10 April, 2018

၂၀၀၈ ဖွဲ့စည်းပုံ အခြေခံဥပဒေ ပြင်မရအောင် ပြုလုပ်ထားကြောင်း နားလည် လာသည်ဟု ဦးဝင်းထိန် ၀န်ခံ

၂၀၀၈ ဖွဲ့စည်းပုံ အခြေခံဥပဒေသည် မည်သို့မျှ ပြင်မရအောင် ပြုလုပ်ထားသော ဥပဒေတစ်ခုအဖြစ် တဖြည်းဖြည်း သဘောပေါက်လာသည်ဟု အ မျိုးသားဒီမိုကရေစီ အဖွဲ့ချုပ် သဘာပတိအဖွဲ့ဝင် ဦးဝင်းထိန် က ပြောသည်။
‘‘ပုဒ်မ ၄၃၆ ရဲ့အဓိကကန့် သတ်ချက်က ဖွဲ့စည်းပုံအခြေခံ ဥပဒေပြင်ချင်ရင် ၇၅ ရာခိုင်နှုန်း ကျော်ထောက်ခံမှ ပြင်လို့ရမယ်။ အဲဒီတော့ လွှတ်တော်ထဲမှာ ၂၅ ရာခုိုင်နှုန်းက တပ်မတော်သား တွေ၊ ကျန်တာက ပါတီတွေဆို တော့ ကျွန်တော်တို့ NLD တစ်ခု တည်းတောင် ၇၅ ရာခိုင်နှုန်း မပြည့်ဘူး။ တိုင်းရင်းသားပါတီ တွေရှိတယ်။ ဒါကြောင့် ဒီဖွဲ့စည်း ပုံဟာ လုံးဝပြင်မရအောင်လုပ် ထားတဲ့ဖွဲ့စည်းပုံလို့ တဖြည်း ဖြည်းနဲ့သဘောပေါက်လာတယ်’’ ဟု ဦးဝင်းထိန်က ပြောသည်။
ဧပြီ ၇ ရက်က နေပြည်တော် ရှိ အပြည်ပြည်ဆိုင်ရာ ကွန်ဗင်းရှင်းဗဟိုဌာန၌ပြုလုပ်သော အမျိုး သားဒီမိုကရေစီအဖွဲ့ချုပ်၏ဒုတိ ယအကြိမ်နိုင်ငံလုံးဆိုင်ရာလူငယ် ညီလာခံအဖွင့်မိန့်ခွန်းတွင် ၎င်းက ထည့်သွင်းပြောကြားသည်။
အမျိုးသားဒီမိုကရေစီအဖွဲ့ ချုပ်သည် ဖွဲ့စည်းပုံအခြေခံဥပဒေ ပြင်ဆင်ရေးပုဒ်မ ၄၃၆ ကို ပြင် ဆင်နိုင်ရေး လူထုဟောပြောပွဲ များဖြင့် စည်းရုံးလှုံ့ဆော်ခဲ့ရာ လက်မှတ်ငါးသန်းအထိ ရရှိခဲ့ သည်။
ပထမအကြိမ်လွှတ်တော် သက်တမ်းတွင် လွှတ်တော်အ တွင်းမှ ဖွဲ့စည်းပုံအခြေခံဥပဒေ ပြင်ဆင်ရေးကြိုးပမ်းမှု၌ တပ်မ တော်သားကိုယ်စားလှယ်များသ ဘောမတူ၍ အရေးကြီးပုဒ်မများ ကို မပြင်ဆင်နိုင်ခဲ့ပေ။ အဆိုပါ အတွေ့အကြုံရှိသော လက်ရှိ သမ္မတဦးဝင်းမြင့်သည်အမျိုးသား ပြန်လည်သင့်မြတ်ရေး ဦးစွာ ဆောင်ရွက်ပြီးမှ အခြေခံဥပဒေ ပြင်ဆင်ရေးအောင်မြင်စွာဆောင် ရွက်နိုင်မည်ဟု လွှတ်တော်ဥက္ကဋ္ဌ ဘ၀က ပြောကြားခဲ့သည်။
