• North Korea launches missile despite US tensions

    Breaking News: Defiant Pyongyang fires suspected ICBM despite US warnings, but projectile reportedly blows up on take off in failure.

  • This is default featured slide 2 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 3 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 4 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

  • This is default featured slide 5 title

    Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

18 April, 2018

မြန်​မာမူစလင်​တို့၏ အံ့သြစရာလုပ်​ရပ်​များ

တန်းဖိုးမသိတော့ တန်ဖိုးမရှိဘူးပေါ့……
# မြန်မာ မွတ်စ်လင်မ် တို့ဧ။် အံ့သြစရာကောင်းလိုက်သောလုပ်ရပ်များ# မွတ်စ်လင်မ် များသိသင့်သိထိုက်သောကြောင့်ဖတ်ကြည့်ပေးပါ.

   သက္ကရာဇ် ၁၈၂၄ ခုနစ် အင်္ဂလိပ်မြန်မာစစ်ပွဲတွင် ရန်ကုန်မြို့ကို ကာကွယ်တိုက်ခိုက်ခဲ့ကြသော တောင်ငူမှ ဗိုလ်မှူးရွှေသိုင်းနှင့် ဗိုလ်မှူးရွှေမှိုင်းတို့မှာ မြန်မာ မွတ်စ်လင်မ်များဖြစ်ကြသည့်အတွက် ဘကြီးတော်မင်းဘုရားကြီးက ၎င်းတို့နှစ်ဦးကိုဂုဏ်ပြုသောအားဖြင့် တစ်ခြမ်းပဲ့ဗလီကြီးကိုတည်ဆောက်ပေးခဲ့ပါသည်။ထို့အချိန် ဝါးဓနိဖြင့် ဗလီဝတ်ကျောင်းတော်ကြီးကိုတည်ဆောကိခဲ့သည်။
    ပုဂံမင်းလက်ထက် မြန်မာမွတ်စ်လင်မ်နှစ်ဦးဖြစ်သူမြို့ဝန်ဘိုင်ဆပ်နှင့် မြို့စာရေးမေါင်ပိန်တို့သည်တိုင်းပြည်အပေါ် သစ္စာရှိစွာ အသက်ပေးအမှုထမ်းခဲ့သည်။ဦးပိန်သည်ရခိုင်ဆက်မြန်မာမွတ်စ်လင်မ်ဘုံးအိုရွာဇာတိ ဖြစ်သည်။ပုဂံမင်းလက်ထက်တွင် အမရပူရနေပြည်တော်၏ မြို့စားမင်းဖြစ်လာခဲ့သည်။မြို့တော်ဝန်ဘိုငိဆပ် သည်အမရပူရမြို့တော်တွင် ဘုန်းတော်ကြီးကျောင်းများအနက်ရှားရှားပါးပါးဗားကရာအုတ် တိုက်ကျောင်းကြီးဆောက်လုပ်လှူဒါန်းခဲ့သည်။မြို့တော်မင်းမောင်ပိန်ကလည်းတောင်သမံအင်းကိုဖတ်၍ တိုင်ပေါင်းတစ်ထောင်ကျော်ပါဝင်သည့် သစ်သားတံတားကြီးတစ်ခုဆောက်လုပ်လှူဒါန်းခဲ့ရာ ယနေ့တိုင် မြန်မားဂုဏ်ဆောင် ကမ္ဘာကျော် ဦးပိန်တံတားအဖြစ်ရှိနေခဲ့သည်။
     မြန်မာမွတ်စ်လင်မ်မြို့စာရေး ဦးပိန်သည် ဦးပိန်တံတားတစ်ခုတည်းကိုသာဆောက်လုပ်ခဲ့ခြင်းမဟုတ်
ဘဲ ကျင်းချောင်းကိုဖြတ်၍ တောင်ကြီးတံတား၊ဟသာင်္တံတား၊ပန်းပဲတံတား၊ဘုံးအိုတံတား၊စကျင်ဝတံတား နှင့် ကုက္ကိုတံတားများကိုလည်းဆောက်လုပ်လှူဒါန်းခဲ့သည်။

      မင်းတုန်မင်းတရားကြီးလက်ထက် (ရတနာပုံနေပြည်တော်တွင်မိုးခေါင်ခဲ့သည်။လူသူအများနှင့်ကျွဲနွား တိရစ္ဆာန်များပါဒုက္ခရောက်ခဲ့သည်။ မင်းတရားကြီးသည် ပုရောဟိတ် ပုဏ္ဌားပညာရှိသုခမိန်များကိုခေါ်စေ ၍တိုင်ပင်သည်။(ဘာသာအသီးသီးမှ သူတော်စင် ဟုကျေားကြားသော ပုဂ္ဂိုလ်များကိုတောင်ဥယျာဉ်တွင်မိုးဆုပန်စေသည်။)ထိုအခါ တစ်ဘာသာလျှင်တစ်ရက် မိုးဆုပန်ရသည်။အခြားဘာသာဝင်းများဆုပန်သောနေ့တွင် ရာသီဥတု မှာမည်သို့မျှမထူးခြားချေ။ အစ္စလာမ်ဘာသာဝင်များဆုပန်ရမည့်နေတွင် (သူတော်စင် ကာဘွလ်မော်လဝီကြီး (ခေါ်) ရှိတ် ခ အဗ်ဒွလ်ဟလီးမ် ဦးဆောင်၍ ဘာသာထုံးတမ်းအစဉ်လာ အရ မိုးဆုပန်ခဲ့သည်။ ဆု ပန်နေစဉ်မှာပင် (နေပြည်တော်တစ်ဝှမ်းသည်) အံ့ဖွယ်ကောင်းလောက် အောင် မိုးကြီးသည်းထန်စွာ ရွာသွန်းခဲ့သည်။ မော်လဝီဆရာကြီး၏ သတင်းသည်တမုဟုတ်ချင်း ပျံ့နှံသွားသည်။အစ္စလာမ်ဘာသာဝင်ဆရာကြီးအား (မိုးဆုပန်ဆရာကြီး) အဖြစ်တင်စားခေါ်ကြသည်။မင်းတရားကြီး၏ရှေ့တော် မှောက်တွင် ဝင်ရောက်ရသဖြင့် စာတော်ပြန်ဆရာကြီးဟု လည်းကျော်စောသည်။မင်းတုန်းမင်းတရားကြီးကနှစ်သက်အားရသဖြင့် မော်လဝီကြီးကို (ရွှေထီး၊ဖလားစုံကွမ်းအစ်၊တုမရှိရာဇအုပ် နှင့် ဆုတော်ငွေများကို လည်း ဆည်းကပ်ခဲ့သည်။မော်လဝီ ဆရာကြီးနှင့်အတူ ဆုပန်ခဲ့သောသူတောစင် (၄၀)ကို သူကောင်းပြုခဲ့သည်။ ဆရာကြီးသီတင်းသုံးရာဗလီကြီးကို လည်း (မင်္ဂလာဗလီကြီး)
ဟုတင်စားခေါ်ဝေါ်ခဲ့သည်။

  သင်ဖတ်ရလို့နှစ်သက် ပါလျှင်အခြားသူများဖတ်ရအောင်လို့ လက်ဆင့်ကမ်း share ပေးပါရန် မေတ္တာရပ်ခံပါသည်။
Share:

ရိုဟင်ဂျာ ဒုက္ခသည် နေရပ်ပြန်ခွင့်နဲ့ UNHCR အမြင်

(မအင်ကြင်းနိုင်)
ရိုဟင်ဂျာ ဒုက္ခသည်တွေ နေရပ်ရင်းပြန်ဖို့ ကိစ္စမှာ ဆန္ဒအလျောက်ပဲ ပြန်ခွင့်ရှိရမယ်ဆိုတဲ့ အချက်ဟာ အဓိက အရေးကြီးကြောင်း UNHCR ဒုက္ခသည်များဆိုင်ရာ ကုလသမဂ္ဂမဟာမင်းကြီးရုံးက ပြောကြား လိုက်ပါတယ်။
ဒုက္ခသည်တွေရဲ့ လုံခြုံရေးအာမခံချက်ပေးဖို့နဲ့ ကာကွယ်ပေးနိုင်ဖို့ မြန်မာ- ဘင်္ဂလားဒေ့ရှ် နှစ်နိုင်ငံဆွေးနွေး ပွဲတွေမှာ UNHCR အနေနဲ့ ပါဝင် ကူညီဖို့ အဆင့်သင့်ရှိနေကြောင်း အင်္ဂါနေ့က ဆွစ်ဇာလန်နိုင်ငံ ဂျီနီဗာ ကုလ သမဂ္ဂမှာ ကျင်းပတဲ့ သတင်းစာရှင်းလင်းပွဲအတွင်း UNHCR ပြောခွင့်ရပုဂ္ဂိုလ်က ပြောပါတယ်။ မအင်ကြင်းနိုင် က အပြည့်အစုံကို ဆက်ပြီးတင်ပြမှာပါ။
Originally published at – https://burmese.voanews.com/a/4211533.html
Share:

ရိုဟင်ဂျာဒုက္ခသည်တွေကို ပြန်လည်ခေါ်ယူဖို့ မြန်မာကို ဖိအားပေးဖို့ ပိုမိုလိုအပ်တယ်လို့ ဘင်္ဂလားဒေ့ရှ် ၀န်ကြီးချုပ်ပြော

ဧပြီ ၁၈၊ ၂၀၁၈                                                                                                                 Myanmar Muslim Media
ရိုဟင်ဂျာဒုက္ခသည်တွေကိုမြန်မာအနေနဲ့ပြန်လည်ခေါ်ယူသွားဖို့ နိုင်ငံတကာဖိအားပေးမှုပိုမိုလိုအပ်တယ်လို့ ဘင်္ဂလားဒေ့ရ်ှဝန်ကြီးချုပ်ရှိတ်ဟာစီနာက အင်္ဂါနေ့ကပြောဆိုလိုက်ပါတယ်။ မိသားစုငါးယောက်ကိုပြန်လည်လက်ခံခဲ့တယ် ဆိုတဲ့ မြန်မာအစိုးရရဲ့အခိုင်အမာယူဆချက်ကိုလည်းငြင်းဆန်ပယ်ချခဲ့ပါတယ်။
“နိုင်ငံတကာအဖွဲ့အစည်းအနေနဲ့မြန်မာကိုဖိအားပိုမိုပေးဖို့လိုအပ်ပါတယ်။ ဒါမှသာသူတို့လူတွေကိုသူတို့ပြန်ခေါ်နိုင်မှာဖြစ်သလို သူတို့ရဲ့လုံခြုံရေးအတွက်လည်းအာမခံချက်ရရှိနိုင်မှာဖြစ်တယ်”လို့ ဟာစီနာက လန်ဒန်မြို့ကကြားနာသူပရိသတ်ကိုပြောကြားခဲ့ပါတယ်။
မြန်မာတပ်ဖွဲ့ဝင်တွေနဲ့ ဗုဒ္ဓဘာသာအကြမ်းဖက်သမားတွေရဲ့လူသတ်မှု အဓ္ဓမပြုကျင့်မှုတွေ မီးရှို့မှုတွေကြား စစ်တပ်ရဲ့ဖိနှိပ်တဲ့စစ်ဆင်ရေးစတင်ခဲ့တဲ့သြဂုတ်လကတည်းက ရိုဟင်ဂျာ၇သိန်းနီးပါးဟာရခိုင်ပြည်နယ်ကနေ ဘင်္ဂလားဒေ့ရ်ှကိုထွက်ပြေးခဲ့ရပါတယ်။ ဒါဟာလူမျိုးတုံးသုတ်သင်မှုမြောက်တယ်လို့ ကုလတာဝန်ရှိသူတွေကပြောဆိုထားပါတယ်။ မြန်မာကတော့စွပ်စွဲမှုအားလုံးကိုငြင်းဆန်ထားပြီး သောင်းကျန်းသူတွေကိုတန်ပြန်နှိမ်နင်းတဲ့စစ်ဆင်ရေးဖြစ်တယ်လို့သာဆိုထားပါတယ်။
လန်ဒန်မြို့ကအခမ်းအနားရဲ့သီးခြားကဏ္ဍတွေမှာ ဗြိတိန်နိုင်ငံခြားရေးဝန်ကြီးဘိုရစ်ဂျွန်ဆင် နဲ့ ကနေဒါနိုင်ငံခြားရေးဝန်ကြီး ခရစ္စတီယာဖရီးလန်းတို့က ရက်စက်မှုသတင်းတွေနဲ့ပတ်သက်ပြီးအဓ္ဓိပါယ်ရှိတဲ့ စုံစမ်းစစ်ဆေးရေးတွေပြုလုပ်သွားဖို့တောင်းဆိုခဲ့ကြပါတယ်။ “ရိုဟင်ဂျာတွေလုံခြုံဘေးကင်းရေးနဲ့ပတ်သက်ပြီး အလေးအနက်ထားရှိတယ်ဆိုတာကို မြန်မာအာဏာပိုင်တွေအနေနဲ့ဖော်ပြဖို့လိုအပ်ပါတယ်”လို့ ဂျွန်ဆင်ကဆိုပါတယ်။ ဘင်္ဂလားဒေ့ရ်ှဟာ ရိုဟင်ဂျာမိသားစု၈ထောင်ရဲ့နာမည်စာရင်းကို မြန်မာကိုပေးပို့ခဲ့ပေမယ့် ပြန်လည်ခေါ်ယူဖို့မြန်မာကငြင်းဆန်ထားပါတယ်။
ဒုက္ခသည်ပြန်လည်ပို့ဆောင်လက်ခံရေးလုပ်ငန်းစဉ်ကို နှစ်နှစ်အတွင်းပြီးဆီးအောင်ဆောင်ရွက်သွားဖို့ မြန်မာနဲ့ဘင်္ဂလားဒေ့ရ်ှတို့က ဇန်န၀ါရီမှာသဘောတူညီခဲ့တာဖြစ်ပါတယ်။ မြန်မာဟာဘင်္ဂလားဒေ့ရ်ှကရိုဟင်ဂျာမိသားစုဝင်၅ယောက်ကိုပြန်လည်လက်ခံခဲ့တယ်ဆိုတဲ့ အခိုင်အမာဖော်ပြချက်ကိုငြင်းဆန်ထားပြီး သူတို့ဟာနှစ်နိုင်ငံကြားသုညဇုန်မှာနေထိုင်နေတာဖြစ်တယ်လို့ ဖော်ပြထားပါတယ်။ “သူတို့တွေကနယ်စပ်စည်းမှာနေထိုင်နေကြတာပါ။ သူတို့ကိုပြန်ခေါ်နေတယ်ဆိုတဲ့သဘောကို မြန်မာကကမ္ဘာကိုပြသချင်နေတာဖြစ်မှာပါ။ ဒါကောင်းတဲ့လက္ခဏာပါပဲ။သူတို့ခေါ်ချင်တယ်ဆိုရင် ဘာကြောင့်မိသားစုတစ်စုထဲကိုလဲ ရိုဟင်ဂျာမိသားစု၈ထောင်ရဲ့နာမည်စာရင်းကိုသူတို့ဆီပေးပို့ခဲ့ပြီးဖြစ်ပေမယ့် သူတို့ကပြန်မခေါ်ထားပါဘူး” လို့သူမကပြောဆိုခဲ့ပါတယ်။
ရေလွှမ်းမိုးနိုင်တဲ့အန္တရာယ်ကိုစိုးရိမ်တာကြောင့်ရိုဟင်ဂျာဒုက္ခသည်၁သိန်းကို ဘင်္ဂလားပင်လယ်အော်ကကျွန်းဆီရွှေ့ဖို့အစီအစဉ်ကိုသူမကအတည်ပြုခဲ့ပါတယ်။ “အင်အားနည်းတဲ့သူတွေကိုကျွန်းမှာနေရာချထားဖို့ကျွန်မတို့မျှော်လင့်ထားပါတယ်။ ဘင်္ဂလားဒေ့ရ်ှဟာအမြဲတမ်းရေလွှမ်းမိုးမှုရှိတာကြောင့်ဒီလိုဆောင်ရွက်ရမှာပဲဖြစ်ပါတယ်။ ဒုက္ခသည်စခန်းတွေက ကျန်းမာရေးနဲ့ညီညွတ်မှုမရှိပါဘူး။ သူတို့နေထိုင်ဖို့ အိမ်တွေ နေရာထိုင်ခင်းတွေနဲ့ အသက်မွေးဝမ်းကျောင်းပြုနိုင်တဲ့ပိုမိုကောင်းမွန်တဲ့နေရာကိုကျွန်မတို့ပြင်ဆင်ထားခဲ့ပါတယ်။” လို့သူမကဆိုပါတယ်။
“သူတို့လက်ရှိနေထိုင်တဲ့နေရာမှာမိုးရာသီရောက်ရှိလာတော့မှာကြောင့် ကုန်းမြေတွေနစ်မြုပ်နိုင်ပြီးမတော်တဆမှုတွေဖြစ်နိုင်ပါတယ်”လို့ သူမကဆိုပါတယ်။ ဒါပေမယ့်လည်း ထောက်ပံ့ရေးအေဂျင်စီတွေက ပြန်လည်နေရာချထားမဲ့အစီအစဉ်ကိုစိုးရိမ်နေကြပါတယ်။ ရိုဟင်ဂျာဒုက္ခသည်တွေဟာဆိုင်းကလုံးမုန်တိုင်းတွေ ရေလွှမ်းမိုးမှုတွေနဲ့ လူကုန်ကူးခံရမှုအန္တရာယ်တွေရှိနေပါတယ်။
Reuters သတင်းဌာနပါ Fanny Potkin ရေးသားသည့် “More pressure needed on Myanmar to take back Rohingya: Bangladeshi PM” အမည်ဖြင့်ဖော်ပြထားသည့်သတင်းကို ညောင်နီရွက်(Myanmar Muslim Media)က မြန်မာဘာသာသို့ဆီလျော်အောင်ပြန်ဆိုသည်။
Advertisements
Share:

လူ့အခွင့်အရေးချိုးဖေါက်မှုအတွက် မြန်မာစစ်အရာရှိတွေကို ဒဏ်ခတ်ဖို့ ဗြိတိန်ကြိုးပမ်း

18 ဧပြီ၊ 2018







ရိုဟင်ဂျာအရေး ဗြိတိန်အောက်လွှတ်တော် ကော်မတီတခုမှာ ဧပြီလ ၁၆ ရက်နေ့က ဆွေးနွေးနေကြစဉ်။
ရခိုင်ပြည်နယ်မြောက်ပိုင်းမှာ ရိုဟင်ဂျာမွတ်ဆလင်တွေအပေါ် ဆိုးဝါးတဲ့ လူ့အခွင့်အရေး ချိုးဖောက်ခဲ့မှုတွေအတွက် တာဝန်ရှိတဲ့ မြန်မာစစ်တပ်ထိပ်တန်းတာဝန်ရှိသူတွေကို လာမယ့်သီတင်းပါတ်တွေအတွင်း EU ဥရောပသမဂ္ဂက အရေးယူဒဏ်ခတ်ဖို့ရှိတယ်လို့ ဗြိတိန်အစိုးရက ပြောကြားလိုက်ပါတယ်။ ရိုဟင်ဂျာအရေး ဗြိတိန်အောက်လွှတ်တော် ကော်မတီတခုမှာ ဧပြီလ ၁၆ ရက်နေ့က ဆွေးနွေးခဲ့ကြတာမှာ မြန်မာနိုင်ငံစ စ်တပ်အပေါ် အရေးယူဒဏ်ခတ်ဖို့ ဗြိတိန်အမတ်တချို့က တိုက်တွန်းခဲ့ကြတာပါ။ တာဝန်ရှိတဲ့ တပ်မတော်တာဝန်ရှိသူတွေကို အရေးယူနိုင်ဖို့ဗြိတိန်အနေနဲ့ EU အဖွဲ့ဝင်နိုင်ငံ အားလုံးဆီက သဘောတူညီချက်ရရှိထားတယ်လို့ အာရှ Pacific ဒေသဆိုင်ရာဝန်ကြီးက အဲဒီဆွေးနွေးပွဲမှာ တုံ့ပြန်ခဲ့တာဖြစ်ပါတယ်။ အပြည့်အစုံကို မစုမြတ်မွန်က ဆက်ပြီးပြောပြပါလိမ့်မယ်။
မြန်မာနိုင်ငံက လူနည်းစုရိုဟင်ဂျာတွေနဲ့ပါတ်သက်လို့ ဗြိတိန်အောက်လွှတ်တော် အသနားခံလွှာများဆိုင်ရာ ကော်မတီ (Petitions Committee) မှာ တနင်္လာနေ့က ဆွေးနွေးခဲ့ကြပါတယ်။ ဘင်္ဂလားဒေရှ့်နိုင်ငံဖက်ရောက်နေတဲ့ ရိုဟင်ဂျာဒုက္ခသည်တွေ မြန်မာနိုင်ငံဖက်ကို ဘေးကင်းလုံခြုံစွာ ပြန်လည်နေထိုင်နိုင်ရေးကစလို့ ခုလိုဒုက္ခည် ၇ သိန်းလောက် တဖက်နိုင်ငံဖက်ထွက်ပြေးခဲ့ရမှုအတွက် တာဝန်ရှိသူတွေကို အရေးယူရေးကိစ္စတွေကို ဆွေးနွေးခဲ့ကြပါတယ်။
ပြီးခဲ့တဲ့ သြဂုတ်လ နောက်ပိုင်း လုံခြုံရေးတပ်တွေရဲ့နယ်မြေရှင်းလင်းမှုတွေမှာ အင်မတန်ဆိုးဝါးတဲ့ လူ့အခွင့်အရေးချိုးဖောက်မှုတွေ ရှိခဲ့တယ်လို့ ဘင်္ဂလားဒေရှ့်နိုင်ငံ ဖက်ရောက်နေကြတဲ့ ရိုဟင်ဂျာတွေက စွပ်စွဲထားကြတာပါ။ ဒါကြောင့် သီးခြားလွတ်လပ်တဲ့ စုံစမ်းစစ်ဆေးမှုတွေကို မြန်မာအစိုးရလက်ခံလာအောင် ဖိအားပေးဖို့ ကော်မတီဥက္ကဋ္ဌ Labour လွှတ်တော်အမတ် Helen Jones က ခုလိုအကြံပြုပါတယ်။
"ပထမဆုံးအနေနဲ့ မြန်မာနိုင်ငံကိစ္စ နိုင်ငံတကာရာဇဝတ်ပြစ်မှုတရားရုံး ICC ကို ကုလသမဂ္ဂတင်ပြတာမှန်ကန်တယ်ဆိုတာကို ဗြိတိန်အစိုးရက ပြတ်ပြတ်သားသား ပြောဖို့ မျှော်လင့်ပါတယ်။ ဒီလိုအဆိုပြုချက်ကို တရုတ်နဲ့ရုရှားတို့က ပယ်ချလိမ့်မယ်လို့ စောဒက တက်ကြမှာကိုလည်း ကျွန်မသိပါတယ်။ ဒါပေမဲ့ ဗြိတိန်နိုင်ငံအနေနဲ့ ကိုယ့်ရဲ့ ရပ်တည်ချက်ကို အခုပြတ်ပြတ်သားသားပြဖို့လိုပါတယ်။ နောက်တချက်ကတော့ မြန်မာနိုင်ငံ အပေါ် EU က လက်နက်ရောင်းချတင်ပို့မှုကို ပိတ်ဆို့ထားပေမဲ့ တကမ္ဘာလုံး အတိုင်းအတာနဲ့ မလုပ်သေးပါဘူး။ ဒီကိစ္စကို အရေးပေါ်လုပ်ဖို့လိုပါတယ်။ တတိယအနေနဲ့ မြန်မာစစ်တပ်နဲ့ အစိုးရတာဝန်ရှိသူတွေအပေါ် ပိတ်ဆို့ဒဏ်ခတ်မှုတွေ လုပ်ပြီး အရေးယူရပါမယ်။ ငွေကြေးပိုင်ဆိုင်မှုတွေကို ချိတ်ပိတ်တာမျိုးလောက်နဲ့ မရပါဘူး။ ဗြိတိန်မှာ သူတို့ရဲ့ပိုင်ဆိုင်မှုတွေ များများစားစားမရှိတဲ့အတွက် ထိရောက်မှာမဟုတ်ပါဘူး။ မြန်မာစစ်တပ်ထိန်းချုပ်ထားတဲ့ လုပ်ငန်းတွေနဲ့ ဗြိတိန်လုပ်ငန်းတွေ အတူတွဲအလုပ်မလုပ်နိုင်အောင် အသေအချာလုပ်ဖို့လိုပါတယ်။"
မြန်မာနိုင်ငံမှာဖြစ်ခဲ့တဲ့ ပဋိပက္ခတွေကို ကမ္ဘာကြီးက တနေ့မှာ နမူနာယူဖို့လိုပါတယ် လို့လည်း လွှတ်အမတ် Helen Jones ကပြောပါတယ်။ လူမျိုးစုတခု ပြစ်မှတ်ထားခံနေရတာ။ အကြမ်းဖက်မှုတွေ တိုးလာတာကို ဒီအတိုင်း လက်ပိုက်ကြည့်နေမယ် ဆိုရင် ဘာမှမလုပ်တဲ့အကျိုးဆက်တွေဖြစ်လာမှာဖြစ်ပြီး။ လက်ပိုက်ကြည့်နေကြသူတွေဟာလည်း အကြမ်းဖက်မှုကျုးလွန်သူတွေဖြစ်သွားလိမ့်လို့ ပြောကြားခဲ့ပါတယ်။
မြန်မာနိုင်ငံအပေါ် ပြစ်မှတ်ထားအရေးယူမယ်ဆိုရင် စစ်တပ်အပေါ် ပြစ်မှတ်ထားရမှာဖြစ်တယ်လို့ မြန်မာနိုင်ငံဆိုင်ရာ ကုန်သွယ်ရေးအထူးသံတမန် Conservative လွှတ်တော်အမတ် Paul Scully ကလည်း ဆွေးနွေးပွဲမှာ ပြောကြားသွားပါတယ်။ ခုဖြစ်နေတဲ့ ပြဿနာတွေရပ်သွားအောင် တပ်မတော်ကာကွယ်ရေးဦးစီးချုပ်ကသာ ဆုံးဖြတ်အမိန့်ပေးရင် နက်ဖြန်မှာ ချက်ချင်းရပ်သွားမှာဖြစ်တယ်လို့ ဆိုပါတယ်။
"ကျွန်တော်တို့အနေနဲ့ စစ်တပ်နဲ့ တပ်နဲ့ဆိုင်တဲ့ အဖွဲ့တွေအပေါ် ပြစ်မှတ်မှာ အရေးယူဒဏ်ခတ်ဖို့ သိပ်ကိုအရေးကြီးပါတယ်။ ဒါပေမဲ့ မြန်မာနိုင်ငံအပေါ် ခြုံပြီးအရေးယူပိတ်ဆို့တာကိုတော့ ကျွန်တော်အကြံမပေးချင်ပါဘူး။ ခြုံပြီးဒဏ်ခတ်အရေးယူဒဏ်ခတ်မယ်ဆိုရင် တခြားပြည်သူတွေ။ ပဋိပက္ခတွေရှိနေတဲ့ ကချင်ပြည်နယ်။ ရှမ်းပြည်မြောက်ပိုင်းနဲ့ တခြားတိုင်းရင်းသားဒေသတွေကိုပါ ထိခိုက်စေပါတယ်။ အဲဒီပြည်နယ်တွေမှာ လတ်တလောကပဲ တပ်မတော်ရဲ့ လေကြောင်းတိုက်ခိုက်မှုတွေခံထားရတာပါ။ ဆိုတော့ ဒဏ်ခတ်မှုတွေကို ခြုံပြီးလုပ်ရင် တခြားပြည်သူတွေလည်း ခံရပါလိမ့်မယ်။ ဒါပေမဲ့ ရခိုင်ပြည်နယ်မှာ ဖြစ်ခဲ့တဲ့ အကြမ်းဖက်မှုတွေနဲ့ ပါတ်သက်လို့ နိုင်ငံတကာအသိုင်းအဝိုင်းက တစည်းတလုံးထဲ တုံ့ပြန်ရမှာဖြစ်ပါတယ်။"
ဗြိတိန်အောက်လွှတ်တော်မှာ တနင်္လာနေ့က ဆွေးနွေးပွဲအတွင်း လွှတ်တော်အမတ်တွေရဲ့ မေးခွန်းတွေကို ဗြိတိန်နိုင်ငံခြားရေးဌာန အာရှ Pacific ဒေသဆိုင်ရာဝန်ကြီး Mark Field ကဖြေဆိုခဲ့ပါတယ်။
မြန်မာနိုင်ငံအပေါ် အရေးယူဒဏ်ခတ်မှုနဲ့ဆိုင်တဲ့ မေးခွန်းကို ဖြေကြားရာမှာတော့ ပိတ်ဆို့ဒဏ်ခတ်မှုတွေ လုပ်ရင် ဘဏ္ဍာရေးဆိုင်ရာ ဒဏ်ခတ်မှုတွေရဲ့ သက်ရောက်မှုတွေကို ခန့်မှန်းရ တွက်ချက်ရခက်ခဲတဲ့အတွက် ဗြိတိန်က မြန်မာ့စီးပွားရေးနဲ့ ဘဏ္ဍာရေးစနစ်အပေါ် ဒဏ်ခတ်ပိတ်ဆို့မှုတွေလုပ်တာ အားမပေးခဲ့ဘူးလို့ ပြောပါတယ်။ ဒါပေမဲ့ တပ်မတော်ထိပ်တန်း တာဝန်ရှိသူတွေအပေါ် EU အနေနဲ့ အရေးယူဒဏ်ခတ်ဖို့ ဗြိတိန်က ဆောင်ရွက်ခဲ့တာကို ခုလို ပြောပါတယ်။
"မြန်မာနိုင်ငံက သာမန်ပြည်သူတွေရဲ့ ဘဝတွေ ပိုပြီးခက်ခဲသွားမယ့် အခြေအနေမျိုးကို ကျွန်တော်တို့က ရှောင်ရှားချင်ပါတယ်။ ဒီလိုပြောလို့ ပိတ်ဆို့ဒဏ်ခတ်မှုတွေ မလုပ်ဘူးလို့ ဆိုလိုတာမဟုတ်ပါဘူး။ ပြီးခဲ့တဲ့ သြဂုတ်လ နဲ့ စက်တင်ဘာလတွေတုန်းက ကျူးလွန်ခဲ့တဲ့ ရက်စက်တဲ့ လုပ်ရပ်တွေမှာ တိုက်ရိုက်တာဝန်ရှိတဲ့ စစ်တပ်ထိပ်တန်းတပ်မှူးကြီးတွေရဲ့ ဘဏ္ဍာရေးပိုင်ဆိုင်မှုတွေ သွားလာလှုပ်ရှားမှုတွေကို ထိန်းချုပ်ကန့်သတ်နိုင်မယ့် အရေးယူမှုတွေလုပ်ဖို့ ဗြိတိန်က တက်တက်ကြွကြွဆောင်ရွက်ခဲ့ပါတယ်။ အဲဒီလို ဒဏ်ခတ်ပိတ်ဆို့ဖို့ EU အဖွဲ့ဝင်နိုင်ငံအားလုံးဆီက သဘောတူညီမှုကို ရရှိထားပြီးပါပြီ။ လာမယ့်သီတင်း ၂ ပါတ် ဒါမှမဟုတ်ရင် ရှေ့လထဲမှာ အပြည့်အဝ အကောင်အထည်ဖော်လိမ့်မယ်လို့ ကျွန်တော်ယုံကြည်ပါတယ်။"
ရခိုင်ပြည်မြောက်ပိုင်းအရေးနဲ့ ရိုဟင်ဂျာဒုက္ခသည်အရေးနဲ့ပါတ်သက်လို့လည်း သူနဲ့ အာရှနိုင်ငံတွေကတာဝန်ရှိသူတွေ အမြဲဆွေးနွေးတယ်လို့ပြောပါတယ်။ ဒီလကုန်ပိုင်း ကုလသမဂ္ဂလုံခြုံရေးကောင်စီဝင်အနေနဲ့ ဗြိတိန်က မြန်မာနဲ့ ဘင်္ဂလားဒေရှ့်နိုင်ငံတွေကို သွားလေ့လာတဲ့အခါ ပြဿနာဖြေရှင်းနိုင်မယ့် အဖြေတွေကို ရလိမ့်မယ်လို့ မျှော်လင့်ကြောင်းလည်း ဗြိတိန်အောက်လွှတ်တော်ဆွေးနွေးပွဲမှာ အာရှ Pacific ဒေသဆိုင်ရာဝန်ကြီး Mark Field က ပြောကြားသွားပါတယ်။
Share:

ပဋိပက္ခတွေအတွင်း လိင်ပိုင်းအကြမ်းဖက်မှု လုံခြုံရေးကောင်စီမှာ ရိုဟင်ဂျာရှေ့နေ ဆွေးနွေး


မစုမြတ်မွန်
မြန်မာနိုင်ငံကို မကြာခင် သွားရောက်တော့မယ့် ကုလသမဂ္ဂ လုံခြုံရေးကောင်စီ အဖွဲ့ဝင်တွေ အနေနဲ့ မြန်မာနိုင်ငံက ပဋိပက္ခတွေအတွင်း အဓမ္မပြုကျင့်ခံခဲ့ရတဲ့ အမျိုးသမီးတွေ၊ မိန်းကလေးငယ်တွေနဲ့ တွေ့ဆုံဖို့ ရိုဟင်ဂျာရှေ့နေ Ms. Razia Sultana ကတိုက်တွန်းလိုက်ပါတယ်။ လတ်တလောဖြစ်ခဲ့တဲ့ ရခိုင်ပြည်နယ် မြောက်ပိုင်းက ပဋိပက္ခတွေမှာ ရိုဟင်ဂျာ အမျိုးသမီးနဲ့ မိန်းကလေးတွေကို အကာအကွယ်ပေးဖို့ ပျက်ကွက်ခဲ့တယ်လို့လည်း ကုလသမဂ္ဂ လုံခြုံရေးကောင်စီမှာ တနင်္လာနေ့က ဆွေးနွေးတဲ့ “ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှု” ဆိုတဲ့ ဆွေးနွေးပွဲမှာ Working Group on Women, Peace and Security ဆိုတဲ့ NGO အဖွဲ့ကိုယ်စား Ms. Sultana က ပြောကြားခဲ့တာ ဖြစ်ပါတယ်။ မြန်မာနိုင်ငံက လူနည်းစု တိုင်းရင်းသား အမျိုးသမီးတွေအပေါ် မြန်မာအစိုးရတပ်တွေရဲ့ ကျူးလွန်မှုတွေကို ICC ကိုတင်ဖို့လည်း တိုက်တွန်းသွားတဲ့ အကြောင်း မစုမြတ်မွန်က ဆက်ပြီးတင်ပြပါတယ်။
ကမ္ဘာတဝန်း ပဋိပက္ခတွေ အတွင်း လိင်ပိုင်းဆိုင်ရာ အကြမ်းဖက်မှုတွေကို ရှောင်ရှားနိုင်ရေးအတွက် ကုလသမဂ္ဂ လုံခြုံရေးကောင်စီမှာ တနင်္လာနေ့က ဆွေးနွေးခဲ့ကြပါတယ်။ နိုင်ငံစုံက သူတို့သဘောထား အမြင်တွေကို တင်ပြဆွေးနွေးကြတဲ့ ဆွေးနွေးပွဲအတွင်း ရိုဟင်ဂျာ အမျိုးသမီးတွေအရေး ဆောင်ရွက်နေတဲ့ ရိုဟင်ဂျာ အမျိုးသမီးရှေ့နေ Ms. Razia Sultana က လုံခြုံရေးကောင်စီမှာ သူ့ရဲ့လေ့လာချက်တွေကို ပထမဆုံးအကြိမ် လာရောက်ပြောပြသွားပါတယ်။ Working Group on Women, Peace and Security ဆိုတဲ့ NGO အဖွဲ့ကိုယ်စား Ms. Sultana ကလာရောက်တင်ပြခဲ့တာမှာ ရိုဟင်ဂျာအမျိုးသမီးနဲ့ မိန်းကလေးငယ်တွေကို လုံခြုံရေးကောင်စီက ကာကွယ်ဖို့ ပျက်ကွက်ခဲ့တယ်လို့ ပြောကြားခဲ့ပါတယ်။
“ နိုင်ငံတကာအသိုင်းအဝိုင်း အထူးသဖြင့် လုံခြုံရေးကောင်စီ ကျွန်မတို့ကို ကာကွယ်ဖို့ ပျက်ကွက်ခဲ့ပါတယ်။ ၂၀၁၂ ခုနှစ်ထဲက မြင်နေရတဲ့ သတိပြုစရာ အချက်တွေကို လစ်လျူရှု မထားဘူး ဆိုရင် အခုနောက်ဆုံးဖြစ်တဲ့ ပြဿနာ မျိုးကို ရှောင်လွှဲ နိုင်ခဲ့မှာဖြစ်ပါတယ်။”
ရခိုင်ပြည်နယ် မြောက်ပိုင်းမှာ ဖြစ်ခဲ့တဲ့ ပဋိပက္ခတွေအတွင်း လိင်ပိုင်းဆိုင်ရာ အကြမ်းဖက်မှုတွေ ဖြစ်ခဲ့တယ်ဆိုတဲ့ ကိစ္စတွေကိုလည်း ခုလို ပြောသွားပါတယ်။
“ ကျွန်မကိုယ်တိုင် လေ့လာချက်တွေ၊လူတွေ့မေးမြန်းချက်တွေအရ ရခိုင်ပြည်နယ်ထဲက ရွာပေါင်း ၁၇ ရွာက အမျိုးသမီးနဲ့ မိန်းကလေးငယ် ၃၀၀ ကျော်ကို အစိုးရတပ်တွေက မုဒိန်းကျင့်ခဲ့တယ်ဆိုတဲ့ အထောက်အထားတွေ ရရှိခဲ့ပါတယ်။ ၂၀၁၇ ခုနှစ်ကစလို့ ရွာပေါင်း ၃၅၀ ကျော်တိုက်ခိုက် မီးရှို့ခံခဲ့ရပါတယ်။ ဒီကိန်းဂဏန်းတွေက အမှန်တကယ် မုဒိန်းကျင့်ခံခဲ့ရသူ အမျိုးသမီး အရေအတွက်ရဲ့ အစိတ်အပိုင်းတခုသာ ဖြစ်မယ့်ပုံရပါတယ်။ အသက် ၆ နှစ်လောက်အထိငယ်တဲ့ မိန်းကလေးတွေ အုပ်စုဖွဲ့ မုဒိန်းကျင့်ခံခဲ့ရပါတယ်။ အမျိုးသမီးနဲ့ မိန်းကလေး ငယ်တွေဟာ သူတို့ရဲ့ နေအိမ်တွေမှာ အုပ်စုဖွဲ့ မုဒိန်းကျင့်ခံရသလို ဘင်္ဂလားဒေရှ့်နိုင်ငံဖက် ထွက်ပြေး ဖြတ်ကျော်ဖို့ ကြိုးစားနေကြချိန်တွေမှာ မုဒိန်းကျင့်ခံခဲ့ကြပါတယ်။”
မြန်မာနိုင်ငံမှာ အမျိုးသမီးတွေအပေါ် လိင်ပိုင်းဆိုင်ရာ အဓ္ဓမပြုကျင့်မှုတွေက ဟိုးအရင်ထဲက ရှိနေတာဖြစ်ပြီး အခုကတော့ အင်မတန်ကြီးမားတဲ့ အတိုင်းအတာနဲ့ ဖြစ်နေတာဖြစ်တယ် လို့လည်း ခုလိုဆိုပါတယ်။
“ မြန်မာနိုင်ငံထဲမှာရှိတဲ့ တခြားလူနည်းစု တိုင်းရင်းသားတွေ ဖြစ်ကြတဲ့ ကရင်၊ ကချင်၊ မုန်းနဲ့ ရှမ်းလူမျိုးတွေ ဟာလည်း ဆယ်စုနှစ်များစွာထဲက စစ်တပ်ရဲ့ စစ်ရေး ဆောင်ရွက်မှုတွေအတွင်း ခွဲခြားဆက်ဆံခံကြရတယ်။ မုဒိန်းကျင့်ခံရတယ်။ တခြား လူ့အခွင့်အရေး ချိုးဖောက်မှုတွေ ခံခဲ့ကြရပေမဲ့ အပြစ်ရှိသူတွေ အပြစ်ပေးမခံရဘဲ လွတ်မြောက်နေကြပါတယ်။ မြန်မာနိုင်ငံထဲမှာရှိတဲ့ တိုင်းရင်းသား အမျိုးသမီးအဖွဲ့တွေက ဒီအဖြစ်အပျက်တွေကို မှတ်တမ်းတင်ထားတာ ဆယ်စုနှစ်နဲ့ချီရှိပါပြီ။ ၂၀၀၂ ခုနှစ်တုန်းက ရှမ်းအဖွဲ့တွေ ထုတ်ပြန်ခဲ့တဲ့ အစီရင်ခံစာထဲမှာ ဒီလိုမျိုး အုပ်စုဖွဲ့ မုဒိန်းကျင့်မှုတွေ၊သတ်ဖြတ်မှုတွေ၊ အင်္ဂါချို့ယွင်းအောင် လုပ်တာတွေကို ဖော်ပြခဲ့ပါတယ်။ ၂၀၁၄ ခုနှစ်တုန်းကလည်း မြန်မာစစ်တပ်က တိုင်းရင်းသူ အမျိုးသမီး ၁၀၀ ကျော်ကို မုဒိန်းကျင့်ခဲ့တဲ့ အဖြစ်တွေကို မြန်မာနိုင်ငံ အမျိုးသမီးများ အဖွဲ့ချုပ်က အစီရင်ခံစာ ထုတ်ပြန်ခဲ့ပါတယ်။ ဒါကိုကြည့်ခြင်းဖြင့် ၂၀၁၀ ရွေးကောက်ပွဲ နောက်ပိုင်းမှာလည်း မြန်မာစစ်တပ်က တိုင်းရင်း သူ အမျိုးသမီးတွေကို အဓ္ဓမပြုကျင့်နေပေမဲ့ အရေးယူမခံရဘဲ ကင်းလွတ်ခွင့်ရနေတာကို ပြသနေ ပါတယ်။”
မကြာခင်မှာ ကုလသမဂ္ဂလုံခြုံရေးကောင်စီအဖွဲ့ဝင်တွေ ဘင်္ဂလားဒေရှ့်နဲ့ မြန်မာနိုင်ငံတွေကို သွားဖို့ရှိနေတဲ့ အတွက် အဲဒီခရီးစဉ်အတွင်း အဓ္ဓမပြုကျင့်ခံရသူတွေနဲ့ တွေ့ဆုံဖို့ကိုလည်း Ms. Razia Sultana ကတိုက်တွန်းပါတယ်။
“ ဒီလကုန်ပိုင်းကျရင် လုံခြုံရေးကောင်စီက Cox’s Bazar မှာရှိတဲ့ ဒုက္ခသည်စခန်းတွေနဲ့ မြန်မာနိုင်ငံကို သွားတော့မှာပါ။ ဒီခရီးစဉ်အတွင်း အဓ္ဓမကျင့်ခံခဲ့ရတဲ့ အမျိုးသမီးနဲ့ မိန်းကလေးငယ်တွေကို တွေ့ဆုံရပါမယ်။ သူတို့နဲ့ ဘေးကင်းစွာတွေ့နိုင်ဖို့ ကျွန်မစီစဉ်ပေးနိုင်ပါတယ်။ လူကုန်ကူးမှုရပ်သွားအောင် လုံခြုံရေးကောင်စီ အနေနဲ့ ဘင်္ဂလားဒေရှ့် အာဏာပိုင်တွေနဲ့ လက်တွဲလုပ်ရပါမယ်။ ကုလသမဂ္ဂ အချက်အလက် ရှာဖွေရေးအဖွဲ့နဲ့ ပူးပေါင်းဆောင်ရွက်အောင်၊ ရခိုင်ပြည်နယ်မှာ လူသားချင်း စာနာမှု အကူအညီတွေကို အကန့်အသတ်မရှိ ပေးလို့ရအောင်၊ မြန်မာအစိုးရနဲ့ အကြီးတန်း တာဝန်ရှိသူတွေအပေါ် ဖိအားပေးရပါတယ်။”
မြန်မာနိုင်ငံမှာရှိတဲ့ တိုင်းရင်းသားအဖွဲ့တွေအပေါ် အစိုးရတပ်တွေရဲ့ လိင်ပိုင်းဆိုင်ရာ အကြမ်းဖက် ကျူးလွန် မှုတွေ နဲ့ တခြားပြစ်မှုတွေအတွက် နိုင်ငံတကာ ရာဇဝတ်ပြစ်မှုခုံရုံးကို လုံခြုံရေးကောင်စီအနေနဲ့ တင်ပြဖို့လည်း သူကခုလို တိုက်တွန်းသွားပါတယ်။
“ ပဋိပက္ခတွေအတွင်း လိင်ပိုင်းဆိုင်ရာ အကြမ်းဖက်မှုဆိုင်ရာ အတွင်းရေးမှူးချုပ်ရဲ့ ဒီနှစ်အစီရင်ခံစာထဲမှာ မြန်မာ စစ်တပ်ကို ပထမဆုံးအကြိမ် ထည့်သွင်းထားပါတယ်။ ဒီအချက်နဲ့ စစ်တပ်က အရေးယူခြင်းမခံရဘဲ ဆက်ပြီး ကင်းလွတ်နေတဲ့ အခြေအနေတွေကြောင့် လုံခြုံရေးကောင်စီအနေနဲ့ မြန်မာနိုင်ငံက အခြေအနေကို နိုင်ငံတကာ ရာဇဝတ်ပြစ်မှုခုံရုံးကို အချိန်မဆိုင်းဘဲ တင်ပြရပါမယ်။ ရိုဟင်ဂျာတွေ အပေါ် ဆိုးဆိုးဝါးဝါး ကျူးလွန် ခဲ့တဲ့ ပြစ်မှုတွေအပြင် ရှမ်း၊ ကရင်၊ ကချင် အပါအဝင် တခြားပြည်နယ်တွေက တိုင်းရင်းသား အဖွဲ့တွေအပေါ် ကျူးလွန်မှုတွေကို ICC ကိုတင်ပြရပါမယ်။”
၂၀၁၇ သြဂုတ်လနောက်ပိုင်း ရခိုင်မြောက်ပိုင်းကနေ ဘင်္ဂလားဒေရှ့်နိုင်ငံဖက် ထွက်သွားသူ ၇ သိန်းလောက် ရှိနေပြီး အဲဒီသူတွေရဲ့ အရေးကို ခုလို လုံခြုံရေးကောင်စီမှာ Razia Sultana ကပထမဆုံး လာရောက်ပြောပြ တဲ့အပေါ် ကုလသမဂ္ဂ ဒုတိယအတွင်းရေးမှူးချုပ် Amina J. Mohammed ကကြိုဆိုခဲ့ ပါတယ်။
“ ရိုဟင်ဂျာအသိုင်းအဝိုင်းရဲ့ အသံတွေကို ကျယ်ကျယ်ကြားနိုင်အောင်နဲ့ သူတို့ရဲ့ ဘာသာယုံကြည်မှုနဲ့ ရိုဟင်ဂျာဖြစ်နေလို့ အမျိုးသမီးနဲ့ မိန်းကလေးငယ်တွေ စနစ်တကျပြစ်မှတ်ထားခံရတဲ့ အဖြစ်တွေကို Ms. Razia Sultana ကဒီကနေ့လာရောက် ပြောပြတာကို ကြိုဆိုပါတယ်။ ဒီနှစ်ထဲမှာ မြန်မာနိုင်ငံနဲ့ တခြားပဋိပက္ခဖြစ်နေတဲ့ နေရာတော်တော်တော်များများမှာ စစ်ရေး။ စီးပွားရေးနဲ့။ အတွေးအမြင်ပိုင်း အသာရအောင် ခြိမ်းခြောက်မှုတွေ၊ လိင်ပိုင်းဆိုင်ရာ အကြမ်းဖက်မှုတွေကို ကျယ်ကျယ်ပြန့်ပြန့် အသုံးချနေကြပါတယ်။ ဒီအချက်တွေက အကြီးအကျယ် နေရပ်စွန့်ခွာထွက်ပြေးနေရတဲ့ အဓိက အကြောင်းအရင်းတွေ ဖြစ်နေပါတယ်။”
ပဋိပက္ခတွေအတွင်း လိင်ပိုင်းဆိုင်ရာအကြမ်းဖက်မှုကာကွယ်တားဆီးရေးဆိုင်ရာ ကုလသမဂ္ဂ အတွင်းရေးမှူးချုပ် ရဲ့အထူးသံတမန် Pramila Patten ကလည်း Ms. Sultana ရဲ့ တင်ပြချက်တွေဟာ တန်ဖိုးရှိတယ် လို့ဆိုခဲ့ပါတယ်။
“ လုံခြုံရေးကောင်စီက မြန်မာနိုင်ငံကို ပထမဆုံးအကြိမ် သွားရောက်ခါနီး အချိန်မှာ Ms. Razia Sultana ရဲ့ အမြင် တင်ပြချက်တွေဟာ သိပ်တန်ဖိုးရှိပါတယ်။ တိုက်ရိုက်သက်ဆိုင်နေတဲ့ အသိုင်းအဝိုင်းတွေရဲ့ အသံတွေ ဆီက အမှန်တရားတွေကို သိရတဲ့အတွက် ကျွန်မတို့ရဲ့ လုပ်ဆောင်ရမယ့် ဆောင်ရွက်ချက်တွေကို လမ်းပြပါ တယ်။”
ကုလသမဂ္ဂအတွင်းရေးမှူးချုပ် António Guterres ရဲ့၂၀၁၇ ခုနှစ်အတွက် ပဋိပက္ခတွေ အတွင်း လိင်ပိုင်းဆိုင်ရာ အကြမ်းဖက်မှုဆိုင်ရာ အစီရင်ခံစာထဲမှာ မြန်မာ့တပ်မတော်ကို ပထမဆုံးအကြိမ် ထည့်သွင်း ထား ချိန်မှာ အစိုးရတပ်တွေ ကျူးလွန်ခဲ့တယ်ဆိုတဲ့ ကိစ္စတွေကို ခုလို ဆွေးနွေးခဲ့ကြတာ ဖြစ်ပါတယ်။
Share:

နိုင်ငံတော်သမ္မတ ဦးဝင်းမြင့် မြန်မာ့ရိုးရာ နှစ်သစ်ကူး အခါသမယတွင် ပြောကြားသည့် နှစ်သစ်ကူး နှုတ်ခွန်းဆက် စကား အပြည့်အစုံ


(မြန်မာသက္ကရာဇ် ၁၃၈၀ ခုနှစ်၊ နှစ်ဆန်း ၁ ရက်နေ့)
(၂၀၁၈ ခုနှစ်၊ ဧပြီလ ၁၇ ရက်)
ချစ်ခင်လေးစားအပ်တဲ့ နိုင်ငံသူနိုင်ငံသားအားလုံး ကာယစိတ္တ နှစ်ဖြာသော သုခနဲ့ ပြည့်စုံ ကြပါစေကြောင်း နှစ်သစ် မင်္ဂလာအခါသမယမှာ ဆုမွန်ကောင်းတောင်းရင်း နှုတ်ခွန်းဆက်သအပ်ပါတယ်။
ချစ်ခင်လေးစားအပ်တဲ့ နိုင်ငံသူနိုင်ငံသားများ ခင်ဗျား-
နိုင်ငံတော်သမ္မတအဖြစ် ကတိသစ္စာပြုခဲ့တဲ့ မတ်လ ၃၀ ရက်နေ့မှာ ပြည်ထောင်စု အစိုးရ အနေနဲ့ ဦးစားပေးဆောင်ရွက်သွားမယ့် ရည်မှန်းချက် ပန်းတိုင်တွေကို ထုတ်ဖော်ကြေညာခဲ့ပြီး ဖြစ်ပါတယ်။ ဒီအပေါ်မှာ ပြည်သူများအနေနဲ့ မျှော်လင့်ချက်တွေ မြင့်မားလာခဲ့ကြသလို ဒီရည်မှန်း ချက် ပန်းတိုင်တွေကို ဘယ်ပုံဘယ်နည်း အကောင် အထည်ဖော်ဆောင် ရွက်သွားမှာလဲ ဆိုတာကိုလည်း သိလိုစိတ်ပြင်းပြ နေကြတာကိုလည်း ကျွန်တော် ကြားသိရပါတယ်။ အခုလို အခါအခွင့်သင့်ခိုက်မှာ မိဘပြည်သူ များကို အလေးအမြတ်ပြုပြီး ရှင်းလင်းတင်ပြပေးမှာ ဖြစ်ပါတယ်။
ပြုပြင်ပြောင်းလဲမှုနှောင့်နှေးနေတဲ့ဌာနတွေကို ကြပ်မတ်ရာမှာ ပြည်ထောင်စု အစိုးရက ချမှတ်ထားတဲ့ ဖွံ့ဖြိုး တိုးတက်မှုမူဝါဒတွေကို ဌာနဆိုင်ရာတွေက ဦးစားပေးအလိုက် အကောင်အထည် ဖော်ကြရပါမယ်။
နိုင်ငံသူနိုင်ငံသားတွေရဲ့ အခြေခံလိုအပ်ချက် (၃) ခုဖြစ်တဲ့ စားဝတ်နေရေး ဆိုတဲ့ အချက် (၃) ချက်ထဲမှာ ပြည်သူတွေအတွက် နေရေးသည် အဓိက လိုအပ်ချက်ဖြစ်တာကို တွေ့ရှိရ ပါတယ်။ နေအိမ်မရှိလို့ ဖြစ်သလိုနေ ထိုင်ကြရတဲ့ ပြည်သူတွေရဲ့ ဒုက္ခများကိုလည်း ကျွန်တော်တို့ သတိပြု မိပါတယ်။ ပြည်သူ့ဝန်ထမ်းတွေ အနေနဲ့လည်း လက်ရှိတာဝန် ထမ်းဆောင် စဉ်ကာလမှာ ၀န်ထမ်းအိမ်ရာမရှိလို့ အခက်အခဲဖြစ်နေသူတွေရှိသလို အငြိမ်းစားယူသွားပြီးတဲ့အချိန်မှာလည်း နေထိုင်စရာ အိမ်မရှိလို့ အတိဒုက္ခရောက်ကြရတဲ့ဝန်ထမ်းများ အများကြီးရှိနေတာကို သတိပြုမိပါတယ်။ ဒါကြောင့်မို့လို့ ကျွန်တော်တို့အစိုးရအဖွဲ့အနေနဲ့ ၀န်ထမ်းတွေ အငြိမ်းစားယူသွားချိန်မှာ ကိုယ်ပိုင်နေအိမ် ကိုယ်ပိုင် တိုက်ခန်းများနဲ့ သိက္ခာရှိရှိနေသွားနိုင်ရေးအတွက် ဦးစားပေး ဆောင်ရွက်ပေးမှာဖြစ်ပါတယ်။
ယခုအစိုးရသစ်လက်ထက်မှာ ပြီးခဲ့တဲ့ ၂ နှစ်တာကာလအတွင်း ၀န်ထမ်း များ အတွက် တိုင်းဒေသကြီး/ ပြည်နယ်အသီးသီးမှာ ၀န်ထမ်းအိမ်ရာ (၄၆၂၇) ခန်း တည်ဆောက်ပေးနိုင်ခဲ့ပြီး ဖြစ်ပါတယ်။ ကျန် ၃ နှစ် တာ ကာလမှာလည်း အခန်း (၇၀၀၀) ကျော်ကို ၀န်ထမ်းအိမ်ရာအဖြစ် တည်ဆောက် ပေးသွားရန် စီမံထား ရှိပြီးဖြစ်ပါတယ်။ ဒီလိုအစီအစဉ်ကို တိုးချဲ့ခြင်းဖြင့် လာမည့်နှစ်များအတွင်း အခန်းပေါင်း (၁) သောင်းကျော် တည်ဆောက်ပြီး ၀န်ထမ်းတွေအတွက် လစဉ်အရစ်ကျ ငွေချေစနစ်နဲ့ ရောင်းချပေးမှာ ဖြစ်ပါတယ်။
ဒါ့အပြင် အလုပ်သမားတစ်ဦးရဲ့ တစ်နေ့အတွက် အနည်းဆုံးအခကြေးငွေ ၄၈၀၀ ကျပ်နှုန်းနဲ့ လိုက်လျော ညီထွေဖြစ်စေရန် အမှုထမ်းလစာများ အားလုံးကို (၂၀) ရာခိုင်နှုန်း တိုးမြှင့်ပေးပြီး အရာထမ်း လစာများကို (၁၀) ရာခိုင်နှုန်း တိုးမြှင့်ပေးနိုင်ရန် ပြည်ထောင်စုအစိုးရအဖွဲ့အနေနဲ့ စီစဉ် တွက်ချက်ပြီး ဖြစ်ပါတယ်။ ယင်းတွက်ချက်မှု အရ အမှုထမ်းတစ်ဦးရဲ့ အနည်းဆုံးလစာမှာ ၁၂၀၀၀၀ ကျပ်မှ ၁၃၈၀၀၀ ကျပ် အထိ တိုးမြှင့် သွားမှာဖြစ်ပြီး အရာထမ်းတစ်ဦးရဲ့ အများဆုံးလစာမှာ ၅၀၀၀၀၀ ကျပ်မှ ၅၅၀၀၀၀ ကျပ်သို့ တိုးမြှင့်သွားမှာဖြစ်ပါတယ်။ နိုင်ငံတော်အစိုးရက ၀န်ထမ်းတွေအတွက် ယခုလို စီမံဆောင်ရွက် ပေးမှုကို တုံ့ပြန်သောအားဖြင့် နိုင်ငံတော်ပြုပြင်ပြောင်းလဲရေး လုပ်ငန်းစဉ်များတွင် ၀န်ထမ်းတွေ ကလည်း တာဝန်ယူမှုဖြင့် ပူးပေါင်းဆောင် ရွက်ကြ ရန် အထူးသတိပြုစေလိုပါတယ်။
လျှပ်စစ်ဝန်ကြီးဌာနအနေနဲ့ လျှပ်စစ်မီးတိုးမြှင့်ရရှိရေးအတွက် ယခုလက်ရှိထုတ်လုပ်မှု မဂ္ဂါဝပ် ၃၀၀၀ မှ လာမည့် (၃) နှစ်အတွင်း နောက်ထပ် မဂ္ဂါဝပ် ၃၀၀၀ ထပ်မံတိုးမြှင့်၍ စုစုပေါင်းမဂ္ဂါဝပ် ၆၀၀၀ ထုတ်လုပ်သွားမှာဖြစ် ပါတယ်။ လျှပ်စစ်ဓါတ်အားဖြန့်ဖြူးရေးတွင် လက်ရှိသုံးစွဲနေတဲ့ (230) KV လိုင်း အပြင် နောက်ထပ် (500) KV လိုင်းကိုလည်း (၃) နှစ်အတွင်း တိုးချဲ့ပြီး ဖြန့်ဖြူးပေးမှာ ဖြစ်ပါတယ်။
ဆောက်လုပ်ရေးဝန်ကြီးဌာနအနေဖြင့် လာမယ့် (၁) နှစ်အတွင်း လမ်းမကြီးအတွက် မိုင်ပေါင်း (၁၀၀) အသစ်ဖောက်လုပ်မှာဖြစ်ပါတယ်။ လက်ရှိအသုံးပြုနေတဲ့ ကျောက်လမ်းများထဲမှ မိုင်(၂၀၀) ကို ကတ္တရာ ခင်းခြင်း သို့မဟုတ် ကွန်ကရစ်ခင်းခြင်း ပြုလုပ်ပေးမည်ဖြစ်ပါတယ်။ ကျေးလက်လမ်းများ အနေနဲ့လည်း မိုင်ပေါင်း (၆၀၀) ခန့် ကျေးလက် လမ်းအသစ် ဖောက်လုပ်ပေးမှာဖြစ်ပါတယ်။ လက်ရှိ အသုံးပြုနေတဲ့ ကျေးလက်လမ်းများထဲမှ မိုင် (၁၀၀၀) ခန့်ကို ကွန်ကရစ် သို့မဟုတ် ကတ္တရာလမ်းအဖြစ် အဆင့်မြှင့် ခင်းပေးမှာ ဖြစ်ပါတယ်။
လမ်းပန်းဆက်သွယ်မှု ချောမွေ့ရေးနှင့် ပြည်သူများ အသက် အန္တရာယ်ကင်းရှင်းစေရေးအတွက် တစ်နိုင်ငံလုံးရှိ ကြိုးတံတား (၂၉) စင်းကိုလည်း (၃) လအတွင်း နိုင်ငံခြားပညာရှင်များနှင့်အတူ အသေးစိတ်စစ်ဆေးပေးမှာ ဖြစ်ပါတယ်။ ယင်းတို့အထဲမှ အန္တရာယ် ရှိနိုင်တဲ့ ကြိုးတံတားများကို (၆) လအတွင်း ဦးစားပေးအစီအစဉ်ဖြင့် ပြင်ဆင်ပေးမှာ ဖြစ်ပါတယ်။
အသေးစား အလတ်စားစီးပွားရေးလုပ်ငန်းများကို ငွေထုတ်ချေးရာတွင် မြန်ဆန်လွယ်ကူစေရန် ဒီလုပ်ငန်းတွေရဲ့ ယုံကြည်စိတ်ချရမှုကို သတင်း အချက်အလက်စုဆောင်းတဲ့အဖွဲ့အစည်း (Credit Bureau) ထူထောင်နိုင်ရေး အတွက် ခွင့်ပြုချက်ကို တစ်လအတွင်း ခွင့်ပြုပေးမှာဖြစ်ပါတယ်။
ယိမ်းယိုင်နေတဲ့ တရားစီရင်ရေးကို တည့်မတ်ဖို့ ပြည်ထောင်စု တရားသူကြီးချုပ်၊ ပြည်ထောင်စု တရား လွှတ်တော်ချုပ် တရားသူကြီး များနှင့်တွေ့ဆုံပြီး တရားရုံးအသီးသီးအား တရားသူကြီး အဆင့်ဆင့်က တာဝန်ယူမှု တာဝန်ခံမှုများဖြင့် ကြီးကြပ်ကွပ်ကဲကြရန် ညှိနှိုင်းဆောင်ရွက်ပြီး ဖြစ်ပါတယ်။ ကျွန်တော်တို့ရဲ့ ပြည်ထောင်စု ဥပဒေဆိုင်ရာ အထောက်အကူပေးရေးအဖွဲ့နဲ့ တရားဥပဒေ စိုးမိုးရေးစင်တာတွေဟာ တက်တက်ကြွကြွ ပူးပေါင်းဆောင်ရွက်ကြရန် ဖြစ်ပါတယ်။ ဘက်မလိုက်တဲ့ လွတ်လပ်တဲ့ တရားမျှတမှုနဲ့ ဆင်ခြင်တုံတရားကို ချိန်ခွင်လျှာထိန်းညှိနိုင်တဲ့ တရားစီရင်ရေးမဏ္ဍိုင် ဖြစ်အောင် ကြိုးပမ်းရပါလိမ့်မယ်။ ဥပဒေ၏ရှေ့မှောက်တွင် အားလုံးအညီအမျှဖြစ်ရေး၊ ဥပဒေနှင့်အညီ ဆောင်ရွက်ရေးတို့ကို ဆောင်ရွက်ရပါမယ်။
ဌာနဆိုင်ရာအတော်များများရဲ့ ဓလေ့သဖွယ် စွဲကပ်နေတဲ့ အဂတိလိုက်စားမှုတွေကို ပိုမို တိုက်ဖျက်ရာမှာ ဝန်ထမ်းတွေရဲ့ ရပိုင်ခွင့်အခွင့်အရေးနဲ့ တာဝန်ကို ဘက်ညီမျှတအောင် ပြန်လည် သုံးသပ်ပြီး ဌာနဆိုင်ရာ တစ်ခုချင်း က တာဝန်ခံပြီး အသီးသီးဆောင်ရွက်ကြ ရပါလိမ့်မယ်။
အဂတိလိုက်စားမှုတိုက်ဖျက်ရေးကော်မရှင်၊ မီဒီယာနဲ့ ပြည်သူတွေက မှန်ကန်စွာ ရှာဖွေဖော်ထုတ်ရေးကို ဆောင်ရွက်ပေးကြရပါလ်ိမ့်မယ်။ လုပ်ပိုင်ခွင့်အာဏာ အရှိန်အဝါရှိသူများရဲ့ ပါဝင်ပတ်သက်မှု၊ ဝင်ရောက် စွက်ဖက် မှုတွေ ကို တိကျခိုင်လုံတဲ့ အချက်အလက် အထောက်အထားတွေနဲ့ တိုင်ကြား ကြရန် အထူးလိုအပ် ပါတယ်။ အဂတိလိုက်စားမှုတိုက်ဖျက်ရာမှာ အရှိန်အဟုန်မြင့်မားစေဖို့ အဂတိ လိုက်စားမှု တိုက်ဖျက်ရေး ကော်မရှင်အနေနဲ့ စီမံချက်ချမှတ်၍ ယခင်ကထက် ပိုမိုကြိုးပမ်း ဆောင်ရွက်ကြရန်ကိုလည်း တိုက်တွန်းနှိုးဆော် ပြီး ဖြစ်ပါတယ်။
ချစ်ခင်လေးစားအပ်တဲ့ နိုင်ငံသူနိုင်ငံသားများ ခင်ဗျား-
လူ့အခွင့်အရေးချိုးဖောက်မှုတွေကို မြှင့်တင်ကာကွယ်ပေးနိုင်ဖို့ နိုင်ငံတော်အစိုးရအနေနဲ့ CBO တွေ၊ CSO တွေ၊ မီဒီယာ၊ ပြည်သူတွေနဲ့ပူးပေါင်းပြီး အရှိန်အဟုန်နဲ့ မြှင့်တင်ဖော်ဆောင်မှာ ဖြစ်ပါတယ်။ လူပုဂ္ဂိုလ်တစ်ဦး၏ ဥပဒေ အရ အခြေခံရပိုင်ခွင့်တွေ၊ နိုင်ငံသားများ၏ မူလအခြေခံ အခွင့်အရေးတွေ၊ နိုင်ငံသားများ၏ လွတ်လပ်မှုနှင့် လုံခြုံမှုတွေကို စစ်ကြောရေးစခန်း၊ ရဲစခန်းအချုပ်၊ တရားရုံးအချုပ်၊ အကျဉ်းထောင်၊ ရဲဘက်စခန်း စသည့်နေရာ ဒေသ မရွေး လူ့အခွင့်အရေးကော်မရှင်က ကာကွယ်ပေးနိုင် အောင် စွမ်းဆောင်ကြရန်ဖြစ်ပါတယ်။ နိုင်ငံသားများ ရဲ့ မွေးရာပါအခွင့်အရေး တစ်နည်းအားဖြင့် နိုင်ငံသားများရဲ့ မူလအခွင့်အရေးတွေ မဆုံးရှုံးကြရအောင် လူ့အခွင့် အရေးကော်မရှင်နှင့်လည်း တွေ့ဆုံ ပြောကြားပြီး ဖြစ်ပါတယ်။ လူ့အခွင့်အရေးအတွက် ဆောင်ရွက်နေတဲ့ အဖွဲ့ အစည်းများ ကိုယ်တိုင်ကလည်း မည်သူ့အခြေခံအခွင့်အရေး၊ လူသားဂုဏ်သိက္ခာကိုမျှ မထိပါးစေဘဲ ဥပဒေနဲ့ အညီ မျှတမှန်ကန်စွာ ဆောင်ရွက်ဖို့ အလေးထားရပါမယ်။
