက္ခသည်ခရီးစဉ်လို့ စီစဉ်ပြီး ထွက်လာတာ မဟုတ်ဘူးလို့ ကျနော် ဆိုလိုချင်တာ ဖြစ်ပါတယ်။ ဒုက္ခသည် တွေ အရေးဟာ ပုပ်ရဟန်းမင်းကြီး အဓိကထား ဆောင်ရွက်နေတဲ့ အကြောင်းရပ်တခု ဖြစ်ပါတယ်။ ပုပ်ရဟန်းမင်း ကြီးဟာ ဒုက္ခသည်တွေအကြောင်း၊ ရွှေ့ပြောင်း နေထိုင်သူတွေအကြောင်းကို နေ့စဉ်နဲ့အမျှ ပြောဆို နေတာပါ၊ ဒါပေမယ့် ဒီခရီးစဉ်ကတော့ ဒုက္ခသည်တွေကို သွားတွေ့ဖို့ ရည်ရွယ်ပြီး ပြင်ဆင်လာတဲ့ ခရီးစဉ် မဟုတ်ပါဘူး။”
ပုပ်ရဟန်းမင်းကြီး ရန်ကုန်မြို့ကို ဆိုက်ရောက်တဲ့ နိုဝင်ဘာလ ၂၇ ရက်နေ့မှာပဲ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ကြိုတင် စီစဉ်ထားခြင်းမရှိဘဲ ခရီးရောက်မဆိုက် ပုပ်ရဟန်းမင်းကြီး ကို ရုတ်တရက် သွားရောက် တွေ့ဆုံခဲ့တဲ့အပေါ် သူတို့အနေနဲ့ အံ့အားသင့်ခဲ့ရကြောင်း၊ အဲဒီလို တွေ့ဆုံခွင့်ရဖို့ အတွက် တပ်မတော်ဘက်က တောင်းဆိုလာခြင်းဖြစ်ကြောင်း ခရီးစဉ် ဖြစ်မြောက်ရေး စီစဉ်သူ မြန်မာနိုင်ငံ ကက်သလစ် ဘာသာဝင်အသင်းက တာဝန်ရှိသူတဦးက မနေ့က ပြုလုပ်တဲ့ သတင်းစာ ရှင်းလင်းပွဲအတွင်း ပြောကြားခဲ့ပါတယ်။
ထုံးစံအရကတော့ ပုပ်ရဟန်းမင်းကြီးအနေနဲ့ တခြား အထင်ကရပုဂ္ဂိုလ်တွေနဲ့ မတွေ့ဆုံခင် ရောက်နေတဲ့ တိုင်းပြည်က နိုင်ငံတော် အကြီးအကဲကို အရင်ဆုံး တွေ့ဆုံလေ့ရှိတယ်လို့ ဆိုပါတယ်။
တပ်ချုပ်အနေနဲ့ နိုင်ငံရေး ရည်မှန်းချက်ရှိတယ်လို့ အမြင်ရှိသူတွေအကြား သူ အဲဒီလို ရုတ်တရက် သွားတွေ့ လိုက်တဲ့အပေါ် မေးခွန်းထုတ်စရာ ဖြစ်ခဲ့ပါတယ်။
မနေ့ ဗုဒ္ဓဟူးနေ့မှာပဲ ပုပ်ရဟန်းမင်းကြီးဟာ ရန်ကုန် ကျိုက္ကဆံကွင်းမှာ အများပြည်သူ အတွက် ဝတ်ပြု ဆုတောင်းပွဲ ကျင်းပခဲ့တာမှာ အကြမ်းဖက်မှုတွေကြောင့် စိတ်ပိုင်းဆိုင်ရာ၊ ရုပ်ပိုင်းဒဏ်ရာတွေ ခံစားနေကြရသူ အများအပြားရှိတဲ့ မြန်မာနိုင်ငံမှာ ခွင့်လွှတ်သည်းခံ ခြင်းနဲ့သာ ဒဏ်ရာတွေ ပျောက်ကင်းအောင် လုပ်နိုင်လိမ့်မယ် လို့ ပြောကြားခဲ့ပါတယ်။
ပုပ်ရဟန်းမင်းကြီးရဲ့ မစ္ဆားတရားကို ကြားနာနိုင်ငံကြဖို့အတွက် မြန်မာနိုင်ငံဒေသစုံက ကက်သလစ် ဘာသာဝင် တွေ အပါအ၀င် ဝတ်ပြုပွဲကို လာကြတဲ့ ပြည်တွင်း ပြည်ပက ဘာသာစုံ ပရိတ်သတ်ပေါင်း ၁ သိန်းခွဲလောက် တက်ရောက်ခဲ့တယ်လို့ ခန့်မှန်းကြ ပါတယ်။ ခက်ခက်ခဲခဲလာကြသူတွေရှိတယ်ဆိုတာကို သူ့အနေနဲ့သိရှိ ကြောင်း လည်း ပုပ်ရဟန်းမင်းကြီးက ဝတ်ပြုဆုတောင်းပွဲအစမှာ ပြောကြားခဲ့ပါတယ်။
အဲဒီနောက်မှာတော့ ပုပ်ရဟန်းမင်းကြီးဟာ နိုင်ငံတော် သံဃာ့မဟာနာယက ဆရာတော်ကြီးတွေနဲ့ တွေ့ဆုံခဲ့ပြီး ဘာသာရေးကို အခြေခံတဲ့ အကြမ်းဖက်မှုတွေကို ဟန့်တားပြီး၊ ဘာသာရေးမှာ မေတ္တာတရားနဲ့ ငြိမ်းချမ်းရေးကို အခြေခံသွားကြဖို့ နှစ်ဖက် ဘာသာရေး ခေါင်းဆောင်တွေက မိန့်ကြား ခဲ့ကြပါတယ်။
ဒီကနေ့ နိုဝင်ဘာ ၃၀ ရက်နေ့ မနက် ၁၀ နာရီ ၁၅ မိနစ်မှာ ပုပ်ရဟန်းမင်းကြီးဟာ ရန်ကုန်မြို့ St. Mary Cathedral မှာ လူငယ်တွေနဲ့ ဝတ်ပြု ဆုတောင်းပွဲ ကျင်းပပြီး နေ့လည် ၁ နာရီ ၅ မိနစ်မှာ မြန်မာနိုင်ငံကနေ ဘင်္ဂလားဒေ့ရ်ှနိုင်ငံကို ထွက်ခွာမှာ ဖြစ်ပါတယ်။
Share:

15 November, 2017

ရခိုင်အရေးလွတ်လွတ်လပ်လပ် စုံစမ်းဖို့ တေလာဆန် တောင်းဆို

 နေပြည်တော်မှာ ရက်ဇ်တေလာဆင်နဲ့ ဒေါ်အောင်ဆန်းစုကြည်တွေ့

ရခိုင်မြောက်ပိုင်း ပဋိပက္ခတွေနဲ့ ပတ်သက်ပြီး လွတ်လပ်တဲ့ စုံစမ်းစစ်ဆေးမှုတွေ လုပ်ဖို့ အမေရိကန် နိုင်ငံခြားရေးဝန်ကြီး ရက်ဇ်တေလာဆင်က တောင်းဆိုလိုက်ပါတယ်။
ရခိုင် ပြည်နယ်က ထွက်ပြေး နေတဲ့ သိန်းနဲ့ချီ တဲ့ ဒုက္ခသည်တွေ အရေး ဆွေးနွေးဖို့ မြန်မာနိုင်ငံကို ရောက်ရှိနေတဲ့ အမေရိကန် နိုင်ငံခြားရေးဝန်ကြီး ရက်ဇ်တေလာဆင်ဟာ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်တို့နဲ့ နိုဝင်ဘာ ၁၅ ရက်နေ့ မှာ သီးခြားစီ တွေ့ဆုံခဲ့ပြီး အခုလို တောင်းဆို လိုက်တာ ဖြစ်ပါတယ်။
အဲဒီနောက် ဒေါ်အောင်ဆန်းစုကြည်နဲ့ အတူ ပူးတွဲ ပြုလုပ်တဲ့ နေပြည်တော်က သတင်းစာ ရှင်းလင်းပွဲမှာ မြန်မာပြည် ဒီမိုကရေစီ အသွင်ကူပြောင်းမှု အပေါ် အမေရိကန်ရဲ့ ထောက်ခံမှုကို ထပ်လောင်းပြသနိုင်ဖို့ အခု သူ့ရဲ့ နေပြည်တော်ခရီးစဉ်က ရည်ရွယ်တယ်လို့ ဝန်ကြီး တေလာဆင်က ဆိုခဲ့ပါတယ်။
ဒေါ်အောင်ဆန်းစုကြည်ကတော့ မြန်မာအစိုးရအနေနဲ့ စိုးရိမ်နေကြတဲ့ အရေးကိစ္စတွေမှာ အမေရိကန် အပါအဝင် နိုင်ငံတကာ အသိုင်းအဝန်းနဲ့ အတူ ပူးပေါင်း ဆောင်ရွက်သွားမယ်လို့ သတင်းစာရှင်းလင်းပွဲမှာ ပြောပါတယ်။
တိုင်းပြည် ငြိမ်းချမ်းရေး၊ တည်ငြိမ်ရေး အတွက် တရားဥပဒေစိုးမိုးရေး နည်းလမ်းနဲ့သာ အဖြေရှာနိုင်တယ်လို့လည်း နိုင်ငံတော် အတိုင်ပင်ခံက ပြောပါတယ်။
ရခိုင်အရေး မှာ နှုတ်ဆိတ် နေတာ မဟုတ်ဘဲ တိကျမှန်ကန်တဲ့ သတင်းတွေ ကို ပြောပြဖို့ ကြိုးစားနေတာသာ ဖြစ်တယ်လို့လည်း သူက ဆိုခဲ့ပါတယ်။
တိုင်းပြည်မှာ အရေးတကြီး လိုအပ်နေတဲ့ ပြုပြင်ပြောင်းလဲမှုတွေ ဆက်လက် လုပ်ဆောင်နိုင်ဖို့နဲ့ ငြိမ်းချမ်းရေး၊ အမျိုးသား ပြန်လည် သင့်မြတ်ရေး၊ တိုင်းပြည် ဖွံ့ဖြိုးတိုးတက်စေရေးနဲ့ လူ့အခွင့်အရေးကို အလေးထား လေးစား လိုက်နာကျင့်သုံးနိုင်စေဖို့ ပြည်သူလူထုက ရွေးချယ်တင်မြှောက်ထားတဲ့ လက်ရှိ အစိုးရကို အမေရိကန် အနေနဲ့ ဆက်လက် ထောက်ခံမှု ပေးသွားမယ်လို့လည်း သတင်းစာရှင်းလင်းပွဲမှာ အမေရိကန် နိုင်ငံခြားရေးဝန်ကြီးက ပြောခဲ့ပါတယ်။
အမျိုးသားဒီမိုကရေစီ အဖွဲ့ချုပ် ဦးဆောင်တဲ့ အစိုးရ မနှစ်က စတင် အာဏာရယူပြီးနောက်ပိုင်းမှာ ရခိုင်ပြည်မြောက်ပိုင်း အရေးက အကြီးအကျယ်ဆုံး စိန်ခေါ်မှု ဖြစ်ခဲ့တယ်လို့လည်း သူက ပြောပါတယ်။
မကြာမီက ဖြစ်ပွားခဲ့တဲ့ ရခိုင်ပြည်နယ်က အကြမ်းဖက်မှုတွေမှာ မြန်မာလုံခြုံရေး တပ်ဖွဲ့တွေက ရက်ရက်စက်စက် ပြုမူခဲ့တယ် ဆိုပြီး ကျယ်ကျယ်ပြန့်ပြန့် ထွက်ပေါ်နေတဲ့ ခိုင်လုံတဲ့ အစီရင်ခံစာတွေနဲ့ ပတ်သက်ပြီးလည်း အမေရိကန် အစိုးရအနေနဲ့ အလွန်အမင်း စိုးရိမ်ကြောင်း ပြောပါတယ်။
Share:

05 October, 2017

ရခိုင်ဒေသအဖြစ်အပျက်များ စုံစမ်းအရေးယူဖို့ ကုလအရာရှိများ တောင်းဆို

   မခင်ဖြူထွေး
ရခိုင်ပြည်နယ်မြောက်ပိုင်းမှာ အကြမ်းဖက်မှုတွေ ချက်ချင်း ရပ်ဆိုင်းပြီး ဒီအကြမ်းဖက်မှုတွေအတွင်း အမျိုးသမီးနဲ့ ကလေးငယ်တွေ သတ်ဖြတ်ခံရ၊ လိင်ပိုင်းဆိုင်ရာ မတရားပြုကျင့်ခံရတဲ့ အခြေအနေတွေကို စုံစမ်းဖော်ထုတ်ပြီး အပြစ်ရှိသူတွေကို အရေးယူပေးဖို့ ကုလသမဂ္ဂ CEDAW ကော်မတီနဲ့ CRC ကော်မတီတွေက မြန်မာအစိုးရကို တိုက်တွန်းလိုက်ပါတယ်။ ရခိုင်ပြည်နယ်တွင်း အကြမ်းဖက်မှုတွေဟာ လူသားထုအပေါ် ကျူးလွန်တဲ့ ရာဇ၀တ်မှုအထိ မြောက်နိုင်တယ်လို့လည်း ဆိုပြီးတော့ CEDAW နဲ့ CRC ကော်မတီတွေအနေနဲ့ အထူး စိုးရိမ်တဲ့အကြောင်း ပြောပါတယ်။ မခင်ဖြူထွေးက အပြည့်စုံ ပြောပြပေးပါမယ်။
ရခိုင်ပြည်နယ်တွင်း ရိုဟင်ဂျာမူစလင်တွေ ကြုံနေရတဲ့ အကြမ်းဖက်မှုတွေဟာ လူသားထုအပေါ် ကျူးလွန်တဲ့ ရာဇ၀တ်မှုအထိ မြောက်နိုင်တယ်လို့ ဆိုပြီးတော့ အကြမ်းဖက်မှုတွေ ချက်ချင်းရပ်တန့်ဖို့နဲ့ ပြစ်မှု ကျူးလွန်သူတွေကို စုံစမ်းဖော်ထုတ် အရေးယူပေးဖို့ အမျိုးသမီးများအပေါ် ခွဲခြားဆက်ဆံမှု အဆုံးသတ်ရေး ကုလသမဂ္ဂ CEDAW ကော်မတီ နဲ့ ကလေးငယ် အခွင့်အရေးဆိုင်ရာ ကော်မတီ CRC တို့က မြန်မာအစိုးရကို တိုက်တွန်းလိုက်တာ ဖြစ်ပါတယ်။ ရခိုင်ပြည်နယ်မြောက်ပိုင်းမှာ ဖြစ်ပွားခဲ့တဲ့ အကြမ်းဖက် ပဋိပက္ခတွေအတွင်း ရိုဟင်ဂျာ အမျိုးသမီးနဲ့ ကလေးငယ်တွေ သတ်ဖြတ်ခံရတာ၊ လိင်ပိုင်းဆိုင်ရာ မတရားပြုကျင့်ခံရတာ၊ အိုးအိမ်စွန့်ခွာ ထွက်ပြေးနေကြရတာ စတဲ့ အခြေအနေတွေနဲ့ ပတ်သက်လို့ အထူးစိုးရိမ်တဲ့အကြောင်း ဒီကနေ့ ပူးတွဲ ကြေညာချက် ထုတ်ပြန်ထားပါတယ်။ ဒီလိုပြောဆိုမှုတွေနဲ့ ပတ်သက်လို့ အချက်အလက် ခိုင်မာမှု ဘယ်လောက်ရှိသလဲ ဆိုတဲ့ အမေးကိုတော့ CEDAW ကော်မတီ ဥက္ကဋ္ဌ Dalia Leinarte က ဗွီအိုအေကို ခုလို ဖြေပါတယ်။
“ကျမတို့ ဒီကနေ့ ပြောနေတာက လူ ငါးသိန်းကျော် ဒုက္ခသည်တွေ အိုးအိမ်စွန့်ခွာ ထွက်ပြေးနေရတဲ့ကိစ္စပါ။ အမျိုးသမီးနဲ့ ကလေးငယ်တွေ ထွက်ပြေးနေတဲ့ပုံတွေ၊ ရေနစ်နေတဲ့ပုံတွေ မှတ်တမ်းရုပ်သံတွေကို ကျမတို့ နေ့စဉ် တွေ့နေရတာပါ။ ဒါတွေ တကယ်တမ်း ဖြစ်နေတာ မဟုတ်ပါဘူးလို့ ပြောချင်တယ်ဆိုရင်တော့ ကျမတို့ရဲ့ ကြေညာချက်ထဲမှာ တိုက်တွန်းထားသလိုပဲ ကုလသမဂ္ဂ လူ့အခွင့်အရေး ကောင်စီကနေ မကြာခင်တုန်းက ဖွဲ့စည်းပေးခဲ့တဲ့ အချက်အလက် ရှာဖွေရေးအဖွဲ့ကို မြန်မာနိုင်ငံထဲ ၀င်ရောက်ခွင့်ပြုပြီး လေ့လာခွင့်ပေးဖို့ လိုပါတယ်။ ဒီအချက်အလက်ရှာဖွေရေးအဖွဲ့ သွားရောက် လေ့လာပြီး ထွက်လာတဲ့ရလဒ်အပေါ်မှာမှ အကောင်း အဆိုး သေချာ ပြောနိုင်လိမ့်မယ်လို့ ထင်ပါတယ်။”
မြန်မာအစိုးရကတော့ ကုလသမဂ္ဂ လူအခွင့်အရေးကောင်စီက ဖွဲ့စည်းထားတဲ့ အချက်အလက် ရှာဖွေရေးအဖွဲ့ဟာ ရခိုင်ပြည်နယ်တွင်း ပဋိပက္ခကို ဖြေရှင်းရာမှာ အထောက်အကူ မဖြစ်တဲ့အပြင် ပဋိပက္ခကို ပိုပြီး ဆိုးရွားစေနိုင်တယ်လို့ ဆိုပြီးတော့ ဒီအဖွဲ့ကို လက်မခံပါဘူး။ ဒီလို လက်မခံတဲ့အပေါ်မှာ နိုင်ငံတကာ က လည်း ဝေဖန်နေတာ ဖြစ်ပါတယ်။
ရခိုင်ပြည်နယ်တွင်း အကြမ်းဖက်မှုတွေကြောင့် အိုးအိမ်စွန့်ခွာ ထွက်ပြေးနေကြရတဲ့ အကာအကွယ်မဲ့ ရိုဟင်ဂျာ အမျိုးသမီးနဲ့ ကလေးငယ်တွေရဲ့ လိုအပ်ချက်တွေကို မြန်မာအစိုးရက ဖြေရှင်းကိုင်တွယ်ပေးရလိမ့်မယ်လို့ CEDAW နဲ့ CRC ကော်မတီတွေကလည်း ပြောနေတာပါ။ ဒီကော်မတီတွေရဲ့ အဖွဲ့ဝင်နိုင်ငံတခုဖြစ်တဲ့ မြန်မာနိုင်ငံအနေနဲ့ အမျိုးသမီးနဲ့ ကလေးငယ်တွေအပေါ် အကြမ်းဖက်မှုတွေ မရှိအောင် ကာကွယ်ပေးရမယ့် တာဝန်ရှိတယ်လို့ CEDAW ကော်မတီ ဥက္ကဋ္ဌ Dalia Leinarte က ပြောပါတယ်။“CEDAW ကော်မတီအနေနဲ့ ဇူလိုင်လထဲမှာ အမျိုးသမီးတွေအပေါ် အကြမ်းဖက်မှုတွေနဲ့ ပတ်သက်ပြီး ယေဘုယျ အကြံပြုချက် အမှတ် (၃၅) ထုတ်ပြန်ထားတာ ရှိပါတယ်။ ဒီအထဲ အရေးကြီးတဲ့အချက်တွေထဲမှာတော့ CEDAW အဖွဲ့ဝင်နိုင်ငံ အစိုးရတွေ အနေနဲ့ အခု မြန်မာနိုင်ငံမှာ ဖြစ်ပျက်နေတဲ့ အခြေအနေမျိုးတွေမှာဆိုရင်… အကြမ်းဖက်မှုတွေ မဖြစ်အောင် ကာကွယ်တာ၊ စုံစမ်းစစ်ဆေးမှုတွေ လုပ်ပြီး အပြစ်ရှိသူတွေကို အရေးယူတာမျိုး ဆောင်ရွက်ရမှာဖြစ်ပါတယ်။ ဒါကြောင့် မြန်မာအစိုးရအနေနဲ့ CEDAW ကော်မတီမှာ ပြီးခဲ့တဲ့နှစ်က ချမှတ်ခဲ့တဲ့ ဆုံးဖြတ်ချက်တွေနဲ့အညီ လိုက်ပါ ဆောင်ရွက်ဖို့၊ ပြီးတော့.. CEDAW ကော်မတီရဲ့ ယေဘုယျ အကြံပြုချက် အမှတ် (၃၅) နဲ့အညီ လိုက်ပါဆောင်ရွက်ဖို့ တိုက်တွန်းပါတယ်။”
မြန်မာအစိုးရအနေနဲ့ နိုင်ငံတကာ လူသားချင်းစာနာမှု အကူအညီပေးရေး အဖွဲ့တွေကို မြန်မာနိုင်ငံထဲ အတားအဆီးမရှိ အမြန်ဆုံး ၀င်ရောက်ခွင့်ပြုဖို့နဲ့ ဒီအဖွဲ့တွေနဲ့ ပူးပေါင်း ဆောင်ရွက်ဖို့ကိုလည်း CEDAW နဲ့ CRC ကော်မတီတွေက မြန်မာအစိုးရကို တိုက်တွန်းပါတယ်။
ဒီအတောအတွင်းမှာပဲ နိုင်ငံတကာ လူ့အခွင့်အရေးအဖွဲ့တခုဖြစ်တဲ့ Human Rights Watch အဖွဲ့က ရခိုင်ပြည်နယ် မောင်နုကျေးရွာမှာ သြဂုတ်လ ၂၇ ရက်နေ့က ရိုဟင်ဂျာ မူစလင်တချို့ ရက်ရက်စက်စက် သတ်ဖြတ်ခံခဲ့ရတဲ့အကြောင်း ဒီကနေ့ ကြေညာချက် ထုတ်ပြန်ပါတယ်။ ဒီရွာမှာ ရိုဟင်ဂျာရွာသားတွေကို မြန်မာစစ်တပ်က ရိုက်နှက်တာ၊ ဓားနဲ့ထိုးတာ၊ သေနတ်နဲ့ပစ်သတ်တာ၊ လိင်ပိုင်းဆိုင်ရာ အနိုင်ကျင့်တာ အပါအ၀င် ရက်ရက်စက်စက် သတ်ဖြတ်တာတွေ ရှိခဲ့တယ်လို့ ဆိုပြီး နံမည်တွေနဲ့ ပုံတွေနဲ့အတူ ဖော်ပြထားပါတယ်။ ဒါပေမဲ့ ဒီဖော်ပြချက်နဲ့ပတ်သက်လို့ ဗွီအိုအေ အနေနဲ့ကတော့ သီးခြား အတည်ပြုနိုင်တာ မရှိသေးပါဘူး။
Share:

21 September, 2017

ရခိုင်ပဋိပက္ခ အဆုံးသတ်ရေး အမြန်ဆုံးဆောင်ရွက်ဖို့ လုံခြုံရေးကောင်စီကို Trump တိုက်တွန်း

    အင်ကြင်းနိုင်
နိုင်ငံတကာရဲ့ ငြိမ်းချမ်းရေးကို ရိုက်ခတ်လာနေတဲ့ ရခိုင်ပြည်နယ် မြောက်ပိုင်းက ရိုဟင်ဂျာတွေ အပေါ် မြန်မာ လုံခြုံရေးတပ်တွေရဲ့ အကြမ်းဖက် ဖိနှိပ်မှုတွေ အဆုံးသတ်စေရေး ပြင်းပြင်းထန်ထန်နဲ့ အမြန်ဆုံး အရေးယူ ဆောင်ရွက်ဖို့ လုံခြုံရေးကောင်စီနဲ့ ကုလသမဂ္ဂကို အမေရိကန်သမ္မတ Donald Trump က တိုက်တွန်းကြောင်း ဒုသမ္မတ Mike Pence က မနေ့က လုံခြုံရေးကောင်စီ အစည်းအဝေးမှာ ပြောကြား ခဲ့ပါတယ်။ ဒီအတောအတွင်း လူသားချင်း စာနာမှုဆိုင်ရာ အကူအညီတွေ အတွက် အမေရိကန်က ကူညီမယ့် နောက်ထပ် ဒေါ်လာ ၃၂ သန်း ထောက်ပံပေးမယ့် အစီအစဉ်ဟာဘင်္ဂလားဒေ့ရ်ှနိုင်ငံဘက် ရောက်ရှိနေတဲ့ ရိုဟင်ဂျာဒုက္ခသည် လေးသိန်းကျော် အတွက် အဓိကဖြစ်ကြောင်း အမေရိကန် နိုင်ငံခြားရေးဌာနရဲ့လူဦးရေ၊ ဒုက္ခသည်များနဲ့ လူဝင်မှုကြီးကြပ်ရေး ဆိုင်ရာ ယာယီ လက်ထောက် နိုင်ငံခြားရေးဝန်ကြီး Simon Henshaw ကလည်း ပြောကြားခဲ့ပါတယ်။
နယူးယောက် ကုလသမဂ္ဂ ဌာနချုပ်မှာ မနေ့ ဗုဒ္ဓဟူးနေ့က လုံခြုံရေးကောင်စီမှာ အမြဲတမ်း အဖွဲ့ဝင် အင်အားကြီး ငါးနိုင်ငံ အပါအ၀င် အလှည့်ကျအဖွဲ့ဝင် နိုင်ငံပေါင်း ၁၅ နိုင်ငံကနေ ငြိမ်းချမ်းရေး ထိန်းသိမ်းနိုင်မယ့် ပြုပြင်ပြောင်းလဲနိုင်ရေး ဆွေးနွေးရာမှာ မြန်မာနိုင်ငံက ရခိုင်ပြည်နယ် မြောက်ပိုင်းအခြေအနေဟာ နိုင်ငံတကာရဲ့ ငြိမ်းချမ်းကို ခြိမ်းခြောက်ရာရောက်နေကြောင်းနဲ့ အခြေအနေအကျပ်အတည်းကို အဆုံးသတ်စေရေး ပြင်းပြင်းထန်ထန် အရေးယူဆောင်ရွက်ဖို့ လုံခြုံရေးကောင်စီကို အမေရိကန် ဒုသမ္မတ Mike Pence က အခုလိုတိုက်တွန်းခဲ့ပါတယ်။
“ ဒီအကျပ်အတည်းကို အဆုံးသတ်ဖို့ ပြင်းပြင်းထန်ထန်နဲ့ အမြန်ဆုံး အရေးယူဆောင်ရွက်ဖို့ လုံခြုံရေးကောင်စီနဲ့ ကုလသမဂ္ဂကို သမ္မတ ထရမ့် ရော ကျနော်ပါ တောင်းဆိုပါတယ်။ ပြီးတော့လည်း အကူအညီအမြောက်အများလိုအပ်နေတဲ့ ရိုဟင်ဂျာတွေကို မျှော်လင့်ချက်နဲ့ ထောက်ပံမှုတွေပေး ရမှာဖြစ်ပါတယ်။ တရားဥပဒေနဲ့အညီ အကြမ်းဖက်မှုကို အဆုံးသတ်ဖို့ မဆောင်ရွက်နိုင်ဘူးဆိုရင် အခြေအနေတွေ ပိုပြီးဆိုရွားဖို့ ရှိပါတယ်။ဒေသတခုလုံးမှာရှိတဲ့ မျိုးဆက်ပေါင်းများစွာအတွက် သံသယအမုန်းတွေနဲ့ ဆူပူမှုတွေကို မျိုးစေ့ချပေးသလိုဖြစ်နေပြီး အားလုံးရဲ့ ငြိမ်းချမ်းရေးကို ခြိမ်းခြောက်ရာ ရောက်ပါတယ်။ ”
ရခိုင်ပြည်နယ် မြောက်ပိုင်းမှာ ရိုဟင်ဂျာ မွတ်စလင်တွေအပေါ် မြန်မာလုံခြုံရေး တပ်တွေက အကြမ်းဖက် ဖိနှိပ် လုပ်ရပ်အပေါ် အမေရိကန်အနေနဲ့ တုန့်လှုပ်မိကြောင်း ဒုသမ္မတက လုံခြုံရေးကောင်စီ အစည်းအဝေးအတွင်း အခုလို ပြောသွားပါတယ်။
“မကြာသေးခင် သတင်းပတ်တွေ အတွင်း မြန်မာနိုင်ငံက ရိုဟင်ဂျာတွေ တကယ့်ကို ၀မ်းနည်းဖွယ်ကောင်းတဲ့ အဖြစ်ဆိုးနဲ့ ကြုံတွေ့ခဲ့ရတာကို ကျနော်တို့ တိုင်းပြည်က ပြည်သူတွေနဲ့တကမ္ဘာလုံးက မျက်ဝါးထင်ထင်တွေ့မြင်ခံရပါတယ်။ အစိုးရရဲ့ လုံခြုံရေးစခန်းတွေကို စစ်သွေးကြွတွေ အကြမ်းဖက် တိုက်ခိုက်ခဲ့မှုအပေါ် မြန်မာလုံခြုံရေးတပ်တွေရဲ့လက်တုန့်ပြန်မှုဟာ အလွန်ကို ရက်စက်လွန်းပါတယ်။ ရွာတွေကို မီးရှို့တာ၊ ရိုဟင်ဂျာတွေကို သူတို့ရွာတွေကနေမောင်းထုတ်တာ စတဲ့ အကြမ်းဖက်မြင်ကွင်းတွေ၊ ဒုက္ခသည် အစုလိုက် အပြုံလိုက် ထွက်ပြေးကြတာ စတာတွေဟာ အမေရိကန်ပြည်သူတွေကို တုန့်လှုပ်စေပါတယ်။ သိန်းနဲ့ချီတဲ့ ကလေးငယ်တွေအပါအ၀င် လူပေါင်း လေးသိန်းကျော် အစုလိုက်အပြုံလိုက် ထွက်ပြေးတဲ့ သမိုင်းဝင် ဖြစ်ရပ်ကို ကျနော်တို့ မြင်နေရပါတယ်။ သူတို့ဟာ မြန်မာနိုင်ငံကနေ ဘင်္ဂလားဒေ့ရ်ှဘက် ထွက်ပြေးဖို့ မောင်းထုတ်ခံရတာဖြစ်ပါတယ်။ နေ့စဉ်လည်း အများအပြားထွက်ပြေးလာနေကြပါတယ်။ ”
ဆက်လက်ပြီးတော့ ဒုသမ္မတ Mike Pence ကနေ မြန်မာလုံခြုံရေးတပ်တွေဘက်က အကြမ်းဖက်မှုတွေကို ချက်ချင်းရပ်တန့်ဖို့လည်း အခုလို တိုက်တွန်းသွားပါတယ်။
“ မနေ့ကပဲ နိုင်ငံခြားရေးဝန်ကြီး Tillerson ကနေ ရိုဟင်ဂျာဒုက္ခသည်တွေအရေးနဲ့ ပတ်သက်လို့ ဒေါ်အောင်ဆန်းစုကြည်ကို ဖုန်းဆက်ဆွေးနွေးခဲ့ပါတယ်။ လူသားချင်းစာနာ ထောက်ပံမှုတွေကို အကူအညီပေးဖို့နဲ့ လူ့အခွင့်အရေး ချိူးဖောက်မှုတွေကို ရင်ဆိုင်ဖြေရှင်းဖို့ မြန်မာအစိုးရနဲ့ စစ်တပ်ကို တိုက်တွန်းခဲ့ပါတယ်။ ဒါအပြင် နေရပ်ကိုပြန်မယ့် ဒုက္ခသည်တွေအနေနဲ့ ဘာမှ ကြောက်စရာမလိုဘူးလို့ ဒေါ်အောင်ဆန်းစုကြည်ရဲ့ ပြောကြားချက်ကို ကျနော်တို့ ကြိုဆိုပါတယ်။ အမေရိကန်ပြည်ထောင်စုအနေနဲ့ မြန်မာလုံခြုံရေးတပ်တွေကို ထပ်ပြီး တိုက်တွန်းချင်တာက အကြမ်းဖက်မှုတွေကို ချက်ချင်းရပ်ဆိုင်းဖို့နဲ့ ရေရှည်ပြေလည်ဖို့အတွက် သံတမန်ရေး ကြိုးပမ်း အားထုတ်မှုတွေကို ထောက်ခံဖို့ ဖြစ်ပါတယ်။”
ရခိုင်ပြည်နယ်မြောက်ပိုင်းမှာ လုံခြုံရေးတပ်တွေရဲ့ အကြမ်းဖက်မှုကြောင့် ဘင်္ဂလားဒေ့ရ်ှနိုင်ငံဘက်ကို ထွက်ပြေးကြရတဲ့ ရိုဟင်ဂျာ ဒုက္ခသည်တွေ အရေးပေါ် လိုအပ်နေတဲ့ လူသားချင်း စာနာမှုဆိုင်ရာ အကူအညီတွေ အတွက်နောက်ထပ် အမေရိကန်ဒေါ်လာ ၃၂ သန်းထောက်ပံပေးမယ့် အစီအစဉ် ကို အမေရိကန်နိုင်ငံခြားရေး ဌာနက မနေ့က ကြေညာခဲ့ပါတယ်။
ဒါနဲ့ ပတ်သက်လို့ အမေရိကန်ပြည်ထောင်စုနိုင်ငံခြားရေးဌာနရဲ့ လူဦးရေ၊ ဒုက္ခသည်များနဲ့ လူဝင်မှုကြီးကြပ်ရေးဆိုင်ရာ ယာယီလက်ထောက်နိုင်ငံခြားရေးဝန်ကြီး Simon Henshaw ကလည်း အစီအစဉ်အသေးစိတ်ကို သတင်းထောက်တွေကို မနေ့က ပြောပြခဲ့ပါတယ်။ ဒေါ်လာ ၃၂ သန်းထဲက ၂၈ သန်းကျော်ကို ဘင်္ဂလားဒေ့ရ်ှဘက်ရောက်နေတဲ့ ရိုဟင်ဂျာဒုက္ခသည် လေးသိန်းကျော်အတွက်ဖြစ်ပြီး ၃ သန်းကျော်ကိုတော့ မြန်မာနိုင်ငံဘက်အခြမ်းမှာရှိနေတဲ့ အိုးအိမ်မဲ့ဖြစ်နေသူတွေ အတွက် ဖြစ်တယ်လို့ Mr. Henshaw က ပြောပါတယ်။
အခုထောက်ပံမယ့် ငွေပမာဏဟာ လက်ရှိ ရခိုင်ပြည်နယ်ပဋိပက္ခအတွက် လူသားချင်းစာနာမှု အထောက်အကူအတွက် လိုအပ်နေတဲ့ ရံပုံငွေ ရဲ့ လေးပုံတပုံဖြစ်ပြီး IOM၊ UNICEF UNHCR နဲ့ အခြား NGO တွေအပြင် ဒေသခံအဖွဲ့အစည်းတွေကတဆင့် အသုံးပြုသွားမှာဖြစ်ပါတယ်။
မြန်မာနိုင်ငံက ဒုက္ခသည်တွေနဲ့ ပြည်တွင်း နေရပ်စွန့်ခွာထွက်ပြေးနေရသူတွေအတွက် အမေရိကန်က လူသားချင်းစာနာမှုထောက်ပံအကူအညီပေးရာမှာ အခုလို နောက်ထပ် ကူညီတဲ့ ရံပုံငွေ ၃၂ သန်းအပါအ၀င်၂၀၁၇ခုနှစ် ဘဏ္ဍာရေးအတွက် စုစုပေါင်း ဒေါ်လာ ၉၅ သန်းရှိသွားပြီဖြစ်ပါတယ်။
Share:

(၇၂) ကြိမ်မြောက် ကုလသမဂ္ဂအထွေထွေညီလာခံတွင် ဒုတိယသမ္မတ ဦးဟင်နရီဗန်ထီးယူ ပြောကြားသည့် အထွေထွေမူဝါဒရေးရာ မိန့်ခွန်း

post.
2 mins ·
 
 
 
 
 
 
 
 
 
 
No automatic alt text available.
 
 
 
 
 






နယူးယောက်မြို့၊ ၂၀၁၇ ခုနှစ် စက်တင်ဘာလ ၂၀ ရက်
သဘာပတိကြီးခင်ဗျား၊
အဆွေတော်အား (၇၂) ကြိမ်မြောက် ကုလသမဂ္ဂအထွေထွေ ညီလာခံကြီးရဲ့ သဘာပတိအဖြစ် ရွေးကောက်တင်မြှောက်ခံရခြင်းအတွက် မိမိအနေနဲ့ ဝမ်းမြောက် ဂုဏ်ယူပါကြောင်း ပြောကြားလိုပါတယ်။ အဆွေတော်ရဲ့ ဦးဆောင်နိုင်မှုအောက်မှာ ယခုညီလာခံကြီးဟာ အကျိုးရလဒ်ကောင်းတွေ ဖော်ဆောင်ပေးနိုင်မယ်လို့ မိမိတို့အနေနဲ့ ယုံကြည်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မိမိအနေနဲ့ ဘာသာရပ်ပိုင်းဆိုင်ရာ ကိစ္စတွေမပြောကြားမီ မက္ကဆီကိုနိုင်ငံမှာ မနေ့က အင်အား ပြင်းထန်တဲ့ ငလျင်လှုပ်ခတ်မှုကြောင့် ပြည်သူများ အသက်ဆုံးရှုံးမှုများနဲ့ ပျက်စီး ဆုံးရှုံးမှုများ ဖြစ်ပေါ်ခဲ့တဲ့အတွက် မက္ကဆီကိုနိုင်ငံပြည်သူများနဲ့ အစိုးရအား များစွာ ဝမ်းနည်းရပါကြောင်း အခွင့် ကြုံခိုက် ပြောကြားလိုပါတယ်။

