• North Korea launches missile despite US tensions

    Breaking News: Defiant Pyongyang fires suspected ICBM despite US warnings, but projectile reportedly blows up on take off in failure.

  • This is default featured slide 2 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 3 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 4 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 5 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Showing posts with label အင်တာဗျူး. Show all posts
Showing posts with label အင်တာဗျူး. Show all posts

13 September, 2018

ပြန်ကြားရေးဝန်ကြီးဟောင်း ဦးရဲထွဋ် နဲ့ တွေ့ဆုံ မေးမြန်းချက် (ဒုတိယပိုင်း)


■ သမ္မတဦးသိန်းစိန်ရဲ့ ပြောရေးဆိုခွင့်ရှိသူ၊ ပြန်ကြားရေးဝန်ကြီးဟောင်းနဲ့ လက်ရှိ စင်္ကာပူနိုင်ငံ အရှေ့တောင် အာရှရေးရာ လေ့လာရေးသိပ္ပံ (ISAS) မှာ အကြီးတန်း ဧည့်သုတေသီ အဖြစ်တာဝန်ထမ်းဆောင်နေတဲ့ ဦးရဲထွဋ်နဲ့ RFA တွေ့ဆုံမေးမြန်းချက် ဒုတိယနိဂုံးပိုင်းဖြစ်ပါတယ်။
လက်ရှိ NLD အစိုးရအနေနဲ့ ရခိုင်မြောက်ပိုင်းက ရိုဟင်ဂျာ ပြဿနာဖြေရှင်းနိုင်မယ့်အလားအလာ၊ တပ်မတော်  ခေါင်းဆောင်ဟောင်းတွေရဲ့ လုံခြုံရေးနဲ့ ၂ဝဝ၈ ဖွဲ့စည်းပုံအခြေခံဥပဒေအကြောင်း သူရ ဦးရွှေမန်း  ပြောကြားချက် အပေါ် သုံးသပ်ချက်၊ ဗိုလ်ချုပ်ဟောင်းတွေပါဝင်မယ့် နိုင်ငံရေးပါတီသစ်ပေါ်အမြင်၊ ၂ဝ၂ဝ ရွေးကောက်ပွဲ အလွန် မြန်မာနိုင်ငံရေးအလားလာတွေအကြောင်း RFA ဝိုင်းတော်သား ဦးကျော်မင်းထွန်းက တွေ့ဆုံမေးမြန်းထားပါတယ်။
https://www.rfa.org/…/yehtut-interview-part2-09132018012130…
ပြန်ကြားရေးဝန်ကြီးဟောင်း ဦးရဲထွဋ် နဲ့ တွေ့ဆုံ မေးမြန်းချက် (ပထမ ပိုင်း)




Share:

10 March, 2018

ရခိုင်ပြည်နယ်အတွင်း ပဋိပက္ခဆွေးနွေးချက်၊ (နိုင်ငံသားကတ် ကိစ္စ ဆွေးနွေးချက်)


Share:

09 March, 2018

လူမျိုးဘာသာ မခွဲခြားဘဲ နိုင်ငံသားပေါ်မှာပဲ အခြေခံသင့်တယ်


လူမျိုးဘာသာ မခွဲခြားဘဲ နိုင်ငံသားပေါ်မှာပဲ အခြေခံသင့်တယ်
~~~~~~~~~~~~~~~~~~~~~~~~~~~~~~~~~
ကျမတို့ ၂၅ ယောက်အဖွဲ့က အင်ဒိုနီးရှားကို သွားရောက်လေ့လာခွင့်ရခဲ့ပါတယ်။ အင်ဒိုနီးရှားက ကျွန်မနိုင်ငံနဲ့ တော်တော်လေးကို တူပါတယ်။ သူတို့မှာ လူမျိုး ၇၀၀ ကျော်ရှိတယ်။ ကျွန်မတို့မြန်မာနိုင်ငံကတော့ လူမျိုး ၁၃၅ မျိုးရှိတယ်။ အင်ဒိုနီးရှားမှာ လူမျိုးတွေကွဲနေပေမယ့် သူတို့က အင်ဒိုနီးရှားနိုင်ငံသားလို့ပဲ အသိအမှတ်ပြုတယ်။ နင်ကတော့ ကချင်၊ နင်က ဗမာဆိုပြီး လူမျိုးခွဲခြားတာ မရှိဘူး။ နင်ကတော့ မွတ်စလင်၊ နင်ကတော့ ခရစ်ယာန်ဘာသာဆိုပြီးတော့ ဘာသာရေးအပေါ်မှာလည်း အခြေမခံဘူး။ အခြေမခံတဲ့အခါကျတော့ သူတို့က အင်ဒိုနီးရှားနိုင်ငံသားဆိုတဲ့ စိတ်ဓာတ်နဲ့ စုစည်းပြီးတော့ အင်ဒိုနီးရှားမှာ ကျွန်းပေါင်းတစ်သောင်းသုံးတောင်ကျော်ရှိတဲ့ဟာကို သူတို့စုစည်းနိုင်တယ်။
ဘာလို့စုစည်းနိုင်သလဲဆိုရင် တိုင်းရင်းသားပေါ်မှာ အခြေမခံဘူး၊ ဘာသာရေးပေါ်မှာ အခြေမခံဘူး။ နိုင်ငံသားအပေါ်မှာပဲ အခြေခံပြီးတော့ အင်ဒိုနီးရှားနိုင်ငံကို တည်ဆောက်နေတဲ့အတွက်ကြောင့် တော်တော်လေး အောင်မြင်ပြီးတော့ ကျွန်မတို့ထက် အရမ်းကို တိုးတက်နေတာကို တွေ့ရပါတယ်။
ကျွန်မတို့က ၁၃၅ မျိုးရှိပေမယ့် တိုင်းရင်းသားကို အခြေမခံဘဲ၊ ဘာသာကို အခြေမခံဘဲ ငါဘာဖြစ်တယ်ဆိုတာ မဟုတ်ဘဲနဲ့ ငါဟာ တိုင်းပြည်အတွက် ဘာလုပ်နိုင်မလဲ၊ ငါမြန်မာနိုင်ငံသားတစ်ယောက်အနေနဲ့ ဘာလုပ်နိုင်မလဲဆိုတာကိုပဲ ထည့်တွက်မယ်ဆိုရင် ကျွန်မတို့ဟာ စည်းလုံးညီညွတ်တဲ့ နိုင်ငံတော်ဖြစ်ပြီးတော့ အရှေ့တောင်အာရှမှာ ကျွန်မတို့က သူများထက် ကျော်သွားနိုင်ပါတယ်။ အခုလိုပြောတာကလည်း အင်ဒိုနီးရှားနိုင်ငံခရီးစဉ်မှာ တွေ့ခဲ့ရတာကတော့ တိုင်းရင်းသားတွေက ကျွန်မတို့ထက် များပေမယ့် နိုင်ငံသားဆိုတဲ့အပေါ်မှာပဲ အခြေခံတဲ့အတွက် သူတို့နိုင်ငံအတွက် ဆောင်ရွက်နိုင်ပါတယ်။ ဒါကြောင့် ကျွန်မတို့နိုင်ငံမှာလည်း လူမျိုးဘာသာမခွဲခြားဘဲ နိုင်ငံသားအပေါ်မှာပဲ အခြေခံသင့်တယ်လို့ ပြောချင်ပါတယ်။
- ဒေါ်ရှီလာနန်တောင်
အမျိုးသားလွှတ်တော် တိုင်းရင်းသားရေးရာကော်မတီဥက္ကဋ္ဌ
(((Hot News – Vol-6, No-294, May 20-26, 2016 ပါ ဒေါ်ရှီလာနန်တောင်နှင့် အင်တာဗျူးမှ ကောက်နုတ်ချက်)))
ပြနမလည်မျှဝေပေးပါသည်။
ရာဇာ

Image may contain: 1 person
Share:

31 January, 2018

မြန်မာ့ဒီမိုကရေစီအလားအလာ နှင့် ရခိုင်အရေးယ (အပိုင်း ၁)

31 ဇန်နဝါရီ၊ 2018
အခုတပတ် မြန်မာ့မျက်မှောက်ရေးရာ အစီအစဉ်မှာ မြန်မာနိုင်ငံဆိုင်ရာ အမေရိကန်သံအမတ်ကြီးအဖြစ် ထမ်းဆောင်ခဲ့သူ Derick Mitchell နဲ့ New York မြို့ Carnegie Center က Devin Stewart တို့ Bill Richardson ပြဿနာမတိုင်ခင် ပြုလုပ်ထားတဲ့ အမေးအဖြေ ပထမပိုင်းကို တင်ဆက်မှာ ဖြစ်ပါတယ်။ ဦးကျော်ဇံသာ က ဘာသာပြန်ဆိုပြီး ဦးစံမိုဝေနဲ့အတူ တင်ဆက်ထားပါတယ်။ ၂၀၁၅ ရွေးကောက်ပွဲ နဲ့တက်လာ တဲ့ NLD အစိုးရ လက်ခံရရှိခဲ့တဲ့ အခြေအနေတွေကို Derick Mitchell က ရှင်းပြထားပါတယ်။
ဖြေ ။ ။ ၂၀၁၅ ခုနှစ်မှာ ဒေါ်အောင်ဆန်းစုကြည်ရဲ့  NLD ပါတီ ရွေးကောက်ခံရတော့ အရေးပါတဲ့ အပြောင်းအလဲ တခုပဲလို့ မျှော်လင့်ကြပါတယ်။ ဒါပေမဲ့ ဒါဟာ တိုင်းပြည် တခုလုံးရဲ့  ဦးဆောင်မှုကို ရွေးချယ်ခဲ့တာ မဟုတ်ဘူး။ စစ်တပ်မှာ လုပ်ပိုင်ခွင့်တွေ၊ အာဏာတွေ ရှိနေခဲ့တာပါ။ ဒါကြောင့် ဒီမိုကရေစီ အပြည့်အဝရအောင် လုပ်နိုင်မယ့် အသွင်ကူးပြောင်းမှု မဟုတ်ခဲ့ပါဘူး။ အတိတ်ကကျန်ခဲ့တဲ့ စီးပွားရေး၊ ငြိမ်းချမ်းရေး၊ ပညာရေး စသဖြင့် ပြဿနာ တွေ က အများကြီးပါ။ အဓိက စိန်ခေါ်မှုကတော့ ငြိမ်းချမ်း ရေး ဖြစ်ပါတယ်။ နှစ်ပေါင်း (၇၀) ပြည်တွင်းစစ် ဖြစ်လာခဲ့တာ တပေါင်းတစည်းထဲဖြစ်ဖို့ လိုအပ်ပါတယ်။ ရိုဟင်ဂျာအရေးဟာလည်း နောက်ပြဿနာတခုပါ။ ဒါတွေဟာ အရေးကြီးတဲ့ အခက်အခဲတွေ ဖြစ်နေမယ် ဆိုတာ သိသာပါတယ်။
မေး ။ ။ အခုလောလောဆယ် ပိုအရေးကြီးတာက ရိုဟင်ဂျာတွေကို ပြန်ပို့ရေး ဖြစ်ပါတယ်။ ဒီပြဿနာကို မြန်မာအစိုးရက မှန်မှန်ကန်ကန် ကိုင်တွယ်နေတယ်လို့ ထင်ပါသလား။
ဖြေ ။ ။ ပြန်လည်နေရာချထားရေးကို ကွက်ပြီးတော့ ပြောရမယ်ဆိုရင်တော့ လုံခြုံမှု၊ ဂုဏ်သိက္ခာရှိမှု နဲ့ သူတို့ ဆန္ဒအလျောက် ဖြစ်ရမယ်ဆိုတဲ့ စံသတ်မှတ်ချက်တွေ ရှိပါတယ်။ တခုသေချာတာကတော့ ရိုဟင်ဂျာတွေနဲ့ ဆွေးနွေးညှိနှိုင်းမှု မရှိဘူးဆိုတာ ရှင်းနေပါတယ်။ ဘင်္ဂလားဒေ့ရ်ှနဲ့ မြန်မာအစိုးရ သဘောတူညီချက် သတ်သတ် ဖြစ်ပါတယ်။ ဒီလူတွေကို ပြန်လည်လက်ခံရ မယ်ဆိုတဲ့ နိုင်ငံတကာ ဖိအားကို မြန်မာအစိုးရက ကောင်းပြီ .. ပြန်ပြီးတော့ လက်ခံမယ်ဆိုပြီးတော့ လုပ်နေတာ တွေ့ရပါတယ်။ ဒါပေမဲ့ ဖြစ်စဉ်က သိပ်ပြီး တော့ အရေးကြီးပါတယ်။ ဒီလူတွေက ကြောက်ရွံ ထိတ်လန့် နေတဲ့ အခြေအနေတွေကြောင့် ထွက်ပြေး သွားရတာပါ။ သူတို့ရဲ့  မိသားစုတွေ မုဒိမ်းကျင့်ခံရတယ်၊ အသတ်ခံရတယ် စသဖြင့် မေးခွန်းထုတ်စရာကိစ္စတွေက အများကြီးပါ။
မေး ။ ။ ဒီအကြမ်းဖက်မှုတွေကို ဘယ်သူတွေက လုပ်ခဲ့သလဲ။ စစ်တပ်လား။ ဒေသခံလက်နက်ကိုင်တွေလား။ အစိုးရအမိန့်နဲ့ လုပ်ခဲ့ သလား ဆိုတာကိုလည်း ပြောပါအုံး။
ဖြေ ။ ။ အတိအကျ ပြောဖို့က ခက်ပါတယ်။ အဲဒီနေရာကို ကျနော်တို့ သွားရောက်ခွင့် မရှိပါဘူး။ ဘက်လိုက်မှုမရှိတဲ့ အကဲခတ်လေ့လာသူတွေနဲ့ အတည်မပြုနိုင်ကြပါဘူး။ ဘင်္ဂလားဒေ့ရ်ှဘက်ကို ရောက်လာတဲ့ ဒုက္ခသည်တွေကို မေးမြန်းချက်တွေ၊ ဂြိုဟ်တုကနေ ရိုက်ထားတဲ့ ဓါတ်ပုံတွေ ပဲ ရှိပါတယ်။ သဘောက ဒီလိုပါ … ဟိုအစောပိုင်းတုန်းက ရိုဟင်ဂျာဆိုတဲ့ နာမည်နဲ့ နယ်ခြားစောင့်စခန်းတွေကို စတိုက်တဲ့အတွက် စစ်တပ်က လက်တုံ့ပြန်တဲ့ သဘောပါ။ တိုက်ခိုက်တဲ့လူတွေကို လိုက်ရှင်းရင် ပိုပြီးပြင်းထန်လာတဲ့ သဘောပါ။ ဖြစ်ခဲ့တာတွေကတော့ သံသယရှိစရာ မလိုပါဘူး။
