17 December, 2017

လ၀က၏ ခေတ် အဆက်ဆက် ဆောင်ရွက်ချက် အပေါ် အယုံအကြည်မဲ့ရသည့် အဓိကအကြောင်းရင်းများ

၁။ နိုင်ငံ၏အနောက်ဖက်တံခါးပေါက်က ပြဿနာ အမည် ဖြင့် စာအုပ်တစ်အုပ်ကို မှော်ဝန်းသား ဦးခင်ညွှန့်က ထုတ်ဝေ ခဲ့ရာ ထိုစာအုပ်စာမျက်နှာ (၁၁/၁၂)တွင် အာဏာရ ပါတီဖြစ်သော ဖဆပလ အဖွဲ့က ၎င်းတို့ ပါတီအား ထောက်ခံသည့်အမတ်ဦးရေ တိုးပွားရေးကို ရည်သန်လျက် ဘူးသီးတောင်၊ မောင်တော၊ ရသေ့တောင် ဒေသများသို့တရားမ ၀င်ခိုးဝင်သည့် ဘင်္ဂါလီလူမျိုးများအား စီစစ်မှုမပြ လုပ်သည့် အပြင် ၁၉၅၅/၁၉၅၆ ခုနှစ်တွင် အမျိုးသားမှတ်ပုံတင်များထုတ်ပေးခဲ့သည် ကို လည်း တွေ့ရသည်ဟု ဖော်ပြပါရှိ ပါသည်။
၂။ လ၀ကဦးစီးမှူးများကို သင်တန်းပို့ချပေးသည့် လ၀က ဦးစီးမှ အငြိမ်းစားအရာရှိ ကလောင်ရှင် ထေရအောင်က ”နိုင်ငံသားစိစစ်ခံရမည်သူ၏ သက်သေခံကတ်ပြား NVC Card ဘယ်လိုရည်ရွယ် ထုတ်ပေးတာလဲ” ခေါင်းစဉ်ဖြင့် ရေးသားပို့ချသည့်ဆောင်ပါးတွင် နိုင်ငံသားစီစစ်ရေး ကတ်ပြား ထုတ်ပေး ခဲ့ခြင်းနှင့်စပ်လျဉ်း၍အောက်ပါ အတိုင်း ရေးသားပို့ချခဲ့ပါသည်။
“၁၉၈၉ ခုနှစ်၊ နိုင်ငံသားစိစစ်ရေးကတ်ပြား ထုတ် ပေးရေး စီမံချက်သည် ထိုကာလ နိုင်ငံတော် အကြီးအကဲ၏ လမ်းညွှန်ချက်မူအတိုင်း၁၉၉၀ ပြည့်နှစ် ပါတီစုံအထွေထွေ ရွေးကောက်ပွဲတွင် နိုင်ငံသားအမျိုးအစားလက်မှတ် တစ်မျိုးမျိုးကိုင်ဆောင် မဲပေးနိုင်ရေးကိုဦးတည်၍ တိုးတောင်း သောအချိန် အတွင်းဆောင်ရွက်ခဲ့ရသဖြင့် သေချာ စိစစ်နိုင်မှုမရှိဘဲ အလျင်စလိုထုတ်ပေးခဲ့ရပါသည်။
ထိုအထဲမှ အချို့ကိုအကြောင်းကြောင်းကြောင့် ပြန်လည် စစ်ဆေးရသည့်အခါတွင် ဥပဒေလုပ် ထုံးလုပ်နည်း များနှင့် စပ်ဆိုင်သော အထောက်အထားများမပြည့်စုံကြောင်း ပေါ်ပေါက်၍ ဒွိဟသံသယ ဖြစ်နေသောကြောင့် ထိုသူများ၏ သားသမီး ၊ မြေးတုိ့အတွက်  နိုင်ငံသား စိစစ်ဆောင်ရွက်မှုတွင် ဆက်လက်ဒွိဟသံသယဖြစ် ရခြင်းသည် ကာယကံရှင်များအတွက်နှင့် သက်ဆိုင်ရာ ဌာနအတွက် မနှစ်သက်ဖွယ်ဝန်ထုတ်ဝန်ပိုးဖြစ်ရပါသည်။