အလားတူ အမေရိကန်နိုင်ငံမှာလည်း ရက်သတ္တပတ် ၂ ပတ် ကာလတိုအတွင်းမှာ ဟာရီကိန်း မုန်တိုင်းဒဏ်ကြောင့် ပြင်းထန်တဲ့ အကျိုးဆက်များ ခံစားခဲ့ရတဲ့အတွက်လည်း အမေရိကန်နိုင်ငံ ပြည်သူများနဲ့ အစိုးရအား များစွာဝမ်းနည်းရပါကြောင်းကိုလည်း ပြောကြားလိုပါတယ်။ ယခုအချိန် မှာ မာရီယာ ဟာရီကိန်းမုန်တိုင်းဒဏ်ကို ကြုံတွေ့ ခံစားနေကြရတဲ့ ပွာတိုရီကို ပြည်သူများကိုလည်း များစွာဝမ်းနည်းရပါကြောင်း ပြောကြား လိုပါတယ်။
ယခုလိုအင်အား ပြင်းထန်လှတဲ့ ဆိုက်ကလုန်းမုန်တိုင်းများ မကြာခဏ ဖြစ်ပွား နေရခြင်းဟာ ရာသီဥတုပြောင်းလဲမှု ဖြစ်ပွားနေတယ်ဆိုတာကို သက်သေပြသလျက် ရှိပါတယ်။ အခုဆိုရင် ရာသီ ဥတုပြောင်းလဲမှုဟာ မိမိတို့နေထိုင်တဲ့ကမ္ဘာကြီးကို အမှန်တကယ် အလေးအနက် ခြိမ်းခြောက်မှု ပြုလာနေပြီဖြစ်ပါတယ်။ ရာသီဥတု ပြောင်းလဲမှုရဲ့ဒဏ်ဟာ တစ်ကမ္ဘာလုံးအပေါ် ထိခိုက်မှုရှိနေပြီး သက်ရောက်မှု ပမာဏဟာလည်း မကြုံစဖူးကြီးမားလှပါတယ်။ မြန်မာနိုင်ငံဟာလည်း ရာသီဥတု ပြောင်းလဲမှုရဲ့ ဆိုးကျိုးဒဏ်တွေကို ထိခိုက်ခံစားနေရတဲ့ နိုင်ငံတစ်နိုင်ငံဖြစ်ပါတယ်။ မုန်တိုင်းများ၊ ရေကြီးမှုများ၊ မိုးခေါင်မှုများဒဏ်ကို မကြာခဏခံစားနေတဲ့ နိုင်ငံတစ်နိုင်ငံ ဖြစ်တဲ့အတွက် မြန်မာ နိုင်ငံဟာ ပါရီသဘောတူညီချက်ကို ကြိုဆိုခဲ့ပါတယ်။ မြန်မာနိုင်ငံဟာ ကမ္ဘာ့ရာသီဥတု ပြောင်းလဲမှုဆိုင်ရာ အပြည်ပြည်ဆိုင်ရာ ပါရီသဘောတူညီချက်မှာ အတည်ပြုပါဝင်ကြောင်း စာချွန်လွှာနဲ့ ကျိုတိုနောက်ဆက်တွဲ စာချုပ်ရဲ့ ဒိုဟာပြင်ဆင်ချက်အား လက်ခံကြောင်း စာချွန်လွှာတွေကို မနေ့ကပဲ ကုလသမဂ္ဂအတွင်းရေးမှူးချုပ်ရုံးထံ ပေးအပ်ခဲ့ပြီးဖြစ်ကြောင်းကို ယခုညီလာခံကြီးမှာ ဝမ်းမြောက်စွာ အသိပေး ပြောကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မြန်မာနိုင်ငံအနေနဲ့ “ရေရှည်တည်တံ့ခိုင်မြဲတဲ့ ကမ္ဘာကြီးပေါ်ရှိ လူသားများအားလုံး အတွက် ငြိမ်းချမ်းမှုနဲ့ သင့်လျော်တဲ့လူနေမှုဘဝ ရရှိရေး-ပြည်သူများကိုအလေးပေး” ဆိုတဲ့ ယခုနှစ် ညီလာခံ ဆောင်ပုဒ်ကို ကြိုဆိုပါကြောင်း ပြောကြားလိုပါတယ်။
မြန်မာနိုင်ငံမှာလည်း ပြည်တွင်းလက်နက်ကိုင်တိုက်ခိုက်မှုတွေကို နှစ်ပေါင်း ၇၀ နီးပါး ခံစားခဲ့ကြရပြီးနောက် ငြိမ်းချမ်းရေးနဲ့ တည်ငြိမ်မှုရရှိရေးအတွက် အလေးထား ကြိုးပမ်းဆောင်ရွက်လျက် ရှိနေပါတယ်။
ပြီးခဲ့တဲ့နှစ်က ဒီစင်မြင့်ပေါ်မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင် တက်ရောက် မိန့်ခွန်းပြောကြားခဲ့ရာမှာ မြန်မာနိုင်ငံမှာ ပြည်တွင်း လက်နက်ကိုင် တိုက်ခိုက်မှုတွေ အဆုံးသတ်သွားစေဖို့နဲ့ ရခိုင်ပြည်နယ်မှာ ဖြစ်ပေါ်နေတဲ့ ရှုပ်ထွေးလှတဲ့ အခြေအနေတွေကနေ အဓိပ္ပါယ်ပြည့်ဝပြီး ရေရှည်တည်တံ့တဲ့အဖြေ ရှာဖွေ သွားနိုင်ရေးအတွက် အစိုးရရဲ့ မျှော်မှန်းဆောင်ရွက်နေမှု အခြေအနေတွေကို ချပြခဲ့ ပါတယ်။
ယခုတစ်နှစ်ပြည့်မြောက်တဲ့အချိန်မှာ ကျွန်တော့်အနေနဲ့ မြန်မာနိုင်ငံမှာ ဖော်ဆောင် ပေးနိုင်ခဲ့တဲ့ တိုးတက် အောင်မြင်မှုများနဲ့ ကျန်ရှိနေသေးတဲ့ စိန်ခေါ်မှုများကို ရှင်းလင်း တင်ပြသွားပါမယ်။ ပြီးခဲ့တဲ့ ရက်သတ္တပတ်များ အတွင်း ရခိုင်ပြည်နယ်မှာ ဖြစ်ပွားခဲ့တဲ့ အခြေအနေများဟာ ကမ္ဘာကြီးက အထူး အာရုံစိုက်လျက်ရှိနေတဲ့ ကိစ္စဖြစ်တဲ့ အားလျော်စွာ ကျွန်တော့်အနေနဲ့ ဒီကိစ္စရပ်အပေါ်မှာ ဦးစွာ ဆွေးနွေးပြောကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မနေ့ကပဲ နိုင်ငံတော်ရဲ့အတိုင်ပင်ခံပုဂ္ဂိုလ်ဟာ နိုင်ငံတွင်းမှာ အမျိုးသား ပြန်လည်ရင်ကြားစေ့ရေးနဲ့ ငြိမ်းချမ်းရေး ရရှိရေးအတွက် မြန်မာအစိုးရရဲ့ ကြိုးပမ်း ဆောင်ရွက်နေမှု အခြေအနေများကို နိုင်ငံခြားသံတမန်များအား ဖိတ်ခေါ်ပြောကြားခဲ့ ပါတယ်။ ဒီလိုပြောကြားခဲ့ရာမှာ အစိုးရသက်တမ်း ၁၈ လ ကာလအတွင်း မြန်မာနိုင်ငံ ရရှိခဲ့တဲ့ စွမ်းဆောင်အောင်မြင်မှုများနဲ့ ရင်ဆိုင်ကြုံတွေ့နေရဆဲ အခက်အခဲများကိုလည်း မီးမောင်းထိုးဖော်ပြခဲ့ပါတယ်။ ရခိုင်ပြည်နယ်မှာ မကြာသေးမီက အကြမ်းဖက် သမားများရဲ့ တိုက်ခိုက်မှုတွေကြောင့် လူမှုအသိုက်အဝန်းအားလုံးမှ ပြည်သူများ နေရပ်ပြောင်းရွှေ့တိမ်းရှောင်ခဲ့ရမှုများနဲ့ ဒုက္ခခံစားခဲ့ကြရမှုများအတွက် နိုင်ငံတကာ အသိုက်အဝန်းနည်းတူ မြန်မာ အစိုးရအနေနဲ့လည်း စိုးရိမ်ပူပန်မှုများ မျှဝေခံစားရပါကြောင်းကို ပြောကြားခဲ့ပါတယ်။ အလားတူ နိုင်ငံတော်ရဲ့ အတိုင်ပင်ခံပုဂ္ဂိုလ်က “မိမိတို့အနေနဲ့ လူ့အခွင့်အရေး ချိုးဖောက်မှုမှန်သမျှနဲ့ ဥပဒေနဲ့ မညီတဲ့ တိုက်ခိုက်မှုမှန်သမျှကို ရှုတ်ချကြောင်း၊ တစ်နိုင်ငံလုံးမှာ ငြိမ်းချမ်းမှု၊ တည်ငြိမ်မှုနဲ့ တရားဥပဒေစိုးမိုးမှု ပြန်လည်ရရှိရေးအတွက် ကြိုးပမ်းသွားမှာဖြစ်ကြောင်း၊ လုံခြုံရေး တပ်ဖွဲ့ဝင်များကိုလည်း စစ်ဆင်ရေးဆောင်ရွက်ရာမှာ စစ်ဥပဒေ စည်းမျဉ်း၊ စည်းကမ်း များကို တိကျစွာလိုက်နာကြရန်၊ ထိန်းထိန်းသိမ်းသိမ်း ဆောင်ရွက်ကြရန်၊ အပြစ်မဲ့ ပြည်သူများ မထိခိုက်စေရေးနဲ့ မလိုလားအပ်တဲ့ ထိခိုက်ဆုံးရှုံးမှုများ မဖြစ်ပေါ်စေရေး အပြည့်အဝ ကြိုးပမ်းဆောင်ရွက်ကြရန် ညွှန်ကြားထား ရှိပြီးဖြစ်ကြောင်း ပြောကြားခဲ့ ပါတယ်။ လူ့အခွင့်အရေးချိုးဖောက်မှုများ၊ တိုင်းပြည်တည်ငြိမ်ရေးနဲ့ သဟဇာတ မျှတမှုရှိရေးတို့အပေါ် ထိခိုက်စေမယ့်လုပ်ရပ်မှန်သမျှကို တင်းကျပ်တဲ့ ဥပဒေစံနှုန်းများနဲ့ အညီ ကိုင်တွယ်ဆောင်ရွက်သွားမှာ ဖြစ်ပါတယ်။ မကြာသေးမီက ဖြစ်ပွားခဲ့တဲ့ ပဋိပက္ခတွေကြားမှာ ထိခိုက်ခံစားခဲ့ကြရတဲ့ ပြည်သူများအတွက် များစွာ စိတ်မကောင်းဖြစ်ရပါကြောင်း” ပြောကြားခဲ့ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
ရခိုင်ပြည်နယ်အရေးကိစ္စဟာ လက်ရှိမြန်မာအစိုးရ နိုင်ငံ့တာဝန်များကို စတင် ထမ်းဆောင်ခဲ့တဲ့ အချိန်ကစပြီး အစိုးရရဲ့ ထိပ်တန်းဦးစားပေးကိစ္စတစ်ရပ် ဖြစ်ပါတယ်။ ရခိုင်ပြည်နယ်မှာ ငြိမ်းချမ်းမှုနဲ့ တည်ငြိမ်မှုပြန်လည်ဖော်ဆောင်ရေးနဲ့ ဒေသတွင်း နေထိုင်ကြတဲ့ လူမှုအသိုက်အဝန်းများအကြား သဟဇာတမျှတမှု မြှင့်တင်နိုင်ရေးအတွက် အစိုးရဟာ ကြိုးပမ်းဆောင်ရွက်လျက် ရှိနေ ပါတယ်။
ရခိုင်ပြည်နယ်ရဲ့ အဓိကလိုအပ်ချက်တွေကို ဖြည့်ဆည်းပေးနိုင်ဖို့အတွက် ရခိုင်ပြည်နယ် ငြိမ်းချမ်းရေး၊ တည်ငြိမ်ရေးနဲ့ ဖွံ့ဖြိုးတိုးတက်မှုရရှိရေး အကောင် အထည်ဖော်မှုဆိုင်ရာ ဗဟို ကော်မတီကို နိုင်ငံတော်ရဲ့အတိုင်ပင်ခံပုဂ္ဂိုလ်ကိုယ်တိုင် ဥက္ကဌအဖြစ် တာဝန်ယူပြီး ၂၀၁၆ ခုနှစ်၊ မေလ ၃၀ ရက်နေ့မှာ ဖွဲ့စည်းခဲ့ပါတယ်။
ထို့ပြင် ရှုပ်ထွေးလှတဲ့ ရခိုင်ပြည်နယ် အခြေအနေများနဲ့ ပတ်သက်ပြီး ရေရှည် တည်တံ့တဲ့ ဖြေရှင်းမှုဆိုင်ရာ အကြံဉာဏ်များ အစိုးရကို ပေးအပ်နိုင်ဖို့ ဒေါက်တာ ကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်တစ်ရပ်ကို နိုင်ငံတော်ရဲ့အတိုင်ပင်ခံပုဂ္ဂိုလ်က ၂၀၁၆ ခုနှစ်၊ သြဂုတ်လအတွင်းမှာ ဖွဲ့စည်းပေးခဲ့ ပါတယ်။
ရခိုင်ပြည်နယ်မှာ ငြိမ်းချမ်းမှု၊ တည်ငြိမ်မှုနဲ့ လူမှုရေးအရ သဟဇာတရှိမှု ရရှိရေး ကြိုးပမ်းနေချိန်နဲ့ တစ်ဆက်တည်း ဒေသဖွံ့ဖြိုးတိုးတက်မှု ရရှိစေဖို့အတွက် မိမိတို့ ကြိုးပမ်း ဆောင်ရွက်လျက် ရှိပါတယ်။ ဒီလုပ်ငန်းတွေဟာ လွယ်ကူတဲ့ လုပ်ငန်းတာဝန်တွေ မဟုတ်ပါ။ ဒေသတွင်းမှာနေထိုင်ကြတဲ့ အသိုက်အဝန်းများအကြား နားလည်ယုံကြည်မှု၊ သဟဇာတရှိမှုတွေ ပြန်လည်ရရှိလာစေမယ့် ပတ်ဝန်းကျင်တစ်ရပ် ဖော်ဆောင်နိုင်ရေးအတွက် ဆယ်စုနှစ်ပေါင်းများစွာ အမြစ်တွယ်လာခဲ့တဲ့ အပြန်အလှန် မယုံကြည်မှုတွေ တဖြည်းဖြည်းပပျောက်သွားအောင် ဆောင်ရွက်ရမှာ ဖြစ်ပါတယ်။
၂၀၁၇ ခုနှစ်၊ သြဂုတ်လ ၂၄ ရက်နေ့က မစ္စတာကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အပြီးသတ်အစီရင်ခံစာကို ထုတ်ပြန်ခဲ့ ပါတယ်။ ဒီအစီရင်ခံစာ ထုတ်ပြန်ခဲ့တာကို မြန်မာနိုင်ငံက မဆိုင်းမတွ ကြိုဆိုခဲ့ပါတယ်။
ဒီနေ့ညီလာခံကြီးဟာ အကြံပေးကော်မရှင်ရဲ့ အရေးကြီးတဲ့ သုံးသပ်ချက်များကို အကောင်အထည် ဖော်ရာမှာ ကျွန်တော်တို့ရရှိခဲ့တဲ့ တိုးတက်မှုတွေကို ကမ္ဘာကသိအောင် ပြောကြားဖို့ အခွင့်အလမ်းတစ်ရပ် ဖြစ်မယ်လို့ မူလကမျှော်လင့်ထားခဲ့ပါတယ်။
သို့သော်လည်း ပြီးခဲ့တဲ့လအတွင်းက ရခိုင်ပြည်နယ်မှာ ARSA လို့ခေါ်တဲ့ အကြမ်းဖက်အုပ်စု ရဲ့ တိုက်ခိုက်မှုတွေ စတင်ပြုလုပ်ခဲ့ပြီးနောက်ပိုင်း ရခိုင်ပြည်နယ်မှာ ဖြစ်ပေါ်နေတဲ့ လက်ရှိအခြေ အနေတွေကိုသာ အလေးထားပြောကြားရမယ့်အနေအထား ဖြစ်လာခဲ့ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
အဆွေတော်သိပြီးဖြစ်တဲ့အတိုင်း ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အပြီးသတ် အစီရင်ခံစာ ထွက်ရှိလာပြီး နာရီပိုင်းအတွင်းမှာပဲ ရခိုင်ပြည်နယ်မြောက်ပိုင်းရှိ ရဲကင်း စခန်းပေါင်း (၃၀) ကို တစ်ပြိုင်တည်း အကွက်ကျကျ ညှိနှိုင်းပြီးမှ ဝင်ရောက် တိုက်ခိုက်မှုများ ပြုလုပ်ခဲ့ကြ ပါတယ်။ ဒီတိုက်ခိုက်မှုတွေဟာ ၎င်းတို့လုပ်ဆောင်ခဲ့တာ ဖြစ်ကြောင်း ARSA အဖွဲ့က ကြေညာခဲ့ ပါတယ်။
ဒီတိုက်ခိုက်မှုတွေကြောင့် ဒေသတွင်းမှာ အကြမ်းဖက်မှုတွေကို အသစ်တဖန် ဖြစ်ပွားစေပြီး၊ အသက်ဆုံးရှုံးမှုအချို့၊ ထိခိုက်နစ်နာမှုတွေနဲ့ ဒေသတွင်းရှိ အသိုက်အဝန်း အားလုံး အစုလိုက်အပြုံ လိုက် နေရပ်စွန့်ခွာမှုတွေ ဖြစ်ပေါ်လာစေခဲ့ပါတယ်။
ယခုလို မိမိတို့ရဲ့နေအိမ်တွေကို စွန့်ခွာထွက်ပြေးမှုတွေဟာ မူဆလင်များနဲ့ ရခိုင် တိုင်းရင်းသားတွေ သာမကပဲ လူနည်းစုတိုင်းရင်းသားတွေဖြစ်တဲ့ ဒိုင်းနက်၊ မြို၊ သက်၊ မရမာကြီးနဲ့ ဟိန္ဒူဘာသာဝင်တွေလည်း အပါအဝင်ဖြစ်ပါတယ်။ အခုတိုင်းရင်းသား လူနည်းစုတွေ ရှိနေတာရယ်၊ သူတို့လည်း ထိခိုက်ခံစားခဲ့ကြရတယ် ဆိုတာတွေကို ကမ္ဘာ့နိုင်ငံအတော်များများဟာ မသိရှိကြပါ ဘူး။
မြန်မာနိုင်ငံအစိုးရက ရခိုင်ပြည်နယ်ရဲ့ လက်ရှိအခြေအနေအပေါ် လွန်စွာ စိုးရိမ်လျက်ရှိ တယ် ဆိုတာကို ရှင်းလင်းစွာ သိစေလိုပါတယ်။ အသက်ဆုံးရှုံးခဲ့ရတဲ့ ရဲနှင့် လုံခြုံရေးတပ်ဖွဲ့ဝင်တွေနဲ့ အပြစ်မဲ့ပြည်သူတွေရဲ့ မိသားစုဝင်နဲ့ မိတ်ဆွေတွေအတွက် များစွာ ဝမ်းနည်းမိပါတယ်။ ဒါဟာ အလွန်ကြီးမားတဲ့ သက်ရောက်မှုရှိတဲ့ ပြဿနာ တစ်ရပ်ဆိုတာ အငြင်းပွားစရာ မရှိပါဘူး။
အခုအချိန်မှာတော့ အခြေအနေတွေဟာ တိုးတက်ကောင်းမွန်လာပြီ ဆိုတာကို ဝမ်းမြောက်စွာ အသိပေးပြောကြားလိုပါတယ်။ စက်တင်ဘာလ ၅ ရက်နေ့ကစတင်ပြီး လက်နက်ကိုင်တိုက်ခိုက်မှု တွေ မရှိတော့ဘူးလို့ သိရှိရပါတယ်။
ဒီလိုအခြေအနေမှာ မူဆလင်အများအပြားဟာ ဘင်္ဂလားဒေ့ရ်ှနိုင်ငံဖက်ကို ဆက်လက် ထွက်ပြေးနေကြဆဲဖြစ်တယ်ဆိုတဲ့ သတင်းတွေအပေါ်မှာတော့ စိုးရိမ်မှုဖြစ်ပေါ်မိ ပါတယ်။
အခုလို လူအများအပြား ရွှေ့ပြောင်းတိမ်းရှောင်ကြရခြင်းရဲ့ အကြောင်းရင်းကို မိမိတို့ ရှာဖွေကြဖို့ လိုအပ်ပါတယ်။ ဒီနေရာမှာ လူသိနည်းတဲ့အချက်ကတော့ မူဆလင် အများအပြားဟာ ၎င်းတို့ရဲ့ နေအိမ်များမှာ ဆက်လက်နေထိုင်ကြဖို့ ဆုံးဖြတ်ခဲ့ကြတယ် ဆိုတာပဲ ဖြစ်ပါတယ်။
ယခုအချိန်မှာ အကူအညီ လိုအပ်နေသူတွေအတွက် အရေးကြီးတဲ့ လူသားချင်းစာနာ ထောက်ထားမှုအကူအညီတွေ ပေးအပ်ဖို့လိုတယ်ဆိုတဲ့ အချက်ကိုလည်း မိမိတို့အနေနဲ့ သဘောထား ထပ်တူထပ်မျှရှိပါတယ်။
ဒါ့အပြင် ရခိုင်ပြည်နယ်မှာ ဖြစ်ပေါ်နေတဲ့ စိန်ခေါ်မှုတွေကို ကိုင်တွယ် ဆောင်ရွက်ပေးဖို့ဟာ မြန်မာနိုင်ငံအစိုးရရဲ့ ပဏာမလုပ်ငန်းတာဝန် ဖြစ်တယ်ဆိုတာ အသိအမှတ်ပြုပါတယ်။ ရခိုင်ပြည်နယ် အခြေအနေဟာ ရှုပ်ထွေးလှပါတယ်။ ကျွန်တော်တို့ ကြုံတွေ့ရတဲ့ စိန်ခေါ်မှုများဟာလည်း ကြီးမားလှပါတယ်။ သို့သော်လည်း ဒီစိန်ခေါ်မှုတွေကို ကိုင်တွယ်ဖြေရှင်းနိုင်ဖို့ ဘက်စုံအမျိုးသား မဟာဗျူဟာတစ်ရပ်ကို ချမှတ်ထားပြီး ဖြစ်ပါတယ်။
ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များကို အကောင် အထည်ဖော်ဖို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဦးဆောင်တဲ့ ကော်မတီတစ်ရပ်ကိုလည်း ဖွဲ့စည်းထားပြီးဖြစ်ကြောင်း ဝမ်းမြောက်စွာနဲ့ အသိပေး ကြေညာလိုပါတယ်။ ပွင့်လင်းမြင်သာမှုနဲ့ တာဝန်ခံမှု ရှိစေရေးအတွက် ကော်မတီအနေနဲ့ တိုးတက်မှု အစီရင်ခံစာကို လေးလတစ်ကြိမ် ပြည်သူများထံ ထုတ်ပြန်အသိပေးဖို့ တာဝန်သတ်မှတ်ပေးထားပါတယ်။ ဒီကော်မတီအပြင် ပြည်တွင်းနဲ့ နိုင်ငံတကာက ထင်ရှားတဲ့ ပုဂ္ဂိုလ်များပါဝင်တဲ့ အကြံပေး ဘုတ်အဖွဲ့ ဖွဲ့စည်းသွားဖို့လည်း ရှိပါတယ်။
အခုအချိန်မှာ ရခိုင်ပြည်နယ်မှာ လူသားချင်းစာနာမှု အကူအညီပေးအပ်ရေးဟာ မိမိတို့ရဲ့ ပထမဦးစားပေးလုပ်ငန်း ဖြစ်ပါတယ်။ အကူအညီ လိုအပ်နေကြတဲ့ ပြည်သူများ အားလုံး ခွဲခြား ဆက်ဆံမှု မရှိဘဲ လူသားချင်းစာနာမှု အကူအညီများအား လက်ခံ ရရှိစေရေးအတွက် ဆောင်ရွက်သွားဖို့ ဆုံးဖြတ်ချက် ခိုင်မာစွာ ချမှတ်ထားပါတယ်။ လူသားချင်းစာနာထောက်ထားရေး လုပ်ငန်းများ အတွက် နိုင်ငံတော်က ရန်ပုံငွေနဲ့ အရင်းအမြစ် အများအပြားကို ခွဲဝေချမှတ်ထားပြီးဖြစ်ပါတယ်။
မြန်မာနိုင်ငံအစိုးရ ဦးဆောင်တဲ့ အကူအညီပေးရေး ယန္တရားသစ်တစ်ရပ်ကို ကြက်ခြေနီ လှုပ်ရှားမှုအဖွဲ့ရဲ့ ပူးပေါင်းဆောင်ရွက်မှုနဲ့ ထူထောင်ထားပြီး၊ လူသားချင်း စာနာမှုဆိုင်ရာ အကူအညီ ပေးအပ်ရေးလုပ်ငန်းများ စတင်ဆောင်ရွက်နေပြီ ဖြစ်ကြောင်းကိုလည်း ဝမ်းမြောက်စွာ အသိပေးလို ပါတယ်။
ယခု အကူအညီပေးရေး လုပ်ငန်းအစီအစဉ်မှာ ပါဝင်ကူညီပံ့ပိုးရန်အတွက် ကမ်းလှမ်းလာတဲ့ နိုင်ငံများအားလုံးကို အထူးကျေးဇူးတင်ရှိပါကြောင်း မြန်မာနိုင်ငံ အစိုးရကိုယ်စား ပြောကြားလိုပါတယ်။ အထူးသဖြင့် ကမ္ဘာတစ်ဝှမ်းရှိ မိတ်ဆွေနိုင်ငံများ ထံမှ မကြာမီက ကူညီထောက်ပံ့ရန် ကမ်းလှမ်းမှုများအတွက် လှိုက်လှဲစွာ ကျေးဇူးတင်ရှိပါကြောင်း ပြောကြားလိုပါတယ်။
တစ်ချိန်တည်းမှာပဲ မြန်မာနိုင်ငံအနေနဲ့ ဘင်္ဂလားဒေ့ရ်ှနိုင်ငံနဲ့ ဆက်ဆံရေး တိုးမြှင့်နိုင်ဖို့ ကြိုးပမ်းဆောင်ရွက်လျက် ရှိပါတယ်။ မြန်မာနိုင်ငံက နိုင်ငံခြားရေး ဝန်ကြီးဌာန၊ ဒုတိယဝန်ကြီးနဲ့ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်တို့ဟာ ဒီနှစ် ဇန်နဝါရီလနဲ့ ဇူလိုင်လအတွင်းက ဘင်္ဂလားဒေ့ရ်ှနိုင်ငံကို အသီးသီးသွားရောက်ခဲ့ကြ ပါတယ်။ ဘင်္ဂလားဒေ့ရ်ှနိုင်ငံက ပြည်ထဲရေးဝန်ကြီး မြန်မာနိုင်ငံကို သြဂုတ်လအတွင်းက လာရောက်ဖို့ စီစဉ်ခဲ့ပေမယ့် ၎င်းတို့ဝန်ကြီးဘက်က အဆင်မပြေမှုကြောင့် ခရီးစဉ်ကို ရွှေ့ဆိုင်းခဲ့ရပါတယ်။ ဝန်ကြီးအနေနဲ့ မြန်မာနိုင်ငံကို အဆင်ပြေတဲ့ အချိန်လာရောက်ရေးကို လက်ကမ်းကြိုဆိုလျက်ရှိပြီး နယ်စပ်လုံခြုံရေး ကိစ္စရပ်များနဲ့ ပတ်သက်ပြီး နှစ်နိုင်ငံ ဆက်လက်ပူးပေါင်း ဆောင်ရွက်သွားနိုင်မယ်လို့ မိမိတို့ မျှော်လင့်လျက် ရှိပါတယ်။
ရခိုင်ပြည်နယ်မြောက်ပိုင်းကနေ ဘင်္ဂလားဒေ့ရ်ှနိုင်ငံဘက်ကို မကြာမီက ပြောင်းရွှေ့ သွားကြတဲ့ သူတွေကို ပြန်လည်ခေါ်ယူဖို့ ပြောကြားမှုတွေ ရှိနေပါတယ်။ ဒီကိစ္စနဲ့ ပတ်သက်ပြီး မြန်မာနိုင်ငံအနေနဲ့ လိုအပ်တဲ့စိစစ်ရေးလုပ်ငန်းစဉ်တွေကို စတင်သွားဖို့ ပြင်ဆင် ထားရှိကြောင်း နိုင်ငံတော်၏ အတိုင်ပင်ခံပုဂ္ဂိုလ် မနေ့ကမိန့်ခွန်းထဲမှာ ထည့်သွင်း ပြောကြားခဲ့ပါတယ်။ မိမိတို့အိမ်နီးချင်း နှစ်နိုင်ငံအကြား ပြန်လည် လက်ခံရေး လုပ်ငန်းစဉ်တွေကို ပူးတွဲလုပ်ငန်းအဖွဲ့ တည်ထောင်ဖွဲ့စည်းပြီး လက်ခံခဲ့တဲ့ အစဉ်အလာ ၁၉၉၃ ခုနှစ်ကတည်းက ရှိခဲ့ပါတယ်။ မိမိတို့အနေနဲ့ ၁၉၉၃ ခုနှစ်က ဆောင်ရွက်ခဲ့တဲ့ လုပ်ငန်းအတွေ့အကြုံတွေကို အခြေပြုပြီး လုပ်ငန်းစဉ်တစ်ရပ် ချမှတ်ဖော်ဆောင် သွားနိုင်မှာ ဖြစ်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မည်သည့်ပုံစံနှင့် အသွင်သဏ္ဍာန်ဖြင့် ကျူးလွန်သည့် အကြမ်းဖက်မှုကို ပြစ်တင် ရှုတ်ချရာမှာ မြန်မာနိုင်ငံအနေနဲ့ ကျန်ကမ္ဘာ့နိုင်ငံများ အားလုံးနဲ့အတူ တစ်သားတည်း ရပ်တည်လျက် ရှိပါတယ်။ အကြမ်းဖက်မှုဟာ နိုင်ငံတကာ ငြိမ်းချမ်းရေးနဲ့ လုံခြုံရေးကို ဆိုးရွားစွာ ခြိမ်းခြောက်မှုများထဲမှာ တစ်ခုအပါအဝင်ဖြစ်ပါတယ်။ ဒီကိစ္စနဲ့ ပတ်သက်ပြီး မိမိတို့ရဲ့ ရပ်တည်ချက်ဟာ ရှင်းလင်းပြတ်သား ပါတယ်။ မည်သည့် အကြမ်းဖက်မှုကိုမဆို မိမိတို့အနေနဲ့ ခွင့်လွှတ်ဖို့ မဖြစ်နိုင်ပါဘူး။
တစ်ချိန်တည်းမှာ အစိုးရအနေနဲ့ ရခိုင်ပြည်နယ်ရဲ့ ရှုပ်ထွေးတဲ့ စိန်ခေါ်မှုများကို ဖြေရှင်းနိုင်ဖို့ လိုအပ်တဲ့ ရေရှည်မဟာဗျူဟာ စီမံချက်ချမှတ် ဆောင်ရွက်မှု လုပ်ငန်းစဉ် များကို အကြမ်းဖက်လှုပ်ရှားမှုများက ဟန့်တားနှောင့်ယှက်နိုင်မှု မရှိစေရေး အတွက် ကြိုးပမ်းဆောင်ရွက်လျက်ရှိပါတယ်။
ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များဟာ ကျွန်တော်တို့ အတွက် ရှင်းလင်းတဲ့ လမ်းပြမြေပုံတစ်ခု ဖြစ်ပါတယ်။ ကျွန်တော်တို့ရဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များအား အကောင်အထည်ဖော်ရေး ကော်မတီအနေနဲ့ ပြီးခဲ့တဲ့ရက်သတ္တ ပတ်ကစတင်ပြီး ၄င်းတို့ရဲ့ လုပ်ငန်းတာဝန်များကို စတင်ဆောင်ရွက်နေပြီဖြစ်ကြောင်းနဲ့ ကျွန်တော်တို့ရဲ့ လုပ်ငန်း အစီအစဉ်အချို့ကို မျက်မြင်လာရောက်ကြည့်ရှုဖို့ လေ့လာသူများကိုလည်း ဖိတ်ကြား သွားမှာ ဖြစ်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
ရခိုင်ပြည်နယ်မှာ မကြာသေးမီက ဖြစ်ပွားခဲ့တဲ့ ဖြစ်စဉ်များဟာ ငြိမ်းချမ်းရေး၊ သာယာဝပြောရေးနဲ့ ဒီမိုကရေစီရေးအတွက် မိမိတို့လျှောက်လှမ်းရမယ့် ခရီးရှည်ကြီးမှာ ကြုံတွေ့ရမယ့် ခက်ခဲတဲ့ စိန်ခေါ်မှုများ ဖြစ်တယ်ဆိုတာ ထိခိုက်နာကျင်စေရတဲ့ သတိပေးချက်တစ်ခုပဲ ဖြစ်ပါတယ်။
သို့သော်လည်း ပြီးခဲ့တဲ့နှစ်က ဒီစင်မြင့်ထက်မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပထမအကြိမ် မိန့်ခွန်းပြောကြားခဲ့စဉ်ကအတိုင်း ကျွန်တော်တို့ရဲ့ ငြိမ်းချမ်းရေး ကတိကဝတ်ဟာ မယိမ်းမယိုင် ခိုင်ခိုင်မာမာ ဆက်လက် တည်ရှိနေတယ် ဆိုတာ ထပ်လောင်း ပြောကြားလိုပါတယ်။
အဲဒီကတိကဝတ်ကို အကောင်အထည်ဖော်ရာမှာ အမျိုးသားပြန်လည် သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်ကို အဓိကဦးစားပေးအဖြစ် သတ်မှတ် ဆောင်ရွက်လျက် ရှိပါတယ်။ လွတ်လပ်ခြင်း၊ တရားမျှတခြင်း၊ သာတူညီမျှ အခွင့်အရေး ရှိခြင်းနဲ့ ကိုယ့်ကြမ္မာ ကိုယ်ဖန်တီးနိုင်ခြင်း ဆိုတဲ့မူတွေအပေါ် အခြေခံတဲ့ ဒီမိုကရေစီ ဖက်ဒရယ်ပြည်ထောင်စုနိုင်ငံ ဖြစ်ပေါ်လာရေးဟာ ကျွန်တော်တို့ရဲ့ ရှင်းလင်းပြတ်သားတဲ့ မျှော်မှန်းချက်ပဲ ဖြစ်ပါတယ်။
နိုင်ငံတွင်း ဆောင်ရွက်လျက်ရှိတဲ့ ငြိမ်းချမ်းရေးလုပ်ငန်းစဉ်များနဲ့ ပတ်သက်ပြီး ယခုနှစ် မေလမှာ ပြည်ထောင်စုငြိမ်းချမ်းရေးညီလာခံရဲ့ ဒုတိယအကြိမ် အစည်းအဝေးကို အောင်မြင်စွာ ကျင်းပနိုင်ခဲ့တဲ့အကြောင်း ဝမ်းမြောက်စွာ အသိပေးပြောကြားလိုပါတယ်။ အနာဂတ် ဒီမိုကရေစီ ဖက်ဒရယ်ပြည်ထောင်စုရဲ့ အခြေခံအုတ်မြစ်ဖြစ်လာမယ့် အဓိက အခြေခံမူများကို ပထမဦးဆုံး ဆွေးနွေးချမှတ် သဘောတူနိုင်ခဲ့ပါတယ်။ နိုင်ငံရေး၊ လူမှုရေး၊ စီးပွားရေး၊ မြေယာနဲ့ သဘာဝ ပတ်ဝန်းကျင်ကဏ္ဍများနဲ့ ပတ်သက်တဲ့ အခြေခံမူ (၃၇) ချက်ပါဝင်တဲ့ ပြည်ထောင်စုသဘောတူ စာချုပ်ကို အစိုးရ၊ လွှတ်တော်၊ တပ်မတော်၊ တိုင်းရင်းသား လက်နက်ကိုင်အဖွဲ့အစည်းများနဲ့ နိုင်ငံရေးပါတီများရဲ့ ကိုယ်စားလှယ် များက လက်မှတ်ရေးထိုးနိုင်ခဲ့ပါတယ်။
အဲဒီလိုစစ်မှန်တဲ့တိုးတက်မှုများ ရရှိလျက် ရှိနေသော်လည်း ကျွန်တော်တို့ ရှေ့ဆက်လျှောက်ရမယ့်လမ်းဟာ ရှည်လျားပြီး ရှုပ်ထွေးခက်ခဲတယ်ဆိုတာကို သိထား ပါတယ်။ ကျွန်တော်တို့ရဲ့ ဒီမိုကရေစီ အသွင်ကူးပြောင်းမှုဟာ အကဲဆတ်တဲ့ အနေအထားမှာ ရှိပါတယ်။ ယခုလို နိုင်ငံတော်ရဲ့ သမိုင်းမှာ အရေးပါတဲ့အနေအထားကို ရောက်နေတဲ့အချိန်မှာ နိုင်ငံတကာ အသိုက်အဝန်းအနေနဲ့ ကျွန်တော်တို့ရဲ့ ငြိမ်းချမ်းရေး၊ သာယာဝပြောရေးနဲ့ ဒီမိုကရေစီရရှိရေး ကြိုးပမ်းဆောင်ရွက်မှုတွေကို ဆက်လက်ပြီး ထောက်ခံပေးကြဖို့ကို ပန်ကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မိမိရဲ့ မိန့်ခွန်းကို အဆုံးမသတ်မီ မြန်မာနိုင်ငံအနေနဲ့ ကုလသမဂ္ဂအဖွဲ့ကြီးရဲ့ ပဋိညာဉ် စာတမ်းပါ ရည်ရွယ်ချက်နဲ့ အခြေခံမူများအပေါ် သက်ဝင်ယုံကြည်မှု ရှိပါကြောင်း ထပ်လောင်း ပြောကြားလိုပါတယ်။
ငြိမ်းချမ်းပြီး သဟဇာတရှိတဲ့ ကမ္ဘာကြီးပေါ်ထွန်းလာစေရေးအတွက် မြန်မာနိုင်ငံ အနေနဲ့ ခိုင်မာစွာ ကတိကဝတ်ပြုပါကြောင်း အလေးပေးပြောကြားရင်းနဲ့ နိဂုံးချုပ်အပ် ပါတယ်။
ကျေးဇူးတင်ပါတယ် သဘာပတိကြီးခင်ဗျား။
Share:

17 September, 2017

ရခိုင်အရေး ရီပတ်ပလီကန် အမတ်ခေါင်းဆောင် ဒေါ်အောင်ဆန်းစုကြည်ဆီ ဖုန်းဆက်

    15 စက်တင်ဘာ 2017

ရခိုင်ပြည်နယ်ထဲက ရိုဟင်ဂျာ မွတ်ဆလင်တွေဆီ လူသားချင်း စာနာ နားလည်တဲ့ အကူအညီတွေ ပို့ဆောင် ပေးနိုင်ရေး ပိုမို တိုးတက်အောင် လုပ်ဆောင်ပေးဖို့ အရေးတကြီး လိုအပ်နေတဲ့ အချက်အပေါ် ဒေါ်အောင်ဆန်းစုကြည် အနေနဲ့လည်း သဘောတူကြောင်း ပြောခဲ့တယ်လို့ အမေရိကန် ထိပ်တန်း ဆီးနိတ်လွှတ်တော် အမတ် တစ်ယောက်က ပြောပါတယ်။

အမေရိကန် ဆီးနိတ်လွှတ်တော်ထဲ လွှမ်းမိုးထားတဲ့ ရီပတ်ဘလီကန် အမတ်တွေရဲ့ ခေါင်းဆောင် မစ်ခ်ျ မက်ကော်နဲလ်က ရခိုင်ပြည်နယ် အရေးနဲ့ ပတ်သက်ပြီး အတိုင်ပင်ခံ ပုဂ္ဂိုလ်နဲ့ တယ်လီဖုန်းကနေ ဆက်သွယ် စကား ပြောဆိုခဲ့တာ ဖြစ်ပါတယ်။

လူ့အခွင့်အရေး ချိုးဖောက်မှုတွေကို ကိုင်တွယ် ဆောင်ရွက်ဖို့ လိုကြောင်းလည်း ဒေါ်အောင်ဆန်းစုကြည်က ပြောဆိုခဲ့တယ်လို့ မစ္စတာ မက်ကောနဲလ်က ပြောသလို၊ ဒေါ်အောင်ဆန်း စုကြည် အနေနဲ့ ဩဇာ အာဏာပြင်းတဲ့ စစ်တပ် အပေါ် အမိန့်ပေး ခိုင်းစေနိုင်စွမ်း မရှိတဲ့ အချက်အပေါ် သူ့ဘက်က သတိပြုမိတယ် လို့ မစ္စတာ မက်ကော်နဲလ်က ဆိုပါတယ်။

စစ်တပ်နဲ့ အာဏာခွဲဝေ အုပ်ချုပ်နေရတဲ့ မြန်မာ အစိုးရအနေနဲ့ ရိုဟင်ဂျာ မွတ်ဆလင်တွေအပေါ် နှိပ်ကွပ်မှု တွေကို ရပ်တန်းကရပ်ဖို့ လိုတယ်လို့ အစောပိုင်းကလည်း အမေရိကန် နိုင်ငံခြားရေး ဝန်ကြီး Rex Tillerson က တိုက်တွန်းခဲ့ပါတယ်။

ယူကေရောက်မြန်မာ နိုင်ငံသား တချို့ကတော့ ရခိုင်ပြည်နယ် အရေးကို ဒေါ်အောင်ဆန်း စုကြည် ကိုင်တွယ် ဆောင်ရွက်မှုအပေါ် ထောက်ခံကြောင်း လန်မြို့တော်က နိုင်ငံခြားရေး ဝန်ကြီးရုံးရှေ့မှာ ထောက်ခံ ဆန္ဒ ပြခဲ့ကြပါတယ်။ #ဘီဘီစီမြန်မာပိုင်း
Share:

16 September, 2017

ဝေဟင်ပိုင်နက်ကျူးလွန် ခံရကြောင်း ဘင်္ဂလားဒေ့ရှ် ကန့်ကွက်


မြန်မာရဲ့ စစ်တပ်သုံး ဒရုန်း ယာဉ်ပျံတွေ၊ ရဟတ်ယာဉ်တွေ ဟာ ပြီးခဲ့တဲ့ သီတင်းထဲ ဘင်္ဂလားဒေ့ရှ် နိုင်ငံဘက်ခြမ်းကို ၃ ရက် ကျူးကျော် ဝင်ရောက်ခဲ့တယ် ဆိုပြီး ဘင်္ဂလားဒေ့ရ်ှက ကန့်ကွက် လာပါတယ်။
စက်တင်ဘာလ ၁၅ ရက် ညနေပိုင်းက ဒါကာမြို့ မြန်မာသံရုံးကို ဘင်္ဂလားဒေ့ရှ် နိုင်ငံခြားရေး ရုံးက အကြောင်းကြားလာတာ ဖြစ်ပါတယ်။
ဒီလို တစ်ဘက်နိုင်ငံက ပြောဆိုလာတဲ့ အချက်ကို မြန်မာ နိုင်ငံခြားရေး ဌာန အနေနဲ့ သက်ဆိုင်ရာ ကာကွယ်ရေးဝန်ကြီးဌာနထံ အသိပေးသွားမယ်လို့ နိုင်ငံခြားရေးရုံး ပထမ အမြဲတမ်း အတွင်းဝန် ဦးကျော်ဇေယျက ဆိုပါတယ်။
ဒရုန်းယာဉ်ပျံနဲ့ ပတ်သက်ပြီး မြန်မာဘက်ခြမ်းကနေ ဘင်္ဂလားဒေ့ရ်ှပိုင် ဝေဟင်ထဲ ဝင်ရောက်မှု တကယ်ရှိခဲ့လား၊ ရှိခဲ့ရင်လည်း ဘယ်သူပိုင် ဒရုန်းတွေ ဖြစ်မလဲ ဆိုတာမျိုးတွေကို အသေအချာ ဆန်းစစ်ဖို့ လိုတယ် ဆိုပြီး နိုင်ငံခြားရေးရုံး ပြောခွင့်ရ ဦးကျော်ဇေယျက ဘီဘီစီကို ပြောပါတယ်။
မြန်မာ ရဟတ်ယာဉ်တွေ နယ်စပ်ဖြတ်ကျော် ဝင်ခဲ့တယ် ဆိုတဲ့ ပြောဆိုမှုမျိုး အရင်တုန်းကလည်း ရှိခဲ့ဖူးပြီး၊ မြန်မာ ကာကွယ်ရေး ဌာနက စိစစ်မှုတွေ ပြုလုပ်ကာ မဟုတ်မှန်ကြောင်း တုံ့ပြန် ခဲ့ရဖူးတယ်လို့ ဦးကျော်ဇေယျက ပြောပါတယ်။
ရခိုင်ပြည်နယ်တွင်း မတည်ငြိမ်မှုတွေ၊ ပဋိပက္ခတွေကြောင့် ဘင်္ဂလားဒေ့ရ်ှဘက် ရောက်လာတဲ့ သိန်းနဲ့ချီတဲ့ ဒုက္ခသည်တွေ အရေးနဲ့ ပတ်သက်ပြီး နိုင်ငံတကာရဲ့ အာရုံစိုက်မှုတွေ၊ နှစ်နိုင်ငံကြား အပြန်အလှန် ပြောဆိုမှုတွေ ရှိနေတုန်းမှာပဲ အခုလို သံတမန် ဆက်ဆံရေး အဖုအထစ် ဖြစ်လာ ပြန်ခဲ့တာပါ။
ဘင်္ဂလားဒေ့ရ်ှဘက်ကတော့ သူတို့ ဝေဟင်ပိုင်နက်ထဲ ကျူးကျော်ဝင်ရောက်တာဟာ မြန်မာဘက်က ရန်စ ကျူးလွန်ရာ ရောက်တယ်ဆိုပြီး ပြင်းပြင်းထန်ထန် ပြောထားပါတယ်။ #ဘီဘီစီမြန်မာပိုင်း

http://bbc.in/2x778Ra

Share:

15 September, 2017

ရခိုင်အကျပ်အတည်း မိုဟာမက် ယူနွတ်စ် အကြံပေး


ဘင်္ဂလားဒေ့ရှ် နိုင်ငံ က နိုဗဲလ်ဆုရှင် ဒေါက်တာ မိုဟာမက် ယူနွတ်စ် က ရခိုင်ပြည်နယ်မြောက်ပိုင်းက အကျပ်အတည်း အရေးတွေနဲ့ပတ်သက်ပြီး အကြံပေး ပြောကြား လာပါတယ်။

ဒေါ်အောင်ဆန်းစုကြည် အကြောင်း ကို သိခဲ့သူ ၊ ကိုယ်တိုင်လည်း တွေ့ဆုံဘူးသူဖြစ်တဲ့ နိုဗဲလ်ဆုရှင် ဒေါက်တာ ယူနွတ်စ် က အခု ရခိုင်ပြည်နယ်မြောက်ပိုင်း ကအကြပ်အတည်း ကိစ္စတွေ၊ သိန်းနဲ့ချီပြီးတော့ နယ်စပ် ဖြတ်ကျော်ရောက်ရှိနေတဲ့ ဒုက္ခသည်တွေ အရေးနဲ့ပတ်သက်ပြီး သူ့အမြင်အရပြောရင် ဖြေရှင်းနိုင်သူ က ဒေါ်အောင်ဆန်းစုကြည် ပါပဲလို့ ဆိုပါတယ်။

ဒေါ်အောင်ဆန်းစုကြည်ဟာ ဒီမိုကရေစီရေး အတွက် လှုပ်ရှားဆောင်ရွက်ခဲ့တဲ့ ခေါင်းဆောင် ဆိုတဲ့ ပြယုဂ် အနစ်နာခံမှုတွေ နဲ့ဖြတ်သန်းခဲ့တဲ့သူ ငြိမ်းချမ်းရေး သဘောကို ဆောင်ယူခဲ့တဲ့ သူ ဖြစ်တယ်၊ အခု သူရှိနေရတဲ့အနေအထား ကနေ အရင်လို ငြိမ်းချမ်းရေး သဘောကို ပြန်သွားဖို့လိုတယ်လို့ ဆိုပါတယ်။

သူ့နားမှာရှိနေတဲ့ အမုန်းတရား ရှိနေတဲ့ အသိုင်းအဝိုင်း၊ ဒေါသထွက်နေကြတဲ့ ဝန်းကျင်အနေအထား က ခွာဖို့လိုတယ်လို့ သူ က သူ့အမြင်ကို ဒေါက်တာ မိုဟာမက် ယူနွတ်စ် က ပြောပြပါတယ်။