ဒါပေမဲ့ အခုလောလောဆယ်မှာ ကျနော် အဓိက ပြောချင် တာက ဒီ ရိုဟင်ဂျာတွေပဲ ဖြစ်ပါတယ်။ ဘာဖြစ်တယ်၊ ညာဖြစ်တယ် စွပ်စွဲပြောဆိုရင်နဲ့ ဒီလူတွေ ထိုးကျွေးခံ နေရမယ့်အစား သူတို့ကာလအတန်ကြာ ဆုံးရှုံးနေခဲ့ရတဲ့ ဂုဏ်သိက္ခာရှိတဲ့ဘဝ ရရှိစေရေး ဖြစ်ပါတယ်။
မေး ။ ။ ခင်များ ရခိုင်ကို ရောက်ဖူးပါသလား။ ရခိုင်ဒေသအကြောင်းလည်း ပြောပါအုံး။ သိပ်ဆင်းရဲတဲ့ ဒေသလို့ ကြားရပါတယ်။ လူတွေဟာ ဘယ်လိုအခြေ အနေမျိုးတွေကြောင့် ထွက်ပြေးလာရသလဲဆိုတာကို ကြားချင်ပါတယ်။
ဖြေ ။ ။ အကြိမ်ပေါင်းများစွာ ရောက်ဖူးပါတယ်။ အဲဒီမှာက ဘဝမျိုးစုံပါပဲ။ လယ်သမားတွေ ရှိသလို၊ ငါးဖမ်းရေ လုပ်သားတွေလည်း ရှိပါတယ်။ အင်မတန် လှပတဲ့နေရာ ပါ။ ဘင်္ဂလားပင်လယ်အော် ကမ်းရိုးတန်းတလျှောက်ပါပဲ။ ခရီးသွားလုပ်ငန်း ဖွံ့ဖြိုးတိုးတက်လာမယ့် အလားအလာ သိပ်ပြီးတော့ ကောင်းပါတယ်။ စိုက်ခင်းတွေကလည်း တမျှော်တခေါ်ပါ။ ရခိုင်နဲ့ ရိုဟင်ဂျာ သီးခြားကျေးရွာတွေ ရှိသလို၊ အပြန်အလှန် ကူးလူးဆက်ဆံနေကြတာပါ။ ရင်းရင်းနှီးနှီး ငြိမ်းငြိမ်းချမ်းချမ်း နေထိုင်ခဲ့ကြတာပါ။ ရိုဟင်ဂျာတွေဟာ များသောအားဖြင့် လယ်ယာလုပ်ငန်းနဲ့ ဈေးသည်အဖြစ် လုပ်ကိုင်ကြပါတယ်။ ဆိုတော့ စီးပွားရေးအရ ရခိုင်တွေနဲ့ ရောထွေးပေါင်းစပ်နေတာပါ။ ဒီလိုအခြေအနေတွေဟာ အကြမ်းဖက်မှုတွေကြောင့် ပြိုပျက်သွားခဲ့ရပါတယ်။ ရခိုင်အများအပြားကလည်း ရိုဟင်ဂျာတွေ မရှိကြတော့လို့ အသက်မွေးဝမ်းကြောင်း ဆုံးရှုံးကြရပါတယ်။
မေး ။ ။ အကြမ်းဖက်မှု ဖြစ်ရတဲ့အကြောင်းရင်းတွေက ဘာတွေလို့ ပြောမလဲ။ သမိုင်းကြောင်း နောက်ခံကြောင့် လား။ ဘာကြောင့် စဖြစ်ရပါသလဲ။
ဖြေ ။ ။ သိပ်ပြီးတော့ နက်ရှိုင်းပါတယ်။ နှစ်ဘက်စလုံးမှာ ကျန်တဘက်ကို အပြစ်တင်တဲ့ ဇာတ်ကြောင်းကိုယ်စီ ရှိကြပါတယ်။ ရခိုင်တွေဆိုရင် တိုင်းရင်းသားလူမျိုးတမျိုး ဖြစ်ပါတယ်။ သူတို့ဟာ လူအများစု ဗမာတွေကို မကျေနပ်ကြပါဘူး။ တခြားတိုင်းရင်းသားလူမျိုးစုတွေကလည်း ဒီလိုပါပဲ။ ကိုယ်ပိုင်အုပ်ချုပ်ခွင့်၊ လေးစားခံရမှုနဲ့ ယဉ်ကျေးမှု ထိန်းသိမ်းခွင့် ရရှိရေးတို့အတွက် နှစ်ပေါင်းများစွာ တိုက်ခိုက်လာခဲ့ကြပါတယ်။ ဆိုတော့ ရခိုင်တွေက ဒီပြဿနာကို ဗမာတွေ ဖန်တီးပေးတယ်။ ရိုဟင်ဂျာတွေ ကို အတင်းလက်ခံခိုင်းတယ်။ ရိုဟင်ဂျာတွေဟာ နိုင်ငံသား တွေ မဟုတ်လို့ ဘယ်မှသွားခွင့် မရှိပါဘူး။ ဒီလိုနဲ့ ရခိုင်တွေအတွက် ပြဿနာဖြစ်အောင် လုပ်ထား တယ်လို့ မှတ်ယူကြပါတယ်။ ဒါကြောင့် သူတို့ဟာ ဗမာတွေကို မကျေနပ်ကြပါဘူး။ ရိုဟင်ဂျာတွေကို မကျေနပ်ကြပါဘူး။ ရိုဟင်ဂျာတွေကိုပဲ ဂရုစိုက် ကြရမလား ဆိုပြီးတော့ ပြည်ပနိုင်ငံ အဖွဲ့အစည်းတွေ ကိုလည်း မကျေနပ်ကြပါဘူး။
တချိန်တည်းမှာပဲ ရခိုင်တွေဟာ ဒုက္ခရောက်နေကြပါ တယ်။ ရိုဟင်ဂျာတွေကြတော့ ရခိုင်တွေက သူတို့ကို ဒုတိယတန်းစားလို ဆက်ဆံတယ်ဆိုပြီးတော့ ခံစားကြရပါတယ်။ သူတို့ကိုယ်သူတို့ မတရားခိုးဝင် လာသူတွေလို့ မယူဆကြပါဘူး။ ရခိုင်တွေကတော့ အဲဒီလို ယူဆထားကြပါတယ်။ ဆိုတော့ ဒါဟာ သိပ်ကိုနက်ရှိုင်းတဲ့ ဝိရောဓိပါ။
ပြီးတော့ ဒုတိယကမ္ဘာစစ်တုန်းကဆို တဘက်က ဂျပန်နဲ့ပေါင်းတယ်။ ကျန်တဘက်က အင်္ဂလိပ်နဲ့ပေါင်း တယ်။ ဘာသာရေးအရလည်း မူစလင် နဲ့ ဗုဒ္ဓဘာသာ ပြဿနာပြီးတော့ မူစလင်တွေက သီးသီးခြားခြားနေတော့ ဒေသအတွင်းမှာ အစ္စလာမ်အယူဝါဒီ ကြီးထွားလာချိန် ဒီလူတွေဟာ အကြမ်းဖက်သမားတွေ ဖြစ်လာနိုင်တယ်လို့ တွက်ကြပါတယ်။ ဒီအခြေအနေမှာ သူတို့ ဗုဒ္ဓဘာသာ အစဉ်အလာကို ထိန်းသိမ်းရမယ် ဖြစ်တယ်လို့ ယူဆကြ ပါတယ်။ ဒီလိုနဲ့ တဘက်နဲ့တဘက် အပြန်အလှန် ကြောက်ရွံနေကြတာလည်း ဖြစ်ပါတယ်။
မေး ။ ။ ဆိုတော့ ဒီမိုကရေစီ အသွင်ကူးပြောင်းရေး တဖြည်းဖြည်း အရှိန်ရလာပြီ၊ စစ်တပ်အရေးပါတဲ့ အစိုးရကနေ တဖြည်းဖြည်း လွတ်ကျွတ်လာပြီဆိုရင် ဒီပြဿနာ မှေးမှိန်သွားမယ်လို့ ထင်ပါသလား။
ဖြေ ။ ။ ခင်များ ဒီမေးခွန်းကိုမေးတာ ဝမ်းသာပါတယ်။ ထူးဆန်းအံ့သြဖို့ကောင်းတာက ဒီအခြေအနေမှာ ဒီမိုကရေစီနဲ့ အလုပ်မဖြစ်နိုင်တဲ့ကိစ္စပဲ ဖြစ်ပါတယ်။ ဒီမိုကရေစီကြောင့် အခြေအနေဆိုးတာတော့ လုံးဝ မဟုတ်ပါဘူး။ မြန်မာနိုင်ငံအတွင်း ဒီမိုကရေစီ ထွန်းကားရေးအတွက် ကျနော်တို့ အားပေးကြရမှာပါ။ ဒါပေမဲ့ ၂၀၁၅ ရွေးကောက်ပွဲတုန်းက ဒီ ရိုဟင်ဂျာတွေ အတွက် ကိုယ်စားပြုခဲ့တာ မရှိပါဘူး။ ဒါကို သွားလုပ်ရင် နိုင်ငံရေးအရ သေကြောင်းကြံစည်ရာ ဖြစ်ပါတယ်။ တချို့ က ဒါကို တိုင်းပြည်အတွက် အန္တရာယ်ဖြစ်နိုင်တယ်လို့ ယူဆထားကြတာပါ။ ဆိုတော့ ရွေးကောက်ပွဲ နီးလာလေ၊ အစိုးရအနေနဲ့ ပြဿနာကို ကိုင်တွယ်ဖို့ ခက်လေ ဖြစ်တာပါ။ သူတို့က ထိထိရောက်ရောက် ကိုင်တွယ်ချင်သိအောင် မြန်မာလူမျိုး (၉၀) ရာခိုင်နှုန်းက ရိုဟင်ဂျာတွေဟာ သူတို့နိုင်ငံက တိုင်းရင်းသားတွေ မဟုတ်ဘူးလို့ မြင်နေကြတာပါ။ တခါ စစ်တပ်ကလည်း အာဏာကြီးနေတော့ တိုင်းပြည်ကို ကာကွယ်ဖို့အတွက် ဆိုရင် သူတို့ကြိုက်တာ သူတို့လုပ်နိုင်ပါတယ်။ လူထုကလည်း ထောက်ခံမှာပါ။ ရိုဟင်ဂျာအရေးနဲ့ ပတ်သက်ပြီးတော့ စစ်တပ်ဟာ လူထုရဲ့  ထောက်ခံမှုကို မကြုံစဖူး ကြီးကြီးမားမား ရရှိနေတာပါ။
ဒေါ်အောင်ဆန်းစုကြည်အနေနဲ့ ဒီအခြေအနေကို မေ့ပျောက်ထားလို့ မဖြစ်နိုင်ပါဘူး။ ဒါဟာ ဗုဒ္ဓ ဘာသာ တိုင်းပြည်ရဲ့  ဂုဏ်သိက္ခာ၊ လုံခြုံရေးကို ကာကွယ်တဲ့ ကိစ္စပါ။ သူဟာ တိုင်းပြည်ကို အကျင့်သိက္ခာအရ ခေါင်းဆောင်နေရသူပါ။ လူ့အခွင့်အရေး ရှုထောင့်က ကြည့်ရင်တော့ ဘဝင်ကျစရာ မဟုတ်ပါဘူး။ ဒါပေမဲ့ အခြေအနေ ဘယ်လောက်ရှုပ်ထွေးနေတယ်။ ဘယ်လောက် ခက်ခဲနေတယ်ဆိုတာကို ကျနော်တို့ နားလည်ရမှာ ဖြစ်ပါတယ်။ စာနာမှု အထောက်အပံ့နဲ့ ကူညီပေးမယ့်ကိစ္စတွေ လွယ်ကူပေမယ့် ကျယ်ကျယ် ပြန့်ပြန့် အဖြေရှာဖို့ဟာ သိပ်ပြီးတော့ ခက်ခဲပါတယ်။
မေး ။ ။ တကယ်တော့ ကမ္ဘာတဝှမ်းမှာလည်း လူတွေ အတွက် အရေးအကြီးဆုံးက လုံခြုံမှုနဲ့ အခြေခံစားဝတ် နေရေးကိစ္စတွေ ဖြစ်ပါတယ်။ ဒီမိုကရေစီဆိုတာက အခုအခါမှာ ဇိမ်ခံပစ္စည်းတခုလို ဖြစ်လာနေတာပါ။ ဆိုတော့ မြန်မာနိုင်ငံသား အများစုက ဒီမိုကရေစီကို လိုချင်ကြတယ် ထင်ပါသလား။
ဖြေ ။ ။ သူတို့ လိုချင်ကြတယ်လို့ ထင်ပါတယ်။ လုံးဝသေချာပါတယ်။ လွန်ခဲ့တဲ့ (၂၅) နှစ်တုန်းကလည်း ဆိုဗီယက်ပြည်ထောင်စုကြီး ပြိုကွဲပြီးတော့ နိုင်ငံအများ အပြား ဒီမိုကရေစီ လှိုင်းတပိုးတွေ မြှင့်တက်လာခဲ့ပါ တယ်။ တခါတခါ လူတွေက ဒီမိုကရေစီပေါ်မှာ မျှော်လင့်ချက်ထားတာ သိပ်ပြီးတော့ မြင့်မားလွန်တယ်လို့ ထင်ပါတယ်။ ဒီမိုကရေစီရရင်ပဲ အမေရိကန်လို၊ ဂျပန်လို အာဏာကြီးထွားလာမယ်။ ချမ်းသာလာတော့မယ်လို့ ထင်တတ်ကြပါတယ်။ ဒီလိုဖြစ်လာနိုင်စရာ မရှိတဲ့ အခြေအနေတွေလည်း ရှိတတ်ပါတယ်။
တခါ မြန်မာနိုင်ငံလို နိုင်ငံမျိုးမှာ လူတွေဟာ နှစ်ပေါင်း (၅၀) စကားပြောခွင့် ပိတ်ပင်ခံခဲ့ရပါတယ်။ လွတ်လပ်စွာ ထုတ်ဖော်ပြောဆိုခွင့်ရအောင် ကျနော်တို့က အားပေး ကူညီခဲ့ပါတယ်။ သူတို့ လွတ်လွတ်လပ်လပ် ပြောလာ တော့ ပြောတာတွေကို ကျနော်တို့ မကြိုက်ပါဘူး။ ကျနော်တို့က Civil Liberty ပြည်သူ့လွတ်လပ်ခွင့်ကို ပြောစေချင်ပါတယ်။ သူတို့က သူတို့ပြောချင်တာကို ပြောပါတယ်။ ဒါကို ဘယ်လို ကိုင်တွယ်ရမှာလဲ။ လွတ်လပ်စွာ ပြောဆိုခွင့်နဲ့ လူတိုင်းကို ကာကွယ် ရမယ်ဆိုတဲ့ တာဝန်ကို ဘယ်လို ထိန်းညှိကြမလဲ။
မေး ။ ။ သူတို့ ပြောတာကို ကျနော်တို့ မကြိုက်ဘူး ဆိုတဲ့နေရာမှာ ဘယ်သူကို ပြောတာလဲ။ အခုတလော သိပ်နာမည်ကြီးနေတဲ့ ဦးဝိရသူ ကို ပြောတာလား။
ဖြေ ။ ။ မဟုတ်ပါဘူး။ သူတယောက်တည်း မဟုတ်ပါဘူး။ သူက အဲဒီသဘောထား ရှိသူတွေကို ကိုယ်စားပြုတယ် ဆိုတာ မှန်ပါတယ်။ လူတွေက ဒီ ရိုဟင်ဂျာ ဆိုသူတွေဟာ ဥပဒေမဲ့ ခိုးဝင်လာသူတွေ၊ မူစလင်တွေက အန္တရာယ် တရပ် ဖြစ်စေတယ် စသဖြင့် ပြောဆိုနေကြတာပါ။ တနည်းအားဖြင့် ပြောရရင် racism လူမျိုးခွဲခြားရေးဝါဒ ဖြစ်ပါတယ်။ ဒါကလဲ လူမှုအဖွဲ့အစည်းတိုင်းမှာ တွေ့ရပါတယ်။ လူတိုင်းမှာလည်း ဒီလိုပဲ ရှိတတ်ပါတယ်။ ဒါကို ဘယ်လို ကိုင်တွယ်ဖြေရှင်းမလဲဆိုတာက အရေးကြီး ပါတယ်။ မြန်မာနိုင်ငံမှာ စစ်အာဏာရှင်အောက်မှာ နှစ်ပေါင်း (၅၀) နေခဲ့ရလေတော့ ဒီကိစ္စကို လုံးဝပြစ်ပယ် ထားခဲ့တာပါ။ အခုတော့ ဆယ်စုနှစ်ပေါင်းများစွာ အေးခဲထားခဲ့တဲ့ ပြဿနာကို အခု ကြုံတွေ့နေရပါပြီ။
