16 March, 2018

နိုင်ငံတော် အတိုင်ပင်ခံရုံး ထုတ်ပြန်ချက် ဒိုင်းနက်ပါတီ ကန့်ကွက်

နိုင်ငံတော်အတိုင်ပင်ခံရုံးရဲ့ သတင်းထုတ်ပြန်ချက်ဟာ တိုင်းရင်းသားစည်းလုံးညီညွတ်ရေး ကို ပျက်ပြားစေနိုင် တယ်လို့ ဒိုင်းနက်လူမျိုးများ တိုးတက်ရေးပါတီက မတ်လ ၁၅ ရက်နေ့မှာ ကြေညာချက်ထုတ်ပြန် ကန့်ကွက် လိုက်ပါတယ်။
မတ်လ ၁၁ ရက်နေ့မှာ မောင်တောမြောက်ပိုင်း အောင်ဇံရဲကင်းစခန်းမှာ လူ ၅ ဦးက ရဲတပ်ဖွဲ့ဝင် ၅ ဦးကို လုံးထွေးသတ်ပုတ်ပြီး သေနတ် ၃ လက် လုယူသွားခဲ့တဲ့ဖြစ်စဉ်နဲ့ ပတ်သက်ပြီး နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီက မတ် ၁၁ ရက်နေ့နဲ့ ၁၂ ရက်နေ့တွေမှာ ဒိုင်းနက်လူမျိုး ၅ ဦးက လုယူသွား တယ်လို့ သတင်းထုတ်ပြန်ခဲ့တာပါ။
အဲဒီထုတ်ပြန်ချက်နဲ့ ပတ်သက်ပြီး ဒိုင်းနက်လူမျိုးများ တိုးတက်ရေးပါတီဥက္ကဋ္ဌ ဦးအောင်ကျော်ဇောက “သတင်းမှာ ဒိုင်းနက်လူမျိုးငါးဦးက သေနတ်လုတယ်လို့ ဖော်ပြထားတယ်။ ဒါကို ကျွန်တော်တို့က ဒေသခံတွေနဲ့ သေသေ ချာချာ စုံစမ်းတဲ့အခါ ဒိုင်းနက်တွေ မဟုတ်တာကို သိရတယ်။ ဒိုင်းနက်လူမျိုးမှန်ရင်လည်း လိမ်လို့မရဘူး။ ကျနော်တို့က လူနည်းစုပဲရှိတာ။ တယောက်ယောက်က တခုခုလုပ်ရင် ချက်ချင်းသိတယ်။ မြို့မကျောင်းမှာ နေတဲ့ လူ ၃ ယောက်ပါတယ်လို့ သတင်းထုတ်ပြန်ချက်မှာ ပါတယ်။ မြို့မကျောင်းမှာလည်း ကျနော်တို့ ဒိုင်းနက်လူမျိုးတွေ နေတာ တယောက်မှ မရှိပါဘူး။ ကျနော်တို့လူမျိုးတွေနဲ့ ဘာမှမပတ်သက်ဘူး။ နောက်ပြီး ဒိုင်းနက်လူမျိုးတွေထဲမှာ အကြမ်းဖက်အဖွဲ့တွေ၊ လက်နက်ကိုင်တပ်ဖွဲ့တွေနဲ့ ပတ်သက်တာ မရှိဘူး။ အတိုင်ပင်ခံရုံး က ဒီလိုမျိုး သတင်းထုတ်ပြန်ချက်ကြောင့် ကျနော်တို့ လူမျိုး ဂုဏ်သိက္ခာ ထိခိုက်ရတဲ့အတွက် အခုလို ကြေညာချက် ထုတ်ပြန်ကန့်ကွက်ရတာ ဖြစ်တယ်” လို့ ဒီဗွီဘီကို ပြောပါတယ်။