စစ်တပ်အနေနဲ့ သူတို့လုပ်ဆောင်မှုတွေ ကို ဒေါ်အောင်ဆန်းစုကြည်ကို ရှေ့က အကာအရံလိုထားထားပြီး သူတို့လုပ်ချင်တာကို လုပ်နေတာ ဖြစ်တယ် ၊ ဒေါ်အောင်ဆန်းစုကြည် အနေနဲ့ အဲဒီလို အခန်းကဏ္ဍမှာ ရှိနေတာကို ဖယ်ရှားပစ်လိုက်ပြီး သူ့ရဲ့ နဂို ပုံရိပ်ဖြစ်တဲ့ ငြိမ်းချမ်းခြင်း ကို ပြန်ယူဖို့ အရေးတကြီးလိုအပ်နေတယ် လို့ သူ က ဆိုပါတယ်။

နတ် မြစ်ဘေးကမ်းမှာ ထိုင်ကြည့်မယ် ဆိုရင် လူသေအလောင်းတွေ မျောလာတာကို တွေ့ရလိမ့်မယ် ၊ နောက်ပြီး ထွက်ပြေးလာကြတဲ့သူတွေ အများကြီးပါ ၊ သူတို့ ဟာ အကြမ်ဖက်မှုကို ကြောက်ရွံ့ ထိတ်လန့်စွာ အိုးအိမ်ပစ်ပြီး ထွက်ပြေးခဲ့ရတဲ့သူတွေ ဖြစ်တာကြောင့် ဒါကို ကြည့်ခြင်းအားဖြင့် တခုခုတော့ အကြီးအကျယ် အဲဒီ ဒေသမှာ မှားနေပြီ ဆိုတာ လူတိုင်းသိနိုင်တဲ့အပြင် ဒါတွေကို ဖြေရှင်းဖို့ လိုတာပါလို့ နိုဗယ် ငြိမ်းချမ်းရေး ဆုရှင် မစ္စတာ ယူနွတ်စ် က ပြောပါတယ်။

မနှစ် ၂၀၁၆ ခုနှစ် အောက်တိုဘာလ မောင်တော တိုက်ခိုက်မှု ဖြစ်ပွားခဲ့ပြီးနောက်ပိုင်းနှစ်လ အကြာမှာ မိုဟာမက် ယူနွတ်စ် ခေါင်းဆောင်တဲ့ နိုဗယ်ဆုရှင်တွေ ပေါင်းပြီး ရခိုင်အရေးနဲ့ ပတ်သက်လို့ အကြမ်းဖက်မှုတွေ လျော့ပါးအောင် လုပ်ဖို့ ဒေါ်အောင်ဆန်းစုကြည် ခေါင်းဆောင်တဲ့ အစိုးရကို အိတ်ဖွင့်ပေးစာ တစောင်နဲ့ တိုက်တွန်းခဲ့ဖူးပါတယ်။

http://www.bbc.com/burmese/41274820
Share:

12 September, 2017

ရခိုင်ပြည်နယ်ဆိုင်ရာ အကြံပြု ချက်များအပေါ် အကောင်အထည် ဖော်ဆောင်ရွက်ရေး ကော်မတီ ဖွဲ့စည်းခြင်း


ပြည်ထောင်စုသမ္မတမြန်မာနိုင်ငံတော်
နိုင်ငံတော်သမ္မတရုံး
အမိန့်ကြော်ငြာစာ
အမှတ်၊ ၇၅ /၂၀၁၇

၁၃၇၉ ခုနှစ်၊ တော်သလင်းလပြည့်ကျော် ၇ ရက်
( ၂၀၁၇ ခုနှစ်၊ စက်တင်ဘာလ ၁၂ ရက် )

ရခိုင်ပြည်နယ်ဆိုင်ရာအကြံပြုချက်များအပေါ် အကောင်အထည်ဖော်ဆောင်ရွက်ရေးကော်မတီ ဖွဲ့စည်းခြင်း
၁။ မောင်တောဒေသ စုံစမ်းစစ်ဆေးရေးကော်မရှင်၏ အစီရင်ခံစာနှင့် ရခိုင်ပြည်နယ်ဆိုင်ရာ အကြံပေး ကော်မရှင်တို့၏ အပြီးသတ်အစီရင်ခံစာပါ အကြံပြုချက်များကို အကောင်အထည်ဖော် ဆောင်ရွက်နိုင်ရန် အတွက်“ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ” ကို အောက်ပါ ပုဂ္ဂိုလ်များဖြင့် ဖွဲ့စည်းလိုက်သည်-
(က) ပြည်ထောင်စုဝန်ကြီး
လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေး
ဝန်ကြီးဌာန ဥက္ကဋ္ဌ
( ခ) ဝန်ကြီးချုပ်
ရခိုင်ပြည်နယ်အစိုးရအဖွဲ့ ပူးတွဲဥက္ကဋ္ဌ
( ဂ) ဒုတိယဝန်ကြီး
နိုင်ငံတော်အတိုင်ပင်ခံရုံးဝန်ကြီးဌာန ဒုတိယဥက္ကဋ္ဌ
(ဃ) အမြဲတမ်းအတွင်းဝန်
ပြည်ထဲရေးဝန်ကြီးဌာန အဖွဲ့ဝင်
( င) အမြဲတမ်းအတွင်းဝန်
ပြန်ကြားရေးဝန်ကြီးဌာန အဖွဲ့ဝင်
(စ) အမြဲတမ်းအတွင်းဝန်
သာသနာရေးနှင့် ယဉ်ကျေးမှုဝန်ကြီးဌာန အဖွဲ့ဝင်
( ဆ) အမြဲတမ်းအတွင်းဝန်
စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန အဖွဲ့ဝင်
( ဇ) အမြဲတမ်းအတွင်းဝန်
ပို့ဆောင်ရေးနှင့်ဆက်သွယ်ရေးဝန်ကြီးဌာန အဖွဲ့ဝင်
(ဈ) အမြဲတမ်းအတွင်းဝန်
အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အား
ဝန်ကြီးဌာန အဖွဲ့ဝင်
(ည) အမြဲတမ်းအတွင်းဝန်
ပညာရေးဝန်ကြီးဌာန အဖွဲ့ဝင်
( ဋ) အမြဲတမ်းအတွင်းဝန်
ကျန်းမာရေးနှင့်အားကစားဝန်ကြီးဌာန အဖွဲ့ဝင်
( ဌ) အမြဲတမ်းအတွင်းဝန်
ဆောက်လုပ်ရေးဝန်ကြီးဌာန အဖွဲ့ဝင်
( ဍ) ခေတ္တညွှန်ကြားရေးမှူးချုပ်
စီမံရေးနှင့် ဘဏ္ဍာရေးဌာနကြီး
နိုင်ငံတော်သမ္မတရုံး အဖွဲ့ဝင်
(ဎ) ဒုတိယဝန်ကြီး
နယ်စပ်ရေးရာဝန်ကြီးဌာန အတွင်းရေးမှူး
(ဏ) အမြဲတမ်းအတွင်းဝန်
လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန တွဲဖက်အတွင်းရေးမှူး
၂။ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေး ကော်မတီ၏ လုပ်ငန်းတာဝန်များမှာ အောက်ပါအတိုင်းဖြစ်ပါသည်-
(က) မောင်တောဒေသ စုံစမ်းစစ်ဆေးရေးကော်မရှင်နှင့် ရခိုင်ပြည်နယ်ဆိုင်ရာ အကြံပေး ကော်မရှင်တို့၏ အကြံပြုချက်များနှင့်စပ်လျဉ်း၍ မြေပြင်အခြေအနေပေါ် မူတည်ပြီး အကျိုးရှိမည့် ကိစ္စရပ်များကို ထိရောက်စွာ အကောင်အထည်ဖော် ဆောင်ရွက်ရမည်။
( ခ) တရားဥပဒေစိုးမိုးရေး၊ တည်ငြိမ်အေးချမ်းရေးနှင့် မတူကွဲပြားသည့် လူမှုအသိုက် အဝန်းများအကြား စိတ်အေးချမ်းသာစွာ အတူတကွ နေထိုင်နိုင်ရေးတို့အတွက် ဦးတည် ကြိုးပမ်း ဆောင်ရွက်ရမည်။
( ဂ) ရခိုင်ပြည်နယ်အတွင်း လုံခြုံရေး၊ စီးပွားရေး၊ လူမှုရေးဆိုင်ရာကိစ္စရပ်များ အလျင်အမြန် ဖွံ့ဖြိုးလာစေရေးအတွက် မဟာဗျူဟာ စီမံချက်ရေးဆွဲချမှတ်ပြီး ဆောင်ရွက်ရမည်။
(ဃ) တိုင်းရင်းသားကျေးရွာများ ရေရှည်ရပ်တည်နိုင်ရေးနှင့် IDP စခန်းများ ပိတ်သိမ်းရေးတို့ အတွက် ကြိုးပမ်းဆောင်ရွက်ရမည်။
( င) ဒေသခံပြည်သူများသည် အခြားဒေသများသို့ ရွှေ့ပြောင်းထွက်ခွာသွားခြင်းကို ကာကွယ် တားဆီးနိုင်ရန်အတွက် အခြေခံအဆောက်အအုံများ ပေါ်ထွန်းလာစေရေးနှင့် အလုပ်အကိုင် အခွင့်အလမ်းများ တိုးတက် ရရှိလာစေရေး သင့်လျော်သည့် မူဝါဒများ ချမှတ် ဆောင်ရွက်ရမည်။
( စ) အကြမ်းဖက် တိုက်ခိုက်မှုပပျောက်ရေးနှင့် မူးယစ်ဆေးဝါးကင်းစင်ရေးနယ်မြေ ဖြစ်လာ စေရန် ဦးစားပေး ဆောင်ရွက်ရမည်။
(ဆ) ပြည်တွင်း/ပြည်ပအဖွဲ့အစည်းများမှ ပေးအပ်သည့် လူသားချင်းစာနာ ထောက်ထားမှု ဆိုင်ရာ အကူအညီများ၊ ထောက်ပံ့ပစ္စည်းများကို နိုင်ငံတော်က ချမှတ်ပေးသော မူဝါဒနှင့်အညီ ခွဲဝေပေးရေး ကြီးကြပ်ရမည်။
(ဇ) ၁၉၈၂ ခုနှစ် မြန်မာနိုင်ငံသား ဥပဒေအရ နိုင်ငံသားအဖြစ် အသိအမှတ်ပြုသင့်သူများကို အသိအမှတ်ပြု၍ နိုင်ငံသားအခွင့်အရေး ရရှိစေရေး(National Verification Process) ကို အရှိန်အဟုန်ဖြင့် အမြန်ဆုံး ဆောင်ရွက်ပေးရမည်။
(ဈ) ရခိုင်ပြည်နယ်အတွင်းရှိ လူမှုအဖွဲ့အစည်းများအား ၎င်းတို့၏ ကိုးကွယ်သည့် ဘာသာ၊ လူမျိုးနှင့်နိုင်ငံသား၊ ကျား/မဆိုင်ရာ ဖြစ်တည်မှုတို့အပေါ် အခြေခံ၍ခွဲခြားမှု မပြုဘဲ တူညီသော ပညာသင်ကြားခွင့် ရရှိရေးနှင့် ကျန်းမာရေးစောင့်ရှောက်မှုပေးသည့် လုပ်ငန်းများ တိုးမြှင့်နိုင်ရေးတို့ကို စီမံဆောင်ရွက်ပေးရမည်။
(ည) ကော်မတီ၏ အကောင်အထည်ဖော်မှု အခြေအနေများအပေါ် တိုးတက်မှု အစီရင်ခံစာကို ပြည်သူများသို့ လေးလတစ်ကြိမ် ထုတ်ပြန်တင်ပြရမည်။
၃။ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေး ကော်မတီရုံး ကို သီးခြားဖွင့်လှစ်ထားရှိရမည်။ ကော်မတီ၏ ကုန်ကျစရိတ်အဝဝကို နိုင်ငံတော်သမ္မတရုံး၏ ရန်ပုံငွေမှ ကျခံသုံးစွဲရမည်။
၎။ ကော်မတီ၏ လုပ်ငန်းတာဝန်များ ထမ်းဆောင်စဉ် လိုအပ်သော လုံခြုံရေးနှင့် အုပ်ချုပ်ရေးဆိုင်ရာ ကိစ္စရပ်များ ကို နိုင်ငံတော်သမ္မတရုံးနှင့် ရခိုင်ပြည်နယ်အစိုးရအဖွဲ့တို့က ဖြည့်ဆည်း ဆောင်ရွက်ပေးရမည်။
၅။ ရခိုင်ပြည်နယ်ဆိုင်ရာ ကော်မရှင်များ၏ အကြံပြုချက်များနှင့်စပ်လျဉ်း၍ အကောင်အထည်ဖော် ဆောင်ရွက်ရာတွင် မြေပြင်အခြေအနေပေါ် မူတည်၍ အကျိုးရှိစွာ ထိထိရောက်ရောက် ဖော်ဆောင်နိုင်ရေး အတွက် လိုအပ်သည့် အကြံဉာဏ်များ ရယူနိုင်ရန် အကြံပေးအဖွဲ့ကို ပြည်တွင်းပြည်ပမှ ပညာရှင်များ၊ ဘာသာရပ်ဆိုင်ရာ ကျွမ်းကျင်သူများ၊ အတွေ့အကြုံရှိသူများနှင့် ဖွဲ့စည်းသွားမည်ဖြစ်ပြီး ဖွဲ့စည်းသည့် အမိန့်အား သီးခြားထုတ်ပြန်သွားမည်ဖြစ်သည်။


(ပုံ) ထင်ကျော်
နိုင်ငံတော်သမ္မတ
ပြည်ထောင်စုသမ္မတမြန်မာနိုင်ငံတော်

Share:

ရခိုင်အရေးကို ရုရှား ဂရုတစိုက် စောင့်ကြည့်နေကြောင်း ရုရှား နိုင်ငံခြားရေးဝန်ကြီးဌာန ပြောခွင့်ရ ဆို



ရခိုင်ပြည်နယ် မြောက်ပိုင်း အရေးကိစ္စနှင့် ပတ်သက်ပြီး ရုရှားအနေဖြင် ဂရုတစိုက် စောင့်ကြည့်နေကြောင်း ရုရှားနိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ် မစ္စ Maria Zakharova က ပြောသည်။
မြန်မာနိုင်ငံ၏ အခြေအနေနှင့် ပတ်သက်ပြီး ယခုလက်ရှိဖြစ်ပွားသည့် အခြေအနေသည် အစိုးရ၏ ဥပဒေစိုးမိုးရေး ဆောင်ရွက်မှုနှင့် တစ်ကိုယ်တာ လုံခြုံမှုအခြေအနေကို အရပ်သားများ ထိခိုက်ခံနေရမှုများ ပတ်သက်ပြီး ၎င်း တို့ အနေဖြင့် စိုးရိမ်ပူပန်လျက် ရှိကြောင်းဆိုသည်။ အဆိုပါ အခြေအနေများသည် ဒေသတွင်း တည်ငြိမ်အေးချမ်းမှုကို ပျက်စီးလာစေနိုင်ကြောင်း ဆိုသည်။
တစ်ချိန်တည်းမှာပင် ရခိုင်ပြည်နယ်အရေး ကိစ္စနှင့် ပတ်သက်ပြီး ၎င်းတို့ ချင့်ချိန် ဆုံးဖြတ်လျက်ရှိကြောင်း၊ ထိုသို့ ဆုံးဖြတ်ရာတွင် နိုင်ငံခြား မီဒီယာများနှင့် လူမှုကွန်ရက်များ ပေါ်မှ အချက်အလက်များကို မှီခိုပြီး လုပ်ဆောင်မည် မဟုတ်ကြောင်းပြောသည်။ ၀ါဒဖြန့်ချိသည့် သတင်းများသည် အမှန်တကယ်ဖြစ်စဉ်နှင့် ကွင်းကွာနေခြင်းများ ရှိနိုင်ကြောင်း ၎င်းက ပြောသည်။
၎င်းတို့အနေဖြင့် ဆုံးဖြတ်ချက်နှင့် ပတ်သက်ပြီး နိုင်ငံတကာ လက်ခံနိုင် သည့် သင့်တော်သည့် နိုင်ငံတကာဆိုင်၇ာ သတင်းအရင်းအမြစ်များ၊ ရန်ကုန်ရှိ ရုရှားသံရုံးမှပေးပို့သည့် အချက်အလက်များပေါ် မူတည် ဆုံးဖြတ်သွားမည် ဖြစ်ကြောင်းဆိုသည်။
၎င်းတို့အနေဖြင့် ပဋိပက္ခဖြစ်စဉ်နှင့် သက်ဆိုင်သည့် အဖွဲ့အစည်းများ အားလုံးအနေဖြင့် ပူးပေါင်းဆောင်ရွက်ရန် လိုအပ်ကြောင်းနှင့် ရခိုင်ပြည်နယ်တွင် လက်ရှိ အခြေအနေမျိုး ထပ်မံ မဖြစ်ပွားစေရေး အတွက် ကြိုတင်ကာကွယ် တားဆီးမှုများ လုပ်ဆောင်သင့်ကြောင်း တိုက်တွန်းနှိုးဆော်ထားသည်။
အကြမ်းဖက်မှု ကြိုတင်ကာကွယ် တားဆီးရေး၊ တရားဥပဒေ စိုးမိုးမှု ပြန်လည်ရရှိရေး၊ ပုံမုန်လူမှုဘ၀ အသိုက်အ၀န်း ပြန်လည်ရရှိရေးနှင့် ဒုက္ခသည် အရေးကိစ္စများ ဖြေရှင်းနိုင်ရေးအတွက် နေပြည်တော် တာဝန်ရှိသူများ အနေဖြင့် နောက်ကျမှု မရှိစေဘဲ ဖြစ်နိုင်ချေရှိသည်များကို တိုင်းတာ လုပ်ဆောင်ရန် မစ္စ Maria Zakharova က အကြံပြုထားသည်။
လက်ရှိ အခြေအနေနှင့် ပတ်သက်ပြီး မြန်မာအစိုးရ အာဏာပိုင်များ အနေဖြင့် ကုလသမဂ္ဂ အထွေထွေ အတွင်းရေးမှူးချူပ်ဟောင်း ဒေါက်တာ ကိုဖီအာနန် ဦးဆောင်သည့် ရခိုင်ပြည်နယ် ဆိုင်ရာ အကြံပေးကော်မရှင် ၏ အကြံပေးချက်များ အတိုင်း လိုက်နာဆောင်ရွက်ရန် လိုအပ်ကြောင်း သို့မှသာ ပြေလည်နိုင်မည်ဖြစ်ကြောင်း ဆိုသည်။
ယင်းကိစ္စများနှင့် ပတ်သက်ပြီး ရုရှားအနေဖြင့် ဆက်လက် စောင့်ကြည့် သွားမည် ဖြစ်ကြောင်း ဆိုသည်။ အဆိုပါ အချက်အလက်နှင့် ပတ်သက်ပြီး ရုရှားနိုင်ငံခြားရေး ၀န်ကြီးဌာနတွင် စက်တင်ဘာ ၈ ရက်က သတင်း ထုတ်ပြန်ထားခြင်း ဖြစ်သည်။

http://www.theladiesnewsjournal.com/…/tue-2017-09-12-1…/7306
Share:

မြန်မာ့အရေး လုံခြုံရေးကောင်စီမှာ ဆွေးနွေးဖို့ ဆွီဒင်နှင့် ဗြိတိန် တောင်းဆို

– မြန်မာနိုင်ငံ ရခိုင်ပြည်နယ်က ဆိုးရွားလာတဲ့ အခြေအနေတွေအတွက် ကုလ လုံခြုံရေးကောင်စီ အစည်အးဝေး ထပ်လုပ်ဖို့ ဆွီဒင်နဲ့ ဗြိတိန်တို့က မနေ့မှာ တိုက်တွန်းလိုက်ပါတယ်။
ရိုဟင်ဂျာ လက်နက်ကိုင်အဖွဲ့ ARSA က ရခိုင်ပြည်နယ်မြောက်ပိုင်းက ရဲကင်းစခန်းတွေကို သြဂုတ်လ ၂၅ ရက်နေ့က တိုက်ခိုက်ခဲ့ပြီးတဲ့နောက်ပိုင်း တစ်ကျော့ပြန် ဖြစ်ပေါ်လာတဲ့ ရခိုင်ပြည်နယ်အတွင်းက မတည်မငြိမ်မှုတွေအပေါ် ကမ္ဘာရဲ့ တုန့်ပြန်မှုက အခုရက်ပိုင်းမှာ ပိုပြီး ပြင်းထန်လာပါတယ်။
ကုလ လူ့အခွင့်အရေးဆိုင်ရာ မဟာမင်းကြီး ဇီအစ် ရာအဒ် အလ်-ဟူစိန်က ဂျီနီဗာမှာ မနေ့ကပြုလုပ်တဲ့ လူ့အခွင့်အရေးကောင်စီအစည်းအဝေးမှာ ရခိုင်ပြည်နယ်က ရိုဟင်ဂျာတွေ ခံစားနေရတဲ့ ကိစ္စဟာ ‘လူမျိုးစုလိုက် သုတ်သင်ရှင်းလင်းခံရမှု ဥပမာ’ မျိုး ဖြစ်နေပြီလို့ ပြောကြားခဲ့ပါတယ်။
ရိုဟင်ဂျာတွေဟာ ကိုယ့်အိမ်ကိုယ် မီးရှို့တယ်၊ ကိုယ့်ရွာတွေကို ကိုယ်တိုင် ဖျက်ဆီးတယ်လို့ မြန်မာအစိုးရရဲ့ လီဆယ်ပြောဆိုမှုတွေ ရပ်တန့်သင့်တယ်လို့လည်း ဟူစိန်က တိုက်တွန်းခဲ့ပါတယ်။
အိမ်နီးချင်း ဘင်္ဂလားဒေ့ရ်ှနိုင်ငံက နိုင်ငံခြားရေးဝန်ကြီးကလည်း ရိုဟင်ဂျာတွေဟာ လူမျိုးတုန်း သတ်ဖြတ်ခံနေရတယ်လို့ တနင်္ဂနွေနေ့မှာ ပြောကြားခဲ့ပြီး ရခိုင်ပြဿနာ ဖြစ်ပွားလာတဲ့တစ်လျှောက် ဘင်္ဂလားဒေ့ရ်ှရဲ့ အပြင်းထန်ဆုံး မှတ်ချက်လည်း ဖြစ်ပါတယ်။
မတည်ငြိမ်မှုတွေကြောင့် ရခိုင်ပြည်နယ်အတွင်း နေထိုင်ကြသူတွေဟာ အိုးအိမ်စွန့်ခွာ ထွက်ပြေးခဲ့ရပြီး ရခိုင်တိုင်းရင်းသားတွေကို အစိုးရအစီအစဉ်နဲ့ ကယ်ဆယ်စောင့်ရှောက်ထားပါတယ်။
ရိုဟင်ဂျာတွေဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး ပြီးခဲ့တဲ့ ၂ ပတ်အတွင်း ရောက်ရှိလာတဲ့ ရိုဟင်ဂျာပေါင်း ၂၇၀၀၀၀ လောက်ရှိတယ်လို့ ကုလ သတင်းထုတ်ပြန်ထားပါတယ်။
ဆွီဒင်နဲ့ ယူကေတို့ရဲ့ တောင်းဆိုမှုနဲ့ မြန်မာ့အရေး ကုလလုံခြုံရေးကောင်စီ အစည်းအဝေးကို မနက်ဖြန်မှာ ကျင်းပဖို့ရှိနေပါတယ်။ ပြီးခဲ့တဲ့လနှောင်းပိုင်းက ဒီလိုအစည်းအဝေးမျိုးတစ်ခု ကျင်းပခဲ့ပေမယ့် တရားဝင် ထုတ်ပြန်ချက်တွေတော့ မပြုလုပ်ခဲ့ပါဘူး။
Ref: news.com.au, Aljazeera
Share:

09 September, 2017

ဘင်္ဂလားဒေ့ရ်ှသည် လူဦးရေပေါက်ကွဲပြီး ရခိုင်ပြည်နယ်အတွင်း ၀င်ရောက်လုပ်ကိုင် စားသောက် နေကြသည်ဆိုသည့်အချက်ကို ပြန်လည်သုံးသပ်စေလိုဟု ဘင်္ဂလားဒေ့ရ်ှစစ်သံမှူးက ပြော



ဘင်္ဂလားဒေ့ရ်ှနိုင်ငံသည် လူဦးရေပေါက်ကွဲပြီး ရခိုင်ပြည်နယ်တွင် လုပ်ကိုင်စားသောက်ရန် ၀င်ရောက်နေ ကြသည်ဆိုသည့်အချက်အပေါ် ပြန်လည်သုံးသပ်စေလိုကြောင်း မြန်မာနိုင်ငံဆိုင်ရာ ဘင်္ဂလားဒေ့ရ်ှနိုင်ငံ စစ်သံမှူးက ပြောကြားသည်။
စက်တင်ဘာ ၇ ရက်တွင် ရန်ကုန်မြို့ မရမ်းကုန်းမြို့နယ်ရှိ Gandamar Wholesale ၌ Discussions on Finding Solutions ခေါင်းစဉ်ဖြင့် ပြုလုပ်ခဲ့သည့် ဆွေးနွေးပွဲတွင် ဘင်္ဂလားဒေ့ရ်ှစစ်သံမှူးက ယင်းသို့ ပြောကြားခဲ့ခြင်း ဖြစ်သည်။
ယင်းဆွေးနွေးပွဲတွင် နိုင်ငံတကာရေးရာသုတေသီ ဦးကိုကိုလှိုင်၊ ပြင်သစ်နိုင်ငံအရှေ့တိုင်းပညာရပ်များ သုတေသနဌာန ညွှန်ကြားရေးမှူးချုပ် Dr. Jacques P.Leider တို့က ပင်တိုင်ဆွေးနွေးခဲ့ကြပြီး ဗိုလ်မှူးကြီးသန်းအေးက Moderator အဖြစ် ဆောင်ရွက်ခဲ့သည်။
ဆွေးနွေးပွဲကို (၁) နိဒါန်း၊ (၂) ရိုဟင်ဂျာဟူသော အမည်ပေါ်ပေါက်လာပုံ၊ (၃) ပြဿနာဖြစ်ပွားရသည့် အကြောင်းအရင်းများ၊ (၄) လူဝင်မှုနှင့် နိုင်ငံသားဖြစ်မူ၊ (၅) ရခိုင်အရေးတွင် ပြင်ပမှ ပါဝင်ပတ်သက်မှု၊ (၆) အခြားအာဆီယံနိုင်ငံများနှင့်ဆက်ဆံရေး၊ (၇) ပြဿနာကို ဘယ်လိုဖြေရှင်းနိုင်မလဲ စသည့်ခေါင်းစဉ် ၇ ခုဖြင့် ကျင်းပခဲ့သည်ဟု တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ခဲ့သည်။
သီးခြားဖိတ်ကြား ထားသူများဖြစ်သည့် ဘင်္ဂလားဒေ့ရ်ှစစ်သံမှူး၊ သမ္မတဦးသိန်းစိန်အစိုးရလက်ထက်အကြံပေး ပုဂ္ဂိုလ်များ ဖြစ်ခဲ့သည့် ဒေါက်တာရင်ရင်နွယ်၊ ဒေါက်တာနေဇင်လတ်နှင့် သမိုင်းပညာရှင်ပါမောက္ခဒေါက်တာအေးချမ်းတို့ ကလည်း တဦးလျှင် ၅ မိနစ်ခန့် ပါဝင်ဆွေးနွေးခဲ့ကြသည်။
ဘင်္ဂလားဒေ့ရ်ှစစ်သံမှူးက ဘင်္ဂလားဒေ့ရ်ှနိုင်ငံသည် ကမ္ဘာတွင် ၂၂ ခုမြောက် စီးပွားရေးကြီးမားသော နိုင်ငံဖြစ်ကြောင်း၊ လူဦးရေအလွန်သိပ်သည်းသော်လည်းစီးပွားရေးတိုးတက်ကောင်းမွန်နေကြောင်း၊ ဘင်္ဂလားဒေ့ရ်ှအစိုးရဘတ်ဂျက်သည် မြန်မာအစိုးရဘတ်ဂျက်ထက် ၈ ဆပိုများကြောင်း၊ စီးပွားရေးဖွံ့ဖြိုး တိုးတက်မှုနှုန်းသည် ၂ ဒသမ ၆ ရာခိုင်နှုန်းဖြစ်ကြောင်း နှစ်စဉ်တဦးချင်း ပျမ်းမျှဝင်ငွေသည် ဒေါ်လာ ၁၆၀၀ ဖြစ်ကြောင်း၊ နိုင်ငံ၏ဧရိယာ ၉၀ ရာခိုင်နှုန်းသည် လျှပ်စစ်မီးရရှိနေပြီး ကျေးလက်ဒေသများတွင်ပါ ကောင်းမွန်သည့် အင်တာနက်ချိတ်ဆက်မှုနှင့် မိုဘိုင်းဖုန်းကွန်ရက်ရှိကြောင်း ပြောကြားသည်။ ဆွေးနွေးပွဲတွင် ဆွေးနွေးခဲ့သည့်သတင်းအချက်အလက်များ မှားယွင်းနေသည်ဟုလည်း ၎င်းက ပြောကြားသည်။
''ကျွန်တော်တို့ ရိုဟင်ဂျာတွေ အကြောင်း မပြောပါဘူး။ ဒါက သမိုင်းနဲ့ နိုင်ငံရေးဆိုင်ရာ အကြောင်းအရာဖြစ်ပါ တယ်။ ဒါပေမဲ့ နိုင်ငံတကာဥပဒေအရ လွတ်လပ်စွာသွားလာခွင့်တော့ လူတိုင်းမှာ ရှိပါတယ်။ လစဉ် မြန်မာနိုင်ငံ သား ၂ သိန်း လောက် ပြည်ပထွက်ပြီး အလုပ်အကိုင် ရှာဖွေကြတယ် လို့လည်း သိရပါတယ်။ ဒါဟာ နိုင်ငံတကာဥပေဒအရ လွတ်လပ်ခွင့်ပဲဖြစ်ပါတယ်။
ကျွန်တော်တို့ ဘင်္ဂလားဒေ့ရ်ှဟာ ဒီမိုကရေစီနိုင်ငံ ဖြစ်ပါတယ်။ ကျွန်တော်တို့လည်း စစ်သွေးကြွ အကြမ်းဖက်ဝါဒကို တိုက်ဖျက်နေပါတယ်။ အဲဒီတော့ ကျွန်တော် မေတ္တာရပ်ခံချင်တာက ဘင်္ဂလားဒေ့ရ်ှနိုင်ငံဟာ လူဦးရေပေါက်ကွဲပြီး ရခိုင်ပြည်နယ်မှာ လုပ်ကိုင်စားသောက်ဖို့ ၀င်ရောက်ကြတယ် ဆိုတဲ့အချက်အပေါ်မှာ ပြန်လည်သုံးသပ်စေလိုပါတယ်''ဟု ၎င်းက ဆက်လက်ပြော ကြားခဲ့သည်။
ယင်းဆွေးနွေးပွဲသို့ နိုင်ငံရေးသုတေသီများ၊ သမိုင်းပညာရှင်များ၊ မြန်မာနိုင်ငံဆိုင်ရာ နိုင်ငံခြားစစ်သံမှူးများ၊ နိုင်ငံ့အရေး၊ အမျိုးသားရေး၊ ရခိုင်ပြည်နယ်အရေး စိတ်ပါဝင်စားသူများနှင့် သတင်းမီဒီယာသမားများ စုစုပေါင်း အင်အား ၅၀၀ ကျော် တက်ရောက်ခဲ့ကြကြောင်း တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ခဲ့ သည်။
Share:

30 August, 2017

မြန်မာ့အရေး ကုလလုံခြုံရေးကောင်စီ အရေးပေါ် အစည်းအဝေး ဗုဒ္ဓဟူးနေ့ခေါ်မည်



ရခိုင်ပြည်နယ်မှာ ဖြစ်ပေါ်နေတဲ့ အခြေအနေတွေနဲ့ ပတ်သက်လို့ ကုလသမဂ္ဂ လုံခြုံရေးကောင်စီမှာ သြဂုတ်လ ၃၀ ရက် ဗုဒ္ဓဟူးနေ့ကျရင် အရေးပေါ် အစည်းအဝေး ကျင်းပမှာ ဖြစ်ပါတယ်။ အရေးပေါ် အစည်းအဝေး လုပ်ဖို့ ဗြိတိန်နိုင်ငံရဲ့တောင်းဆိုချက်ကို လုံခြုံရေး ကောင်စီက သဘောတူခဲ့တဲ့ အကြောင်း ကုလသမဂ္ဂဆိုင်ရာ ဗြိတိန်သံအမတ်ကြီး Matthew Rycroft က New York မြို့ ကုလသမဂ္ဂ ဌာနချုပ်မှာ အင်္ဂါနေ့က ခုလိုပြောကြားခဲ့ပါတယ်။
“ မြန်မာနိုင်ငံနဲ့ ပတ်သက်လို့ မနက်ဖြန် အရေးပေါ် အစည်းအဝေး ခေါ်ဖို့ တောင်းဆိုချက်ကို လုံခြုံရေးကောင်စီက သဘောတူပါတယ်။ စစ်တပ်ရဲ့ရန်လိုတဲ့ ဆောင်ရွက်ချက်တွေ၊ ထွက်ပြေးနေရတဲ့ ဒုက္ခသည်တွေ များလာတယ် ဆိုတဲ့ သတင်းတွေ ထွက်ပေါ်နေတဲ့ အပေါ် ကျွန်တော်တို့က အများ အာရုံစိုက်မှုရအောင် လုပ်ချင်တာပါ။ ဒီကိစ္စတွေနဲ့ ပတ်သက်လို့ လုံခြုံရေးကောင်စီဖက်က တုံ့ပြန်ဆောင်ရွက်နိုင်ဖို့ အရေးပေါ် အစည်းအဝေး ခေါ်တာ ဖြစ်ပါတယ်။”
ရခိုင်ပြည်နယ်နဲ့ ပတ်သက်လို့ ကာလကြာရှည်ထဲက ရှိနေတဲ့ ပြဿနာတွေကို ဖြေရှင်ဖို့ လိုအပ်ကြောင်းနဲ့ သက်ဆိုင်နေသူ အားလုံး အခြေအနေကို ထိန်းထိန်းသိမ်းသိမ်း လုပ်ကြဖို့ တိုက်တွန်းကြောင်းလည်း သံအမတ်ကြီး Rycroft ကသူ့ရဲ့ တွစ်တာ စာမျက်နှာပေါ်မှာ ရေးသားခဲ့ပါတယ်။
သြဂုတ်လ ၂၅ ရက်နေ့ မနက်အစောပိုင်းက စလို့ လုံခြုံရေး စခန်းပေါင်း ၃၀ ထက် မနည်းအပေါ် လက်နက်ကိုင် စစ်သွေးကြွတွေက တိုက်ခိုက်ခဲ့သလို ရွာတွေလည်း တိုက်ခိုက်ခံခဲ့ရပါတယ်။ အဲဒီနောက် ရခိုင်ရွာတွေက ပြည်သူ အများအပြား ဘေးလွတ်ရာ ထွက်ပြေးနေကြရသလို၊ မွတ်ဆလင်ရွာတွေ ဖက်ကလည်း ဘင်္ဂလားဒေရှ့်နိုင်ငံဖက်ကို ထွက်ပြေး တိမ်းရှောင် နေကြပါတယ်။
ဘင်္ဂလားဒေရှ့် ဖက် ထွက်ပြေးတဲ့ ရိုဟင်ဂျာတွေ အပေါ် လုံခြုံရေးတပ်တွေက တိုက်ခိုက်တယ် ဆိုတဲ့ စွပ်စွဲမှုတွေလည်း ထွက်ပေါ်နေပါတယ်။ မြန်မာနိုင်ငံဖက်က ထွက်ပြေးလာတဲ့ ရိုဟင်ဂျာတွေကို ဘင်္ဂလားဒေရှ့် နိုင်ငံထဲမှာ လုံခြုံစွာ ခိုလှုံခွင့်ပေးဖို့ ကုလသမဂ္ဂ အတွင်းရေးမှူးချုပ် António Guterres က ဘင်္ဂလားဒေရှ့် အာဏာပိုင်တွေကို ပန်ကြားခဲ့ပါတယ်။ ဘင်္ဂလားဒေရှ့်ဖက် ထွက်ပြေးနေတဲ့ ရိုဟင်ဂျာ ၅ ထောင်ကျော်ရှိနေပြီး သူတို့ကို လိုလိုလားလား လက်ခံဖို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး ကလည်း တိုက်တွန်း ထားပါတယ်။
ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး Zeid al’ Hussein ကတော့ နိုင်ငံတကာ လူ့အခွင့်အရေး ဥပဒေတွေကို အားလုံးက အပြည့်အ၀ လေးစားလိုက်နာဖို့ အတွက် တိုက်တွန်းထားပါတယ်။ လတ်တလော ဖြစ်ခဲ့တဲ့ လုံခြုံရေး စခန်းတွေ အပေါ် အစွန်းရောက် မွတ်ဆလင်တွေရဲ့ တိုက်ခိုက်မှုတွေနဲ့ လုံခြုံရေးတပ်တွေရဲ့အရပ်သားတွေ အပေါ် တိုက်ခိုက်မှုတွေ အပေါ်လည်း သူက အပြစ်တင် ခဲ့ပါတယ်။
ရခိုင်ပြည်နယ်ထဲက လုံခြုံရေးစခန်းတွေ တိုက်ခိုက်ခံရမှု အပေါ် နိုင်ငံတကာက ပြင်းပြင်းထန်ထန် ရှုတ်ချခဲ့သလို တရားဥပဒေနဲ့ အညီ တုံ့ပြန် ဆောင်ရွက်ဖို့ မြန်မာအစိုးရကို တိုက်တွန်းခဲ့ပါတယ်။ အစွန်းရောက် ဘင်္ဂလီ အကြမ်းဖက် အဖွဲ့အစည်းတွေဟာ ဘာသာရေးကို ခုတုံးလုပ်ပြီး နိုင်ငံတကာ အကြမ်းဖက် အဖွဲ့အစည်းတွေနဲ့ ချိတ်ဆက်ကာ နယ်မြေ ပိုင်ဆိုင်နိုင်ဖို့ အထိ ရည်မှန်း လုပ်ဆောင်နေတာ ဖြစ်တယ်လို့ တပ်မတော် တာဝန်ရှိသူ တယောက်က အင်္ဂါနေ့က သတင်းစာရှင်းလင်းပွဲမှာ ပြောသွားပါတယ်။
အခုတခေါက် ရခိုင်ပြည်နယ်မှာ ဖြစ်ပွားနေတဲ့ အကြမ်းဖက် ဖြစ်စဉ်တွေဟာ အရင်ဖြစ်ခဲ့တဲ့ ဖြစ်စဉ်တွေနဲ့ မတူဘူးလို့ အမျိုးသား လုံခြုံရေး အကြံပေးပုဂ္ဂိုလ် ဦးသောင်းထွန်းကလည်း အင်္ဂါနေ့ကပဲ သီးခြား သတင်းစာရှင်းပွဲမှာ ပြောကြားခဲ့ပါတယ်။ ရခိုင်ပြည်နယ် အေးချမ်း တည်ငြိမ် သာယာဝပြောရေး အတွက် အစိုးရနဲ့ နိုင်ငံတကာရဲ့အားထုတ်ဆောင်ရွက်မှုတွေ ထိခိုက်ပျက်စီးစေဖို့ အကွက်ချ စီစဉ်ဆောင်ရွက်နေတာ ထင်ရှားတယ်လို့ ပြောပါတယ်။
အကြမ်းဖက် တိုက်ခိုက်မှုတွေကို တုံ့ပြန်တဲ့ နေရာမှာ အပြစ်မဲ့ပြည်သူတွေ သေကြေပျက်စီးမှု မရှိအောင် အတတ်နိုင်ဆုံး ထိန်းသိမ်း ဆောင်ရွက်နေတယ် လို့လည်း အမျိုးသား လုံခြုံရေး အကြံပေး ဦးသောင်းထွန်းက သတင်းစာရှင်းပွဲမှာ ပြောကြား သွားပါတယ်။ ကုလသမဂ္ဂ လုံခြုံရေး ကောင်စီ အနေနဲ့ မြန်မာနိုင်ငံနဲ့ ပတ်သက်တဲ့ အရေးပေါ် အစည်းအဝေးကို ၂၀၀၅ ခုနှစ်က ပထမဆုံး အကြိမ် ခေါ်ယူခဲ့ပြီး ၂၀၀၇ ခုနှစ်ရွှေဝါရောင်တော်လှန်ရေး အပြီး တကြိမ် ကျင်းပခဲ့ပါတယ်။

https://burmese.voanews.com/a/un-security-council-discuss-on-myanmar-violence/4005926.html
Share:

29 August, 2017

ရိုဟင်ဂျာ အရပ်သားတွေ သေဆုံးမှု ကုလသမဂ္ဂအတွင်းရေးမှူးချုပ် António Guterres လွန်စွာစိုးရိမ်မကင်းဖြစ်