မေး ။ ။ ခင်များနဲ့ Kurt Campbell တို့ဟာ Obama အစိုးရလက်ထက်တုန်းက မြန်မာနိုင်ငံမူဝါဒ ချမှတ်တဲ့ နေရာမှာ အကောင်အထည် ဖော်တဲ့နေရာမှာ အင်မတန် တက်တက်ကြွကြွ ပါဝင်ခဲ့ပါတယ်။ မြန်မာနိုင်ငံ နဲ့ Cuba နိုင်ငံတို့ဟာ သူ့လက်ထက် နိုင်ငံခြားဆက်ဆံရေးမှာ အအောင်မြင်ဆုံး နိုင်ငံတွေလို့လဲ ယူဆခဲ့ကြတာပါ။ အခုပြန်ပြောင်းကြည့်မယ်ဆိုရင် ခင်များရဲ့  ထိတွေ့ ဆက်ဆံမှုတွေဟာ သိပ်ပြီးစောခဲ့တယ်လို့ သုံးသပ် မိပါသလား။
ဖြေ ။ ။ ဒီမေးခွန်းဟာ တချိန်လုံး အမေးခံခဲ့ရတဲ့ မေးခွန်း ပါ။ ကျနော်နဲ့ လုပ်ဖော်ကိုင်ဖက်တွေကြား မကြာခဏ ပြောဖြစ်ပါတယ်။ ရခိုင်နဲ့ ပတ်သက်ပြီးတော့ ငါတို့ ဒီထက်ပိုပြီးတော့ လုပ်နိုင်ခဲ့တာ ရှိသလားလို့။ ကျနော် အခု Myanmar Days ဆိုတဲ့ ခေါင်းစဉ်နဲ့ ကျနော့် အတွေ့အကြုံ စာအုပ်တအုပ်ရေးဖို့ လုပ်နေပါတယ်။ George Orwell ရဲ့  Burmese Days လို့ပေါ့။ အားလုံးကို ခြုံကြည့်ရင် နောင်တရတာ မရှိပါဘူး။ ကျနော် တာဝန်ယူခဲ့တုန်းက ရခိုင်အရေး၊ ရိုဟင်ဂျာအရေးဟာ အမဲစက်တစက် ဖြစ်ခဲ့တယ်လို့ အမြဲပြောပါတယ်။ ဒါပေမဲ့ ကျနော်တို့ရဲ့  မူဝါဒတွေ၊ လုပ်ဆောင်ချက်တွေ သိပ်လက်တွေ့ ကျတယ်လို့ ထင်ပါတယ်။
ကျနော်တို့ တာဝန်ဟာ မြန်မာနိုင်ငံကို ကယ်တင်ဖို့ မဟုတ် ပါဘူး။ မြန်မာနိုင်ငံ အောင်မြင်မှုရဖို့အတွက်လည်း ကျနော်တို့ တာဝန်ယူထားတာ မဟုတ်ပါဘူး။ မြန်မာ ပြည်သူတွေရဲ့  တာဝန်သာ ဖြစ်ပါတယ်။ သူတို့ဘာသာ သူတို့ တိုက်ပွဲဝင် ရုန်းကန်တာကိုပဲ ကျနော်တို့က ကူညီတာပါ။ ဒီအတွက် ကျနော် သိပ်ပြီးတော့ ဂုဏ်ယူပါတယ်။ ကျနော်က နေပြည်တော်နဲ့ ကျနော်နေတဲ့ ရန်ကုန်ကလွဲရင် ရခိုင်မှာ အများဆုံး နေခဲ့ပါတယ်။ ကျနော် သူတို့ကို သတိပေးခဲ့ပါတယ်။ အချိန်ကာလဟာ မင်းတို့ဘက်မှာ မရှိဘူး။ မင်းတို့လည်း အကျိုးရှိမှာ မဟုတ်ဘူးလို့ ပြောခဲ့ပါတယ်။ တကယ်လဲ သူတို့အတွက် အကျိုးမရှိပါဘူး။ အခုဖြစ်တဲ့ကိစ္စမှာ ရခိုင်ဘက်က မနိုင်ပါဘူး။ မြန်မာပြည်သူတွေ မနိုင်ပါဘူး။ အရှုံးအနိုင် ပြန်ပြောရင် ဒီကိစ္စမှာ ဘယ်သူမှ မနိုင်ပါဘူး။
မြန်မာနိုင်ငံဟာ အထီးကျန်ပစ်ပယ်ခံရတယ်။ သူတို့ရဲ့  ဂုဏ်သတင်း ရိုက်ချိုးခံလိုက်ရတယ်။ ရင်းနှီးမြုပ်နှံမှုတွေ ဆုံးရှုံးတယ်။ တရုတ်ဆီကပဲ လာတော့တယ်။ တရုတ်ကို ကြိုက်မကြိုက်တော့ ကျနော် မသေချာပါဘူး။ ရခိုင်တွေကလည်း လိုအပ်နေတဲ့ ဖွံ့ဖြိုးတိုးတက်မှု၊ လေးစားခံရမှုတွေ ဆုံးရှုံးခံတဲ့အပြင် လုံခြုံရေး စိတ်မချနိုင်တဲ့ အခြေအနေကို ရောက်လာခဲ့ပါတယ်။
Share:

21 November, 2017

UEHRD လုပ်ငန်းစဉ်များနှင့် ရခိုင်ပြည်နယ် အခြေအနေပြောကြားချက် (အင်တာဗျူး)

ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်းလုပ်ငန်းစဉ်များနှင့် ပတ်သက်ပြီး UEHRD ၏ Information and Communications ဒါရိုက်တာဦးကျော်မြိုင်ကို Mizzima Media Group ၏ အယ်ဒီတာချုပ်ဦးစိုးမြင့်က တွေ့ဆုံမေးမြန်း ထားပါသည်။
"အောင်မြင်အောင်လုပ်ရမှာပေါ့၊ အောင်မြင်လို့ရှိရင် ဒီ Modeling (ပုံစံ)ကို Conflict ဖြစ်တဲ့ တခြားပြည် နယ်တွေ တိုင်းတွေမှာ Replicate (ပုံစံတူ) လုပ်လို့ရတယ်၊ အတုယူပြီးတော့ လုပ်လို့ရတယ်။ ဒီပြဿနာ အေးသွားတယ်ဆိုရင် ကျွန်တော်တို့ ငြိမ်းချမ်းရေးဖြစ်စဉ်ကို အာရုံစိုက်ပြီးတော့ လူကြီးတွေက ပိုလုပ်လို့ ရတယ်..."
"UEHRD ကပြည်ထောင်စုအဆင့်နဲ့ ချီပြီးတော့လုပ်တဲ့ လုပ်ငန်းရပ်ကြီးပေါ့။ ဒီဟာကြီး အောင်မြင်သွား လို့ရှိရင် ကျွန်တော်တို့က ဒီမိုကရက်တစ်ဖက်ဒရယ်ပြည်ထောင်စုကြီး  ဖြစ်ဖို့အတွက်ကလည်း ပိုပြီးတော့ လမ်းကနီးလာပြီ။ ငြိမ်းချမ်းရေးကိုကျွန်တော်တို့ အာရုံစိုက်ပြီးတော့လုပ်နိုင်မယ်။ ဒါကြောင့်မို့ ဒီနေရာမှာ ကျွန်တော်တို့က ရှုံးလို့ကိုမရတော့ဘူး၊ နိုင်ကိုနိုင်ရမယ်ဆိုတဲ့ သန္နိဌာန်နဲ့ ပြည်သူတွေနဲ့ အစိုးရနဲ့ တပ်မတော်နဲ့ တစ်သားတည်း ကြိုးစားဖို့လိုတယ်လို့ ကျွန်တော် ပြောချင်ပါတယ်..."
MIZZIMA - ဆရာ မင်္ဂလာပါဆရာ။
UKM - မင်္ဂလာပါ။
MIZZIMA - UEHRD မြန်မာလိုဆိုရင်တော့ ရခိုင်ပြည်နယ်အတွင်း လူသားချင်းစာနာမှု အကူအညီအထောက် အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်းပေါ့။ အဲဒီ UEHRD ဘယ်လိုဖြစ်လာတယ်၊ ဘာကြောင့်ဖွဲ့စည်းခဲ့ရတယ်၊ ဘာရည်ရွယ်ချက်တွေရှိတယ် ဆိုတာကို ပြောပြပါလား။
UKM - အဲဒါကိုပြောရမယ်ဆိုရင်တော့ UEHRD ထဲမှာ နောက်ဆုံးက R ကတော့ ရခိုင်ပေါ့။ D ကတော့ Development ပေါ့။ အဲ့တော့ ရခိုင်ပြည်နယ်မှာ ပြဿနာတွေ ရှိခဲ့တာတော့ ကြာပါပြီ။ ဒါပေမယ့် နောက်ပိုင်းဖြစ် လာတာက သြဂုတ်လ ၂၅ ရက်နေ့မှာ တိုက်ခိုက်တဲ့ကိစ္စတွေနဲ့ ပတ်သက်ပြီးတော့ တပ်ကလည်း သွားပြီး နယ်မြေရှင်းလင်းရေးတွေ လုပ်ရတယ်။ လုပ်တဲ့အခါမှာ လုပ်တဲ့အပေါ်မှာ မူတည်ပြီးတော့ တစ်ဖက်နိုင်ငံကို အစုလိုက်အပြုံလိုက် ထွက်သွားကြတယ်။ ထွက်သွားပြီးတဲ့ အခါကျတော့ နိုင်ငံတကာ ကပေါ့နော် အမျိုးမျိုးစွပ်စွဲကြတယ်၊ အပြစ်တင်ကြတယ်။ အဲလိုမျိုး အပြစ်တင်စွပ်စွဲတဲ့အထဲမှာ ဘာတွေ ပါလာလဲ ဆိုတော့ တကယ့်ကို လူတစ်ယောက်ကပဲဖြစ်ဖြစ်၊ အစိုးရ တစ်ခုကပဲဖြစ်ဖြစ် ပြောမယ်ဆိုရင် စဉ်းစဉ်းစားစားပြော ရမယ့်စကားလုံးတွေ လူမျိုးပြုန်းသတ်တယ် ဆိုတဲ့စကားလုံးတွေပေါ့။ အဲလိုတွေသုံးလာကြတယ်။ နောက်ပြီးတော့   မြန်မာ့ တပ်မတော်အနေနဲ့ မုဒိမ်းကျင့်တယ်၊ ရွာတွေမီးရှို့တယ်၊ လူ့အခွင့်အရေးနဲ့ပတ်သက် တာတွေ ချိုးဖောက်တယ် စသဖြင့်ပေါ့နော်။ ဒါတွေကို လွယ်လွယ်ကူကူ တွင်တွင်ကျယ်ကျယ် လျောက်ပြီးတော့ ပြောကြတယ်ပေါ့နော်။ တစ်ယောက်ကပြောလိုက် နောက်တစ်ယောက်ကနေ တဆင့်စကား တဆင့်ကြားပြီးတော့ ဒီလိုတွေ ပြောလာတဲ့အခါ၊ ဒီလိုတွေများလာတဲ့အခါကျတော့ ဒီပြဿနာကို သမာရိုးကျ ဖြေရှင်းလို့တော့မရတော့ဘူး။ ဘယ်လိုဖြေရှင်းရမလဲဆိုတော့ ဒေါ်အောင်ဆန်းစုကြည်စကားနဲ့ ပြောရမယ်ဆိုရင် ယန္တရားအသစ်တစ်ခုလိုတယ်။ ဝန်ကြီးဌာနတွေအားလုံးပေါင်းပြီးတော့ လုပ်လို့မရဘူး။ ကုမ္ပဏီတွေအားလုံး ပေါင်းပြီးတော့ လုပ်လို့လည်းမရဘူး။ ဥပမာ- စီးပွားရေးကဏ္ဍမှာဆို P to P ဆိုတာရှိပါတယ်။ Private Public Partnership - PPP နဲ့လည်းမရဘူး။ သူနဲ့လည်း မရပါဘူး။ သူက မြန်မာနိုင်ငံမှာရှိတဲ့ ပြည်သူတစ်ရပ်လုံး ကလည်း ပါဝင်ရမယ်။ စီးပွားရေးသမားတွေကလည်း ပါဝင်ရမယ်။ နောက်ပြီးတော့ အခါတိုင်း ကျွန်တော်တို့ အကူအညီယူနေကျ ကုလသမဂ္ဂလက်အောက်မှာရှိတဲ့ အေဂျင်စီတွေ ဥပမာဆိုရင် UNDP ၊ UNICEF ၊ UNHCR စသဖြင့် အဲ့လိုအေဂျင်စီတွေကလည်း အကူအညီယူရမယ်။ အဲလို အကူအညီယူတဲ့အခါမှာ UEHRD ရဲ့လုပ်ငန်းကြီးသုံးရပ်ဖြစ်တဲ့ ပထမတစ်ချက်ကတော့ လူသားချင်းစာနာစွာ အကူအညီပေးရေးပေါ့။ နောက်တစ်ခု က ပြန်လည်နေရာချထားရေး၊ ပြန်လည်နေရာချထားရေးဆိုတာက ဘင်္ဂလားဒေ့ရ်ှကို ရောက်သွား တဲ့ ဒုက္ခသည်တွေကို ပြန်လည်နေရာချထားရေး၊ ပြီးတဲ့အခါကျတော့ Development ပေါ့။ သူကတော့ အများသိတဲ့ အတိုင်းပဲ နေ့ချင်းညချင်း လုပ်လို့ရတဲ့အရာ မဟုတ်ဘူး။ ရေရှည်လုပ်ရမယ့်လုပ်ငန်းပေါ့။ ရေတိုလုပ်ငန်းရှိတယ်၊ ရေရှည်လုပ်ငန်းရှိတယ် စသည်ဖြင့်ပေါ့။ အဲဒါတွေကို လုပ်ဖို့အတွက် လိုအပ်လို့ ဒေါ်အောင်ဆန်းစုကြည်အနေနဲ့ လေးဦးကော်မတီကို ဖွဲ့လိုက်ပါတယ်။ အဲဒီအထဲမှာ သူက ဥက္ကဋ္ဌဖြစ်တယ်။ ဒေါက်တာဝင်းမြတ်အေး ပြည်ထောင်စုဝန်ကြီးပေ့ါ။ ပြီးတော့ ဒေါက်တာအောင်ထွန်းသက်၊ ပြီးတော့ကျွန်တော်ပါ။ ကျွန်တော်ကတော့ ဘယ်လိုတာဝန် ပေးထားလဲဆိုတော့ Information and Communications ဒါရိုက်တာ။ အမှန်အားဖြင့် ပြောရမယ်ဆိုရင် ဒေါက်တာအောင်ထွန်းသက်ကတော့ ကုမ္ပဏီတစ်ခုမှာ CEO သဘောမျိုးပေါ့။ ဒါပေမယ့် ဒါကကုမ္ပဏီ မဟုတ်တဲ့အတွက်ကြောင့် CEO လည်းမဟုတ်ဘူး။ ဒီလုပ်ငန်းကြီးတစ်ခုလုံးကို ရည်ရွယ်ချက်တွေ ပြည့်ပြည့်ဝဝ အောင်မြင်အောင်လုပ်ဖို့ သူ့မှာတာဝန်ရှိပါတယ်။ အဲ့တော့ အခုလည်း အင်တိုက်အားတိုက် စလုပ်နေပါတယ်။