ထိုအကြောင်းအား ကျော်လွှားနိုင်ရန်နှင့် ဒွိဟသံသယကင်းရှင်းသော ခိုင်မာ သေချာသည့် နောင်တွင် အကြိမ်ကြိမ် ပြန်လည်စိစစ်ရန် မလိုသော လုပ်ငန်းစဉ်ဖြင့်  မြို့နယ်ရုံးက အမှုတွဲတည်ဆောက်၍ ပဏာမစိစစ်ပြီး မြို့နယ်အဆင့်၊ ခရိုင်အဆင့်၊ ပြည်နယ်/တိုင်းဒေသကြီး အဆင့် ၊ ဦးစီးဌာန ရုံးချုပ်အဆင့်၊ နိုင်ငံသားစိစစ်ရေး ကော်မတီ  အဆင့်ဆင့်တို့ဖြင့်ပါ ပေါင်းစီးဆောင်ရွက် ပေးနေပါသည်။ အချို့ဗဟိုအဖွဲ့၏  အဆုံးအဖြတ်ခံခြင်း စေခြင်းကိုပါ ဆက်လက်ဆောင်ရွက်ပေး နေပါသည်ဟု ဖော်ပြထားပါသည်။
၃။ မှော်ဝန်းသား ခင်ညွန့်သည် န၀တအဖွဲ့၏ အတွင်းရေးမှူး(၁) တာဝန်နှင့်အတူ လ၀က၏မူဝါဒနှင့် သက်ဆိုင်သော တာဝန်ကိုပါကိုင်တွယ်ဆောင်ရွက်ခဲ့ သူဖြစ်ရာ ၁၉၅၅ မှ ၁၉၈၅ ခုနှစ်အတွင်းက အမျိုးသား မှတ်ပုံတင်ကတ်ပြားကိုနှစ်ပေါင်း ၃၀ကြာ  ကိုင်ဆောင် ရရှိခဲ့ကြသောပြည်သူပေါင်း (၅)သိန်းခန့်အား ၁၉၈၉ ခုနှစ်၊ ၁၉၉၀ ပြည့်နှစ်အတွင်းက နိုင်(၂) ပုံစံဖြင့် နိုင်ငံသားလျှောက်ထားခွင့်ပြု ခဲ့သော်လည်း နိုင်ငံသား စိစစ်ရေးကတ်ထုတ်ပေးခြင်း မရှိဘဲ ၎င်းတို့ကိုင်ဆောင် ထားကြသော လ၀ကပုံစံ(၂) အမတများကို သိမ်းဆည်း စေပြီးလ၀ကပုံစံ(၃)ယာယီသက်သေခံ လက်မှတ်ကိုသာ ထုတ်ပေးရန် ညွှန်ကြားခဲ့သဖြင့် ၁၉၈၉/၉၀ အတွင်းကပင် နိုင်(၂)ပုံစံဖြင့်နိုင်ငံသား လျှောက်ထား သူများ ကို နိုင် ၆(က) နိုင်ငံသားစိစစ်ရေးကတ်ပြား ကိုစိစစ်ထုတ် ပေးခြင်း မပြုခဲ့ပါ။ (တရားမ၀င် ခိုးဝင်သောဘင်္ဂါလီ လူမျိုးများ အဖြစ် န၀တအတွင်းရေးမှူး(၁)က ထိုစဉ်ကပင် သတ်မှတ် ယူဆခဲ့သဖြင့် နိုင်ငံသား လျှောက်ထား ခဲ့သူ လူ(၅)သိန်းခန့်ကို နိုင် ၆(က) နိုင်ငံသားစိစစ်ရေးကတ် ထုတ်မပေး ခဲ့ခြင်းဖြစ် ကြောင်း ၎င်း၏စာအရတွေ့ရှိရပါသည်။)
၎။ ထေရအောင်၏ဆောင်းပါးတွင် နိုင်ငံတော်အကြီးအကဲ ၏ လမ်းညွှန်ချက်အရ ၁၉၈၉/၉၀ နှစ်များအတွင်းက တိုတောင်းသောအချိန်အတွင်း သေချာစွာစိစစ်မှု မရှိဘဲ အလျင်စလိုထုတ် ပေးခဲ့ရပါသည်ဟု ဖော်ပြချက်မှာ မှော်ဝန်းသား၏စာအုပ်ပါ တိုင်းတစ်ပါးက ရခိုင်ပြည်နယ် သို့ ခိုးဝင်လာသူများမဟုတ်ဘဲ ပြည်တွင်းနေသူများကို ရည်ရွယ်ကြောင်းတွေ့ရှိရသည့်အပြင် လက်တွေ့ ပိုင်းတွင် နိုင် ၆(က)ပျောက်ဆုံး၍ ပြန်လည်လျှောက်ထားရာတွင် ဖြစ်စေ၊ ၎င်း၏သားသမီး(၁၀)နှစ် ပြည့်၊ (၁၈)နှစ် ပြည့်နိုင်ကတ်လျှောက်ထားရာ တွင်ဖြစ်စေ အထူးသဖြင့် လူမျိုးစုံအစ္စလာမ်ဘာသာဝင်၊  ဟိန္ဒူဘာသာဝင်များကို အဓိကထား ပြန်လည်စစ်ဆေးနေကြောင်း သိရှိရသည်။