‘‘ဒေါ်အောင်ဆန်းစုကြည်က တိုင်းပြည်အပေါ် စေတနာရှိ တယ်။ လုပ်တဲ့လုပ်ငန်းတွေက လည်း မှန်တယ်။ ပြည်သူလူထုက လည်း ထောက်ခံတယ်။ ဒါပေမဲ့ ပြည်ပရဲ့ဖိအားကပိုပိုပြီးများလာ တယ်။ နောက်ပြည်တွင်းလုပ်ငန်း တချို့မှာလည်း အခက်အခဲတွေ အများကြီးရှိတယ်။ ကျွန်တော်တို့ အနီးကပ်နေတဲ့လူတွေအားလုံး သိတယ်။ ဘာကြောင့်လဲဆိုရင် ၂၀၀၈ ဖွဲ့စည်းပုံအခြေခံဥပဒေရဲ့ ကန့်သတ်ချက်တွေကြောင့်ပဲ’’ ဟု ဦးဝင်းထိန်ကဆိုသည်။
ထို့အပြင် ဒေါ်အောင်ဆန်း စုကြည်အနေဖြင့် တိုင်းပြည်အ ပေါ်တွင် ကောင်းအောင်ဆောင် ရွက်နေသည်မှာ မှန်သော်လည်း ဖွဲ့စည်းပုံအခြေခံဥပဒေ၏ ကန့် သတ်ချက်များကြောင့် ရှေ့တိုး ဆောင်ရွက်လိုက်သော လုပ်ငန်း များ နောက်သို့ပြန်ရောက်နေသ လိုဖြစ်နေသည်ဟု ၎င်းကမှတ် ချက်ပြုသည်။
‘‘အဲဒီတော့ ကျွန်တော်တို့ရဲ့ အဓိကရည်မှန်းချက်က အများ ကြီးရှိတယ်။ ငြိမ်းချမ်းရေး၊ နိုင်ငံ တော်ဖွံ့ဖြိုးတိုးတက်ရေး အဲဒါ တွေလုပ်နိုင်ဖို့အတွက် ဖွဲ့စည်းပုံ အခြေခံဥပဒေ ပြင်ဆင်ရေးက အင်မတန်အရေးပါတယ်။ သား တို့၊ သမီးတို့ကဖွဲ့စည်းပုံအခြေခံ ဥပဒေမှာ ဘယ်အချက်တွေက အ နှောင့်အယှက် ပေးနေသလဲ။ ဘယ်အချက်တွေက ပြင်ဖို့လိုသ လဲဆိုတာကို လေ့လာရမယ်’’ ဟု ဦးဝင်းထိန်က NLD လူငယ်များ၊ အဖွဲ့ဝင်များအား တိုက်တွန်း စကားဆိုသည်။
ဒီချုပ်အများစုရထားသည့် လွတ်တော်က အများပြည်သူနှင့် သက်ဆိုင်သော စီးပွားရေး၊ လူမှု ရေးဆိုင်ရာဥပဒေများကို အများစု မဲဖြင့် အတည်ပြုခြင်း၊ ပြင်ဆင် ခြင်းလုပ်၍ရကြောင်း ပြန်ကြား ရေးဝန်ကြီးဟောင်း ဦးရဲထွဋ်က ပြောသည်။ ထို့အတူ သမ္မတက စီးပွားရေး၊လူမှုရေးဆိုင်ရာလုပ် ငန်းများကို မူဝါဒချမှတ်အကောင် အထည်ဖော်ရသည့် ၀န်ကြီး၊ ဒု ၀န်ကြီး၊ ညွှန်ချုပ်များအား စိတ် ကြိုက်ခန့်အပ်၊ ထုတ်ပယ်နိုင် ကြောင်း ၎င်းကပြောသည်။
‘‘ဒီလုပ်ပိုင်ခွင့်နှစ်ခုရှိရဲ့သား နဲ့ စီးပွားရေး၊ လူမှုရေးအခြေအနေ တွေ တိုးတက်အောင်မလုပ်နိုင် တာ ကိုယ်ညံ့လို့ပဲ။ အခြေခံဥပဒေ နဲ့ မဆိုင်ဘူး’’ ဟု ၎င်းကပြော သည်။
သဘာပတိအဖွဲ့ဝင်ဦးဝင်း ထိန်က ပါတီလူငယ်အဖွဲ့ဝင်များ ကို မှာကြားရာတွင် နေရာသည် လုပ်ယူ၍ရသော်လည်း နေရာ တစ်ခုအတွက် အလုပ်မလုပ်ကြ ရန် သတိပေးသည်။