MIZZIMA - အဓိကရည်ရွယ်ချက်တွေထဲမှာ လူသားချင်းစာနာထောက်ပံ့မှုတွေ ပေးဖို့ ၊ ပြန်လည်နေရာချ ထားရေး၊ ဖွံ့ဖြိုးရေးဆိုတော့ ဘယ်သူတွေနဲ့ လက်တွဲပြီးတော့ အဓိကထားပြီးတော့ လုပ်သွားမယ်လို့ ပြင်ဆင်နေလဲခင်ဗျ။
UKM - ဟုတ်ကဲ့၊ အဲဒီဟာက Resources ကိုကြည့်မယ်ဆိုရင် ကျွန်တော်တို့ UEHRD က ဘယ်လိုလဲဆိုတော့ Institutional Resources ပေါ့။ Institution ကြီးတစ်ခု။ ပြီးတဲ့အခါကျတော့ Human Resources ကတော့ ဒေါ်အောင်ဆန်းစုကြည်က တစ်နိုင်ငံလုံးကို မိန့်ခွန်းပြောတဲ့အထဲမှာ မြန်မာပြည်သူပြည်သားတွေအားလုံး ပြည်တွင်း မှာ ရှိတဲ့ မြန်မာပြည်သူပြည်သားတွေ နိုင်ငံခြားမှာနေတဲ့ ပြည်ထောင်စု သားသမီးတွေပေါ့နော်၊ သူကတော့   ပြည်ထောင်စုကို အလေးထားပြီးတော့ ပြောတယ်။ နောက်ပြီးတော့ မြန်မာပြည်ပေါ်မှာ စေတနာ၊ မေတ္တာရှိတဲ့ နိုင်ငံခြားသားတွေလည်း ပါတယ်။ အဲဒါနဲ့ ပါတဲ့အတွက်ကြောင့် ပုဂ္ဂလိက လုပ်ငန်းရှင်တွေဆီမှာ အလှူခံတဲ့ကိစ္စတွေလည်း ပြောမယ်ဆိုရင် ပွဲတွေလည်း ပြီးသွားပါပြီ။ ပိုက်ဆံတွေလည်း အများကြီးရထားတယ်။ နောက်ပြီးတော့ ဘဏ်စာရင်းတွေလည်း ဖွင့်ထားတယ်။ ဘဏ်စာရင်းတွေလည်း ဘယ်မှာထည့်ရမယ်ဆိုတာကိုလည်း ကျွန်တော်တို့ Website မှာ အတိအလင်း ကြေညာထားပါတယ်။ ပြီးတဲ့အခါကျတော့ လူမှုဝန်ထမ်းဝန်ကြီးဌာနမှာဆိုရင်လည်း လှူချင်လို့ရှိရင် ဘယ်လိုလှူရမယ်ဆိုတဲ့ Guide Lines တွေကို မြန်မာလိုတင်ပြထားတာ ရှိပါတယ်။ ဥပမာ- ဆိုပါစို့ မိသားစု တစ်စု ဆိုလို့ရှိရင် ခြင်ထောင်၊ အစားသောက် အိုးခွက်ပန်းကန် စသည်ဖြင့်ပေါ့နော်။ နမူနာလေးတွေ တင်ထားပေးပါတယ်။ အဲ့တော့ ပြန်ပြီးတော့ ခြုံပြောရမယ်ဆိုရင်တော့ ပြည်တွင်းပြည်ပ၊ UN အေဂျင်စီ၊ နောက်ပြီးတော့ AGD တို့လို ကမ္ဘာ့ဘဏ်တို့လို ဒီအဖွဲ့အစည်းတွေလည်း ပါတယ်။ နောက်ပြီးတော့ အဓိကအထဲမှာ ဘာပါလဲဆိုတော့ UNHCR ကလည်း ပါတယ်။ UNCICEF တို့ World Food Program တို့ အကုန်လုံးပါပါတယ်။ ဒါပေမယ့် တစ်ခုပဲရှိတာက သူတို့က ဒီလိုကူညီပေးတဲ့အခါမှာ သူတို့ဝန်ထမ်းတွေက ကုလသမဂ္ဂက ချမှတ်ထားတဲ့ စည်းမျဉ်းစည်းကမ်း Code of Conduct အတိုင်း တိတိကျကျ လိုက်နာဆောင်ရွက်ဖို့ လိုပါတယ်။
MIZZIMA - ခုနက ဆရာပြောတဲ့အထဲမှာ Private Sector ပေါ့။ ပုဂ္ဂလိက လုပ်ငန်းပေါ့။ နိုင်ငံတော် အတိုင်ပင်ခံပုဂ္ဂိုလ်ကနေ ဒီဟာကို စဖွဲ့လိုက်တဲ့အခါ ပုဂ္ဂလိက လုပ်ငန်းရှင်တွေ မမှားဘူးဆိုရင် ဒေါ်လာ ၁၃ သန်းလောက်နဲ့ ညီမျှတဲ့ မြန်မာငွေတွေ လှူခဲ့တယ်ပေါ့နော်။ ဆိုတော့ အခုလတ်တလောမှာ ပုဂ္ဂလိက လုပ်ငန်းရှင်တွေ သူတို့က UEHRD ကို ဘယ်လိုမျိုး ပူးပေါင်းဆောင်ရွက်နေလဲ ဘာတွေလုပ်ဆောင်နေလဲခင်ဗျ။
UKM - အဲဒါကကျွန်တော်တို့ ပွဲဦးထွက် ဘယ်လိုစလိုက်လဲဆိုတော့ UEHRD ထွက်လာပြီးတဲ့ နောက်ပိုင်းမှာ ဒေါက်တာအောင်ထွန်းသက်က UMCFFI ရုံးချုပ်မှာ သူအစည်းအဝေးခေါ်ပါတယ်။ အဲဒီအစည်းအဝေးကလည်း UNFCCI ရဲ့ ဥက္ကဋ္ဌတို့ ဘာတို့က ကမကထလုပ်ပြီးတော့ လုပ်ပေးတာပါ။ သူတို့ရုံးမှာပဲ။ အဲဒီမှာကနဦး Task Forces ကြီး ၉ ခုဖွဲ့ပါတယ်။ အဲ့ဒီထဲမှာ ကျွန်တော့် Task Forces လည်းပါပါတယ်။ ကျွန်တော်ကကျွန်တော့် Task Forces ထဲမှာ ခေါင်းဆောင်ရမယ်ဆိုပြီးတော့ တာဝန်ပေးပါတယ်။ ပေးတဲ့အခါကျတော့ အဓိက,ကတော့ တစ်ဖက်နိုင်ငံကို တိမ်းရှောင်သွားတဲ့ လူတွေ ပြန်လာဖို့ဆိုတာက ဆောက်လုပ်ရေးက တော်တော်ကိုအရေးကြီး တယ်။ ဆောက်လုပ်ရေးမှာ နှစ်ပိုင်းပေါ့နော်။ အိမ်တွေဆောက်ဖို့ကိစ္စရယ် လမ်းတွေ နောက်ပြီးတော့ ကျောင်းတွေ ဘာတွေ အခြေခံအဆောက်အအုံပိုင်းပေါ့။ ဆောက်ဖို့ကိစ္စတွေ ပါတဲ့အတွက်ကြောင့် အဲဒီမှာ သက်ဆိုင်ရာ ခေါင်းဆောင်တွေ ရွေးပြီးတော့ပေါ့နော် သူတို့ဆိုရင် စပြီးတော့ လုပ်နေပါပြီ...
MIZZIMA - အဲဒါက ရခိုင် မောင်တောမှာပေါ့ ?
UKM - ဟုတ်ပါတယ်။ အဲဒီဒေသမှာပါ။ စလုပ်နေပြီဆိုတော့ ဘယ်ကစလဲဆိုတော့ ရခိုင်မှာကျန်ခဲ့တဲ့ တိုင်းရင်းသားတွေပေါ့ .. မြိုတို့၊ သက်တို့ နဲ့ဟိန္ဒူတွေအတွက်ပေါ့။ သူတို့အတွက်ကို စပြီးတော့ လုပ်ပေးပါတယ်။ အခု အိမ်တွေဘာတွေဆောက်တယ်။ သတင်းစာတွေထဲမှာလဲ ဓာတ်ပုံတွေဘာတွေ ပါပါတယ်။ အဲဒါတွေက လုပ်နေပါပြီ။ ဒါပေမယ့် အဲဒါတွေတင် မပြီးသေးဘူးခင်ဗျ။ အရင်တုန်းကဆိုရင် ခေတ်အဆက်ဆက်က အစိုးရတွေ လုပ်ခဲ့တဲ့အပေါ်မှာ နိုင်ငံတကာက ဘယ်လိုပြောကြလဲဆိုတော့ မွတ်စလင်တွေ နေတဲ့နေရာတွေက သန့်ရှင်းမှုလည်းမရှိဘူး၊ ရေတွေဘာတွေလည်း ကောင်းကောင်းမရဘူး၊ အပြင်လည်းထွက်လို့မရဘူး၊ လူ့အခွင့် အရေးနဲ့လည်း မကိုက်ညီဘူးဆိုပြီးတော့ အမျိုးမျိုး ပြောကြတယ်။ အဲလိုမျိုး ပြောခဲ့တာတွေ စွပ်စွဲချက်တွေ ရှိခဲ့တဲ့အတွက်ကြောင့် အခုရှေ့လျှောက် လုပ်မယ့်လုပ်ငန်းတွေကျတော့ ဒီဟာတွေ စွပ်စွဲချက်တွေ ဖြေလျော့တဲ့အနေနဲ့ အိမ်ဆိုရင်လည်း ပိုပြီးတော့ ကောင်းကောင်းမွန်မွန်ဖြစ်ရမယ်။ လမ်းဆိုရင်လည်း ကောင်း ရမယ်။ ရေတွင်း၊ ကျောင်း၊ စသည်ဖြင့် အကုန်လုံးပြည့်ပြည့်စုံစုံ လုပ်ပေးဖို့ အစိုးရကလည်း စေတနာရှိပါတယ်။

MIZZIMA - နောက်တစ်ခုက ဆရာပြောတဲ့ထဲမှာလည်း တစ်ခုပါတယ်။ နိုင်ငံတကာအဖွဲ့အစည်းတွေ ကုလသမဂ္ဂရဲ့ လက်အောက်ခံအဖွဲ့အစည်းတွေ ပြီးတော့ မြန်မာနိုင်ငံမှာ အခြေစိုက်တဲ့ နိုင်ငံခြားသံရုံးတွေ ပေါ့နော်။ သူတို့ကရော UEHRD အပေါ်မှာ ဘယ်လိုမျိုး တုန့်ပြန်လဲ၊ ဘယ်လိုမျိုး ပူးပေါင်းဆောင်ရွက်မှုတွေ လုပ်နေလဲခင်ဗျ။
UKM - ဟုတ်ကဲ့။ အခုအဲဒီဟာက ဘယ်လိုလဲဆိုတော့ ဥက္ကဋ္ဌက ဒေါ်အောင်ဆန်းစုကြည်၊ ဒုတိယဥက္ကဋ္ဌက ဒေါက်တာဝင်းမြတ်အေးပါ။ အဲ့တော့ ဒေါက်တာဝင်းမြတ်အေးက သူ့ဝန်ကြီးဌာနက ဒါ တိုက်ရိုက်ဆိုင်နေတော့ သူ့ဆီကိုပဲ ဦးတည်ပြီးတော့ သွားနေကြပါတယ်။ အဲဒါကလည်း သတင်းစာထဲမှာလည်း ပါပါတယ်။ သံရုံးတွေက သွားတွေ့ကြတယ်။ နောက်ပြီးတော့ လှူချင်တဲ့ အလှူရှင်တွေ သွားတွေ့ကြတယ်။ ပြည်တွင်းမှာ လှူတဲ့ လူတွေ လည်း လှူကြပါတယ်။ အဲဒါကို ကျွန်တော်ပြောရမယ်ဆိုလို့ရှိရင် အရှိန်ကတော့ တဖြည်းဖြည်း မြင့်လာတာပေါ့နော်။ ပိုပိုပြီးတော့များလာတယ်။ ဒါပေမယ့် ကျွန်တော်တို့အနေနဲ့ ပြည်သူကိုသိအောင် နောက်ပြီးတော့  ပြန်ကြားရေးလုပ်ငန်း လုပ်တဲ့နေရာမှာ အားမရသေးပါဘူး။ ဒီထက်ပိုပြီးတော့ လုပ်ဖို့လိုပါတယ်။
MIZZIMA - အခုလှူတာအပြင် နိုင်ငံတကာအဖွဲ့အစည်းတွေ၊ နိုင်ငံတကာအစိုးရတွေက လှူတာအပြင် ဘယ်လိုမျိုး သူတို့ပူးပေါင်းဆောင်ရွက်နိုင်မယ်လို့ ထင်လဲဆရာ။
UKM - အဲဒါကတော့ သမာရိုးကျ ပြောရမယ်ဆိုရင် အဓိက Development ကို ကြည့်မယ်ဆိုရင် United Nation Development Program ကျွန်တော်လည်း အဲဒီမှာ ၁၆ နှစ်လောက် လုပ်ခဲ့ပါတယ်။ ဒီကရုံးမှာလည်း ၄ နှစ်လောက်လုပ်ခဲ့တယ် Program Officer အနေနဲ့။ အဲ့တော့ သူတို့က မြန်မာပြည် တစ်နိုင်ငံလုံးအတွက်ကို Development Program  ရှိပါတယ်။ အဲလိုရှိပြီးတော့ လေးနှစ်တစ်ခါ သူတို့ Country Program လုပ်ရတယ်။ အဲလို လုပ်ရတဲ့အခါကျရင် ဒီလေးနှစ်ကို ဘယ်လောက် လျာထားမယ် ဆိုပြီးတော့။ ဒါက ပုံမှန်လုပ်နေတဲ့ကိစ္စ။ အခု ရခိုင်ပြည်နယ်မှာ ဖြစ်လာတဲ့ကိစ္စကျတော့ အရေးပေါ်။ အရေးပေါ်ဖြစ်လာ တဲ့အခါ ကျတော့ UNDP မှာလုပ်တဲ့ အကြီးအကဲပေါ့ ။သူက ဌာနေပုဂ္ဂိုလ်လည်းဖြစ်တယ်။ ကျန်တဲ့အေဂျင်စီတွေကို Coordinate လုပ်ပြီးတော့ ညှိညှိနှိုင်းနှိုင်း နဲ့ ဘယ်လိုစီမံကိန်းချပြီးတော့ လုပ်ရမယ်ဆိုတာက သူတို့လုပ်မှာပါ။
MIZZIMA - မြန်မာပြည်ထဲက ပြည်သူတွေကတော့ လှူလို့ရတယ်။ ဟိုတလောကဆိုရင် လူငယ်တွေပေါ့နော်။ ဝိုင်းပြီးကူညီဖို့ လူငယ်တွေ ပူးပေါင်းဆောင်ရွက်ဖို့ ဆိုပြီးတော့လည်းတွေ့ပါတယ်။ ပြည်ပမှာရောက်နေတဲ့ မြန်မာနိုင်ငံသားတွေကရော ဘယ်လိုမျိုး ပူးပေါင်းဆောင်ရွက်လို့ရသလဲ ဘာတွေလုပ်လို့ရသလဲ။