၅။ ၁၉၅၅/၅၆ ခုနှစ်က သက်ဆိုင်ရာအာဏာပိုင်အဖွဲ့အစည်းများ၏ အမတ  ထုတ်ပေးခဲ့ခြင်းမှာ သေချာစွာစိစစ်ခြင်းမရှိဘဲ ဆောင်ရွက်ခဲ့ကြောင်း နှစ်ပေါင်း(၃၅)နှစ် အကြာ လ၀ကတွင် တာဝန်ရှိသူက
ပြန်လည် သုံးသပ် ဆုံးဖြတ်ခြင်း သည် ၁၉၅၅/၁၉၅၆ အတွင်းက လ၀က၀န်ထမ်းများ၏ ဆောင်ရွက်ခဲ့ခြင်း တရားမ၀င်ဟုနောက်ကြောင်းပြန်ဆုံးဖြတ်ရာကျရောက်နေပါသည်။
        ထို့အပြင် ၁၉၈၉/၉၀ အတွင်းက နိုင် ၆(က) ကို လူမျိုးအသီးသီးမှမွတ်စလင်နှင့်  ဟိန္ဒူများအား ထုတ်ပေးခဲ့ခြင်းမှာ အလျင်စလိုဆောင်ရွက်ခဲ့ခြင်းဖြစ်သည်ဟု နှစ်ပေါင်း(၃၀)နီးပါးခန့် အကြာ လ၀ကတွင် တာဝန်ရှိသူက ပြန်လည်သုံးသပ်ဆုံးဖြတ်ခဲပြီး နိုင် ၆(က) ထုတ်ပေးခဲ့ခြင်းအပေါ် သံသယ စာရင်း ရေးသွင်းထားခြင်းမှာလည်း  နောက်ကြောင်းပြန် ဆုံးဖြတ်ရာ ကျရောက်နေပါသည်။
၆။ ၁၉၅၁ခုနှစ် ပြည်ထောင်စုမြန်မာနိုင်ငံအတွင်း နေထိုင်သူများမှတ်ပုံတင်ခြင်းဥပဒေအရ နေထိုင်သူများကို မှတ်ပုံတင်ရာတွင် Pilot Project အဖြစ် ၁၉၅၅ ခုနှစ်တွင် မောင်တော နှင့် သန်လျင်မြို့နှစ်မြို့ကိုကောက်ခဲ့ရာ
– ၁၉၄၈ ခုနှစ်မတိုင်မီ (၁၀)နှစ်အတွင်း အနည်းဆုံး မြန်မာနိုင်ငံအတွင်း (၈)နှစ်အထိ  နေထိုင်ဖူးသူများမိဘပါးဘိုးဘွား၎ဦးနှင့်တကွမိမိကိုယ်တိုင်ပြည်တွင်းမွေးဖွားနေထိုင်ပြီးသူများနှင့်၎င်းတို့မှ မွေးဖွားလာသူများကို ၁၉၄၇ ခုနှစ် ဖွဲ့စည်းပုံ အခြေခံ  ဥပဒေနှင့်အညီ မောင်တော (MDW)
အက္ခရာနောက်တွင် ဂဏန်း(၆)လုံးဖြင့်  ပုံစံ(၁)တွင် မှတ်ပုံတင်ပေးခဲ့ပါသည်။ လူမျိုးကို ဘင်္ဂါလီလူမျိုး၊ ရိုဟင်ဂျာလူမျိုး၊ “ပ”လူမျိုး၊ “တ”လူမျိုးစသည်ဖြင့် ရေးသွင်းပေးခဲ့ပါသည်။ (“ပ”လူမျိုးဆိုသည်မှာ ပြည်ထောင်စု လူမျိုး၊ “တ”လူမျိုးဆိုသည်မှာ တိုင်းရင်းသားလူမျုိးဖြစ်သည်။) (လွှတ်တော် တွင် လွှတ်တော်အမတ်ဒေါ်အေးညွန့် နှင့် ပြည်ထဲရေးဝန်ကြီးတို့၏ အမေးအဖြေ ကိုကြည့်ပါ။)
– ဘင်္ဂါလီလူမျိုးအချို့မှာ ပါကစ္စတန်နိုင်ငံက ၀င်ရောက်လာပြီးရခိုင်ပြည်တွင်  အမြဲနေထိုင် ကြောင်းတွေ့ရှိရလျှင် (MDW)နောက်ကဂဏန်း(၅)လုံးဖြင့် ပုံစံ(၁)တွင် မှတ်ပုံတင်ပေး ခဲ့ပါသည်။ ရခိုင်ပြည်နယ်တွင် ဂဏန်း(၅)လုံးပါ နိုင်ငံခြားသား(၂၀၀၀)ထောင်ကျော် ရှိခဲ့ကြောင်း တွေ့ရှိရပါသည်။