Image may contain: 1 person, close-up

မအင်ကြင်းနိုင်- VOA
ရခိုင်ပြည်နယ်မြောက်ပိုင်းမှာ လုံခြုံရေးတပ်တွေရဲ့ နယ်မြေရှင်းလင်းမှုကြောင့် အရပ်သားတွေပါ သေဆုံးမှုတွေရှိနေတယ်ဆိုတဲ့ သတင်းတွေကြောင့် လွန်စွာစိုးရိမ်မကင်းဖြစ်မိကြောင်း ကုလသမဂ္ဂအတွင်းရေးမှူးချုပ် António Guterres က မနေ့ တနင်္လာနေ့က ပြောကြားလိုက်ပါတယ်။
တချိန်တည်းမှာပဲ ဘေးကင်းလုံခြုံရာ ဘင်္ဂလားဒေ့ရ်ှနိုင်ငံဖက်ထွက်ပြေးလာတဲ့ ဒုက္ခသည်တွေကိုလည်း ဆက်ပြီး လက်ခံဖို့ ဘင်္ဂလားဒေ့ရ်ှအာဏာပိုင်တွေကို မေတ္တာရပ်ခံလိုက်ပါတယ်။
ရခိုင်ပြည်နယ်မြောက်ပိုင်းမှာ သြဂုတ်လ (၂၅)ရက်နေ့က လုံခြုံရေးစခန်းတွေကို အကြမ်းဖက်သမားတွေ ၀င်ရောက်တိုက်ခိုက်မှုနဲ့ ပတ်သက်လို့ ကုလသမဂ္ဂအတွင်းရေးမှူးချုပ် Guterres ကပြင်းပြင်းထန်ထန် ရှုတ်ချထားတာပါ။
ဒီအကြမ်းဖက်မှုဖြစ်စဉ်နောက်ပိုင်း လုံခြုံရေးတပ်တွေက နယ်မြေရှင်းလင်းမှုကြောင့် အရပ်သားတွေပါ အသက်သေဆုံးမှုတွေရှိနေတဲ့ အခြေအနေကို အထူးစိုးရိမ်နေကြောင်း အတွင်းရေးမှူးချုပ်က ပြောဆိုခဲ့ပါတယ်။ ဒါနဲ့ပတ်သက်လို့ မနေ့က ကြေညာချက်ထုတ်ပြန်ရာမှာ နှစ်ဘက်အသိုင်းအ၀ိုင်းမှာ ဒုက္ခရောက်နေသူအားလုံးကို လိုအပ်တဲ့အကူအညီတွေပေးဖို့ မြန်မာအစိုးရမှာ တာဝန်ရှိတယ်လို့ တိုက်တွန်းထားကြောင်း ကုလသမဂ္ဂအတွင်းရေးမှူးချုပ်ရုံးရဲ့ ပြောခွင့်ရပုဂ္ဂိုလ် Mathias Gillmann က ဗွီအိုအေကို အခုလို ပြောပါတယ်။
"ရခိုင်ပြည်နယ်မှာ လုံခြုံရေးတပ်တွေရဲ့ နယ်မြေရှင်းလင်းရေးကာလအတွင်း အရပ်သားပြည်သူတွေပါ အသတ်ခံရတယ်ဆိုတဲ့ သတင်းတွေကြောင့် ကုလသမဂ္ဂအတွင်းရေးမှူးချုပ်က လွန်စွာစိုးရိမ်မကင်းဖြစ် ပါတယ်။
သြဂုတ်လ (၂၅)ရက်နေ့က မြန်မာလုံခြုံရေးတပ်တွေတိုက်ခိုက်ခံခဲ့ရပြီး အခု နောက်ဆုံးတကြော့ အကြမ်းဖက်မှု ဖြစ်ပွားတာဖြစ်ပါတယ်။
ဒီတိုက်ခိုက်မှုတွေကို အတွင်းရေးမှူးချုပ် ကပြစ်တင်ရှုတ်ချပြီး အကြမ်းဖက်မှုဖြစ်ပွားစေတဲ့ အခြေခံအကြောင်းရင်းကို ဖြေရှင်းနိုင်ဖို့ အရေးကြီးတဲ့အကြောင်းနဲ့ ဒုက္ခရောက်ကြသူတွေကို လိုအပ်တဲ့ အကူအညီပေးပြီး လုံခြုံရေးဆောင်ရွက်ပေးဖို့ မြန်မာအစိုးရမှာ တာဝန်ရှိကြောင်း ထပ်လောင်း အသိပေးအပ်ပါတယ်။"
ဒါအပြင် ကိုဖီအာနန်ရဲ့အစီရင်ခံစာပါ အကြံပြုချက်တွေကိုလည်း အတွင်းရေးမှူးချုပ်က အပြည့်အ၀ထောက်ခံပြီး မြန်မာအစိုးရအနေနဲ့ ထိထိရောက်ရောက် အကောင်အထည်ဖေါ်ဖို့ကိုလည်း အတွင်းရေးမှူးချုပ်က တိုက်တွန်းထားပါတယ်။ နောက်ပြီး ဘင်္ဂလားဒေ့ရ်ှဘက်ကို ထွက်ပြေးလာတဲ့ ဒုက္ခသည်တွေအရေးနဲ့ ပတ်သက်လိုတော့ ပြောခွင့်ရပုဂ္ဂိုလ် Mathias Gillmann ကအခုလိုပြောပါတယ်။
"ဆယ်စုနှစ်ပေါင်းများစွာ မြန်မာနိုင်ငံက ဒုက္ခသည်တွေကို ဘင်္ဂလားဒေရ်ှက သဘောထားကြီးစွာ လက်ခံခဲ့တာကိုလည်း အတွင်းရေးမှူးချုပ်က အသိအမှတ်ပြုသလို တချိန်တည်းမှာပဲ အကြမ်းဖက်မှုတွေကနေ ဘေးကင်းလုံခြုံရာ ဘင်္ဂလားဒေ့ရ်ှကို ထွက်ပြေးလာခဲ့ကြတဲ့ ရိုဟင်ဂျာတွေကို လက်ခံဖို့လည်း အာဏာပိုင်တွေကို မေတ္တာရပ်ခံပါတယ်။ ထွက်ပြေးလာသူအများစုဟာ အမျိုးသမီးနဲ့ ကလေးငယ်တွေဖြစ်ကြပြီး တချို့က ထိခိုက်ဒဏ်ရာတွေရထားတာပါ။"
မြန်မာအစိုးရအနေနဲ့ လူသားချင်းစာနာမှု အေဂျင်စီတွေကို အကူအညီနဲ့ အကာအကွယ်လိုအပ်နေတဲ့ လူအဖွဲ့အစည်းတွေထံကို အဟန့်အတားမရှိ လွတ်လပ်စွာသွားလာခွင့်ပြုရေး အာမခံပေးဖို့ အတွင်းရေးမှူးချုပ်က တောင်းဆိုကြောင်းလည်း Mathias Gillmann ကဆိုပါတယ်။
အခုလိုဆောင်ရွက်ရာမှာ မြန်မာနဲ့ ဘင်္ဂလားဒေ့ရ်ှနှစ်နိုင်ငံလုံးကို ကုလသမဂ္ဂက လိုအပ်တဲ့အကူအညီတွေ ပေးဖို့ အဆင်သင့်ရှိနေကြောင်း အတွင်းရေးမှူးချုပ်ရဲ့ ကြေညာချက်မှာဖေါ်ပြထားပါတယ်။

https://burmese.voanews.com/a/myanmar-rahkine-…/4004793.html


Share:

ရခိုင်ပဋိပက္ခ အရပ်သားတွေသေဆုံးမှု ကုလစိုးရိမ်

  အင်ကြင်းနိုင်
ရခိုင်ပြည်နယ်မြောက်ပိုင်းမှာ လုံခြုံရေးတပ်တွေရဲ့ နယ်မြေရှင်းလင်းမှုကြောင့် အရပ်သားတွေပါ သေဆုံးမှုတွေရှိနေတယ်ဆိုတဲ့ သတင်းတွေကြောင့် လွန်စွာစိုးရိမ်မကင်းဖြစ်မိကြောင်း ကုလသမဂ္ဂအတွင်းရေးမှူးချုပ် António Guterres က မနေ့ တနင်္လာနေ့က ပြောကြားလိုက်ပါတယ်။
တချိန်တည်းမှာပဲ ဘေးကင်းလုံခြုံရာ ဘင်္ဂလားဒေ့ရ်ှနိုင်ငံဖက်ထွက်ပြေးလာတဲ့ ဒုက္ခသည်တွေကိုလည်း ဆက်ပြီး လက်ခံဖို့ ဘင်္ဂလားဒေ့ရ်ှအာဏာပိုင်တွေကို မေတ္တာရပ်ခံလိုက်ပါတယ်။မအင်ကြင်းနိုင်က အပြည့်အစုံကိုဆက်ပြီးပြောပြမှာပါ။
ရခိုင်ပြည်နယ်မြောက်ပိုင်းမှာ သြဂုတ်လ (၂၅)ရက်နေ့က လုံခြုံရေးစခန်းတွေကို အကြမ်းဖက်သမားတွေ ၀င်ရောက်တိုက်ခိုက်မှုနဲ့ ပတ်သက်လို့ ကုလသမဂ္ဂအတွင်းရေးမှူးချုပ် Guterres ကပြင်းပြင်းထန်ထန် ရှုတ်ချထားတာပါ။ ဒီအကြမ်းဖက်မှုဖြစ်စဉ်နောက်ပိုင်း လုံခြုံရေးတပ်တွေက နယ်မြေရှင်းလင်းမှုကြောင့် အရပ်သားတွေပါ အသက်သေဆုံးမှုတွေရှိနေတဲ့ အခြေအနေကို အထူးစိုးရိမ်နေကြောင်း အတွင်းရေးမှူးချုပ်က ပြောဆိုခဲ့ပါတယ်။ ဒါနဲ့ပတ်သက်လို့ မနေ့က ကြေညာချက်ထုတ်ပြန်ရာမှာ နှစ်ဘက်အသိုင်းအ၀ိုင်းမှာ ဒုက္ခရောက်နေသူအားလုံးကို လိုအပ်တဲ့အကူအညီတွေပေးဖို့ မြန်မာအစိုးရမှာ တာဝန်ရှိတယ်လို့ တိုက်တွန်းထားကြောင်း ကုလသမဂ္ဂအတွင်းရေးမှူးချုပ်ရုံးရဲ့ ပြောခွင့်ရပုဂ္ဂိုလ် Mathias Gillmann က ဗွီအိုအေကို အခုလို ပြောပါတယ်။
"ရခိုင်ပြည်နယ်မှာ လုံခြုံရေးတပ်တွေရဲ့ နယ်မြေရှင်းလင်းရေးကာလအတွင်း အရပ်သားပြည်သူတွေပါ အသတ်ခံရတယ်ဆိုတဲ့ သတင်းတွေကြောင့် ကုလသမဂ္ဂအတွင်းရေးမှူးချုပ်က လွန်စွာစိုးရိမ်မကင်းဖြစ်ပါတယ်။သြဂုတ်လ (၂၅)ရက်နေ့က မြန်မာလုံခြုံရေးတပ်တွေတိုက်ခိုက်ခံခဲ့ရပြီး အခု နောက်ဆုံးတကြော့ အကြမ်းဖက်မှု ဖြစ်ပွားတာဖြစ်ပါတယ်။ ဒီတိုက်ခိုက်မှုတွေကို အတွင်းရေးမှူးချုပ်ကပြစ်တင်ရှုတ်ချပြီး အကြမ်းဖက်မှုဖြစ်ပွားစေတဲ့ အခြေခံအကြောင်းရင်းကို ဖြေရှင်းနိုင်ဖို့ အရေးကြီးတဲ့အကြောင်းနဲ့ ဒုက္ခရောက်ကြသူတွေကို လိုအပ်တဲ့အကူအညီပေးပြီး လုံခြုံရေးဆောင်ရွက်ပေးဖို့ မြန်မာအစိုးရမှာ တာဝန်ရှိကြောင်း ထပ်လောင်းအသိပေးအပ်ပါတယ်။"
ဒါအပြင် ကိုဖီအာနန်ရဲ့အစီရင်ခံစာပါ အကြံပြုချက်တွေကိုလည်း အတွင်းရေးမှူးချုပ်က အပြည့်အ၀ထောက်ခံပြီး မြန်မာအစိုးရအနေနဲ့ ထိထိရောက်ရောက်အကောင်အထည်ဖေါ်ဖို့ကိုလည်း အတွင်းရေးမှူးချုပ်က တိုက်တွန်းထားပါတယ်။ နောက်ပြီး ဘင်္ဂလားဒေ့ရ်ှဘက်ကို ထွက်ပြေးလာတဲ့ ဒုက္ခသည်တွေအရေးနဲ့ ပတ်သက်လိုတော့ ပြောခွင့်ရပုဂ္ဂိုလ် Mathias Gillmann ကအခုလိုပြောပါတယ်။
"ဆယ်စုနှစ်ပေါင်းများစွာ မြန်မာနိုင်ငံက ဒုက္ခသည်တွေကို ဘင်္ဂလားဒေရ်ှက သဘောထားကြီးစွာ လက်ခံခဲ့တာကိုလည်း အတွင်းရေးမှူးချုပ်က အသိအမှတ်ပြုသလို တချိန်တည်းမှာပဲ အကြမ်းဖက်မှုတွေကနေ ဘေးကင်းလုံခြုံရာ ဘင်္ဂလားဒေ့ရ်ှကို ထွက်ပြေးလာခဲ့ကြတဲ့ ရိုဟင်ဂျာတွေကို လက်ခံဖို့လည်း အာဏာပိုင်တွေကို မေတ္တာရပ်ခံပါတယ်။ ထွက်ပြေးလာသူအများစုဟာ အမျိုးသမီးနဲ့ ကလေးငယ်တွေဖြစ်ကြပြီး တချို့က ထိခိုက်ဒဏ်ရာတွေရထားတာပါ။"
မြန်မာအစိုးရအနေနဲ့ လူသားချင်းစာနာမှု အေဂျင်စီတွေကို အကူအညီနဲ့ အကာအကွယ်လိုအပ်နေတဲ့ လူအဖွဲ့အစည်းတွေထံကို အဟန့်အတားမရှိ လွတ်လပ်စွာသွားလာခွင့်ပြုရေး အာမခံပေးဖို့ အတွင်းရေးမှူးချုပ်က တောင်းဆိုကြောင်းလည်း Mathias Gillmann ကဆိုပါတယ်။ အခုလိုဆောင်ရွက်ရာမှာ မြန်မာနဲ့ ဘင်္ဂလားဒေ့ရ်ှနှစ်နိုင်ငံလုံးကို ကုလသမဂ္ဂက လိုအပ်တဲ့အကူအညီတွေ ပေးဖို့ အဆင်သင့်ရှိနေကြောင်း အတွင်းရေးမှူးချုပ်ရဲ့ ကြေညာချက်မှာဖေါ်ပြထားပါတယ်။
တနင်္ဂနွေနေ့က နိုင်ငံတော်အတိုင်ပင်ခံရုံးကနေ ထုတ်ပြန်တဲ့ ကြေညာချက်တခုမှာ အချို့ INGO ၀န်းထမ်းတွေဟာ အကြမ်းဖက်သမားတွေကို အကူအညီတွေပေးခဲ့ကြောင်းသတင်းတွေထွက်လာပြီး အတည်ပြုနိုင်ဖို့ ဆက်လက်စုံစမ်းနေကြောင်း ဖေါ်ပြထားပါတယ်။ ဒီကြေညာချက်ဟာ မြန်မာအစိုးရရဲ့ တာဝန်မဲ့မှုကို ပြနေကြောင်း နိုင်ငံတကာ လူ့အခွင့်အရေးအဖွဲ့တွေကလည်း မနေ့က တုန့်ပြန်ပြောဆို ခဲ့ကြပါတယ်။ အဲဒီထဲက နယူးရောက်အခြေစိုက် HRW လူ့အခွင့်အရေးစောင့်ကြည့်ရေး အဖွဲ့ကြီးရဲ့ အာရှရေးရာ တာဝန်ခံ John Sifton ကတော့
"မြန်မာအစိုးရက အခုလိုမျိုး သက်သေအထောက်အထားမရှိပဲ စွပ်စွဲဖေါ်ပြချက်ကိုလုံးဝ လက်ခံနိုင်စရာ မရှိပါဘူး။ အထူးသဖြင့် ဒီအဖွဲ့တွေဟာ ရခိုင်ပြည်နယ်မှာ ရိုဟင်ဂျာနဲ့ရခိုင် လူမှုအသိုင်းအ၀ိုင်းနှစ်ဘက်လုံးကို လူသားချင်းစာနာမှုအကူအညီတွေပေးဖို့ ပင်ပမ်းခံ မနားမနေကြိုးစားဆောင်ရွက်နေတာပါ။ တကယ်တမ်းမှာ ဒီလိုအကူအညီတွေကို အစိုးရက လုပ်ဆောင်ရမှာဖြစ်ပါတယ်။ တကယ်လို့သာ အစိုးရက သူ့တာဝန်ဖြစ်တဲ့ နိုင်ငံသားဥပဒေပြင်ဆင်ဖို့၊ တရားဥပဒေစိုးမိုးရေးရှိဖို့၊ အမျိုးသားရင့်ကြားစေ့ရေး စတာတွေကို ကျေပွန်အောင်ဖြေရှင်းပေးမယ်ဆိုရင် ဒီလို မတည်မငြိမ်တာတွေ ဖြစ်လာမှာ မဟုတ်ပါဘူး။"
မေယုတောင်ပေါ်က အကြမ်းဖက်သမားတွေ ခိုအောင်းတဲ့ စခန်းချရာတဲတွေမျာ ကုလသမဂ္ဂကမ္ဘာ့စားနပ်ရိက္ခာအစီအစဉ် (WFP) ဖြန့်ဝေတဲ့ စွမ်းအားမြင့်ဘီစကစ်တွေ တွေ့ရှိခဲ့ကြောင်း နိုင်ငံတော်အတိုင်ပင်ခံရုံးရဲ့ ကြေညာချက်မှာ ဖေါ်ပြတာနဲ့ ပတ်သက်လို့ WFP အနေနဲ့ အသေးစိတ်အချက်အလက်တွေသိရှိလိုကြောင်း မြန်မာအစိုးရကို အကြောင်းကြားထားတယ်လို့ WFP က သတင်းဌာနတွေကို တုန့်ပြန်တဲ့ အီးမေးလ်မှာ ရေးသားထားပါတယ်။
ဒါအပြင် အဲဒီကြေညာချက်မှာ အကြမ်းဖက်သမားတွေ၊ အကြမ်းဖက်အုပ်စုတွေလို့ အစိုးရက တရားဝင်ကြေညာထားတဲ့အတွက် Insurgents သူပုန်ဆိုပြီး အမျိုးအမျိုးေ၇းသားဖေါ်ပြချက်တွေကို သတင်းမီဒီယာတွေအနေနဲ့ သတိထားကြဖို့ ဖေါ်ပြထားပါတယ်။
Share:

ရခိုင်ပြည်နယ်အကြမ်းဖက်တိုက်ခိုက်မှု နိုင်ငံတကာ ပြင်းထန်စွာရှုတ်ချ

မောင်တောမြို့အတွင်းအကြမ်းဖက်မှုကြောင့် မီးလောင်မှုဖြစ်ပွားနေစဉ်
မြန်မာနိုင်ငံဖက်ကထွက်ပြေးလာတဲ့ ရိုဟင်ဂျာတွေကို Bangladesh နိုင်ငံထဲမှာ လုံခြုံစွာ ခိုလှုံခွင့်ပေးဖို့ ကုလသမဂ္ဂအတွင်းရေးမှူးချုပ် António Guterres က Bangladesh အာဏာပိုင်တွေကို ပန်ကြားလိုက်ပါတယ်။ ရခိုင်ပြည်နယ်ထဲက လုံခြုံရေးဆောင်ရွက်မှုတွေအတွင်း အရပ်သားတွေ အသတ်ခံနေရတယ်ဆိုတဲ့ သတင်းတွေအပေါ် အတွင်းရေးမှူးချုပ်အနေနဲ့ အင်မတန်စိုးရိမ်တယ်လို့ အတွင်းရေးမှူးချုပ်ပြောခွင့်ရသူ Stéphane Dujarric က တနင်္လာနေ့က ကြေညာချက်ထုတ်ပြန်ခဲ့တာဖြစ်ပါတယ်။
သြဂုတ် လ ၂၅ ရက်နေ့က လုံခြုံရေးကင်းစခန်းတွေအပေါ် တိုက်ခိုက်ခဲ့မှုတွေ အပေါ်လည်း ကုလသမဂ္ဂ အတွင်းရေးမှူးချုပ်က ပြစ်တင်ရှုတ်ချခဲ့ပါတယ်။ အကြမ်းဖက်မှုတွေဖြစ်နေရတဲ့ ပြဿနာအရင်းအမြစ်ကို ဖြေရှင်းဖို့အရေးကြီးကြောင်းနဲ့ လုံခြုံရေးအကာအကွယ်နဲ့ ကူညီထောက်ပံ့မှုလိုအပ်နေသူတွေကို အကူအညီပေးဖုိ့ မြန်မာအစိုးရမှာ တာဝန်ရှိတယ်လို့လည်း ကြေညာချက်ထဲမှာ ထပ်ပြီး ပြောကြားထားပါတယ်။
ကုလသမဂ္ဂအတွင်းရေးမှူးချုပ်ဟောင်း Kofi Annan ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အစီရင်ခံစာထဲက အကြံပြုချက်တွေကို ကုလသမဂ္ဂအတွင်းရေးမှူးချုပ်အနေနဲ့ အပြည့်အဝထောက်ခံကြေင်းနဲ့ ထိထိရောက်ရောက် အကောင်အထည်ဖော်ဖို့လည်း ကုလသမဂ္ဂအတွင်းရေးမှူးချုပ်ရုံးရဲ့ ကြေညာချက်ထဲမှာ တိုက်တွန်းထားပါတယ်။ ရန်ကုန်မြို့ Australia သံရုံးကလည်း ရခိုင်ပြည်နယ်မြောက်ပိုင်းက အစိုးရလုံခြုံရေးစခန်းတွေ တိုက်ခိုက်ခံရတဲ့အပေါ် ပြင်းပြင်းထန်ထန် ရှုတ်ချတယ်လို့ ကြောညာချက်ထုတ်ပြန်ခဲ့ပါတယ်။ အကြမ်းဖက်မှုဟာ ရခိုင်ပြည်နယ်ရင်ဆိုင်နေရတဲ့ လူ့အခွင်အရေး၊ ဖွံ့ဖြိုးတိုးတက်ရေးနဲ့ လုံခြုံရေးစိန်ခေါ်မှုတွေကို ပိုပြီးဆိုးဝါးစေတယ်လို့ Australia သံရုံးက ထုတ်ပြန်ပါတယ်။တရားဥပဒေစိုးမိုးရေးကို လေးစားဖို့နဲ့ အကြမ်းဖက်မှုတွေ အဆုံးသတ်ဖို့လည်းတိုက်တွန်းထားပါတယ်။ လူမှုအသိုင်းအဝန်းအားလုံးက ပြည်သူတွေ အကာအကွယ်ရနိုင်ဖို့နဲ့ တုံ့ပြန်ဆောင်ရွက်မှုတွေ မျှတဖို့အရေးကြီးတယ်လို့လည်း ဖော်ပြထားပါတယ်။ ရခိုင်ပြည်နယ်အကြံပေးကော်မရှင်ရဲ့ အကြံပြုချက်တွေကို အမြန်ဆုံး အတတ်နိုင်ဆုံး အကောင်အထည်ဖော်ဆောင်ရွက်မယ်လို့ မြန်မာအစိုးရပြောကြားခဲ့တဲ့အပေါ် Australia နိုင်ငံအနေနဲ့ ကြိုဆိုကြောင်းလည်း ရန်ကုန်မြို့ Australia သံရုံးထုတ်ပြန်ချက်ထဲမှာ ပြောထားပါတယ်။
ရခိုင်ပြည်နယ်ထဲမှာ အကြမ်းဖက်မှုတွေ ပြန်ဖြစ်နေတဲ့အပေါ် India အစိုးရကလည်း စိုးရိမ်ကြောင်းပြောကြားခဲ့ပါတယ်။ တိုက်ခိုက်သူတွေကို အပြင်းထန်ဆုံး ရှုတ်ချပြီး၊ ပြစ်မှုကျူးလွန် တိုက်ခိုက်သူတွေကို တရားဥပဒေနဲ့အညီအရေးယူနိုင်ဖို့ မျှော်လင့်ကြောင်းနဲ့ စိန်ခေါ်မှုတွေ ရင်ဆိုင်နေရတဲ့ မြန်မာအစိုးရအပေါ် အခိုင်အမာထောက်ခံကြောင်း India နိုင်ငံခြားရေးဝန်ကြီးဌာနက ပြောကြားခဲ့ပါတယ်။
Share:

24 August, 2017

“ကျောက်ထက်အက္ခရာတင်” ဆိုသည့် မြန်မာ့ဆိုရိုးစကားနှင့်အညီ မှတ်တမ်းတင်မှုများ သည် ပိုမိုလေးနက်သဖြင့် မှားယွင်း၍မရဘဲ မှန်ကန်မှုရှိရန်လို


Image may contain: 12 people, people standing and indoor

နေပြည်တော်၊ သြဂုတ် ၂၄
ရခိုင်ပြည်နယ်အရေးသည် အားလုံးကစိတ်ဝင်စားသည့် ကိစ္စရပ်ဖြစ်ကြောင်း၊ “ကျောက်ထက်အက္ခရာတင်” ဆိုသည့် မြန်မာ့ဆိုရိုးစကားနှင့်အညီ စာဖြင့်မှတ်တမ်းတင်ခြင်းသည် ပိုမိုလေးနက်မှုရှိကြောင်း၊ မှားယွင်း၍မရဘဲ မှန်ကန်ရန်လိုကြောင်း၊ တပ်မတော်အနေဖြင့် ရခိုင်ဒေသအရေးကိစ္စအား စဉ်ဆက်မပြတ် စဉ်းစားသုံးသပ် လုပ်ဆောင်နေခြင်းဖြစ်၍ မိမိတို့ဆွေးနွေးခဲ့သည့် အချက်အလက်မှားယွင်းမှု၊ မျှတရန်လိုအပ်မှုများကို သုံးသပ်ပြင်ဆင်ရန် အကြံပြုကြောင်းဖြင့် ရခိုင်ပြည်နယ်ဆိုင်ရာအကြံပေးကော်မရှင်ဥက္ကဋ္ဌ Mr. Kofi Annan ဦးဆောင်သောအဖွဲ့အား တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ယနေ့နံနက်ပိုင်းတွင် နေပြည်တော်ရှိ ဘုရင့်နောင်ရိပ်သာဧည့်ခန်းမဆောင်တွင် လက်ခံတွေ့ဆုံရာတွင် ထည့်သွင်းပြောကြားသည်။
ထိုသို့တွေ့ဆုံရာတွင် Mr. Kofi Annan က မိမိတို့ကော်မရှင်အား လွန်ခဲ့သည့် တစ်နှစ်က ရခိုင်ပြည်နယ်၏ ဖြစ်စဉ်များကို လေ့လာသုံးသပ်၍ ပဋိပက္ခများ၊ တင်းမာမှုများ လျော့ပါးစေရေးအတွက် အကြံပြုနိုင်ရန် တည်ထောင်ခဲ့ခြင်းဖြစ်ကြောင်း၊ ၁၂ လတာ ကာလအတွင်း ရခိုင်ပြည်နယ်၊ ရန်ကုန်မြို့၊ ဘင်္ဂလားဒေ့ရ်ှနိုင်ငံ၊ အင်ဒိုနီးရှားနိုင်ငံနှင့် ဂျနီဗာမြို့တို့တွင် တွေ့ဆုံဆွေးနွေးမှု၊ ညှိနှိုင်းတိုင်ပင်မှုများ ပြုလုပ်ခဲ့ကြောင်း၊ ပြဿနာ၏ သဘောသဘာဝကိုသိရှိနိုင်ရန် လေ့လာမှု၊ ပြောဆိုချက်များအား နားထောင်မှုများကိုလည်း အလေးထား လုပ်ဆောင်ခဲ့ကြောင်း၊ ကော်မရှင်၏အစီရင်ခံစာတွင်လည်း ရခိုင်ပြည်နယ်တွင် လူမှုစီးပွားဖွံ့ဖြိုးတိုးတက်စေရေး၊ ရင်းနှီးမြုပ်နှံမှုအားပေးမြှင့်တင်ရေး၊ အခြေခံဝန်ဆောင်မှုများရရှိရေး ကိစ္စရပ်များအား အကြံပြုထားကြောင်း၊ အဓိကအချက်အနေဖြင့် နိုင်ငံသားစိစစ်မှုနှင့် မှတ်ပုံတင်ပြုလုပ်မှု၊ ရပ်ရွာအသိုင်းအ၀ိုင်းများကြားတွင် အပြန်အလှန် ဆွေးနွေးပြောဆိုခြင်းဖြင့် တင်းမာမှုများလျော့ပါးပြီး ပြန်လည်သင့်မြတ်မှုများလည်း ပါဝင်ကြောင်း၊ ၎င်းအပြင် နယ်စပ်လုံခြုံရေး၊ ဘင်္ဂလားဒေ့ရ်ှနိုင်ငံနှင့် နှစ်နိုင်ငံပူးပေါင်းဆောင်ရွက်ရေး၊ မူးယစ်ဆေးဝါး တားဆီးနှိမ်နင်းရေးဆိုင်ရာများကိုလည်း ထည့်သွင်းဖော်ပြထားကြောင်းဖြင့် ရှင်းလင်းပြောကြားသည်။
Mr. Kofi Annan ၏ ဆွေးနွေးတင်ပြချက်အပေါ် တပ်မတော်ကာကွယ်ရေးဦးစီးချုပ်က ပြန်လည် ဆွေးနွေးရာတွင် မိမိတို့အနေဖြင့် ကော်မရှင်၏အစီရင်ခံစာကို ဖတ်ရှုလေ့လာပြီးဖြစ်ကြောင်း၊ ကော်မရှင်၏ တာဝန်မှာ ရခိုင်ပြည်နယ်တွင် ဖြစ်ပျက်နေသည့်အခြေအနေများကို ဖြေရှင်းကျော်လွှားနိုင်ရေးအတွက် အကြံပြုရန်ဟုနားလည်ပါကြောင်း၊ ထိုသို့အကြံပြုရာတွင် အချက်အလက်များမှန်ကန်ရန် လိုအပ်သောကြောင့် ယခင် မိမိတို့တွေ့ဆုံချိန်များတွင် သမိုင်းကြောင်းအဖြစ်မှန်များကို ပကတိနှင့် အရှိအတိုင်း ရှင်းလင်းပြောကြားခဲ့ကြောင်း၊ အကြောင်းအချက် ပြည့်ပြည့်စုံစုံလေ့လာရန်လည်း အကြံပြုခဲ့ကြောင်း၊ ကော်မရှင်၏အကြံပြုချက်မှာ တရားဝင်အစီရင်ခံစာဖြစ်ခြင်းကြောင့် အတိုင်းအတာတစ်ခုအထိ သက်ရောက်မှု ရှိမှာဖြစ်ကြောင်း၊ ကော်မရှင်အနေဖြင့် အချိန်ကန့်သတ်ချက်၊ သွားလာမှုကန့်သတ်ချက်များကြောင့် အကြောင်းအရာအချက်အလက်ပိုင်းတွင် မပြည့်စုံနိုင်ဟု ယူဆပါကြောင်း၊ ကော်မရှင်၏အစီရင်ခံစာပါ အချက်အလက်အချို့မှာ လွဲမှားမှုလိုအပ်ချက်များရှိနေကြောင်း ဦးစွာပြောကြားသည်။
အစီရင်ခံစာတွင် ဖော်ပြထားသည့် ၁၉၈၂ ခုနှစ်၊ နိုင်ငံသားဖြစ်မှုဥပဒေ နှင့် ပတ်သက်၍ ဆွေးနွေးရာတွင် ၁၉၈၂ ခုနှစ်၊ နိုင်ငံသားဖြစ်မှုဥပဒေမှာ တည်ဆဲဥပဒေဖြစ်၍ ယင်းဥပဒေနှင့်အညီ လုပ်ဆောင်ရမည်ဖြစ်ကြောင်း၊ ကုလသမဂ္ဂ၏ အထွေထွေပြဋ္ဌာန်းချက်မှာပင် လူတစ်ယောက်နိုင်ငံသားဖြစ်မှုအတွက် မှတ်ပုံတင်ရန်လိုကြောင်း၊ သို့ဖြစ်၍ ရခိုင်ဒေသရှိ ဘင်္ဂါလီအားလုံး မှတ်ပုံတင်ရန်လိုကြောင်း၊ NVC ကတ်သည် ယင်းဘင်္ဂါလီများ၏ နိုင်ငံသားဖြစ်ခြင်း၊ နိုင်ငံသားပြုခွင့်ပေးရေးအတွက် ခွဲခြမ်းစိတ်ဖြာရန် အခြေခံလိုအပ်ချက်ဖြစ်ကြောင်း၊ သို့မှသာ ဘာသာရေး၊ လူမျိုးရေးနှင့် နိုင်ငံသားဖြစ်တည်မှုများအား ဆက်လက်လုပ်ဆောင်နိုင်မည်ဖြစ်ကြောင်း၊ ခွဲခြား၍မရသောသူများကို ထိန်းသိမ်းထားရပြီး ခွဲခြား၍ရသူများကို လွတ်လွတ်လပ်လပ် နေထိုင်ခွင့်ပြု ထားကြောင်း ရှင်းလင်းပြောကြားသည်။
ဆက်လက်ပြီး လုံခြုံရေးအဖွဲ့များ အမြောက်အများထားရှိခြင်းနှင့် ပတ်သက်၍ဆွေးနွေးရာတွင် လုံခြုံရေးဆိုသည်မှာ တရားဥပဒေစိုးမိုးရေး၊ လုံခြုံရေး၊ ကာကွယ်ရေး စသည်ဖြင့် အဆင့်ဆင့်လုပ်ဆောင် ရကြောင်း၊ ဘူးသီးတောင်-မောင်တောဒေသ အခြေအနေသည် တရားဥပဒေစိုးမိုးရေးနှင့်ပတ်သက်၍ အုပ်ချုပ်ရေးအဖွဲ့အစည်းနှင့် သာမန်ရဲတပ်ဖွဲ့တို့က ထိန်းချုပ်နိုင်စွမ်းမရှိကြောင်း၊ သို့ဖြစ်၍ လုံခြုံရေးအရ နယ်ခြားစောင့်ရဲတပ်ဖွဲ့ကို တာဝန်ပေးထားကြောင်း၊ ယင်းနယ်မြေတွင် လက်ရှိပုဒ်မ-၁၄၄ ထုတ်ပြန်ထား ကြောင်း၊ ၂၀၁၆ ခုနှစ်၊ အောက်တိုဘာလတွင် ဖြစ်ပွားခဲ့သည့် အကြမ်းဖက်ဖြစ်စဉ်များကြောင့် လုံခြုံရေး အခြေအနေ ပိုမိုဆိုးရွားလာသဖြင့် တပ်များက ၀င်ရောက်ကာကွယ်ရခြင်းဖြစ်ကြောင်း၊ လက်ရှိအခြေအနေတွင်ပင် ဒေသခံပြည်သူများ အသတ်ခံရခြင်း၊ ထိခိုက်ဒဏ်ရာရရှိခြင်း၊ ပျောက်ဆုံးနေခြင်းများ ရှိနေကြောင်း၊ ယင်းကိုထိန်းသိမ်းရန် လိုအပ်သကဲ့သို့ ယခုထက်ပိုမိုဆိုးရွားသည့် အရေးအခင်းများ ထပ်မံဖြစ်မလာစေရန် ကြိုတင်ကာကွယ်ရမည်ဖြစ်ကြောင်း၊ မေယုတောင်တန်းပေါ်တွင် ဘင်္ဂါလီများ၏ စစ်ရေး အထောက်အကူစခန်းများ၊ စစ်ရေးလေ့ကျင့်မှုများကို ဖော်ထုတ်တွေ့ရှိရကြောင်း၊ ကာကွယ်ရေးအဆင့်အထိ ရောက်ရှိလာ၍ တပ်မတော်က ပါဝင်ဆောင်ရွက်ရခြင်းဖြစ်ကြောင်း၊ တပ်မတော်အနေဖြင့် ပြည်သူလူထု၏ အသက်အိုးအိမ်စည်းစိမ်ကို ကာကွယ်စောင့်ရှောက်ရန် တာဝန်ရှိကြောင်း၊ တိုင်းရင်းသားများသည် နံပါတ်တစ်ဖြစ်ပြီး နိုင်ငံတွင်ရှိသည့် နိုင်ငံသားအားလုံးကိုလည်း ကာကွယ်ရမည်ဖြစ်ကြောင်း ရှင်းလင်းပြောကြားသည်။
လုံခြုံရေးလုပ်ဆောင်မှုနှင့်ပတ်သက်၍ Mr. Kofi Annan က ၂၀၁၂ ခုနှစ်တွင် လုပ်ဆောင်ခဲ့မှုအခြေအနေ၊ အခြေအနေတည်ငြိမ်ပြီး ထိန်းချုပ်နိုင်ပါက တပ်မတော်၏လုပ်ဆောင်မှုနှင့် လက်ရှိအခြေအနေများအား ဆွေးနွေးမေးမြန်းရာတွင် ၂၀၁၂ ခုနှစ် ဖြစ်စဉ်တွင် အမျိုးသားကာကွယ်ရေးနှင့် လုံခြုံရေးကောင်စီအစည်း အဝေးခေါ်ယူ၍ သမ္မတ၏ဦးဆောင်မှုဖြင့် ဖြေရှင်းဆောင်ရွက်ခဲ့ကြောင်း၊ လက်ရှိအခြေအနေသည် လုံခြုံရေးစိတ်ချရမှုမရှိသေးကြောင်း၊ တစ်ဖက်နိုင်ငံနယ်စပ်တွင် လက်နက်ကိုင်အဖွဲ့အစည်းအချို့ ရောက်ရှိနေသည့် သတင်းများရရှိထားကြောင်း၊ မေယုတောင်တန်းတွင်လည်း နယ်မြေရှင်းလင်းမှုများ မပြီးပြတ်သေးကြောင်း၊ ဒေသခံများအတွက် လုံခြုံမှုစိတ်ချရသည်အထိ လုပ်ဆောင်ရန်လိုကြောင်း၊ ၂၀၁၆ ခုနှစ်၊ အောက်တိုဘာလဖြစ်စဉ်ကြောင့် တပ်များဖြင့်နယ်မြေရှင်းလင်းခဲ့ရာ ၂၀၁၇ ခုနှစ်၊ ဇန်န၀ါရီလတွင် စစ်ဆင်ရေးအားလုံးရပ်ဆိုင်းခဲ့ကြောင်း၊ ယခုထပ်မံဖြစ်ပွားလာသည့်အတွက် တပ်များဝင်ရောက်ရခြင်း ဖြစ်ကြောင်း၊ နယ်မြေရှင်းလင်းမှု အခြေအနေပေါ်မူတည်၍ တပ်များ၏လုပ်ဆောင်မှုကို ဆုံးဖြတ်ရမည် ဖြစ်ကြောင်း ပြန်လည်ဆွေးနွေးပြောကြားသည်။
ထို့နောက် Mr. Kofi Annan က သတင်းအဖွဲ့များနှင့် လူသားချင်းစာနာရေး အကူအညီပေးသည့် အဖွဲ့အစည်းများအား ဒုက္ခသည်စခန်းများသို့ လုံခြုံရေးအရ သွားလာခွင့်မပြုခြင်းနှင့်ပတ်သက်၍ ဆွေးနွေး မေးမြန်းရာ တပ်မတော်ကာကွယ်ရေးဦးစီးချုပ်က သတင်းအဖွဲ့များအား သွားလာခွင့်ပေးထားကြောင်း၊ မှန်မှန်ကန်ကန် ရေးသားရန်သာ လိုအပ်ကြောင်း၊ တပ်မတော်အနေဖြင့် လူသားချင်းစာနာမှုအကူအညီ ပေးသည့် လုပ်ငန်း များတွင် ပူးပေါင်းလုပ်ဆောင်လျက်ရှိကြောင်း၊ သို့သော် ၎င်းထောက်ပံ့ရေးပစ္စည်းများအား အကြမ်းဖက်သမားများ၏ စစ်ရေးလေ့ကျင့်ရေးစခန်းများတွင် တွေ့ရှိရခြင်းကိုလည်း စဉ်းစားသုံးသပ်ရန် လိုကြောင်း၊ ဒုက္ခသည်စခန်းတွင်နေထိုင်၍ စားနပ်ရိက္ခာများရယူပြီး တည်ငြိမ်မှုပျက်ပြားအောင် လုပ်ဆောင်နေပါက အကြမ်းဖက်ကူညီသူဟု သတ်မှတ်ရမည်ဖြစ်ကြောင်း၊ ဒုက္ခသည်များကို ကူညီထောက်ပံ့ရန် တာဝန်ရှိသကဲ့သို့ ဒုက္ခသည်များကလည်း စိစစ်မှုကိုခံယူရန်တာဝန်ရှိကြောင်း၊ ဘင်္ဂါလီများအနေဖြင့် စိစစ်ခံရန်လက်မခံ မှုများကို အစီရင်ခံစာတွင်ထည့်သွင်းရေးသားရန် လိုအပ်ကြောင်း ဆွေးနွေးပြောကြားသည်။
ဆက်လက်ပြီး ဘင်္ဂါလီများ၏ ပညာသင်ကြားခွင့်များနှင့်ပတ်သက်၍ ရခိုင်ပြည်နယ်၏စီမံခန့်ခွဲမှုဖြင့် ဘူးသီးတောင်၊ မောင်တောဒေသတွင် ပညာရေးကျောင်း များစွာဖွင့်လှစ် ပေးထားကြောင်း၊ သို့သော်၎င်းတို့၏ ဘာသာရေးခေါင်းဆောင်များက အကြောင်းအမျိုးမျိုးပြ၍ သင်ကြားခွင့်မရအောင် ပြုလုပ်ထားခြင်းဖြစ်ကြောင်း၊ စစ်တွေမြို့ရှိ တက္ကသိုလ်များတွင် လာရောက်ပညာသင်ကြားနေသော ဘူးသီးတောင်၊ မောင်တောမှ ဘင်္ဂါလီများရှိကြောင်း၊ ၁၉၈၂ ခုနှစ် နိုင်ငံသားဖြစ်မှုဥပဒေအရ စိစစ်ပြီးပါက ဥပဒေနှင့်အညီ ပညာရေး၊ ကျန်မာရေးစသည်ဖြင့် အခွင့်အရေးများ ပိုမိုရရှိမည်ဖြစ်ကြောင်း ရှင်းလင်းပြောကြားသည်။
ထို့နောက် တပ်မတော်ကာကွယ်ရေးဦးစီးချုပ်က ကော်မရှင်၏အစီရင်ခံစာနှင့် ပတ်သက်၍ သုံးသပ်အကြံပြု ပြောကြားရာတွင် ကော်မရှင်အနေဖြင့် နိုင်ငံတော်အစိုးရ၏သဘောထား၊ တပ်မတော်၏သဘောထား၊ ဒေသခံပြည်သူများ၏ သဘောထားများကို ခြုံငုံစဉ်းစားသုံးသပ်ရန်လိုကြောင်း၊ ဒေသခံရခိုင် တိုင်းရင်းသားများက လက်ခံရန် အရေးကြီးကြောင်း၊ ရခိုင်တိုင်းရင်းသားများ လက်မခံပါက ဖြေရှင်းဆောင်ရွက်ရန် ခက်ခဲမည်ဖြစ်ကြောင်း၊ ဘက်လိုက်၍ ထည့်သွင်းရေးသားရန်မဟုတ်ဘဲ မျှတမှုရှိရန် အကြံပေးခြင်းသာဖြစ်ကြောင်း ဆွေးနွေးပြောကြားသည်။
အဆိုပါ တွေ့ဆုံပွဲသို့ တပ်မတော်ကာကွယ်ရေးဦးစီးချုပ်နှင့်အတူ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ညှိနှိုင်းကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီး မြထွန်းဦးနှင့် တပ်မတော်အရာရှိကြီးများ တက်ရောက်ကြပြီး ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌနှင့်အတူ ကော်မရှင်အဖွဲ့ဝင်များနှင့် တာဝန်ရှိသူများတက်ရောက်ကြသည်။
တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်က ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌအား အမှတ်တရလက်ဆောင်ပစ္စည်းပေးအပ်ပြီး တက်ရောက်လာကြသူများနှင့်အတူ အမှတ်တရစုပေါင်းဓာတ်ပုံရိုက်ခဲ့ကြသည်။
Share:

Blog Archive

ဘင်္ဂလားဒေ့ရ်ှသည် လူဦးရေပေါက်ကွဲပြီး ရခိုင်ပြည်နယ်အတွင်း ၀င်ရောက်လုပ်ကိုင် စားသောက် နေကြသည်ဆိုသည့်အချက်ကို ပြန်လည်သုံးသပ်စေလိုဟု ဘင်္ဂလားဒေ့ရ်ှစစ်သံမှူးက ပြော

ဘင်္ဂလားဒေ့ရ်ှနိုင်ငံသည် လူဦးရေပေါက်ကွဲပြီး ရခိုင်ပြည်နယ်တွင် လုပ်ကိုင်စားသောက်ရန် ၀င်ရောက်နေ ကြသည်ဆိုသည့်အချက်အပေါ် ပြန်...

Blog Archive

Theme Support

Need our help to upload or customize this blogger template? Contact me with details about the theme customization you need.