UKM - အခုလောလောဆယ်ကတော့ ပြည်ပမှာရှိတဲ့ နိုင်ငံသူနိုင်ငံသားတွေကို သံရုံးတွေကတဆင့်၊ ကျွန်တော်တို့ Website တွေမှာလည်း သံရုံး Link တွေ အကုန်လုံး တင်ထားပါတယ်။ သံရုံးတွေကနေတစ်ဆင့် ဘယ်လိုပြောထားလဲဆိုတော့ ဒီကနေပြီးတော့ ညွှန်ကြားချက်ပေးလိုက်တော့ သံရုံးတိုင်းက သူတို့နိုင်ငံမှာရှိတဲ့၊ သူတို့နိုင်ငံမှာနေတဲ့ မြန်မာနိုင်ငံသူ နိုင်ငံသားတွေကို စာဖြန့်ပါတယ်။ အဲဒီစာကိုလည်း ကျွန်တော်တွေ့ရပါတယ်။ အဲ့တော့ အဲဒီက နိုင်ငံသူ နိုင်ငံသားတွေအနေနဲ့ကတော့ သူတို့အသင်းအဖွဲ့အလိုက် တစ်နိုင်ငံနဲ့တစ်နိုင်ငံ မတူပါဘူး။ ဥပမာ .. နယူးယောက်မှာဆိုပါစို့ Myanmar-US Chamber of Commerce ရှိပါတယ်။ သူတို့ဆိုလည်း လှူဖို့ စိုင်းပြင်းပြီးလုပ်မှာပါ။ အဲ့တော့ ကျွန်တော်ကတော့ နာမည်လည်းတွင်ကျန်ခဲ့အောင်ဆိုပြီး ကျောင်းကို တစ်ကျောင်းလှူမလား နှစ်ကျောင်းလှူမလား စသဖြင့် အဲလိုတွေလုပ်လို့ရပါတယ်။
MIZZIMA - ဟုတ်ကဲ့။ ဒီရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း UEHRD ရဲ့ သူ့လုပ်ငန်းမှာ အဓိကစိန်ခေါ်မှုတွေ နောက်ပြီးတော့ အခွင့်အရေးပေါ့။ ရခိုင်အတွက်ရော မြန်မာနိုင်ငံအတွက်ရော အခွင့်အရေးတွေက ဘာတွေရှိတယ်လို့ ထင်သလဲခင်ဗျ။
UKM - စိန်ခေါ်မှုကတော့ ကျွန်တော်မြင်တာကတော့ NLD အစိုးရ စတက်ကတည်းက စိန်ခေါ်မှုတွေ ရှိခဲ့တယ်။ အဲဒီအထဲမှာ ဘာတွေပါလဲဆိုတော့ ကျွန်တေ်ာတို့က သမာရိုးကျ Development မဟုတ်ဘူး။ စစ်အာဏာရှင်ပုံစံနဲ့ အုပ်ချုပ်တဲ့စနစ်ကနေပြီးတော့ ဒီမိုကရေစီပုံစံနဲ့ အုပ်ချုပ်တဲ့စနစ်ကို ပြောင်းနေတဲ့အချိန်မှာ များသောအားဖြင့် မြန်မာနိုင်ငံသူ နိုင်ငံသားတွေက ဒီမိုကရေစီဆိုတာ ဘာမှ သေသေချာချာ သိတာမဟုတ်ဘူး။ ဒီမိုကရေစီ ပန်းတိုင်ဆိုတာကိုလည်း ဘယ်နားရှိမှန်းမသိဘူး။ ရောက်မှမရောက်ဖူးသေးပဲကိုး။ ဒါက သွားရဦးမှာ။ အဲတော့ မသိတာပါတယ်။ အဲ့တော့ စိန်ခေါ်မှုက ဘာလဲဆိုတော့ Education ပေါ့။ ပြည်သူတွေကို ဒီမိုကရေစီဆိုတာ လုပ်ချင်တိုင်း လုပ်လို့ရတဲ့ကိစ္စ မဟုတ်ဘူး။ ဗိုလ်ချုပ်အောင်ဆန်းပြောသလို လမ်းဘေးမှာ ငရုပ်သီးခြောက် လှန်းလို့ရတဲ့ဟာ မဟုတ်ဘူး။ စည်းနဲ့ကမ်းနဲ့၊ လူကလည်း လူ့စည်းကမ်း၊ ရဟန်းကလည်း ရဟန်းစည်းကမ်း၊ ဝန်ထမ်းကလည်း ဝန်ထမ်းစည်းကမ်း အဲလိုလုပ်မှ အောင်မြင်မယ့်ဟာ ဆိုတာကို ပြည်သူတွေ သိဖို့လိုပါတယ်။ ဒါကတစ်ခု။ နောက်တစ်ခုကတော့ Development Challenge က ကျွန်တော်တို့ ပြန်ပြောမယ်ဆိုလို့ရှိရင် ဗိုလ်ချုပ်ကြီးနေဝင်းအစိုးရ ၁၉၆၂ တုန်းက စပြီးတော့ တော်လှန်ရေးကောင်စီ တက်လာတဲ့အချိန်ထဲက နိုင်ငံကို ဆိုရှယ်လစ်နိုင်ငံဆိုပြီးတော့လုပ်တာ ဆိုရှယ်လစ်နိုင်ငံဆိုပြီးတော့ လုပ်တဲ့အခါမှာ စေတနာနဲ့လုပ်ပေမယ့်လည်း နောက်ပိုင်းကျတော့ စေတနာကနေ ရုပ်လုံးက ပေါ်မလာဘူး။ ဝေဒနာတွေဖြစ်ပြီးတော့ ၈၈ တွေပါဖြစ်လာတယ်။ အဲ့တော့ အဲဒီမှာ ၂၆ နှစ်လောက် စီးပွားရေးအနေနဲ့ ခံခဲ့ရတယ်။ မတိုးတက်ဘူးပေါ့နော်။ နောက်ပိုင်းကျတော့ တပ်မတော်အစိုးရ SPDC တက်လာတဲ့အခါကျတော့လည်း အနောက်နိုင်ငံတွေက စစ်အစိုးရက ဒီမိုကရေစီကို မရအောင်လုပ်ထားတယ်။ ဒီစစ်အစိုးရကို တိုက်မှပဲဆိုပြီးတော့ နည်းအမျိုးမျိုးနဲ့ တိုက်တဲ့အခါကျတော့ နောက်ဆုံးကျတော့ ဆန်ရှင်တွေ ဖြစ်လာတယ်။ ဆန်ရှင်တွေဖြစ်လာတော့လည်း စီးပွားရေးက သူများတွေ တိုးတက်အောင် လုပ်နေတဲ့အချိန်မှာ ကျွန်တော်တို့က မတိုးတက်နိုင်ဘူး။ လက်ကို နောက်ပြန်ကြိုး တုပ်ထားသလိုဖြစ်နေတယ်။ အဲတော့ Development Challenge ဒီဟာလည်း ပါပါတယ်။ နောက်တစ်ခုကတော့ ကျွန်တော် ပြောချင်တာကတော့ အခု ကျွန်တော်တို့က ခေတ်ကြီးက ပြောင်းသွားပြီပေါ့နော်။ Digital Aged ကို ရောက်သွားပြီဆိုတော့ ကောင်းလည်းကောင်းတယ်၊ မကောင်းလည်းမကောင်းဘူး။ ကောင်းတဲ့ဟာတွေလည်း ရနိုင်တယ်။ ဆိုးတဲ့ဟာတွေလည်း ဖြစ်နိုင်တယ်။ အခုဆိုးတဲ့ဟာတွေ ဘာဖြစ်နိုင်သလဲဆိုတော့ အင်တာနက်ရဲ့ Global Reached ကြောင့်ပေါ့။ တစ်ကမ္ဘာလုံးက သိတယ်။ ဖုန်းသုံးစွဲမှုကလည်း သိပ်များနေပြီ။ တစ်ယောက်က တင်လိုက်ရင် ဟုတ်ဟုတ် မဟုတ်ဟုတ် တက်သွားတာပဲ။ တက်သွားတယ်ဆိုရင် ဒီတင်လိုက်တဲ့ဟာလေးက လူ့အသိုင်းအဝိုင်း တစ်ခုနဲ့တစ်ခုနဲ့ ရန်ဖြစ်အောင်လည်း လုပ်လို့ရတယ်။ ချစ်ကြည်အောင်လည်း လုပ်လို့ရတယ်။ တင်တဲ့အပေါ်မှာပဲ မူတည်တယ်။ အဲတော့ ဒီအင်တာနက်ကတော့ ရှိလည်းရှိသင့်တယ် ရှိလည်းရှိရမှာပဲ။ ဒါပေမယ့် ဘယ်လိုသုံးတယ်ဆိုတာ ပြည်သူပြည်သားတွေ သင်ဖို့လိုပါတယ်။ အဲဒါကလည်း စိန်ခေါ်မှုတစ်ခုပါပဲ။ နောက် Opportunity ကဘာလဲဆိုတော့ တကယ်လို့ တိုက်ပွဲတိုက်တယ်ဆိုလို့ရှိရင် ရခိုင်ပေါ့နော်။ ရခိုင်ကတော့ တိုက်ပွဲတိုက်တာတော့ မဟုတ်ဘူး။ ပြောမယ်ဆိုလို့ရှိရင် အောင်မြင်အောင် လုပ်ရမှာပေါ့။ အောင်မြင်လို့ရှိရင် ဒီ(Modeling)ပုံစံကို တခြားပြည်နယ်တွေ တိုင်းတွေမှာ (Replicate) ပုံစံတူ လုပ်လို့ရတယ်၊ အတုယူပြီးတော့ လုပ်လို့ရတယ်။ နောက်ပြီးတော့ ဒီပြဿနာ အေးသွားတယ်ဆိုရင် ကျွန်တော်တို့ ငြိမ်းချမ်းရေးဖြစ်စဉ်ကို အာရုံစိုက်ပြီးတော့ လူကြီးတွေက ပိုလုပ်လို့ရတယ်။

MIZZIMA - ဟုတ်ကဲ့။ ဒီကနေ အောင်မြင်မှုကို ကျန်တဲ့ဒေသတွေမှာလည်း မြန်မာပြည်ရဲ့ Conflict ရှိတဲ့ တခြားနေရာတွေမှာ ပြန်ပြီးတော့ အသုံးချလို့ရတယ်လို့ ပြောချင်တာပေါ့။ နောက်ပြီးတော့ အခု UEHRD က လုပ်ငန်းတွေ စနေပြီ။ အထူးသဖြင့်တော့ ဆောက်လုပ်ရေးလုပ်ငန်းတွေပေါ့နော်။ အဲလိုမျိုး UEHRD ရဲ့လုပ်တဲ့လုပ်ငန်းတွေ ဘာတွေလုပ်နေတယ် ဘာတွေလုပ်မယ်ဆိုတာကို မီဒီယာတွေနဲ့ ပြည်သူတွေကို အသိပေးဖို့အတွက် မီဒီယာတွေနဲ့ ဘယ်လိုများ လွတ်လပ်စွာ သတင်းယူလို့ ရနိုင်မလဲခင်ဗျာ။
UKM - ဟုတ်ကဲ့။ အဲဒီဟာက ဘယ်လိုလဲဆိုတော့ အခုကျွန်တော်တို့ကို တာဝန်ပေးတယ်။ အမိန့်လည်း ထွက်တယ်ပေါ့နော်။ သမ္မတကြီး လက်မှတ်ထိုးပြီးတော့ အမိန့်ထွက်တယ်။ နေရာလည်း သတ်မှတ်ပေးထားပါပြီ။ အဲဒီ NRPC ငြိမ်းချမ်းရေးစင်တာ ပေါ့နော်။ အရင် NRPC နဲ့ အခု NRPC ဆိုပြီး နှစ်ခုရှိပါတယ်။ ရန်ကုန်မှာတစ်ခု နေပြည်တော်မှာတစ်ခု။ အဲ့တော့ ကျွန်တော်တို့ကို ရုံးစိုက်ဖို့ပေးထားတာက NRPC ရန်ကုန်မှာပါ။ ရန်ကုန်မှာ အရင်တုန်းက ကိုဖီအာနန် ထိုင်သွားတဲ့ တိုက်မှာ ဒေါက်တာအောင်ထွန်းသက်ရယ် ကျွန်တော်ရယ် အဲဒီမှာ ရုံးထိုင်ဖို့ တာဝန်ပေးထားပါတယ်။ ဒါပေမယ့် ရုံးက သေသေချာချာ ပီပီပြင်ပြင် မလုပ်ရသေးပါဘူး။ အဲဒါ လုပ်ပြီးပြီ ဆိုလို့ရှိရင် ကျွန်တော့်ရည်ရွယ်ချက်ကတော့ တစ်လကို နှစ်ခါပဲဖြစ်ဖြစ် ဒါမှမဟုတ်ရင်၊ တစ်ပတ်ကို တစ်ခါပဲဖြစ်ဖြစ် မီဒီယာနဲ့ တွေ့ဖို့ အစီအစဉ်ရှိပါတယ်။ အခုလိုပဲတွေ့မယ်။ နောက်တစ်ခုကတော့  အမြဲတမ်း ဆက်သွယ်လို့ရအောင် Website မှာလည်း ဖုန်းနံပါတ်တွေ ပေးထားပါတယ်။ ကျွန်တော်ဖုန်းနံပါတ်ကိုလည်း လွတ်လွတ်လပ်လပ် ပေးထားပါတယ်။ ဆက်လို့ရတယ်။ တကယ်လို့ သိပ်များရင်တော့လည်း ကျွန်တော့် အတွင်းရေးမှူးကို နားထောင်ခိုင်းမှာပေါ့လေ။ ဒါပေမယ့် အဓိကကတော့ နိုင်ငံတော်အတိုင်ပင်ခံ ပုဂ္ဂိုလ်အနေနဲ့ ပြောထားတာကတော့ တုန့်ပြန်တဲ့နေရာမှာ အမုန်းကိုအမုန်းနဲ့ မတုန့်ပြန်ဖို့၊ နောက်ပြီးတော့ သူများကရန်လာ စတာလည်း ရန်နဲ့မတုန့်ပြန်ဖို့ အလုပ်နဲ့ပဲပြမယ်။ ကောင်းတဲ့စေတနာနဲ့ အရင်းခံပြီးတော့ လုပ်တဲ့အလုပ်နဲ့ ပြမယ်ဆိုပြီးတော့။ အဲလိုမျိုး ပြောထားတဲ့အတွက်ကြောင့် ကျွန်တော်တာဝန်အနေနဲ့ကလည်း ဒီလိုလုပ်ငန်းတွေ တစ်နေ့နဲ့တစ်နေ့ တိုးတက်ပြီးတော့ ဖြစ်လာတာကို ပြည်သူရော ကမ္ဘာရော သိနိုင်ဖို့၊ တင်ပြဖို့ တာဝန်ရှိပါတယ်။

MIZZIMA - ပြည်တွင်းပြည်ပ မီဒီယာတွေ အဲဒီအပေါ် Effective Area ပေါ့၊  မောင်တော၊ ဘူးသီးတောင်တို့ ပြီးတော့ နယ်စပ်တို့ အဲလိုမျိုး နေရာမျိုးတွေကို လွတ်လပ်စွာ သွားလာဖို့ သတင်းယူဖို့ ကျတော့ရော ဆရာ ဘယ်လိုစဉ်းစားမိလဲခင်ဗျ။
UKM - ဟုတ်ကဲ့။ အဲဒီဟာက လွတ်လပ်စွာ သွားလာဖို့ဆိုတာကတော့ ပထမဦးဆုံးကတော့ အရင်တုန်းက လည်း သံတမန်တွေသွားဖို့ ဆိုပြီးတော့ ခဏခဏ တောင်းပါတယ်။ နိုင်ငံတကာက ဘယ်လိုတောင်းခံထားလဲ ဆိုတော့ အဟန့်အတားမရှိ သွားခွင့်ပြုရမယ်ဆိုပြီး တောင်းတယ်။ တောင်းတာကတော့ တောင်းတာပဲ။ ဒါပေမယ့် အစိုးရအနေနဲ့ကတော့လည်း ပေးမှာပါ။ အခုဆိုရင် မနက်ဖြန် ကျွန်တော်ရခိုင်ပြည်ကို သွားဖို့ရှိ ပါတယ်။ ဒေါက်တာအောင်ထွန်းသက် ခေါင်းဆောင်ပြီးတော့ သွားကြမယ်။ ဓါတ်ပုံတွေရိုက်မယ်၊ မှတ်စရာ ရှိတာတွေ မှတ်မယ်ပေါ့။ အဲ့တော့ အဲဒီဟာတွေ သွားဖို့ကိစ္စတွေ၊ နောက်ပြီးတော့ မီဒီယာပိုင်းက သိချင်တာတွေ၊ လိုအပ်ချက်တွေအားလုံးက ကျွန်တော့်ကို ဆက်သွယ်လို့ရပါတယ်။ ကျွန်တော့်ကို တာဝန်ပေးထားတဲ့ အတွက်ကြောင့်မို့လို့ ကျွန်တော် Welcome လုပ်ပါတယ်။ ဖြေပေးပါမယ်။