– Pilot Porject ဆိုသည်မှာ တစ်နိုင်ငံလုံးရှိ လ၀က၀န်ထမ်းများစုစည်းပြီး သေချာစွာကောက်ခံခဲ့သော လုပ်ငန်းဖြစ်၍ မှော်ဝန်းသားတင်ပြသကဲ့သို့  ဘင်္ဂါလီများကို ခိုးသွင်းပြီး အမတ ကိုင်ဆောင်စေ
ခဲ့သည် ဆိုခြင်းမှာ  အထောက်အထားမဲ့ ပြောဆိုခြင်းသာဖြစ်ပါသည်။
– မှော်ဝန်းသားစာအုပ် စာမျက်နှာ(၇)တွင် ၁၈၂၃ ခုနှစ်က ဘင်္ဂါလီဦးရေ (၁၀၉၆၄၅)ရှိသည်ဟု ဖော်ပြထားရာ ထိုစဉ်က ရခိုင်ပြည်နယ်အုပ်ချုပ်ရေးမှူး Paton ၏ (၉-၆-၁၈၂၆)ရက်စွဲပါ အစီရင်ခံစာပါ
ဂဏာန်းနှင့်နီးစပ်သဖြင့် အငြင်းပွားရန်  မရှိသော်လည်း ထိုအရေအတွက်သည် ရခိုင်ပြည်နယ် လူဦးရေ၏ (၃၀)ရခိုင်နှုန်း ဖြစ်ပါသည်။  ဗမာ (၁၀)ရာခိုင်နှုန်း ၊ ရခိုင်(၆၀)ရာခိုင်နှုန်း ရှိသဖြင့် ထိုမွတ်စလင်များမှာရခိုင်လူမျိုး၏ ထက်ဝက်သာရှိကြောင်း သိရှိရသည်။
– ပုံစံ(၁)တွင်စာရင်းသွင်းပြီး အမတ ထုတ်ပေးခဲ့ရာတွင် မွတ်စလင်များအား ထုတ်ပေးခဲ့သော အမတအရေအတွက်သည် ရခိုင်ပြည်နယ်အတွင်းရှိ လူဦးရေ၏ (၃၀)ရာခိုင်နှုန်းထက် ကျော်လွန် ခဲ့ခြင်းရှိမည်ဆိုပါက
မှော်ဝန်းသား၏စွပ်စွဲချက်ကို လက်ခံနိုင်ရန်ရှိသော်လည်း ထိုကဲ့သို့(၃၀)ရာခိုင်နှုန်းပင် မပြည့်ဆိုပါက ၎င်းသည်ထင်မြင်ချက်ဖြင့်စွပ်စွဲချက်သာဖြစ်ကြောင်း ကောက်ယူသုံးသပ်ရမည်ဖြစ်ပါသည်။
– မှော်ဝန်းသားက ၁၈၂၃ ခုနှစ် ရခိုင်ပြည်၏ လူဦးရေ(၃၀)ရာခိုင်နှုန်းမှာ မွတ်စလင်ဖြစ်ကြောင်း  စာရင်းဇယားအရတွေ့ရှိရပါလျှင် ဘိုးတော်ဘုရား၏  အမိန့်တော်တမ်းကြီး အတွဲ(၂)တွင်ဖော်ပြ ထား သောသီးခြားပြန်တမ်းပါ  ပသီကုလားများကို မြန်မာနိုင်ငံ၏တိုင်းရင်းသားအဖြစ်ပင် ထည့်သွင်း  ဖော်ပြရမည်ဖြစ်ပါသည်။
၇။ ၁၉၈၉/၁၉၉၀ ခုနှစ်အတွင်းမှ ၂၀၁၇ ခုနှစ်အထိ နောက်နှစ်(၃၀)နီးပါးအကြာတွင် လက်ရှိ လ၀က၀န်ထမ်းများကတဖန် နိုင်ငံသားစိစစ်ရေးကတ်ရရှိထားသူများကို ပြန်လည် စိစစ်ပြီး ပုံစံ နိုင် ၆(က)ကို ပြန်လည်ရုပ်သိမ်းမည်ဆိုပါက ထိုကတ်ကိုအကြောင်းပြု၍  နိုင်ငံသားများသာဝယ်ယူ
ပိုင်ခွင့်ရှိသော ပစ္စည်းများ၊ ထမ်းဆောင်ပိုင်ခွင့်ရှိသော ရာထူးများရရှိခံစားခွင့်ရှိသောပင်စင်အပါအ၀င် အခွင့်အရေးအရပ်ရပ်တို့အပြင် သားစဉ်မြေးဆက်ပါ  မကျန် နိုင်ငံသားမဟုတ်သေးသော NVC Card ဖြင့်စိစစ်ခံရမည်သူများဘ၀သို့ ကျရောက်  သွားမည် ဆို ပါလျှင် လ၀ကကိုမည်သူက အယုံအကြည် ရှိပါတော့မည်နည်း။