မူးယစ်ဆေးဝါးကို ပိုမိုနှိမ်နင်းနိုင်ဖို့ အဓိကထုတ်လုပ်၊ ဖြန့်ဖြူး၊ သိုလှောင်တဲ့ လက်ကြီးသမား တွေကို ဦးစားပေးနှိမ်နင်းရန်ဖြစ်ပါတယ်။ မူးယစ်ဆေးဝါးနဲ့ စိတ်ကိုပြောင်းလဲစေတဲ့ ဆေးဝါးတွေ ဖောဖောသီသီ ရောင်း ဝယ် ဖောက် ကားနေတာတွေကို မသိချင်ယောင်ဆောင်ထားတဲ့၊ သိလျက်နဲ့ လွှတ်ထားတဲ့ ဖြစ်စဉ်မျိုးတွေ ဖြစ်လာရင် လည်း အဓိကတာဝန်ရှိသူကို ဦးစားပေးပြီး အရေးယူမှုတွေ ပြုလုပ်ရမှာဖြစ်သလို ကွင်းဆက်ပျောက် သွားတဲ့၊ ပိုင်ရှင်မဲ့ဖြစ်သွားတဲ့ မူးယစ်ဆေးဖမ်းဆီးရမှု တွေကိုလည်း တင်းတင်းကျပ်ကျပ် ကိုင်တွယ်ရပါလိမ့်မယ်။ မူးယစ်ရဲတွေရဲ့လုပ်ပိုင်ခွင့်ကို မြှင့်တင် ပေးပြီး တစ်ဖက်မှာလည်း ဆုပေးဒဏ်ပေးစနစ်ကို ထိထိရောက်ရောက် ဖြစ်အောင် ပြင်ဆင်ပေးရမှာ ဖြစ်ပါတယ်။ အခြေအနေအရ လိုအပ်ပါက ဗဟိုတွင် လျှပ်တစ်ပြက်ဖမ်းဆီးနိုင်တဲ့ မူးယစ်ဆေးဝါး နှိမ်နင်းရေးအဖွဲ့ တစ်ဖွဲ့ထားရှိပြီး ဆောင်ရွက်ရပါမယ်။
ပြည်သူ့ဘဏ္ဍာတွေ အလေအလွင့်မရှိအောင် စီမံခန့်ခွဲနိုင်ဖို့အတွက် စီမံကိန်းရဲ့ကုန်ကျစရိတ်ကို အနီးစပ်ဆုံး တိကျမှန်ကန်စွာ ခန့်မှန်းတွက်ချက်တင်ပြနိုင်ရန်၊ ဒေသရဲ့ ကာလပေါက်ဈေးနဲ့အညီ တွက်ချက်နိုင်ရန် ဆောင်ရွက်ရပါလိမ့်မယ်။ ဒါ့အပြင် တင်သွင်းတောင်းဆိုထားတဲ့ ဘတ်ဂျက်များ ကိုလည်း အချိန်မီ အမှန်တကယ်သုံးစွဲခြင်းမပြုဘဲထားတဲ့ လုပ်နည်းလုပ်ဟန်တွေ ပြောင်းလဲရပါလိမ့်မယ်။ ဘတ်ဂျက် ပမာဏ ကြီးကြီး စိုက်ထုတ်သုံးစွဲရမယ့် စီမံကိန်းကြီးတွေကို ထိထိရောက်ရောက် စိစစ်နိုင်တဲ့ အရည်အချင်းတွေကို စီမံကိန်းစိစစ်ရေးနဲ့ တိုးတက်မှုအစီရင်ခံရေးနယ်ပယ်မှာ အမြန်ဆုံး မြှင့်တင် ပေးရပါလိမ့်မယ်။ လုပ်ငန်း စီမံကိန်းများ မပြီးစီးဘဲ အပြီးပြတဲ့ အဆင့်ဆင့်သော တာဝန်ရှိပုဂ္ဂိုလ်တွေ၊ နိုင်ငံတော်ကချမှတ်ထားတဲ့ တင်ဒါ လုပ်ထုံးလုပ်နည်းနဲ့ မညီညွတ်တဲ့ တင်ဒါခေါ်ယူမှုတွေ၊ တင်ဒါ စည်းမျဉ်းထဲကပဲ လက်တစ်လုံးခြား လုပ်ကိုင် ဆောင်ရွက်မှုတွေကို ပြင်းပြင်းထန်ထန် အရေးယူ ရပါလိမ့်မယ်။
ပြည်ထောင်စုစာရင်းစစ်ချုပ်ရုံးအပြင် ဌာနတိုင်းမှာ ဖွဲ့စည်းထားတဲ့ စာရင်းစစ်ကော်မတီတွေ အနေနဲ့လည်း ဘက်လိုက်မှုမရှိ၊ အဂတိကင်းကင်းနဲ့ တိတိကျကျဆောင်ရွက်နိုင်ရမှာ ဖြစ်ပါတယ်။
ချစ်ခင်လေးစားအပ်တဲ့ နိုင်ငံသူနိုင်ငံသားများ ခင်ဗျား-
ဥပဒေမဲ့သိမ်းဆည်းထားတဲ့ လယ်ယာမြေတွေ ပြန်လည်ရရှိရေး၊ လျော်ကြေး နစ်နာကြေး ရရှိရေးတို့ကို ဥပဒေနဲ့အညီဆောင်ရွက်နိုင်ဖို့ ပြည်သူ့ကိုယ်စားလှယ်များပါဝင်တဲ့ လယ်ယာမြေနှင့် အခြားမြေများ ပြန်လည် စိစစ်ရေးကော်မတီအဆင့်ဆင့်ရဲ့ စစ်ဆေးတွေ့ရှိချက် သဘောထားမှတ်ချက် များအပေါ်အခြေခံ၍ သက်ဆိုင်ရာ တိုင်းဒေသကြီး၊ ပြည်နယ်အစိုးရတွေနဲ့ ညှိနှိုင်းတိုင်ပင် ဆောင်ရွက် မှာဖြစ်ပါတယ်။ အလားတူ ဗဟိုကပဲ ဆောင်ရွက်နိုင်တဲ့ကိစ္စရပ်တွေမှာ တိုင်းဒေသကြီး၊ ပြည်နယ်တွေရဲ့ သဘောထားတွေကိုရယူပြီး မြန်မြန်ဆန်ဆန် ဆုံးဖြတ်ဆောင်ရွက်နိုင်အောင် ကြိုးပမ်းမှာဖြစ်ပါတယ်။ စွန့်လွှတ်ပြီးသော သိမ်းဆည်းခံလယ်ယာခြံမြေများကို မူလပိုင်ရှင်များထံ အမြန်ဆုံး ပြန်လည်အပ်နှံ ကြရန် ဆောင်ရွက်သွားမှာဖြစ်ပါတယ်။ မစွန့်လွှတ်ရသေးတဲ့ သိမ်းဆည်းခံလယ်ယာခြံမြေများနှင့် စပ်လျဉ်း၍ လယ်ယာမြေနှင့် အခြားမြေများ သိမ်းဆည်းခံရခြင်းမှ ပြန်လည်စိစစ်ရေးကော်မတီ အသီးသီးက အမြန်ဆုံး စိစစ်ကြပြီး တိုင်းဒေသကြီး၊ ပြည်နယ်အစိုးရ တို့နှင့်ညှိနှိုင်း၍ စွန့်လွှတ်မြေများအား မူလပိုင်ရှင်များထံ ပြန်လည်ပေးအပ်နိုင်ရန် ဆောင်ရွက်သွားမှာဖြစ်ပါတယ်။
တောင်သူလယ်သမားများရဲ့ လူနေမှုဘဝ တိုးတက်မြင့်မားရေး ဆောင်ရွက်ရာမှာ တောင်သူ လယ်သမားတွေရဲ့ မြေပိုင်ဆိုင်ခွင့်လက်မှတ်တွေ တစ်နိုင်ငံလုံး တစ်နှစ်အတွင်းရရှိဖို့ အမြန်ဆုံး ကြိုးပမ်းဆောင်ရွက်သွားပါမယ်။ စိုက်ပျိုးစရိတ်ချေးငွေများကိုလည်း နှောင့်နှေးကြန့်ကြာမှုမရှိစေဘဲ စိုက်ပျိုး ရာသီအမီရရှိရေး ဆောင်ရွက်ပေး မှာဖြစ်ပါတယ်။ ဓါတ်မြေသြဇာ၊ မျိုးစေ့၊ ပိုးသတ်ဆေး၊ လယ်ယာသုံး စက်ကိရိယာ စတဲ့ လယ်ယာမြေသွင်း အားစုတွေ အခွန်ကင်းလွတ်ခွင့် ပေးမှာဖြစ်ပါတယ်။ သောက်သုံးရေ၊ စိုက်ပျိုးရေ၊ လျှပ်စစ်မီးရရှိရေးနဲ့ လမ်းပန်း ဆက်သွယ်ရေးရရှိရေးတို့ကို ဦးစားပေး ဆောင်ရွက်မှာ ဖြစ်ပါတယ်။
အလုပ်သမားများရဲ့ဘဝ စိုပြေသာယာရေးအတွက် ရေတိုကာလမှာ အလုပ်သမားတွေရဲ့ လူမှုဖူလုံရေး ရန်ပုံငွေတွေကို အလုပ်သမားတွေ အတွက် ထိထိရောက်ရောက် စီမံပေးနိုင်ဖို့ ကြိုးပမ်း ဆောင်ရွက်ပါမယ်။ ပြည်တွင်းမှာ အလုပ်အကိုင်အခွင့်အလမ်းတွေ မြင့်မားလာအောင် ရင်းနှီးမြှုပ်နှံမှု ဆွဲဆောင်ရေး နိုင်ငံတကာ ကိုဖိတ်ခေါ်သွားပါမယ်။ ပြည်ပရောက် မြန်မာအလုပ်သမားတွေရဲ့ လုံခြုံ ဘေးကင်းမှု၊ အခွင့်အရေး ရရှိခံစားနိုင်မှု တို့ကိုလည်း နိုင်ငံချင်း သဘောတူညီချက်တွေကို အခြေခံပြီး မြှင့်တင်ဆောင်ရွက်ပေးမှာ ဖြစ်ပါတယ်။
ကျောင်းသားလူငယ်များ အဆင့်မြင့်ပညာရပ်များ ဆည်းပူးခွင့်ရရှိရေးအတွက် ပညာသင်စရိတ် ထောက်ပံ့ မှုတွေကို တိုးမြှင့်ပေးနိုင်အောင် ကြိုးပမ်းဆောင်ရွက်မှာဖြစ်သလို အသက်မွေးဝမ်းကျောင်း ပညာသင်ကြားမှုတွေ မြင့်မားလာအောင် ဦးတည်ကြိုးပမ်းမှာ ဖြစ်ပါတယ်။ ဝင်ငွေနည်းမိသားစု၊ ဆင်းရဲ နွမ်းပါးတဲ့မိသားစုက ကျောင်းသားလူငယ်တွေ အဆင့်မြင့်ပညာဆည်းပူးခွင့်ရရှိရေးဟာ နိုင်ငံတော်အတွက် အရေးကြီးတဲ့မူဝါဒတစ်ရပ် ဖြစ်လာမှာဖြစ်ပါတယ်။ အရည်အချင်းရှိတဲ့လူငယ်တွေ သူတို့နဲ့ထိုက်တန်တဲ့ ပညာရပ်တွေကို ဆည်းပူးခွင့်ရရှိပြီး သူတို့နဲ့ထိုက်တန်တဲ့နေရာတွေ ရရှိနိုင်ဖို့ နိုင်ငံတကာပညာသင် အခွင့်အလမ်းတွေ၊ ပြည်တွင်း အခွင့်အလမ်း တွေကို အလေးထားပြီး မြှင့်တင် ပေးရမှာ ဖြစ်ပါတယ်။
ချစ်ခင်လေးစားအပ်တဲ့ နိုင်ငံသူနိုင်ငံသားများ ခင်ဗျား-
ပြည်ထောင်စုအစိုးရ ရှေ့ဆက်လက်လျှောက်လှမ်းမယ့် ပြုပြင်ပြောင်းလဲရေးကို အချုပ်အခြာ အာဏာရဲ့ မူလပိုင်ရှင်ဖြစ်တဲ့ ပြည်သူလူထုနဲ့နီးစပ်တဲ့ အောက်ခြေက စတင်မှာဖြစ်ပါတယ်။ ပြည်သူနဲ့ အတူ၊ စုပေါင်းအင်အားဆိုတဲ့ သဘောတရားနဲ့ ပြုပြင်ပြောင်းလဲရေးကို ချဉ်းကပ်ရမှာ ဖြစ်ပါတယ်။ ပြည်သူနဲ့အတူ ဆိုရာမှာ ပြည်သူရဲ့အသံကို နားထောင်ရုံသာမကဘဲ ပြည်သူတွေရဲ့ဆန္ဒသဘောထား တွေကို အလေးအနက် ထားပြီး စုပေါင်းအင်အားကို တည်ဆောက်ရမှာ ဖြစ်ပါတယ်။
ပြုပြင်ပြောင်းလဲမှုနဲ့ အံမဝင်ခွင်မကျတဲ့နေရာတွေမှာ သွက်လက်ထက်မြက်ပြီး အရည်အသွေး ရှိတဲ့ လူစားလဲမှုတွေ လုပ်သင့်ရင်လည်း လုပ်ဆောင်ရမှာဖြစ်ပါတယ်။ အထူးသဖြင့် အနာဂတ်မှာ ပေါ်ထွန်း လာမယ့် ဖက်ဒရယ်ပြည်ထောင်စုအုပ်ချုပ်ရေးစနစ်အတွက် ကြိုတင်စီမံဆောင်ရွက်တဲ့အနေနဲ့ ဗဟိုချုပ်ကိုင်မှု လျှော့ချပြီး တိုင်းဒေသကြီးနဲ့ ပြည်နယ်တွေရဲ့ တင်ပြချက်တွေကို အခြေခံပြီး ပြောင်းလဲ သင့်တာတွေ ပြောင်းလဲဖို့လည်း ရှိပါတယ်။
ဒီလုပ်ငန်းစဉ်တွေကို ဆောင်ရွက်ရာမှာ ကျွန်တော်တို့လိုက်နာရမယ့် အခြေခံမူကတော့ “တည်ငြိမ်မှု ကိုလည်း မထိခိုက်စေ၊ အပြောင်းအလဲတွေလည်းဖြစ်ပေါ်စေ” တဲ့ နည်းလမ်းနဲ့ ဆောင်ရွက်ဖို့ ဖြစ်ပါတယ်။ အထူးသဖြင့် ပွင့်လင်းမြင်သာမှုနဲ့ တာဝန်ခံမှု၊ တာဝန်ယူမှု အဆင့်ဆင့်ရှိရေးဆိုတဲ့ စံနှုန်းကိုအခြေခံပြီး ပြုပြင်ပြောင်းလဲ မှုတွေကို ပြည်ထောင်စုအစိုးရ၊ အခြားသောမဏ္ဍိုင်ကြီးတွေ၊ တတ်သိပညာရှင်တွေ၊ အရပ်ဘက်လူ့ အဖွဲ့အစည်းတွေ၊ သတင်းမီဒီယာတွေနဲ့ ပြည်သူတွေရဲ့ စုပေါင်းအင်အားနဲ့ ကြိုးပမ်း ဆောင်ရွက်မှာဖြစ်ကြောင်း တင်ပြလိုပါတယ်။
ချစ်ခင်လေးစားအပ်တဲ့ နိုင်ငံသူနိုင်ငံသားများ ခင်ဗျား-
ကျွန်တော့်အနေနဲ့ မိဘပြည်သူတွေ မျှော်လင့်နေတဲ့ အပြောင်းအလဲတွေကို မျက်ဝါးထင်ထင် တွေ့မြင်နိုင်ဖို့ ကိုယ်ရောစိတ်ပါမြှုပ်နှံပြီး ကြိုးပမ်းဆောင် ရွက်မှာ ဖြစ်ပါတယ်။ ကျွန်တော်တို့အားလုံး နှစ်သစ်မှာ စိတ်သစ်၊ လူသစ်၊ စုပေါင်းအင်အားသစ်တွေ တည်ဆောက်နိုင်ကြမယ်ဆိုရင် တူညီတဲ့ ရည်ရွယ်ချက်၊ မျှော်မှန်းထားကြတဲ့ ပန်းတိုင်ကို အမြန်ဆုံးမြင်တွေ့ကြရမယ် ဆိုတာကို အလေးအနက် ယုံကြည်ထားပါတယ်။
ယခုလို မြန်မာတို့ရဲ့ မင်္ဂလာအပေါင်းခညောင်းတဲ့ နှစ်သစ်အခါသမယမှာ နိုင်ငံသူနိုင်ငံသား အားလုံး နှလုံး စိတ်ဝမ်း အေးချမ်းကြပါစေ၊ ကျွန်တော်တို့ရဲ့ ပြည်ထောင်စုနိုင်ငံတော်ကြီး ငြိမ်းချမ်း သာယာဖွံ့ဖြိုး တိုးတက်ပါစေ။ ဒီမိုကရေစီဖက်ဒရယ်ပြည်ထောင်စုကြီး တည်ဆောက်ရာမှာ နိုင်ငံသူ နိုင်ငံသား အားလုံး ကျရာကဏ္ဍ အသီးသီး ကနေ ပါဝင်ဆောင်ရွက်နိုင်ကြပါစေကြောင်း ဆုမွန်ကောင်း တောင်းရင်း နိဂုံးချုပ်အပ်ပါတယ်။
အားလုံးကို ကျေးဇူးတင်ပါတယ်ခင်ဗျား။
Share:

တောင်ပြိုလက်ဝဲမြို့ ပြန်လည်လက်ခံရေး စခန်းသို့ နေရပ်စွန့်ခွာ မိသားစုဝင်ငါးဦး ပြန်လည် ဝင်ရောက်

တောင်ပြိုလက်ဝဲ  ဧပြီ ၁၄
မောင်တောဒေသ အကြမ်းဖက် ဖြစ်စဉ်ကြောင့် နေရပ်စွန့်ခွာ သွားခဲ့ကြ သည့် မိသားစုဝင်များ အနက် အစ္စလာမ် ဘာသာဝင် အဲဖ်တာအာလွမ်ပါ မိသားစုဝင် ငါးဦးတို့သည် ယနေ့နံနက်ပိုင်းတွင် ရခိုင်ပြည်နယ် တောင်ပြို လက်ဝဲမြို့ ပြန်လည်လက်ခံရေးစခန်းသို့  ပြန်လည်ဝင်ရောက်လာကြသည်။
အဆိုပါ ပြန်လည်ဝင်ရောက်လာသော မိသားစုဝင် ငါးဦးအား ပြည်နယ် လူဝင်မှု ကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာနက ၁၉၈၂ ခုနှစ် တွင် ပြဌာန်းခဲ့သော နိုင်ငံသားဖြစ်မှု ဥပဒေနှင့်အညီ စစ်ဆေးခြင်း၊ နိုင်ငံအတွင်း အမှန်တကယ် နေထိုင်ခဲ့ခြင်း ရှိ၊ မရှိ စိစစ်ခြင်း နှင့်  လူဝင်မှုကြီး ကြပ်ရေးနှင့် မှတ်ပုံတင်ရေး လုပ်ငန်းများကို ဆောင်ရွက်ပေး ခဲ့ပြီး သတ်မှတ်ချက်နှင့်ညီသော မိသားစုဝင်များအား NV(National Verification) ကတ်ပြားများကို နေ့ချင်းပြီး ပြုလုပ်ပေးခဲ့ကြောင်း သိရှိရသည်။
ဆက်လက်၍ ပြန်လည်ဝင်ရောက်လာသော မိသားစုဝင်များအား ကျန်းမာရေးနှင့် အားကစားဝန်ကြီး ဌာန ပြည်နယ် ကျန်းမာရေးဦးစီးဌာနက  မိသားစုဝင်တစ်ဦးချင်းတို့ကို ကျန်းမာရေးစစ်ဆေးပေးခဲ့ပြီး လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက ဆန်၊ ခြင်ထာင်၊ စောင်၊ တီရှပ်၊ ကျားဝတ်/ မဝတ်လုံချည်များနှင့် မီးဖိုချောင်သုံး ပစ္စည်းများကို ထောက်ပံ့ပေးခဲ့ကာ  နေရပ်သို့ ပို့ဆောင်ပေးခဲ့ကြောင်း သိရ သည်။
ပြန်လည် ၀င်ရောက်လာသူ ငါးဦးအား ပြန်လည် လက်ခံရေးနှင့် NV ကတ် ပြုလုပ်ပေးရေး ဆောင်ရွက်ရာ  သို့ မောင်တောခရိုင် အထွေထွေ အုပ်ချုပ်ရေး ဦးစီးဌာန၊ ဒုတိယခရိုင် အုပ်ချုပ်ရေးမှူးဦးရဲထူး၊ မောင်တော မြို့နယ် အုပ်ချုပ်ရေးမှူး ဦးမြင့်ခိုင်၊ တောင်ပြိုလက်ဝဲမြို့ အုပ်ချုပ်ရေးမှူး၊ နယ်ခြားစောင့်ရဲတပ်ဖွဲ့မှ ရဲမှူးကြီး ဥက္ကာကို၊ လူဝင်မှုကြီးကြပ်ရေးနှင့် မှတ်ပုံတင်ရေးဦးစီးဌာန ညွှန်ကြားရေးမှူး ဦးကိုကိုသော်၊ ဒုတိယ ညွှန်ကြား ရေးမှူး ဦးအောင်ဝင်းဦးနှင့် ဌာနဆိုင်ရာဝန်ထမ်းများက လိုအပ်သည်များ ဖြည့်ဆည်း ဆောင်ရွက်ပေး ခဲ့ကြောင်း သိရသည်။
ယခုပြန်လည်ဝင်ရောက်လာသည့်မိသားစုဝင် ငါးဦးအား မောင်တောမြို့ပေါ် ရှိ ၎င်းတို့၏ ဆွေမျိုးများ အိမ်၌ ယာယီနေရာချထား ပို့ဆောင်ပေး ခဲ့ကြောင်းနှင့် ဖြစ်စဉ်ကြောင့် နေရပ်စွန့်ခွာစဉ် ကြုံတွေ့ခဲ့ရသည့် အခက် အခဲများ၊  အခြားမိသားစုဝင်များ၏ အခြေအနေမှန်ကို တွေဆုံမေးမြန်းပြီး ပြန်လည်လက်ခံရေး လုပ်ငန်းစဉ် အတွက် အထောက် အကူပြုနိုင်မည့် အချက်များကို ဆက်လက် စုံစမ်းဆောင်ရွက်သွားမည်ဖြစ်ကြောင်း သိရှိရသည်။
(အောင်ကျော်ဦး ၊ တင်စိုး)
Share:

တပ်မတော်ကို လိင်ပိုင်းဆိုင်ရာ ပြစ်မှုကျုးလွန်တဲ့ နာမည်ပျက်စာရင်းတွင် ကုလ ထည့်သွင်း

အသစ်ထုတ်ပြန်မယ့် လိင်ပိုင်းဆိုင်ရာ အကြမ်းဖက်မှုကျုးလွန်သူ အစိုးရနဲ့ လက်နက်ကိုင်အဖွဲ့များ ကုလသမဂ္ဂ နာမည်ပျက်စာရင်းမှာ မြန်မာ့တပ်မတော်ကို ထည့်သွင်းထားဖော်ပြထားတယ်လို့ ဧပြီ ၁၃ ရက်နေ့က AP သတင်းမှာ ဖော်ပြထားပါတယ်။
ကုလသမဂ္ဂ လုံခြုံရေးကောင်စီမှာ အတွင်းရေးမှူးချုပ် အန်တိုနီယို ဂူတားရက်စ်က တင်ပြဖို့ ပြင်ဆင်ထားတဲ့ ဒီအစီရင်ခံစာကို AP သတင်းဌာနက ကြိုတင်မိတ္တူတစောင်ရရှိ ခဲ့တာဖြစ်ပြီး  မြန်မာ့တပ်မတော်ဟာ ပဋိပက္ခတွေအတွင်း အဓမ္မပြုကျင့်မှုနဲ့ တခြား လိင်ပိုင်းဆိုင်ရာ အကြမ်းဖက်မှုတွေကို ကျူးလွန်တယ်လို့ အလွန်ယုံကြည်ရလောက်အောက် သံသယရှိထားကြောင်း၊ ဒါ့ကြောင့် ဒီနာမည်ပျက်စာရင်းမှာ ပထမဆုံး ထည့်သွင်းဖော်ပြခံရတာဖြစ်ကြောင်း သတင်းမှာ ရေးသားထားပါတယ်။
ဒီလိုပြစ်မှုတွေကို မြန်မာ့တပ်မတော်က ဒေသခံ ပြည်သူ့စစ်တွေနဲ့အတူ ၂ဝ၁၆ အောက်တိုဘာလကနေ ၂ဝ၁၇ သြဂုတ်လကာလအတွင်း ရခိုင်ပြည်နယ်မြောက်ပိုင်း နယ်မြေရှင်းလင်းရေး စစ်ဆင်ရေးတွေမှာ ကျုးလွန်ခဲ့ တယ်လို့ သံသယရှိကြောင်း ကုလသမဂ္ဂအတွင်းရေးမှူးချုပ်ရဲ့ အစီအရင်ခံစာမှာ ဖော်ပြထားပါတယ်။  
ဒီအစီရင်ခံစာကို တနင်္လာနေ့မှာ ကုလသမဂ္ဂလုံခြုံရေးကောင်စီမှာ ကျင်းပမယ့် ပဋိပက္ခတွေအတွင်း လိင်ပိုင်းဆိုင်ရာ အကြမ်းဖက်မှုတွေ ကာကွယ်ရေးဆိုင်ရာ အစည်းအဝေးမှာ တင်ပြမှာဖြစ်ပြီး မြန်မာ့တပ်မတော် အပါအဝင် အစိုးရနဲ့ လက်နက်ကိုင်အဖွဲ့အစည်း ၅၁ ဖွဲ့ကို စာရင်းထဲမှာ နာမည်ပျက်ဖော်ပြထားတယ်လို့ သိရပါတယ်။
Share:

မြန်မာစစ်တပ်က လိင်ပိုင်းဆိုင်ရာ အနိုင်ကျင့်လို့ ကုလပြောကြား

ကမ္ဘာတဝှမ်း လက်နက်ကိုင်ပဋိပက္ခတွေအတွင်း လိင်ပိုင်းဆိုင်ရာအနိုင်ကျင့်စော်ကားမှုကျုးလွန်သူတွေရဲ့ အမည်မည်းစာရင်းထဲ ပထမဆုံးအကြိမ်အဖြစ် မြန်မာစစ်တပ်ကို ကုလသမဂ္ဂက ထည့်သွင်းလိုက်ပါတယ်။ မြန်မာစစ်တပ် အကြီးအကဲတွေအနေနဲ့ အခုလို ကုလသမဂ္ဂရဲ့ ထုတ်ပြန်ချက်နဲ့ပတ်သက်ပြီး အလေးအနက်ထား စုံစမ်းစစ်ဆေးဖို့ နိုင်ငံရေးအကဲခတ်တွေက တိုက်တွန်းပါတယ်။ လိင်ပိုင်းဆိုင်ရာအနိုင်ကျင့်စော်ကားခံ ခဲ့ရသူတွေနဲ့မိသားစုတွေ နစ်နာမှုတွေအတွက်လည်း ကျေနပ်လောက်အောင် ဆောင်ရွက် ပေးဖို့ ဘင်္ဂလားဒေ့ရှ် ကို ထွက်ပြေးသွားတဲ့ဒုက္ခသည်တွေကလည်း တောင်းဆိုပါတယ်။ အသေးစိတ် မဆုမွန်က ဆက်ပြောပြပါမယ်။
လက်နက်ကိုင်ပဋိပက္ခတွေအတွင်း လိင်ပိုင်းဆိုင်ရာ အနိုင်ကျင့်စော်ကားမှုတွေ ကျုးလွန်သူတွေရဲ့ အမည်မည်းစာရင်းထဲ ပထမဆုံး အကြိမ်အဖြစ်နဲ့ မြန်မာစစ်တပ်ကို ကုလသမဂ္ဂက ထည့်သွင်းလိုက်ပါတယ်။ အထူးသဖြင့်ကတော့ ရခိုင်ပြည်နယ် မြောက်ပိုင်းက ရိုဟင်ဂျာတွေအပေါ် သူတို့နေရပ်ရင်းတွေ ကနေ ထွက်ပြေးသွားကြအောင် ထိတ်လန့်တုန်လှုပ်အောင် ဒဏ်ခတ်တဲ့အနေနဲ့ လိင်ပိုင်း ဆိုင်ရာ စော်ကားတဲ့ မဟာဗျုဟာကို ကျင့်သုံးခဲ့ကြောင်း ကုလ သမဂ္ဂ လုံခြုံရေးကောင်စီကို တင်သွင်းခဲ့တဲ့ အတွင်းရေးမှူးချုပ် Antonio Guterres ရဲ့ အစီရင်ခံစာက ဖော်ပြခဲ့တာပါ။
၂၀၁၆ အောက်တိုဘာလနဲ့ ၂၀၁၇ သြဂုတ်လတွေတုန်းက ဖြစ်ပွားခဲ့တဲ့ ရခိုင်ပြည်နယ်မြောက်ပိုင်း အကြမ်းဖက်တိုက်ခိုက်မှုတွေ အတွင်း မြန်မာစစ်တပ်နဲ့ လုံခြုံရေးတပ်ဖွဲ့ဝင်တွေရဲ့ နယ်မြေရှင်းလင်းမှုတွေမှာ ရိုဟင်ဂျာမူဆလင်တွေအပေါ် ရက်စက်ကြမ်းကြုတ် လှတဲ့ လိင်ပိုင်းဆိုင်ရာအကြမ်းဖက်မှုတွေ၊ မတရား ပြုကျင့်မှုတွေလုပ်ဆောင်ခဲ့သလို ရိုဟင်ဂျာတွေ နေရပ်ကနေ ထွက်ပြေးအောင် လုပ်ခဲ့သလို နေရပ်ပြန်မလာရဲအောင်ပါ စနစ်တကျ တွက်ချက် လုပ်ဆောင်ခဲ့ ကြောင်းလည်း ကုလအတွင်းရေးမှူးချုပ်က စွပ်စွဲပြောဆိုထားပါတယ်။
အခုလိုမျိုး မြန်မာ့တပ်မတော်အပေါ် ကုလသမဂ္ဂက ပထမဆုံးအကြိမ် လိင်ပိုင်းဆိုင်ရာအကြမ်းဖက် အနိုင်ကျင့်စော်ကား တဲ့စာရင်းထဲ ထည့်သွင်းလိုက်တဲ့ အပေါ် မြန်မာ့စစ်တပ်အကြီးအကဲတွေအပါအဝင် မြန်မာအစိုးရ တာဝန်ရှိသူတွေအနေနဲ့ ဒီအဖြစ်အပျက်အပေါ် အလေးအနက်ထား စုံစမ်းစစ်ဆေးသင့်ပြီ လို့မြန်မာ့နိုင်ငံရေးအကဲခတ်ဒေါက်တာခင်ဇော်ဝင်းက သုံးသပ်ပါတယ်။
“ဒီ report က တော်တော်လေးကို ပြင်းထန်တယ်။ တခါမှ ဒါမျိုး အရင်က မလုပ်ဖူးဘူး။ နောက်ပြီးတော့ အဲဒါအပြင် အထွေထွေ အတွင်းရေးမှူးချုပ် Antonio Guterres ပြောတဲ့ဝေါဟာရ၊ စကားအသုံးအနှုန်းတွေက တော်တော်ကို ပြင်းထန်တယ်။ အာရှမှာ ဆိုရင် တို့တနိုင်ငံတည်းပဲ။ ကျန်တဲ့ နိုင်ငံတွေ အားလုံးဟာ အာဖရိက ဆိုးဆိုးဝါးဝါးနေရာတွေ၊ ပြီးတော့လည်း အရှေ့အလယ်ပိုင်း နေရာတွေ၊ အဆိုးဆုံးကတော့ ဘာပြောတယ် မှတ်တုံး။ ဘိုကိုဟာရမ်၊ နိုင်ဂျီးရီးယားက အကြမ်းဖက်အဖွဲ့လေ။ ကဲ- အဲဒါနဲ့ တန်းတူ ဖြစ်သွားပြီ။ တော်ရုံတန်ရုံလူဆိုလို့ရှိရင် ရှက်လို့ သေမယ်လေကွာ။ ဆိုတဲ့အခါကျတော့ မြန်မာပြည်ရဲ့ တပ်မတော်ဆိုတဲ့ဟာ က ဘယ်လောက်အထိ အခြေအနေဆိုးနေလဲဆိုတာ ကွင်းကွင်းပြနေတာပဲ။ ဒါက NGOs တွေ၊ Human Rights အဖွဲ့တွေက ပြောတာ မဟုတ်ဘူး။ ကုလသမဂ္ဂက ထုတ်တဲ့ report ဖြစ်နေတယ်။ တော်တော်လေးကို ပြင်းထန်တယ်။ ဒါကို သူတို့အနေနဲ့ ကိုင်တွယ်မယ်၊ Atonement ပေါ့ကွာ၊ ဒီဥစ္စာကို ပြေပြစ်အောင် လုပ်မယ်ဆိုရင်တော့ တကယ်ကို အောက်ခြေကနေ စပြီးတော့ လုပ်ရလိမ့်မယ်။ အခု နိုင်ငံတော်အတိုင်ပင်ခံ ပုဂ္ဂိုလ်ပြောနေသလို ‘ မဟုတ်ပါဘူး၊ ဒါတွေက အမှားတွေပါ၊ ဘာ..ညာ’ လျှောက်ပြီးတော့ ဝေ့လည်ကြောင်ပတ် လုပ်နေလို့ အလကားပဲ။ ကာယကံရှင် ဖြစ်တဲ့ စစ်တပ်ရဲ့ဦးစီးချုပ်ကလည်း ဒီဥစ္စာတွေကို သူ့အနေနဲ့က ဘယ်လို လုပ်မလဲဆိုတာ ကြေညာရတော့မယ်။ ဘာလို့လဲဆို ဒီဥစ္စာက မြန်မာပြည်နဲ့ မြန်မာပြည်စစ်တပ်ရဲ့ အနာဂါတ်ကို ညွှန်း နေပြီ။ တော်တော်လေးကို ဒီဥစ္စာက ပြင်းထန်တယ်။”
အကြမ်းဖက်တိုက်ခိုက်မှုတွေကြောင့် ဘင်္ဂလားဒေ့ရ်ှဘက် ထွက်ပြေးတိမ်းရှောင်သွားသူတွေထဲ လိင်ပိုင်းဆိုင်ရာအနိုင်ကျင့် စော် ကား ခံရသူတွေ မတရား ပြုကျင့်ခံရတဲ့ မူဆလင်အမျိုးသမီးတွေ မိန်းကလေးငယ်တွေ မြောက်မြားစွာပါဝင်ပြီး အခုချိန်အထိ စိတ် ပိုင်းဆိုင်ရာ ထိခိုက်မှုတွေနဲ့အတူ မလုံခြုံမှုတွေကို ခံစားနေရဆဲဖြစ်တယ်လို့ ဘင်္ဂလားဒေ့ရှ် ရောက် ဒုက္ခသည်တွေက ပြောပါတယ်။ ဘင်္ဂလားဒေ့ရ်ှနိုင်ငံ ကော့ဇက်ဘဇားအနီးက ဘာလုခါလီ ဒုက္ခသည် စခန်းနေ ဦးအီစလံက သူကိုယ်တိုင်တွေ့ကြုံခဲ့ရတဲ့ အဖြစ် အပျက်တွေနဲ့ပတ်သက်လို့ အခုလိုပြောပြပါတယ်။
“အများကြီးပဲ၊ အဲဒီလို လိင်ပိုင်းဆိုင်ရာအကြမ်းဖက်ခံရတဲ့ အမျိုးသမီးတွေ အများကြီးရှိပါတယ်ခင်ဗျာ။ ဒီ ဘာလုခါလီ ဒုက္ခသည် စခန်း နဲ့ ကူတူ ပလောင် စခန်းမှာလည်း ရှိသေးတယ်။ ကျနော်ကိုယ်တိုင် မြင်တွေ့ခဲ့တာပါ။ သူတို့က ရွာတရွာကို ဝိုင်းလိုက်တယ်၊ ဝိုင်းပြီးတော့ အမျိုးသမီးနဲ့ ယောက်ကျား လေးတွေကို သီးသန့်ခွဲလိုက်တယ်။ အုပ်စုလိုက် ခွဲထားတယ်။ အဲဒီကရွေးပြီးတော့ အဓမ္မ ပြုကျင့်တာ၊ အဲလို လိင်ပိုင်းဆိုင်ရာ စော်ကားတာ။ နောက် မဖွယ်မရာလုပ်တာ။ တချို့အမျိုးသမီးတွေဆို ထမိန်ချွတ်တယ်။ နောက် ခန္ဓာတကိုယ်လုံးကို လက်နဲ့ ပိုက်ဆံရှာသလို၊ ရွှေငွေရှာသလို လက်နဲ့ ညှစ်တာရှိတယ်။ နောက် အများကြီးပဲ အဓမ္မကျင့်ခံရတယ်။ ကျနော်တို့ရဲ့ ဘာလုခါလီ-ဝမ်းမှာလည်း အများကြီးပဲ။ ကျနော်နေခဲ့တဲ့နေရာမှာလည်း အများကြီး ရှိတယ်။ နောက် တခြားနေရာ မှာလည်း အများအပြား ရှိသေးပါတယ်ခင်ဗျ။”
မြန်မာစစ်တပ်ကတော့ နိုင်ငံတကာက စွပ်စွဲနေသလို လူ့အခွင့်အရေး ချိုးဖောက်မှုတွေ မရှိကြောင်းနဲ့ ကျုးလွန်သူတွေကိုလည်း ဖော်ထုတ် အရေးယူ တာတွေ ရှိကြောင်း ပြောဆိုထားသလို၊ ဒီသီတင်းပတ်ထဲမှာပဲ မြန်မာစစ်တပ်က အရာရှိနဲ့စစ်သည် ၇ ဦးကို စစ်တပ်က ထုတ်ပယ်ပြီး ထောင်ဒဏ် ၁၀ နှစ် အပြစ်ပေးလိုက်ကြောင်း ကြေညာခဲ့ပါတယ်။ ဒါပေမဲ့ အခုလို ကုလအတွင်းရေးမှူးချုပ် ကိုယ်တိုင်က သတင်းအတိအကျပြောဆိုလာတဲ့ အပေါ်မှာ တော့ မြန်မာ စစ်တပ်တာဝန်ရှိသူတွေဘက်က ဖြစ်ရပ်တွေကို စုံစမ်း စစ်ဆေးသင့်သလို တရားဥပဒေပိုင်းအရ စီရင်ဆုံးဖြတ်ပေးသင့်တယ်လို့လည်း ဒေါက်တာခင်ဇော်ဝင်းကပြောပါတယ်။
“တိုင်းပြည်အတွက်ကော၊ စစ်တပ်အတွက်ကောရဲ့အနာဂါတ်ကိုကော လူကြီးဆန်ဆန်ကြည့်မယ်ဆိုရင် ဒီဥစ္စာတွေက လုပ်ရတော့ မှာပဲ။ ငြင်းဆန်နေလို့၊ ဘူးခံနေလို့ဆိုရင်တော့ မှားပြီးရင်း မှားအုံးမှာပဲ။ ဒီဥစ္စာကိုပြောချင်တာ နံပါတ်တစ်က ရင်ဆိုင်ပါ။ နောက်ပြီး တော့ ခံစားခဲ့ရတဲ့လူတွေက သူတို့ဘက်က ကြည့်ပြီးတော့ သူတို့ကျေနပ်အောင် လုပ်ပေးပါ။ ဒီနှစ်ခုပဲ၊ စစ်သား စစ်ဗိုလ်ဆိုလို့ရှိရင် ဒီဥစ္စာကို ရင်ဆိုင်ပြီးတော့ ကိုင်တွယ်ပါ။ ဒီတခုပဲ ကိုယ်ပြောချင် ပါတယ်။”
ရခိုင်ပြည်နယ်မြောက်ပိုင်းက တကျော့ပြန် ပဋိပက္ခတွေကြောင့် အ်ိမ်နီးချင်း ဘင်္ဂလားဒေ့ရ်ှနိုင်ငံကို ထွက်ပြေးခဲ့ကြရတဲ့ ဒုက္ခသည် ၇ သိန်း လောက်အနက် အများစုဟာ ပြင်းထန်တဲ့ လိင်ပိုင်းဆိုင်ရာ အနိုင်ကျင့် စော်ကားမှုတွေကြောင့် စိတ်ပိုင်း၊ ရုပ်ပိုင်း ဝေဒနာတွေ ခံစားနေကြရဆဲ ဖြစ်ကြောင်းလည်း ဘင်္ဂလားဒေ့ရ်ှနိုင်ငံမှာ ဒုက္ခသည်တွေကို ကူညီနေတဲ့ နိုင်ငံတကာ ဆေးဖက်ဆိုင်ရာ ၀န်ထမ်း တွေနဲ့ အကူအညီပေးရေး ၀န်ထမ်းတွေရဲ့ မှတ်တမ်းတွေကို လည်း အစီရင်ခံစာမှာ ကိုးကား ဖော်ပြထားပါတယ်။
မြန်မာစစ်တပ် အပါအ၀င် လက်နက်ကိုင် ပဋိပက္ခတွေအတွင်း လိင်ပိုင်းဆိုင်ရာ အနိုင်ကျင့်စော်ကားမှုတွေ ကျုးလွန်တယ်လို့ စာရင်း သွင်းခံထားရတဲ့ အစိုးရတွေ၊ လက်နက်ကိုင်အဖွဲ့တွေနဲ့ အစွန်းရောက်အုပ်စု စုစုပေါင်း ၅၁ ခုနဲ့ ပတ်သက်လို့ တနင်္လာနေ့ လုံခြုံရေး ကောင်စီမှာ အာရုံစိုက် ဆွေးနွေး လိမ့်မယ်လို့လည်း မျှော်လင့်ရပါတယ်။
သိန်းချီတဲ့ ရိုဟင်ဂျာမူဆလင်တွေကို မြန်မာနိုင်ငံကနေ ဘင်္ဂလားဒေ့ရ်ှဘက် မောင်းထုတ်နေတယ် ဆိုတဲ့ စွပ်စွဲချက်နဲ့ အပြည်ပြည် ဆိုင်ရာ ရာဇဝတ်ပြစ်မှု ဆိုင်ရာခုံရုံး ICC က စုံစမ်းစစ်ဆေးခွင့်ပြုဖို့ ICC ရှေ့နေချုပ် က တောင်းဆိုထားသလို အခုလို ကုလသမဂ္ဂ အတွင်းရေးမှူးချုပ်ကိုယ်တိုင် မြန်မာစစ်တပ်ရဲ့ ရိုဟင်ဂျာတွေအပေါ် လိင်ပိုင်းဆိုင်ရာအကြမ်းဖက်လုပ်ရပ်တွေနဲ့ပတ်သက်လို့ အစီ ရင်ခံစာထုတ်ပြန်ပြောဆိုချက်ခဲ့တဲ့အတွက် ရခိုင်ပြည်နယ်မြောက်ပိုင်းက ရိုဟင်ဂျာတွေအရေး မြန်မာအစိုးရအနေနဲ့ လက်တွေ့ကျတဲ့ ဖြေရှင်းဆောင်ရွက်မှုတွေဆောင်ရွက်သင့်ပြီလို့လည်း အကဲခတ်တွေက တိုက်တွန်းပါတယ်။
Share:

“နိုင်ငံတော်အတိုင်ပင်ခံပုဂ္ဂိုလ်အနေနဲ့ သူ ချေပတာနဲ့ သူ ဒီနေ့ ထုတ်ပြန်တဲ့ဟာက လွဲနေတယ်” (ဒေါက်တာခင်ဇော်ဝင်း)

              (ဒေါက်တာခင်ဇော်ဝင်း)
အခုလို နိုင်ငံတော်အတိုင်ပင်ခံပုဂ္ဂိုလ် ထုတ်ပြန်တဲ့ ICC အရေးကြေညာချက်နဲ့ပတ်သက်ပြီး အစိုးရအနေနဲ့ ဖြစ်စဉ်တွေကို ငြင်းချက်ထုတ်နေရုံနဲ့မပြီးပဲ လိမ်မာပါးနပ်စွာကိုင်တွယ်ဖြေရှင်းသင့်ပြီလို့ မြန်မာ့အရေးလေ့လာအကဲခတ် ဒေါက်တာခင်ဇော်ဝင်းက သုံးသပ်ပါတယ်။
” ဒီRome Statute ဆိုတဲ့စာချုပ်ကို မြန်မာက လက်မှတ်မထိုးထားဘူး မှန်တယ်။ အဲ့တာကို ကိုယ့်အပေါ် သက်ရောက်မှုမရှိဘူး သို့သော် အခုသူတို့ပြောထားတဲ့အကြောင်းက သူတို့အမြင်အရဆိုလို့ရှိရင် အတင်းအဓမ္မနှင်ထုတ်လိုက်တဲ့ လူခြောက်သိန်းကျော်က ဘင်္ဂလားဒေ့ရ်ှဘက်ကို ရောက်သွားတယ်။ ဘင်္ဂလားဒေ့ရ်ှက Rome Statute ကို လက်မှတ်ထိုးထားတဲ့ နိုင်ငံဖြစ်တယ်။ အဲ့တာကြောင့်မို့လို့ ဒါကို စုံစမ်းပြီးတော့ တရားစီရင်မှာ။ ဒါကို နိုင်ငံတော်အတိုင်ပင်ခံပုဂ္ဂိုလ်အနေနဲ့ သူ ချေပတာ နဲ့ သူဒီနေ့ ထုတ်ပြန်တဲ့ဟာက လွဲနေတယ်။ ဟိုဘက်က သေချာကို စဉ်းစားပြီးတော့ လုပ်တဲ့ကိစ္စ။ ဇစ်မြစ်အနေနဲ့ ဘယ်က ရောက်လာလဲဆိုတဲ့နိုင်ငံကရော တာဝန်မရှိဘူးလား။ ထည့်စဉ်းစားရမယ်လေ။ ဟာ ကျနော်တို့က Rome Statute ထဲ မပါတဲ့အတွက် မဆိုင်ဘူး အဲ့လိုသွားလုပ်လို့မရဘူး။ Sophistication ရှိရမယ်။ လိမ်မာပါးနပ်ပြီးတော့ ဒီကမ္ဘာ့အဖွဲ့အစည်းတွေ ဘယ်လိုလည်ပတ်လဲဆိုတာ သူတို့သိဖို့လိုနေတယ်။ ဒီဟာက သမိုင်းဝင်တဲ့ကိစ္စဖြစ်နေတယ်နော်။ မြန်မာပြည် လွတ်လပ်ရေးရလာတာ နှစ်ပေါင်း ၇၀ ကျော်ပြီ။ တခါမှ တို့တွေ ICC နဲ့ မငြိဘူးဖူး။ အခုက ဖြစ်နေပြီ။ ကိုယ်က တရားခံဖြစ်နေပြီ။”
အခုလို ရခိုင်ပြည်နယ်တွင်းက လူ့အခွင့်အရေးချိုးဖောက်မှုတွေနဲ့ပတ်သက်လို့ ICCလို တရားခုံရုံးတွေဘက်က စုံစမ်းစစ်ဆေးဖို့ လျှောက်ထားချက်တွေအပါအဝင် ကုလသမဂ္ဂနဲ့ နိုင်ငံတကာရဲ့ဖိအားတွေကို ရင်ဆိုင်နေရချိန်မှာ မြန်မာအစိ်ုးရအနေနဲ့ ကုလသမဂ္ဂလုံခြုံရေးကောင်စီနဲ့ လူ့အခွင့်အရေးအဖွဲ့တွေ နိုင်ငံတကာသတင်းမီဒီယာတွေကို မြေပြင်အထိ လွတ်လွတ်လပ်လပ် ကွင်းဆင်းလေ့လာမှုတွေကို ခွင့်ပြုသင့်သလို အပြုသဘောဆောင်တဲ့ ချှုဉ်းကပ်မှုတွေနဲ့ ပုးပေါင်းဆောင်ရွက်သင့်ပြီလို့လည်း ဒေါက်တာခင်ဇော်ဝင်းက ပြောပါတယ်။
” ကျနော့်အနေနဲ့ ပြောမယ်ဆိုရင် အစောကြီးကတည်းက ကုလသမဂ္ဂက လွှတ်မယ့်အဖွဲ့တွေနဲ့ ဒေါ်စုအနေနဲ့ ပူးပေါင်းဆောင်ရွက်ဖို့ သင့်တယ်။ အဲ့လိုမျိုး ဗြောင်ကြီးပဲ သူ့အနေနဲ့ ငြင်းနေတဲ့အတွက် တဆင့် တဆင့်ပြီး တဆင့် တိုးလာတာ။ UN Security Council တို့ Fact-finding missions တို့ လာမယ်ဆိုကတည်းက လက်သင့်ခံသင့်တယ်လို့ပြောတယ်။ Special Rapporteur လက်ခံသင့်တယ်။ မြန်မာပြည်က ဘူးခံနေတယ်။ နည်းနည်းလေးတော့ အင်္ဂလိပ်လိုပြောမယ်ဆိုရင်တော့-Sophistication ပေါ့လေနော် ပါးနပ်မှုရှိရမယ် လိမ်မာပါးနပ်မှု လိုတယ်။ အဲ့တာက တော်တော်လေးကို နေပြည်တော်မှာ လစ်ဟင်းနေတယ်။”
ရခိုင်မြောက်ပိုင်းက သိန်းချီတဲ့ဒုက္ခသည်တွေ ထွက်ပြေးလာတဲ့အရေးကတော့ Rome Statute ကိုလက်မှတ်ရေးထိုးထားတဲ့ ဘင်္ဂလားဒေ့ရှ် နိုင်ငံနဲ့ လက်မှတ်ရေးထိုးမထားတဲ့ မြန်မာနိုင်ငံနဲ့ နယ်စပ်ဖြတ်ကျော် ဖြစ်ပွါးတဲ့ အခြေအနေဖြစ်နေတဲ့ အတွက် ICC ခုံရုံးရဲ့ စစ်ဆေးပိုင်ခွင့် တောင်းခံခြင်းဟာ Rome Statute စာချုပ်နဲ့ ကိုက်ညီ အကြုံးဝင်ပြီး ICC ရဲ့ ဦးတည်ချက် ဖြစ်တဲ့ ဆိုးဝါးတဲ့ နိုင်ငံတကာ ရာဇဝတ်မှု ကျူးလွန်သူတွေကို အရေးယူနိုင်မှာ ဖြစ်လို့ ရှေ့နေချုပ်ဘက်က ရုံးတော်ကို လျှောက်ထားတာဖြစ်ကြောင်းနဲ့ Rome Statute ရဲ့ အက်ဥပဒေ ၇ (၁) ဃ အရ လူမျိုးစုကို အတင်းအဓမ္မ ရွှေ့ပြောင်းမှုကို ဟန့်တားထားတဲ့ ICC ရဲ့ ရာဇဝတ်မှု သတ်မှတ်ချက်တွေနဲ့ မြန်မာစစ်တပ်က ရိုဟင်ဂျာ လူဦးရေ ထက်ဝက်နီးပါးကို ရွာမီးရှို့၊ သေနတ်နဲ့ပစ်၊ အဓမ္မပြုကျင့်မှုတွေနဲ့ အတင်းအဓမ္မ နှင်ထုတ်ခဲ့တယ် ဆိုတဲ့ စွပ်စွဲမှုတွေနဲ့ ကိုက်ညီနေကြောင်း ရှေ့နေချုပ်ရဲ့ လျှောက်ထားချက်မှာ ဖေါ်ပြပါရှိပါတယ်။
(သတင်းအပြည့်အစုံ ဖတ်လိုပါက https://burmese.voanews.com/a/4346511.html)
Share:

ရိုဟင်ဂျာများအတွက် လုံခြုံသည့်နယ်မြေတစ်ခု တည်ထောင်ပြီး အိန္ဒိယ၊ တရုတ်နှင့် အာဆီယံနိုင်ငံ စောင့်ကြည့်ရန် လိုအပ်ဟု ဘင်္ဂလားဒေ့ရှ် နိုင်ငံခြားရေးဝန်ကြီးပြော

Posted on February 09, 2019   အိန္ဒိယဝန်ကြီးချုပ် မိုဒီနှင့် ဘင်္ဂလားဒေ့ရ်ှနိုင်ငံခြားရေးဝန်ကြီး မိုမန်တို့ ဖေဖော်ဝါရီလ (၇)...

Blog Archive

Theme Support

Need our help to upload or customize this blogger template? Contact me with details about the theme customization you need.