MIZZIMA - ဟုတ်ကဲ့။ နောက်ဆုံးတစ်ချက်ကတော့ UEHRD နဲ့ ပတ်သက်တာ လုပ်ဆောင်တာနဲ့ ပတ်သက်ပြီး မြန်မာပြည်ထဲက ပြည်သူတွေအတွက်က Message က ဘာတွေရှိလဲဆရာ။ ဘာပြောချင်သလဲခင်ဗျ။
UKM - ဟုတ်ကဲ့။ အဲ့တော့ Message က ဘာပြောချင်သလဲဆိုတော့ ကျွန်တော်က ဘာကိုပြန်ကောက်ချင်လဲ ဆိုတော့ UEHRD ထဲက ပထမနှစ်လုံးကို ပြန်ကောက်ချင်ပါတယ်။ ပထမတစ်လုံးက ယူနီယံ၊ နောက်တစ်ခုက အင်တာပရိုက် သူကတော့ မြန်မာပြည်မှာရှိပါတယ်။ ကုမ္ပဏီတွေလုပ်တုန်းက အစတုန်းကတော့ ကော်ပရေးရှင်းပေါ့။ အဲဒီကနေ အင်တာပရိုက် အဲဒါတွေက စီးပွားရေးလုပ်ငန်းတွေ  အခု ဒီ Entrprise ကြီးကတော့ ပြည်ထောင်စုနဲ့ ချီပြီးတော့ ယူနီယံပေါ့။ ပြည်ထောင်စုအဆင့်နဲ့ ချီပြီးတော့လုပ်တဲ့ လုပ်ငန်းရပ် ကြီးပေါ့။ လုပ်ငန်းစီမံကိန်းကြီးလို့ ပြောလို့ရပါတယ်။ အဲ့လိုမျိုး ပြောလို့ရတဲ့အတွက်ကြောင့် ဒီဟာကြီး အောင်မြင်သွားလို့ရှိရင် ကျွန်တော်တို့က ဒီမိုကရက်တစ်ဖက်ဒရယ်ပြည်ထောင်စုကြီး  ဖြစ်ဖို့အတွက်ကလည်း ပိုပြီးတော့ လမ်းက နီးလာပြီ။ ငြိမ်းချမ်းရေးကိုကျွန်တော်တို့ အာရုံစိုက်ပြီးတော့လုပ်နိုင်မယ်။ ဒါကြောင့်မို့ ဒီနေရာမှာ ကျွန်တော်တို့က ရှုံးလို့ကိုမရတော့ဘူး၊ နိုင်ကိုနိုင်ရမယ်ဆိုတဲ့သန္နိဌာန်နဲ့ ပြည်သူတွေနဲ့ အစိုးရနဲ့ တပ်မတော်နဲ့ တစ်သားတည်း ကြိုးစားဖို့လိုတယ်လို့ ကျွန်တော် ပြောချင်ပါတယ်။
MIZZIMA - ဟုတ်ကဲ့ ကျေးဇူးတင်ပါတယ်။
Share:

04 October, 2017

ရခိုင်မြောက်ပိုင်းပြဿနာ ဇစ်မြစ် Interview

ns ·
M-Media
ပြဿနာ စတင်ရတာကတော့ မြန်မာနိုင်ငံမှာ နိုင်ငံသားဖြစ်မှုဟာ Ethnicity လူမျိုးနွယ်ပေါ်မှာ အခြေခံထားလို့လို့ ကျမ ထင်ပါတယ်။ ဒါဟာ ကမ္ဘာပေါ်မှာ အတော်ထူးဆန်းနေတာပါ။ နိုင်ငံအများအပြားမှာ တိုင်းပြည်အတွင်းမှာ မွေးဖွားသူ ဖြစ်ရမယ်။ မိဘနှစ်ပါး ဒီတိုင်းပြည်မှာ နေထိုင်ရမယ်ဆိုတာတွေနဲ့ သတ်မှတ်ပါတယ်။ လူမျိုးနွယ်နဲ့ မဆိုင်ပါဘူး။ မြန်မာနိုင်ငံမှာလည်း နိုင်ငံသားဆိုတာ အစိုးရ သတ်မှတ်ထားတဲ့ မျိုးနွယ်အုပ်စုတခုခုမှာ ပါဝင်ရမယ်ဆိုတဲ့ သတ်မှတ်ချက်မျိုး မရှိရင် ဘာပြဿနာမှ မရှိပါဘူး။ ရိုဟင်ဂျာ ဟုတ်တယ်မဟုတ်ဘူးဆိုတာ အရေးမကြီးတော့ပါဘူး။
====================
ရခိုင်မြောက်ပိုင်းပြဿနာ ဇစ်မြစ်
===================
ဒီတပတ် မြန်မာ့မျက်မှောက်ရေးရာ သုံးသပ်ချက်မှာ ရခိုင်ပြည်နယ်မြောက်ပိုင်း ပြဿနာအပေါ် မြန်မာပြည်သူအများစု အမြင်နဲ့ ပြည်ပအမြင်တွေ ဘယ်လို ကွဲလွဲမှုရှိသလဲ၊ မူဆလင် ဆူပူသောင်းကျန်းမှုတွေ ရှိနေတဲ့ ထိုင်း၊ ဖိလစ်ပိုင်နိုင်ငံတွေ အခြေအနေတွေ နဲ့ မြန်မာအခြေအနေ ကွာခြားမှုတူညီမှုတွေ ဘယ်လိုရှိနေသလဲဆိုတာ အမေရိကန်ပြည်ထောင်စု Georgetown တက္ကသိုလ် နိုင်ငံတကာဆက်ဆံရေး ပါမောက္ခ Christina Fink နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။
.
ရှစ်လေးလုံး အရေးတော်ပုံနောက်ပိုင်း မြန်မာ့ဒီမိုကရေးကြိုးပမ်းသူ ကျောင်းသားလူငယ်တွေကို ပညာ သင်ကြား ပို့ချပေးခဲ့ဘူးတဲ့ Dr. Fink က ရခိုင်မြောက်ပိုင်းပြသနာ ဇစ်မြစ်ကို အခုလိုစတင်သုံးသပ်ပါတယ်...
.
Dr. Fink ။ ။ ဒီပြဿနာမှာ သမိုင်းနဲ့ဆိုင်တဲ့ အကြောင်းအရာတခုနဲ့ ပတ်သက်နေပါတယ်။ ဗြိတိသျှလက်ထက်မှာတုန်းက တောင်အာရှဒေသက လူတွေကို အခု မြန်မာနိုင်ငံဖြစ်နေတဲ့ ဒေသမှာ အခြေချဖို့ အားပေးခဲ့ပါတယ်။ လွတ်လပ်ရေးရတော့ မြန်မာနိုင်ငံကို သစ္စာရှိတဲ့လူတွေ၊ နိုင်ငံသားဖြစ်နိုင်မယ့် အခွင့်အလမ်း ရှိခဲ့ပေမယ့် ဗြိတိသျှခေတ်မှာ ဝင်လာတဲ့ လူတွေကြောင့် ဒီမတိုင်ခင်က နေလာတဲ့လူတွေ အကျိုးယုတ်စေတယ်၊ နစ်နာရတယ်လို့ အများအပြားက ရှုမြင်ကြပါတယ်။ ဒါကြောင့်မို့ ဗြိတိသျှလက်အောက်မှာ ဝင်လာတဲ့လူတွေကို နိုင်ငံသားတွေနဲ့အတူ အခွင့်အရေး အပြည့်အဝ မပေးသင့်ဘူးလို့ ယူဆခဲ့ကြပြီးတော့ ၁၉၈၂ ခုနှစ်မှာ ဗိုလ်ချုပ်ကြီးနေဝင်း ပြဌာန်းခဲ့တဲ့ နိုင်ငံသားဥပဒေနဲ့အတူ စီးပွားရေးလုပ်ငန်းတွေကို ပြည်သူပိုင် သိမ်းခဲ့တဲ့ လုပ်ရပ်တွေက ဗြိတိသျှခေတ်မှာ ဝင်ရောက်လာတဲ့လူတွေကို ပြည်ပကို ထွက်စေခဲ့ပါတယ်။ မထွက်ခွါတဲ့ လူတွေအဖို့လည်း နိုင်ငံသားဖြစ်ခွင့်ရဖို့ ခက်ခဲသွားစေပါတယ်။ ပြီးတော့ စစ်အုပ်ချုပ်ရေးတလျှောက်လုံးမှာလည်း တောင်အာရှက ဝင်လာတဲ့လူတွေအဖို့ ဟိန္ဒူပဲဖြစ်ဖြစ်၊ မူစလင်ပဲဖြစ်ဖြစ် မြန်မာ့လူ့အဖွဲ့အစည်းမှာ နေရာမရှိဘူး။ အထူးသဖြင့် မူစလင်တွေအတွက် အခက်အခဲ ဖြစ်လာပါတယ်။
.
ဦးကျော်ဇံသာ ။ ။ အဲဒီလို လွတ်လပ်ရေး မတိုင်ခင် ဗြိတိသျှခေတ်ကတည်းက ရှိခဲ့တဲ့ လူတွေရဲ့  ပြဿနာထက် အခုလောလောဆယ်မှာ နောက်ပိုင်းဝင်လာတဲ့ လူတွေရဲ့  ပြဿနာက ပိုပြီးတော့ အပူတပြင်းဖြစ်လာတယ်လို့ ထင်ပါတယ်။ ဥပမာဆိုကြပါစို့ ဘင်္ဂလားဒေ့ရှ် လွတ်လပ်ရေးစစ်ပွဲဖြစ်တဲ့ ၁၉၇၁ နောက်ပိုင်းမှာ လူတွေအတော်များများ ဝင်လာတယ်ဆိုတဲ့ အထောက်အထားတွေ တွေ့ရပါတယ်။ ဘဝမလုံခြုံ၊ စီးပွားရေးကလည်း သူတို့ဘက်မှာ ဘဝရပ်တည်ရေး အခက်အခဲကြောင့် ဒီဘက်ကို ပြောင်းရွှေ့ လာတဲ့လူတွေ အများကြီးရှိတယ်လို့ ဆိုကြပါတယ်။ ဆိုတော့ ဒီလူတွေရဲ့  ပြဿနာက ပိုပြီးအရေးကြီးတယ် ထင်ပါတယ်။
.
Dr. Fink ။ ။ ဟုတ်ပါတယ်။ အရေအတွက် ဘယ်ရွေ့ ဘယ်မျှဆိုတာ သိဖို့တော့ ခက်ပါတယ်။ ဒါပေမဲ့လဲ ခရစ်နှစ် ၂၀၀၀ ပြည့်မှာ မွေးလာတဲ့လူတွေကို ကြည့်မယ်ဆိုရင် သူတို့ရဲ့  ဘိုးဘွားတဦးဟာ လွန်ခဲ့တဲ့ နှစ်ပေါင်း (၅၀) လောက်တုန်းက ဝင်လာခဲ့တာလည်း ဖြစ်နိုင်ပါတယ်။ ဒီလူတွေကို ဟိုတုန်းက ဝင်လာတဲ့လူ၊ အခုနောက်ဝင်လာတဲ့လူဆိုပြီး ခွဲခြားရခက်မယ်လို့ ထင်ပါတယ်။ ၁၉၇၈-၇၉ မှာ စစ်အစိုးရ ရခိုင်ပြည်မြောက်ပိုင်းက မူစလင်တွေကို မောင်းထုတ်ခဲ့တယ်ဆိုတာကိုလည်း သတိရသင့်ပါတယ်။ ၁၉၉၀ ပြည့်လွန်ပိုင်းမှာလည်း အလားတူ လုပ်ခဲ့ပါသေးတယ်။ ဒါကြောင့်မို့ သူတို့ကိုယ်သူတို့ ရိုဟင်ဂျာလို့ သတ်မှတ်သူတွေဟာ သိန်းနဲ့ချီပြီးတော့ မြန်မာပြည်ပြင်ပကို ရောက်ရှိသွားခဲ့တာ ဖြစ်ပါတယ်။ လွန်ခဲ့တဲ့ ရှစ်နှစ် ပဋိပက္ခတွေ မဖြစ်ခင်ထဲကပါ။
.
ဦးကျော်ဇံသာ ။ ။ ကျနော် ဒီနေရာမှာ နှိုင်းယှဉ်စဉ်းစားမိတာ တခုကတော့ ဒီလို အနောက်ဘက်က မူစလင်တွေ ဝင်လာသလိုပဲ အရှေ့ ဘက်မှာလည်း တရုတ်နယ်စပ်ကနေ တရုတ်တွေ ဝင်တာတာ ရှိပါတယ်။ အဲဒီလို အရှေ့ ဘက်က တရုတ်တွေ ဝင်လာတာဟာ ဒီလောက်ထိ ပြဿနာကြီးကြီးမားမား ဖြစ်မလာဘဲနဲ့ အနောက်ဘက်က မူစလင်တွေ ဝင်လာတာက ဘာကြောင့်ပိုပြီိးတော့ အရေးကြီးတဲ့ ပြဿနာ ဖြစ်ရသလဲဆိုတာကိုလည်း နှိုင်းယှဉ်ကြည့်သင့်တယ်လို့ ထင်ပါတယ်။
.
Dr. Fink ။ ။ ဒါဟာ သိပ်ကိုအရေးကြီးတဲ့ မေးခွန်းတခုပါ။ နောက်ပြီးတော့ ဒါက ဘာကိုဖော်ပြနေသလဲဆိုတော့ လူအုပ်စုအတိုင်းအတွက် ပြဿနာ မဖြစ်ပေမယ့်လဲ တချို့ သော အုပ်စုတွေနဲ့ကျမှ ပြဿနာ ဖြစ်ရတယ်ဆိုတာ တိုင်းပြည်မှာရှိတဲ့ လူထုအများစုရဲ့  ထင်မြင်ချက် Perception ပေါ်မှာ မူတည်တယ်ဆိုတာပဲ ဖြစ်ပါတယ်။ တရုတ်နယ်စပ်မှာလည်း ကိုးကန့်လိုလူမျိုးတွေ ရှိပါတယ်။ သူတို့ဟာ နိုင်ငံသား ဖြစ်ခွင့်ရှိကြတယ်။ ဒါပေမဲ့လဲ ရိုဟင်ဂျာ ဆိုသူတွေအပေါ်မှာကြတော့ မူဝါဒက ကွဲပြားသွားပါတယ်။ ဒီလိုမျိုး ကွဲလွဲတဲ့ မူဝါဒ ထားရှိတာဟာ ဘာသာရေးကိစ္စလည်း ပါဝင်တယ်လို့ ထင်ပါတယ်။ ဒါဟာ မူစလင် လူဦးရေးဟာ မြန်မာပြည်မှာ ဗုဒ္ဓဘာသာ တည်မြဲရေးကို ခြိမ်းခြောက်နေတယ်ဆိုတဲ့ စိုးရိမ်စိတ် ပေါ်ထွက်လာနေလို့လည်း ဖြစ်နိုင်ပါတယ်။
.
ဦးကျော်ဇံသာ ။ ။ ဆိုတော့ ဒီစိုးရိမ်စိတ်ဟာ တကယ် အခြေအမြစ်ရှိတဲ့ စိုးရိမ်စိတ် Reality လို့ ထင်ပါသလား။ ဒါမှမဟုတ် ဒီလို ဖြစ်လာလိမ့်မယ်ဆိုတဲ့ ထင်မြင်မှု Perception လို့ ထင်ပါသလား။ ဘယ်လို သဘောရပါသလဲ။
.