ဒီနေ့ ထုတ်ပြန်တဲ့ ကြေညာချက်မှာ နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီရဲ့ မတ်လ ၁၁ ရက်နဲ့ ၁၂ ရက်နေ့ ထုတ်ပြန်ချက်တွေမှာပါသလို ဒိုင်းနက်လူမျိုးတွေက ပြစ်မှုကျူးလွန်ခဲ့တာ မဟုတ်ကြောင်း၊ ရာဇဝတ်မှုကျူးလွန်တာဟာ ဘယ်သူမဆိုဖြစ်နိုင်ပြီး လူတယောက်ရဲ့ ကျူးလွန်ခဲ့တဲ့ ရာဇဝတ်မှုဟာ လူမျိုးတမျိုး လုံးရဲ့ ကျူးလွန်မှုမဟုတ်ကြောင်း၊ နိုင်ငံတော်အတိုင်ပင်ခံရုံးရဲ့ အလျင်စလို သတင်းထုတ်ပြန်မှုကြောင့် ဒိုင်းနက် လူမျိုးတို့ရဲ့ ဂုဏ်သိက္ခာကို ထိခိုက်စေသလို၊ ဒေသခံ တိုင်းရင်းသားချင်း အထင်အမြင်လွဲနိုင်ကြောင်း၊ တိုင်းရင်းသားစည်းလုံးညီညွတ်မှုကို ထိခိုင်စေတယ်လို့ ယုံကြည်ကြောင်း ဖော်ပြထားပြီး သတင်းထုတ်ပြန်ချက်ကို ပြန်လည်ပြင်ဆင်ပေးဖို့ တောင်းဆိုထားပါတယ်။
မတ်လ ၁၁ ရက်နေ့ ညနေ ၄ နာရီခွဲအချိန်လောက်မှာ မသင်္ကာသူ ၅ ဦးကို နယ်ခြားစောင့် ရဲတပ်ဖွဲ့က အောင်ဇံရဲကင်းစခန်းမှာ ခေါ်ယူစစ်ဆေးတုန်း အဲဒီလူတွေက ရဲတပ်ဖွဲ့ဝင် ၅ ဦးကို လုံးထွေးသတ်ပုတ်ပြီး သေနတ် ၃ လက်ကို လုယူသွားခဲ့တယ်။ သေနတ် ၂ လက်ကို ပြန်ရခဲ့ပေမယ့် လုယူထွက်ပြေးသူ ၅ ဦးနဲ့ သေနတ် ၁ လက်ကိုတော့ ပြန်လည်ဖမ်းဆီးရမိတာမရှိဘဲ ဘင်္ဂလားဒေ့ရ်ှနိုင်ငံဘက်ကို ထွက်ပြေးသွားတယ်လို့ ယူဆတဲ့ အကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်ထားပါတယ်။
ဒိုင်းနက်လူမျိုးများ တိုးတက်ရေးပါတီဟာ ၂၀၁၅ ခုနှစ်မှာ မှတ်ပုံတင်တည်ထောင်ထားတဲ့ မျိုးနွယ်စုတိုင်းရင်းသား ပါတီဖြစ်ပြီး ဒိုင်းနက်တိုင်းရင်းသားအများဆုံးရှိတဲ့ ဘူးသီးတောင်မြို့မှာ ဗဟိုဌာနချုပ် တည်ရှိပါတယ်။ ဘူးသီးတောင် နဲ့ မောင်တောဒေသမှာ ဒိုင်းနက်တိုင်းရင်းသား ဦးရေ လေးထောင်ကျော် ရှိတယ်လို့ သိရပါတယ်။
သတင်း၊ ဓာတ်ပုံ – ကိုအောင်
Share:

0 comments:

Post a Comment

ရိုဟင်ဂျာများအတွက် လုံခြုံသည့်နယ်မြေတစ်ခု တည်ထောင်ပြီး အိန္ဒိယ၊ တရုတ်နှင့် အာဆီယံနိုင်ငံ စောင့်ကြည့်ရန် လိုအပ်ဟု ဘင်္ဂလားဒေ့ရှ် နိုင်ငံခြားရေးဝန်ကြီးပြော

Posted on February 09, 2019   အိန္ဒိယဝန်ကြီးချုပ် မိုဒီနှင့် ဘင်္ဂလားဒေ့ရ်ှနိုင်ငံခြားရေးဝန်ကြီး မိုမန်တို့ ဖေဖော်ဝါရီလ (၇)...

Blog Archive

Theme Support

Need our help to upload or customize this blogger template? Contact me with details about the theme customization you need.