၈။ NVC Card ကိုင်ပြီး နောက်အနှစ်(၃၀)အကြာ နိုင်ငံသားမဟုတ်ဘဲ NVC Card  ကိုင်ခဲ့ခြင်းမှာမှားယွင်း သဖြင့် FRC လက်မှတ်ဖြင့် လဲလှယ်ရန် ပြောဆိုသူများသည်  နိုင်ငံတော်တွင် ပေါ်ပေါက်လာနိုင်ခြေရှိသဖြင့် လ၀ကကို ပြည်သူများက  အယုံအကြည် မဲ့ရခြင်းဖြစ်ပါကြောင်း တင်ပြလိုပါသည်။
Share:

0 comments:

Post a Comment

ရိုဟင်ဂျာများအတွက် လုံခြုံသည့်နယ်မြေတစ်ခု တည်ထောင်ပြီး အိန္ဒိယ၊ တရုတ်နှင့် အာဆီယံနိုင်ငံ စောင့်ကြည့်ရန် လိုအပ်ဟု ဘင်္ဂလားဒေ့ရှ် နိုင်ငံခြားရေးဝန်ကြီးပြော

Posted on February 09, 2019   အိန္ဒိယဝန်ကြီးချုပ် မိုဒီနှင့် ဘင်္ဂလားဒေ့ရ်ှနိုင်ငံခြားရေးဝန်ကြီး မိုမန်တို့ ဖေဖော်ဝါရီလ (၇)...

Blog Archive

Theme Support

Need our help to upload or customize this blogger template? Contact me with details about the theme customization you need.