Dr. Fink ။ ။ တကယ်ဖြစ်မယ်လို့ ယုံကြည်သူတွေအဖို့ ဒါဟာ အစစ်အမှန် Reality လို့ ထင်ပါတယ်။ ဒါပေမဲ့ အပြင်ကလူတွေ အနေနဲ့တော့ အဲဒီလိုမျိုး ရှုမြင်မှု ခက်ခဲပါတယ်။ ဘာကြောင့်လဲဆိုတော့ မြန်မာပြည်မှာ မူစလင်လူဦးရေက သိပ်ကိုနည်းပါတယ်။ (၄) ရာခိုင်နှုန်းအောက်မှာလည်း ရှိမယ်လို့ ထင်ပါတယ်။ လွန်ခဲ့တဲ့ နှစ် (၃၀-၄၀) အတွင်းမှာ ဒီထက်ပိုများလာတယ်လို့လည်း သန်းခေါင်းစာရင်းမှာ မတွေ့ရပါဘူး။ သူတို့လူဦးရေဟာ အရင်ထက် အတူတူပဲ ရှိနေပါတယ်။ ဒါကြောင့်မို့ တနိုင်ငံလုံးကို ကြည့်မယ်ဆိုရင် ခြိမ်းခြောက်မှု တစုံတရာ မတွေ့ရပါဘူး။ ရခိုင်ပြည်က လူတွေအဖို့တော့ အဲဒီကိစ္စကို စိုးရိမ်ကြတာကို ကျမ နားလည်ပါတယ်။ မူစလင်လူဦးရေဟာ နေ့စဉ်နဲ့အမျှ တိုးပွားလာနေတာပါ။ ဒါပေမဲ့လဲ ဘာသာရေး မတူတဲ့အတွက် အတူမနေနိုင်ဘူးဆိုတာလည်း မဟုတ်ပါဘူး။ တိုင်းပြည်ကို အတူတကွ သစ္စာစောင့်သိကြမယ်ဆိုတာလည်း ဖြစ်နိုင်ပါတယ်။ သူတို့ပြည်နယ်မှာ ပညာရေး၊ ကျန်းမာရေး စောင့်ရှောက်မှုနဲ့ ဖွံ့ဖြိုးတိုးတက်မှုတွေဟာ အုပ်စုနှစ်ခုစလုံးအတွက် အတူတကွ အကျိုးဖြစ်ထွန်းနိုင်တဲ့ ကိစ္စတွေပါ။
.
ဦးကျော်ဇံသာ ။ ။ အခုအချိန်မှာ နိုင်ငံတကာ အသိုင်းအဝိုင်းအနေနဲ့ စာနာမှု အထောက်အထား Humanitarian Crisis အဲဒီကိစ္စကိုပဲ အဓိကထားပြီး ပြောနေကြပါတယ်။ ဒါက လောလောဆယ် ဖြစ်နေတဲ့ ကိစ္စသာ ဖြစ်ပါတယ်။ တကယ်တမ်း ပိုပြီးနှိုက်ရှိုင်းတဲ့ အခြေခံကိစ္စ၊ အခြေခံပြဿနာတွေကို လူတွေ သိပ်မစဉ်းစားရဘူး။ နိုင်ငံရေးကိစ္စကို သိပ်အလေးအနက် မထားကြဘူးဆိုတာကို လောလောဆယ် တွေ့နေရပါတယ်။ ဘယ်လို သဘောရပါလဲ။
.
Dr. Fink ။ ။ ရက်သတ္တပတ်နှစ်ခုလောက်အတွင်းမှာ လူပေါင်း လေးသိန်းကျော် တခြားနိုင်ငံကို ထွက်သွားတယ်ဆိုတော့လည်း စာနာမှု ပြဿနာတွေ၊ အတိဒုက္ခတွေ အများအပြား ရှိကြမှာပါ။ ပြီးတော့ ARSA က ဒီရဲစခန်းတွေကို တိုက်ခိုက်တဲ့အတွက် ရခိုင်ပြည်နယ်နဲ့တကွ တပြည်လုံးမှာ ခံပြင်းဒေါသထွက်နေကြမှာလည်း သေချာပါတယ်။ ဒီတိုက်ခိုက်မှုတွေက အန္တရာယ်ကြီးမားတာလည်း အမှန်ပါ။ သိပ်ပြီးတော့ စိုးရိမ်ရပါတယ်။ ဒါကြောင့်မို့ ဒီအချိန်မျိုးမှာ ပိုပြီးတော့ နက်ရှိုင်းတဲ့ နိုင်ငံရေးပြဿနာတွေကို အာရုံစိုက်ဖို့ ခက်ခဲပါတယ်။ ထွက်ပြေးကြရတဲ့လူတွေ ဒီအထဲမှာ မူစလင်၊ ဟိန္ဒူ၊ ရခိုင် တခြားလူမျိုးစုတွေ ဘယ်သူပဲဖြစ်ဖြစ် ပြည်တွင်းပြည်ပ အကြမ်းဖက်မှုတွေကြောင့် ထိခိုက်နစ်နာခဲ့ရတဲ့လူတွေ အားလုံးရဲ့  အတိဒုက္ခတွေကို ဂရုစိုက်ကြရမယ့်အချိန်ပါ။ လူတွေအားလုံး အန္တရာယ်ကင်းပြီးတော့ လုံခြုံမှုရှိပြီ ဆိုမှပဲ ရေရှည်ခံမယ့်အဖြေကို ရှာဖွေကြရမှာ ဖြစ်ပါတယ်။
.
ဦးကျော်ဇံသာ ။ ။ နောက် အခုဖြစ်နေတဲ့ အခြေအနေနဲ့ ပတ်သက်ပြီး ဒေါ်အောင်ဆန်းစုကြည်ကို နိုင်ငံတကာက အဓိကထားပြီးတော့ အမျိုးမျိုး ဝေဖန်ပုတ်ခတ် ရှုတ်ချနေကြပါတယ်။ ရွေးကောက်ပွဲ ကာလတုန်းကလည်း NLD ပါတီိမှာ တက်ကြွလှုပ်ရှားတဲ့ မူစလင်တွေ အများကြီး ရှိရဲ့ သားနဲ့ သူတို့ကို အမတ်ကိုယ်စားလှယ်လောင်းအဖြစ် တယောက်ကိုမှ မရွေးချယ်ခဲ့ဘူးဆိုတဲ့ ကိစ္စလည်းရှိပါတယ်။ တကယ်က ပြည်သူလူထု အများစုကိုယ်က မူစလင်တွေပေါ်မှာ အမြင်စောင်းနေတယ်လို့ ပြောရလေမလား။ အမျိုးဘာသာစွဲတွေက တော်တော်လေး ပြင်းထန်လာနေပါတယ်။ ဆိုတော့ ဒီလို အခြေအနေမျိုးမှာ လူထုရဲ့  သဘောထားကို ဆန့်ကျင်ဖို့၊ အဲဒီလူထုရဲ့  သဘောထားကို ပြောင်းလဲပေးဖို့ နိုင်ငံရေးခေါင်းဆောင်တဦးအနေနဲ့ လွယ်ကူပါ့မလား။
.
Dr. Fink ။ ။ ဒါက စဉ်းစားရမယ့် ကိစ္စပါ။ စစ်အုပ်ချုပ်ရေးကာလတလျှောက်လုံး မူစလင်ကြောက်စိတ်တွေ၊ ရိုဟင်ဂျာ ဆန့်ကျင်မှုတွေကို မီဒီယာတွေနဲ့ တခြားနိုင်ငံပိုင် ယန္တရားတွေကတဆင့် တောက်လျှောက်ဖြန့်ဖြူးလာခဲ့တာပါ။ တကယ်တော့ ရိုဟင်ဂျာကို မတွေ့ဘူးတဲ့လူတွေ အများကြီးပါ။ ဒါပေမဲ့ သူတို့ကလည်း ရိုဟင်ဂျာဆိုရင် ကြောက်နေကြပါတယ်။ ရိုဟင်ဂျာတွေက သူတို့ရဲ့  ရန်သူလို့ ထင်နေကြပါတယ်။ ဒါဟာ စိတ်ပျက်စရာကောင်းတဲ့ အလားအလာပါ။ တကယ်တော့ အချင်းချင်းထိတွေ့ ဆက်ဆံကြည့်ရင် သူတို့ဟာ ဘဝတူလူသားတွေဆိုတာကို နားလည်ကြမှာပါ။ သူတို့ဟာလည်း သူတို့မိသားစုနဲ့ ငြိမ်းငြိမ်းချမ်းချမ်း နေထိုင်ချင်တယ်။ တရားဥပဒေကို လေးစားလိုက်နာကြတယ်။ ခွဲခြားဆက်ဆံမှု မသင့်ဘူးလို့ မြင်လာကြမှာပါ။ ဒေါ်အောင်ဆန်းစုကြည်အနေနဲ့တော့ လူတွေ သူတို့ကြီးပြင်းလာတဲ့ အတွေးအမြင်တွေကို ပြောင်းလဲပြစ်ဖို့ အခက်အခဲ ရှိပါတယ်။ ဒါပေမဲ့ သူ့အနေနဲ့တော့ စာနာစိတ်နဲ့ ရှုမြင်ပြောဆိုဖို့ဆိုတာ ဖြစ်နိုင်မယ် ထင်ပါတယ်။
.
ဦးကျော်ဇံသာ ။ ။ ဒီလို အလားတူပြဿနာမျိုး မူစလင်တွေနဲ့ဖြစ်တဲ့ ပဋိပက္ခမျိုး၊ ပြဿနာမျိုးဟာ မြန်မာနိုင်ငံမှာတင်မကဘူး၊ အရှေ့ တောင်အာရှ ထိုင်းနိုင်ငံတောင်ပိုင်းမှာရှိတယ်။ ဖိလစ်ပိုင်တောင်ပိုင်းမှာလည်း တွေ့ရပါတယ်။ ဒီအခြေအနေနဲ့ မြန်မာနိုင်ငံကို နှိုင်းယှဉ်ကြည့်ပါ။

Dr. Fink ။ ။ ထိုင်းနဲ့ ဖိလစ်ပိုင် နှစ်နိုင်ငံစလုံးမှာ မူစလင်လူနည်းစုတွေ ရှိကြပါတယ်။ ထိုင်းနိုင်ငံဟာ ဗုဒ္ဓဘာသာလူများစု နိုင်ငံဖြစ်ပြီးတော့၊ ဖိလစ်ပိုင်ဟာ ခရစ်ယာန်လူများစု နေထိုင်တဲ့နိုင်ငံ ဖြစ်ပါတယ်။ ပြီးတော့ နှစ်နိုင်ငံလုံးရဲ့  တောင်ပိုင်းတွေမှာ မူစလင်တွေက သူတို့ဟာ ခွဲခြားဆက်ဆံခံနေရတယ်လို့ ယူဆပြီးတော့ နှစ်နိုင်ငံလုံးမှာ လက်နက်ကိုင် တိုက်ခိုက်မှုတွေ လုပ်နေကြပါတယ်။ မြန်မာနိုင်ငံနဲ့ ကြီးကြီးမားမား ကွာခြားတဲ့အချက်ကတော့ ထိုင်းနဲ့ဖိလစ်ပိုင်က မူစလင်တွေရဲ့  နိုင်ငံသားဖြစ်မှုကို ပိတ်ပင်ထားတာ မရှိပါဘူး။ သူတို့နိုင်ငံတွေမှာ ဘယ်အမျိုးအနွယ်၊ ဘယ်တိုင်းရင်းသားဖြစ်မှ နိုင်ငံသား ဖြစ်ရမယ်။ သူတို့ရဲ့  ဘိုးဘွားမိဘတွေဟာ နိုင်ငံတွင်းမှာ နှစ်ပေါင်း (၂၀၀) နေထိုင်ခဲ့ဖူးမှ နိုင်ငံသား ဖြစ်ရမယ်ဆိုတဲ့ သတ်မှတ်ချက် မရှိပါဘူး။ သူတို့ဟာ အဲဒီတိုင်းပြည်တွေမှာ ကာလတာရှည် နေလာခဲ့ကြပြီးတော့ ဆက်လက်နေထိုင်ခွင့်တွေလည်း ငြင်းပယ်မခံရပါဘူး။ ဒါပေမဲ့လဲ မြန်မာနိုင်ငံက မူစလင်တွေနဲ့ တူတဲ့အချက်ကတော့ သူတို့ဟာ မူစလင်တွေ ဖြစ်နေတယ်ဆိုတဲ့အတွက် ခွဲခြားဆက်ဆံခံရပြီးတော့ အဲဒီတိုင်းပြည်တွေထဲမှာ တိုးတက်မယ့်အခွင့်အလမ်းတွေ မရှိဘူးဆိုတဲ့ ခံစားချက်ပဲ ဖြစ်ပါတယ်။
.
ဦးကျော်ဇံသာ ။ ။ မြန်မာပြည်မှာလည်း ဒီလိုပဲ NLD အစိုးရက အခုနောက်ဆုံး နိုင်ငံသားပေးဖို့လုပ်တော့ ဒီလူတွေက ရိုဟင်ဂျာလို့ အသိအမှတ်ပြုရမယ်ဆိုတာပဲ တင်းခံနေကြတယ်လို့ ကြားရပါတယ်။ အစိုးရက လူမျိုးနာမည် မထည့်တော့ဘူးလို့ ပြောတဲ့အခါ သူတို့က လက်မခံဘူး။ ဒီနာမည်ကိုပဲ သူတို့က ဆက်လက်တောင်းဆို တင်းခံနေတယ်လို့ သိရပါတယ်။ ဆိုတော့ ဒီလူတွေက များသောအားဖြင့် ဆင်းရဲတယ်၊ ပညာမတတ်တဲ့ လူတွေ ဖြစ်နေကြတော့ သူတို့ဘက်က နိုင်ငံရေးသမားတွေ၊ အထူးသဖြင့် ပြင်ပက စည်းရုံးလှုံဆော်နေတဲ့ လူတွေ သွေးထိုးလှုံဆော်မှုကလည်း တော်တော်အရေးပါနေတယ်လို့ တချို့ က သုံးသပ်ကြပါတယ်။ အဲဒါကို ဘယ်လိုမြင်ပါလဲ။
.
Dr. Fink ။ ။ ပြဿနာ စတင်ရတာကတော့ မြန်မာနိုင်ငံမှာ နိုင်ငံသားဖြစ်မှုဟာ Ethnicity လူမျိုးနွယ်ပေါ်မှာ အခြေခံထားလို့လို့ ကျမ ထင်ပါတယ်။ ဒါဟာ ကမ္ဘာပေါ်မှာ အတော်ထူးဆန်းနေတာပါ။ နိုင်ငံအများအပြားမှာ တိုင်းပြည်အတွင်းမှာ မွေးဖွားသူ ဖြစ်ရမယ်။ မိဘနှစ်ပါး ဒီတိုင်းပြည်မှာ နေထိုင်ရမယ်ဆိုတာတွေနဲ့ သတ်မှတ်ပါတယ်။ လူမျိုးနွယ်နဲ့ မဆိုင်ပါဘူး။ မြန်မာနိုင်ငံမှာလည်း နိုင်ငံသားဆိုတာ အစိုးရ သတ်မှတ်ထားတဲ့ မျိုးနွယ်အုပ်စုတခုခုမှာ ပါဝင်ရမယ်ဆိုတဲ့ သတ်မှတ်ချက်မျိုး မရှိရင် ဘာပြဿနာမှ မရှိပါဘူး။ ရိုဟင်ဂျာ ဟုတ်တယ်မဟုတ်ဘူးဆိုတာ အရေးမကြီးတော့ပါဘူး။ သူတို့ဟာ သူတို့ ရိုဟင်ဂျာလို့ ခေါ်နေရင်လည်း တိုင်းပြည်ထဲ ကျန်တဲ့လူတွေအနေနဲ့ ဂရုစိုက်စရာ မလိုပါဘူး။ အခု ရိုဟင်ဂျာလို့ သတ်မှတ်စေချင်တာလည်း အဲဒီလိုမျိုး မျိုးနွယ်တခုခုဖြစ် အသိအမှတ် ပြုခံရတော့မှ နိုင်ငံသားဖြစ်နိုင်တဲ့ အခွင့်အလမ်း ရှိနေတယ်ဆိုလို့ ဖြစ်ပါလိမ့်မယ်။ ရှင့်ရဲ့  ပရိသတ်တွေကို သိစေချင်ပါတယ် သူတို့ အမေရိကန်ပြည်ထောင်စုကိုပဲဖြစ်စေ၊ တခြားနိုင်ငံတခုခုကိုဖြစ်စေ သွားနေရင် ဘယ်သူကမှ ဘိုးဘွားမိ ဘတွေ နှစ်ပေါင်းနှစ်ရာကျော် နေထိုင်ခဲ့ရဲ့ လားဆိုတာ မစစ်ဆေးပါဘူး။ အဲဒီနိုင်ငံမှာ မွေးဖွားကြီးပြင်း လာတယ်ဆိုရင် အဲဒီနိုင်ငံဟာ သူတို့နိုင်ငံပါပဲ။
.