‘‘သို့သော် လုပ်ယူလို့ရတဲ့ နေရာထက် မလုပ်ဘဲနဲ့အလိုလို ရတဲ့နေရာက ပိုတန်ဖိုးရှိတယ်ဆို တာတော့ သားတို့၊ သမီးတို့သတိ ပြုစေချင်တယ်’’ ဟု ဦးဝင်းထိန်က ပြောသည်။
အမျိုးသားဒီမိုကရေစီအဖွဲ့ ချုပ်၏ ထိပ်ပိုင်းခေါင်းဆောင်တစ် ဦးဖြစ်သည့် ဟံသာဝတီဦးဝင်း တင်မကွယ်လွန်မီက ဖွဲ့စည်းပုံအ ခြေခံဥပဒေသည် ပြင်ဆင်၍မရဘဲ ဖျက်သိမ်းပစ်ရမည့် ဥပဒေတစ်ခု ဟု ပြောဆိုခဲ့သည်။
‘‘ကျွန်တော်မြင်တာတော့ ဒီ ဖွဲ့စည်းပုံအခြေခံဥပဒေပြင်တယ် ဆိုတာက နဂိုကတည်းကခက် တယ်ဆိုတာတော့ အားလုံးနား လည်ပြီးသားပဲလေ။ ဖွဲ့စည်းပုံ အ ခြေခံဥပဒေကို ဘောင်ထဲက၀င် ပြင်တာကတော့ ခက်တာပဲ။ သို့ သော်ငြားလည်း ၂၁ ပင်လုံငြိမ်း ချမ်းရေးညီလာခံ အောင်မြင် အောင်လုပ်ရင်း လုပ်ရင်းနဲ့ပဲ ခက် တဲ့ကြားထဲကပဲ ပြုပြင်ပြောင်းလဲ နိုင်ဖို့ ကြိုးစားနေတယ်ဆိုတဲ့ အဓိပ္ပာယ်ကို ပြောချင်တယ်လို့ ကျွန်တော်ထင်ပါတယ်’’ ဟု ၈၈ မျိုးဆက်ငြိမ်းချမ်းရေးနှင့်ပွင့်လင်း လူ့အဖွဲ့အစည်းမှ ဦးဂျင်မီက သုံး သပ်ပြောကြားသည်။
သို့သော် လွှတ်တော်ရော အစိုးရ၌ပါ ဦးဆောင်ထားသည့် ဒီချုပ်သည် ဖွဲ့စည်းပုံအခြေခံ ဥပဒေမပြင်ဆင်ဘဲ ဆောင်ရွက်၍ ရသည့်အချက်များစွာရှိကြောင်း ထောက်ပြမှုများရှိသည်။
ဒီချုပ်လွှတ်တော်သည် နိုင်ငံ တော်၏အတိုင်ပင်ခံဆိုင်ရာ ဥပဒေကိုပြဋ္ဌာန်းပြီး ပုဒ်မ ၅၉(စ)ဖြင့် သမ္မတဖြစ်ခွင့်ပိတ်ပင်ခြင်းခံထား ရသော ဒေါ်အောင်ဆန်းစုကြည် ကို အတိုင်ပင်ခံပုဂ္ဂိုလ်ဖြစ်စေခဲ့ သည့်အချက်ကို ဥပမာပေးသူများ လည်းရှိသည်။
.
Credit… 7 Day News Journal
Share:

0 comments:

Post a Comment

ရိုဟင်ဂျာများအတွက် လုံခြုံသည့်နယ်မြေတစ်ခု တည်ထောင်ပြီး အိန္ဒိယ၊ တရုတ်နှင့် အာဆီယံနိုင်ငံ စောင့်ကြည့်ရန် လိုအပ်ဟု ဘင်္ဂလားဒေ့ရှ် နိုင်ငံခြားရေးဝန်ကြီးပြော

Posted on February 09, 2019   အိန္ဒိယဝန်ကြီးချုပ် မိုဒီနှင့် ဘင်္ဂလားဒေ့ရ်ှနိုင်ငံခြားရေးဝန်ကြီး မိုမန်တို့ ဖေဖော်ဝါရီလ (၇)...

Blog Archive

Theme Support

Need our help to upload or customize this blogger template? Contact me with details about the theme customization you need.