ဦးကျော်ဇံသာ ။ ။ ဒီကိစ္စနဲ့ ပတ်သက်ပြီးတော့ မြန်မာပြည်က လူတွေရဲ့  အမြင်ကတော့ ဒီနိုင်ငံခြားမှာ ရောက်နေတဲ့၊ အထူးသဖြင့် မြန်မာတွေတင်မကဘူး၊ ဗြိတိန်နိုင်ငံမှာဆိုရင် တောင်အာရှကလူတွေ အမြောက်အမြား ရှိပါတယ်။ ဒါပေမဲ့ ဒီဟာကို သူတို့နယ်မြေအဖြစ် တောင်းခံကြတာ မရှိပါဘူး။ ဒီမှာကတော့ သူတို့အတွက် သီးခြားနယ်မြေ တောင်းဆိုကြတာကို စိုးရိမ်တယ်လို့ ပြောကြပါတယ်။
.
Dr. Fink ။ ။ အဲဒီဒေသမှာ မူစလင်တွေ ရှိနေခဲ့တယ်ဆိုတာကိုလည်း သတိပြုသင့်ပါတယ်။ ရာစုနှစ်နဲ့ချီပြီးတော့ သူတို့ ရှိလာခဲ့တာပါ။ ဗုဒ္ဓဘာသာနဲ့ မူစလင်တွေ ရောနှောနေခဲ့ကြပါတယ်။ ဘင်္ဂလားဒေ့ရ်ှမှာလည်း ဗုဒ္ဓဘာသာဝင်တွေ ရှိပါတယ်။ ဘင်္ဂလားဒေ့ရ်ှအစိုးရက သူတို့ရပိုင်ခွင့်တွေကို မပိတ်ပင်ပါဘူး။ မူစလင်နိုင်ငံမှာ မနေရဘူးလို့ မပြောပါဘူး။ ဦးနုလက်ထက်ကလည်း မေယုနယ်ခြားခရိုင်ဆိုပြီး သီးခြားသတ်မှတ်ပေးခဲ့တာ ရှိပါတယ်။
.
VOA မြန်မာပိုင်းမှ ကူးယူဖော်ပြပါသည်။
https://burmese.voanews.com/a/weekly-analysis-…/4055712.html
Share:

19 September, 2017

နိုင်ငံတော် အတိုင်ပင်ခံ ပုဂ္ဂိုလ်နှင့် RFA သီးသန့် တွေ့ဆုံ မေးမြန်းချက်


နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီကနေ့ RFA နဲ့ သီးသန့်တွေ့ဆုံမေးမြန်းရာ မှာ ရခုိုင်ပြည်နယ်အရေး ၊တပ်မတော်နဲ့ဆက်ဆံရေး အပြင် တိုင်းဒေသကြီး နဲ့ ပြည်နယ်ဝန်ကြီးချုပ်တွေနဲ့ ပတ်သက်တဲ့ မေးခွန်းတွေကို ဖြေကြားခဲ့ပါတယ်။ RFA အဖွဲ့သား ဦးခင်မောင်စိုးက နေပြည်တော် နိုင်ငံခြားရေး ၀န်ကြီးဌာန ရုံးခန်းမှာ ဒီကနေ့ တွေ့ဆုံမေးမြန်းထားပါတယ်။
Share:

17 September, 2017

ကုလသမဂ္ဂရဲ့ လက်ထောက် အတွင်းရေးမှူးချုပ် လည်းဖြစ် Justin Forsyth နဲ့ ရခိုင်အရေး BBC အင်တာဗျုး

ကုလသမဂ္ဂရဲ့ လက်ထောက် အတွင်းရေးမှူးချုပ်လည်းဖြစ်၊ UNICEF ယူနီဆက်ဖ် ကလေး သူငယ်များ ဆိုင်ရာ ရံပုံငွေအဖွဲ့ရဲ့ ဒုတိယ အမှုဆောင် ညွှန်ကြားရေးမှုး လည်း ဖြစ်တဲ့ Justin Forsyth နဲ့ ရခိုင်အရေး ဘီဘီစီ အင်တာဗျုး

Advertisements
Share:

06 September, 2017

ရခိုင်ပြည်နယ်ဆိုင်ရာအကြံပေးကော်မရှင်အဖွဲ့ဝင် ဦးအေးလွင်သို့ ဆက်သွယ်မေးမြန်းချက် ...






‘‘ကျွန်တော်မေတ္တာရပ်ခံချင်တာ ပြည်သူကိုထိတွေ့ပါ။ လူ့အဖွဲ့အစည်းက နှစ်ခုရှိတယ်။ တစ်ဖွဲ့တည်းလုပ်လို့တော့မရဘူး။ နှစ်ခုစလုံးကိုထိတွေ့ရမယ်’’
================================
မောင်တောအကြမ်းဖက်မှုဖြစ်စဉ် က ဘာကြောင့်ဖြစ်လာတယ်လို့ ယူဆပါသလဲ။ ပြဿနာရဲ့ဇာစ်မြစ် ကို ဘယ်လိုသုံးသပ်လိုပါသလဲ။
ဒုတိယသမ္မတဦးမြင့်ဆွေတို့ ကော်မရှင်က သုံးသပ်ထားတာ တစ်ခုရှိတယ်။ အဲဒီဒေသမှာရှိတဲ့ အစ္စလာမ်ဘာသာဝင်များသည် သူတို့ရဲ့ အခြေခံလူ့အခွင့်အရေး တွေကို ချိုးဖောက်ခြင်းခံနေရပြီး တော့ နှစ်ရှည်လများဖိနှိပ်ခံနေရ တဲ့အတွက်ကြောင့် သူတို့ရဲ့ကြိုး စားရုန်းကန်မှုများသည် ဘယ်လိုမှ တရားနည်းလမ်းဘောင်အတွင်း ကနေ လုပ်လို့မရတဲ့အတွက် နောက်ဆုံးမှာ လက်နက်ကိုင်ပဋိ ပက္ခဘက်ကိုရောက်သွားတယ်လို့ သုံးသပ်ရပါတယ်လို့ အဲဒီလိုကော် မရှင်က ပြောထားတယ်။ အဲဒါ လေးက နည်းနည်းဆီလျော်မလား လို့ ကျွန်တော်ထင်တယ်။ ကျွန် တော်တစ်ယောက်တည်းအကြံ လည်းမဟုတ်ဘူး။ ဦးမြင့်ဆွေ ကော်မရှင်မှာပါတာပြောတာ။ ကျွန်တော်ပြောချင်တာ ခေတ်အ ဆက်ဆက်က ရခိုင်ပြည်နယ်ကြီး က သယံဇာတပေါကြွယ်ဝတယ်။ လူသားရင်းမြစ်တွေကလည်း လူ တော်တွေပဲဗျ။ လူ့အဖွဲ့အစည်း နှစ်ခုစလုံးက လူတော်တွေရှိတယ်။ ရခိုင်မှာဆိုလို့ရှိရင်လည်း တကယ့် ပညာတတ်ကြီးတွေရှိတယ်။ ကျွန် တော်တို့ဆရာတွေအပါအ၀င် တက္ကသိုလ်မှာ။ ဒီအတိုင်းပဲ အစ္စ လာမ်အသိုင်းအ၀ိုင်းမှာလည်းပဲ တကယ့်ကို ထူးထူးချွန်ချွန်ပုဂ္ဂိုလ် တွေရှိတယ်။ နိုင်ငံ့တာဝန်ထမ်း ဆောင်ခဲ့တဲ့၊ တပ်မတော်မှာလည်း ထမ်းဆောင်ခဲ့တဲ့သူတွေရှိတယ်။ ရဲမှာလည်း ထမ်းဆောင်ခဲ့တဲ့ ပုဂ္ဂိုလ်တွေရှိတယ်။ သူတို့က ခေတ်အဆက်ဆက်က အုပ်ချုပ် တဲ့သူတွေရဲ့ ကိုင်တွယ်မှုလွဲမှားတဲ့ အပေါ်မှာ ရုပ်ပိုင်းဆိုင်ရာအရ လည်း ဆင်းရဲသွားရတယ်။ အသိ ပညာအရလည်း ချို့တဲ့သွားရ တယ်။ လောကီပညာမှာရော၊ ဘာသာသာသနာမှာ အမှောင်ကျ သွားတဲ့အခါမှာ အဲဒီလိုမဖြစ်သင့် တဲ့ကိစ္စတွေက အဲဒီအပေါ်မှာအ ခြေခံပြီးဖြစ်လာတယ်။ ဆင်းရဲမွဲ တေနေပြီ။ ဗိုက်က ဟောင်း လောင်းဖြစ်နေပြီ။ ‘ငါ့ဝမ်းပူဆာ မနေသာ’ဆိုတဲ့ မြန်မာစကားရှိ တယ်။ အဲဒီလိုကလည်းဖြစ်နေပြီ။ အသိဉာဏ်ကလည်း ခေါင်းပါးနေ တဲ့အခါကျတော့ ဘေးကမြှောက် ပင့်ပေးတဲ့ ပယောဂတွေအပေါ်မှာ လူတွေဟာ အယူအဆတွေ အစွန်းရောက်သွားတာရှိတယ်။ အဲဒါတွေရဲ့အကျိုးဆက်တွေပဲလို့ ကျွန်တော်ထင်တယ်။
ဒီလိုအကြမ်းဖက်မှုလျော့နည်း အောင် အစိုးရအနေနဲ့ဘာတွေဦး စားပေးဆောင်ရွက်သင့်တယ်လို့ အကြံပြုချင်လဲ။
ကျွန်တော်တို့ကော်မရှင်က လည်း ဒါကိုအကြံပြုထားတယ် လေ။ ဒီလိုတိုက်ခိုက်မှုတွေဖြစ်လာ တော့ ဦးစားပေးကိုနည်းနည်းပြန် ပြောင်းရမယ်။ နံပါတ် (၁) ဦးစား ပေးကတော့ ဥပဒေစိုးမိုးရေး။ ဥပ ဒေစိုးမိုးရေးမှာ တရားမျှတမှုနဲ့ယှဉ် သော ဥပဒေစိုးမိုးရေး။ ဥပဒေ စည်းကမ်းများအတိုင်း အတိအကျ အကောင်အထည်ဖော်ပြီးတော့ ပြစ်မှုကျူးလွန်သူများကို ကျူးလွန် တဲ့အလျောက် မကျူးလွန်တဲ့သူကို လည်းပဲ ဥပဒေအရ ကာကွယ် စောင့်ရှောက်ပေးရမယ်။ ဒုက္ခ ရောက်တာချင်းအတူတူ အပြစ်မဲ့ တဲ့ဒုက္ခရောက်သူတွေကို ကာ ကွယ်စောင့်ရှောက်ပေးရမယ်။ အဲ ဒီတော့ ကျွန်တော်ဆိုလိုချင်တာက ဥပဒေအရ ကိုင်တွယ်မယ်။ လုံခြုံ ရေး၊ ကာကွယ်ရေးလုပ်သလိုပြည် သူများနဲ့ထိတွေ့ဆက်ဆံဖို့လို တယ်။ ပြည်သူများကို လမ်းမှား ရောက်မသွားရလေအောင် အစိုး ရက သိမ်းသွင်းစည်းရုံးဖျောင်းဖျ နိုင်ရင် ပြည်သူရဲ့အားပေးမှုနဲ့ငြိမ်း ချမ်းရေးက ရမယ်။ ပြည်သူမပါရင် ဘာမှလုပ်မရဘူးဗျ။ အဲဒီတော့ ကျွန်တော်မေတ္တာရပ်ခံချင်တာ ပြည်သူကိုထိတွေ့ပါ။ လူ့အဖွဲ့အ စည်းက နှစ်ခုရှိတယ်။ တစ်ဖွဲ့ တည်းလုပ်လို့တော့မရဘူး။ နှစ်ခု စလုံးကို ထိတွေ့ရမယ်။
အခုဖြစ်စဉ်က ကိုဖီအာနန်ကော် မရှင်ရဲ့ အပြီးသတ်အစီရင်ခံစာ ထွက်ပြီးပြီးချင်း ဖြစ်လာတာဆို တော့ အချိန်ကိုက်လုပ်ဆောင်တာ လို့ အစိုးရကလည်း ထုတ်ပြန်ထား တော့ ဒီအစီရင်ခံစာအပေါ်မကျေ နပ်မှုတွေရှိနေလို့လား။ ဘယ်လို ယူဆလဲ။
ကျွန်တော်တို့ရဲ့ အကြံပြု ချက်ထွက်ပြီး နောက်တစ်ရက်မှာ ဖြစ်တဲ့အတွက်ကြောင့် ဒါဟာ တိုက်ဆိုင်မှုလို့ပဲ ပြောမလား။ ဒါ မှမဟုတ်ရင်လည်းပဲ ဖြစ်လာတဲ့ ကိစ္စကြီးက တော်တော်ကြာပြီ လေ။ တအိအိ တအိအိနဲ့ဖြစ် လာပြီးတော့ ဒီအချိန်မှာလာပြီး ပေါက်ကွဲတာလား။ ဒီအပေါ်မှာ ကျွန်တော် ဂဃနဏသုံးသပ်ဖို့ ဉာဏ်မမီပါဘူး။ သို့သော် ရုတ်တ ရက်မမျှော်လင့်ဘဲ ဖြစ်လာတာ တော့ မဟုတ်တာသေချာတယ်ဗျ။
ကျေးဇူးတင်ပါတယ်။
=============
7Day News Journal
http://www.7daydaily.com/story/106677
Share:

31 August, 2017

INTERVIEW with Rakhine History Expert on the recent communal conflict in RakhineState

by · Published · Updated

Share:

Blog Archive

ဘင်္ဂလားဒေ့ရ်ှသည် လူဦးရေပေါက်ကွဲပြီး ရခိုင်ပြည်နယ်အတွင်း ၀င်ရောက်လုပ်ကိုင် စားသောက် နေကြသည်ဆိုသည့်အချက်ကို ပြန်လည်သုံးသပ်စေလိုဟု ဘင်္ဂလားဒေ့ရ်ှစစ်သံမှူးက ပြော

ဘင်္ဂလားဒေ့ရ်ှနိုင်ငံသည် လူဦးရေပေါက်ကွဲပြီး ရခိုင်ပြည်နယ်တွင် လုပ်ကိုင်စားသောက်ရန် ၀င်ရောက်နေ ကြသည်ဆိုသည့်အချက်အပေါ် ပြန်...

Blog Archive

Theme Support

Need our help to upload or customize this blogger template? Contact me with details about the theme customization you need.